دروس في الجنس

[الريس]

مرحبا ، كيفكون ،

أنا شاييف انو المجتمع عنا في عندو جهل كتيير بالمواضيع الجنسية ، يعني بيتزوج الشب ، وما بيعرف كيفية الإيلاج ، والبنت ما عارفة شو بتعمل ، ولك في منهم بيهربوا ، بتسكر الأوضة على حالها وبتقعد تبكي متل كأنو ابن عامها غريب عنها ، فحبيت أنا احكي بهل الموضوع من ناحية نفسية ومن ناحية عملية ، أكيد مع انضباط في الكلام والمشاركات .

بس حابب أعرف شو رأييكم انتو ؟

[kalamoun_28]

الريّس بمون, لعيونك يا زعيم أيّ موضوع تحب أن تطرحه .... كرمال هالعيون, بترخص مرجعيون .... حبيب الشعب

[Nader 3:16]

اكيد غير موافق و ما تسأل لأنو ما لاك علاقة!!!!!!!!!!!!!!!!!!!

و الله هذا يلي كان ناقص!!!!!!1

[الريس]

أهلا وسهلا ، بالمعلّم نزيه ، كيف حالك يا رجل ؟ كيف هالمرة ؟ ان شاء الله ما عم تعذبك ؟ كبير انت يا معلم نزيه انت وردودك ، على فكرة كتيير كان ردك حلو بموضوع حماس .

ويا خيي نادر ، ويا جميع الاخوة ، أول شي بقول اذا الواحد عندو انتقاد من باب شرعي أو أي باب تاني ، فيتفضل يناقشنا ......

أنا بقبل اسمع من مين ما كان ، وبقبل ناقش وحاور ، وأصلا أنا جاية لهون لحتى ناقش ولحتى حاور وأخد وأعطي ، وما بقبل من حدا انو يسفهلي بكلامي أبدا أبدا ، يلي عندو اعتراض يتفضل يناقش وأشهد الله اني مستعد ارجع عن رأيي في اللحظة يلي بيتبين لي اني على خطأ ، بس يلي بعصب انو الواحد بكون فايت مفكر حالوا عم يناقش مواضيع جدية ، فبيطلعلوا ناس آخدين القصة لعب ومزح ....

[Nader 3:16]

ليك يا معلك انا ما بقول انو هالشغلات منها مهمة...بس انها تنطرح عالمنتدى؟؟؟؟

يا اخي في ولاد صغار بفوتوا عل المنتدى و منهم اخواتي ....و ما حدا الاّ بدو يدخل عالموضوع من باب الفضول ...بعدبن يلي بدو يتزوج في كتيير كتب تتحدث بشكل واسع عن هذه الأمور....
فلا داعي لطرح هكذا مواضيع...و اصلاً ما لازم المشرفين يتركوا هيك موضوع ينطرح برأيي الشخصي....و بعدين اصطفلوا!!!!!!!!!!!!!

[الريس]

أنا بدي اسأل ليش هل التعقيد الزايد عن اللزوم ؟؟؟

يعني الولد اذا فات وقري مواضيع جنسية ، ما رح تكون عندو الا بمثابة معلومات اكتسبها ، يعني ولا مرّة ولد قري موضوع علمي في كيفية التعامل بين الأزواج ، فراح اندار على السكر والتحشيش و... يعني ما بعرف ليش هيك بتحبوا تعقدوها .

انت يا نادر اذا كنت عم تقري ابنك أو أخوك أو يلي هو .... اذا كنت عم تدرسو قرآن ، وسألت شو معنى (ثيبات أترابا) أو شو معنى (كواعب أترابا) شو بتقللوا ، هدال مش للولاد الصغار هدال ربنا نزلهم للي عمرهم فوق ال16 أو مدلري اديش وبس .

القرآن كتاب لجميع البشر ولمختلف الأعمار وورد فيه ذكر لأمور عديدة من هذا القبيل ، سواء أكان ذلك في قصة يوسف التي تدرس للأولاد ، أو في الآية التي ذكرت ، أو في جزء قد سمع ، عن الحيض و... ولك اذا الواحد سأل شو معنى (يظاهرون) شو بتقللوا ؟؟؟؟؟؟؟

[النايتروس]

لك شو قصتك يا ريس شو ما عم فيك تضبط ؟ لووووووووووول بس اذا بدك تحكى حكى لكن ما فى داعى لأنو كلنا منكزر بالشارع و منعرف منيح بهالخصوص .
على كلن اذا ما فشيت خلقك هون ظبطلك سهرة بالناغى .
مع تحيات النايتروس nitrous oxide system

[ساميا]

السلام عليكم
إلى ضيفنا الجديد النايتروس:
أرجو منك ومن جميع الأعضاء الإلتزام بالشروط والضوابط المحددة للمشاركات ، وأن يكون النقد أو الإيحاء موجهاً للموضوع نفسه وليس للشخص الذي يطرح الموضوع وذلك تجنباً للتجريح الشخصي أو الإهانات التي تجر إلى مشاكل نحن بغنى عنها...
أنا إن حذفت لك أول مشاركة لك في منتدانا ربما تغضب وتعتبر ذلك تحيزاً أو إستهدافاً أو ترحيباً سيئاً بضيف جديد، لكن بالمقابل إن الأخ الجديد الذي إنضم إلينا وإرتضى لنفسه التسجيل في منتدانا، هذا يعني ضمناً أنه ملتزم بشروطنا مطبقاً لها...
أرجو من كل من يقرأ هذا الكلام أن يفهم القصد من ورائه ونتعاون جميعاً على تطبيقه
ويا هلا بالجميع