bluetooth
السلام عليكم و رحمة الله و بركاته.......
متل ما منعرف يا شباب إنو الإنسان بمر بمرحلة و بنتقل فييا منam لل pm و هالإنتقال بسبب وجع رهيب بالراس و كمان مش هينة الؤصة لما بتجي ال 9 pm لأن هون بيبلش الضياع.... و الpanadol مهم بهالمرحلة.... يوم ورا يوم و بيقدم الإنسان عالإنتحار... و بيموت و سرو معو بيروح بس مش عطول يا أبناء الملة.... لأن هالقصة يرويها أحد الإخوة الميتين, عن قصة, قضية تضرب أواسط المجتمعات و العيل, الكبيرة منها و الصغيرة, الغنية و الفقيرة, الطويلة و القصيرة, المشردة و المضبوبة, المحطمة و الملحومة, المفككة و المبعثرة و كل الأنواع لي بتخطر عا بالكن....
إنه بلوتوث, شاب ولد وحيداً بين 12 شب و بنت, في عائلة دخلها متوسط يكفيها لعيشة مستورة... عنجد هو وحيد ما عندو إخوة... ولد سنة 1990 في 22 تشرين الثاني, و كانت لولادته تأثيراً إيجابياً, فقد كانت علامات الإنفصال تظهرفي المنزل بين الأب و زوجته و الأسباب كثيرة و منها أن الزوجة بارك الله فيها لا تطبخ بسمنة المراعي....جاء بلوتوث و بدأت صرخاته المستتبة تعلو غرف المستشفى... إنها الساعة 9 pm ساعة ولادته المليئة بالعبقات الإيمانية المكللة بالحضرات الصوفية و الأناشيد الدينية و الآيات القرآنية.....
هنا تبدأ رحلة الحياة الممتلئة بالطلعات و النزلات, الكثير من المشكلات, التعب و الإرهاق, الإستيقاظ و النوم, الرد على الأهل و الهاتف, المدرسة و سئالة الأساتذة, الجامعة و التعرف عا أنواع الناس من الضنية الأبية و عكار الغالية و طرابلس الفيحاء و المنية الحبيبة و أكروم الله يرحما( عا راسي أهل أكرومDو تحية للبنان و أهل لبنان و بوجه تحية لجميع اللبنانيين بالخارج و ماتجو لهون يمكن تعلء P:.................
هنا بدأ بلوتوث من الصفر و الإنسان كالشريط بيبدي يتعبا من لما يخلأ وللأهل دور كبير في ذلك... أول شي ما بيكون عنا سنان نوكول فا شو المفروض الأم تطعمينا؟؟؟؟ أكيد مش سمك و دجاج و هيك شغلات و كمان في دعاية لحفاضات hugies إنو بيحضن الطفل مثل الأم, يا سلام عالحنية... و بيربى الولد إدام الأهل و وبيكبر و البسمات تعلو وجوه ؤمو و بو, و بيجيبولو لي بدو ياه, و بيعلمو و كتير شغلات كمان..... و هنا ندع الكلام لبلوتوث: كبرت شوية شوية و أهلي ما بشوفون كتير... إلا لما كنت طفل ظغير, كانت الماما توخدني وين ا راحت, لحديت ما صرت شب كبير بنظر أهلي بس أنا ما كنت مستعد لكفي حياتي وحدي و ما فيني إتكل عا حالي أبدأ, كنت عطول محتاج لمساعدة, ؤمي عطول صبحيات مع رفئاتا و أهوة و دخان و حكي عالعالم..... وئت ترجع عالبيت ترجع عالكزار و بعد الكزار سهرة ل حديت ما يجي الباب... و البابا كان كل يوم يروح بكير الصبح عالشغل و ما يرجع للعشى.... و الماما ما تجي إلا لما يجي من شغلو لحتى يوكول و تكون معو.....
صرت شوف أمي وئت فيء عالمدرسة و روح و لما يجي البابا و بس يجي البابا يكون وئت نومي أنا... أنا هلأ شب و لازم حدن يكون حدي بمشاكلي تا إحكيلو و مين غير الأم مناسب لهل المواضيع؟؟؟ ما حدن... بس الأم للأسف مشغولة بحالا و بشكلا و صبحياتا و كزارا و سهراتا و أنا ما شي بحياتا, جابتني لا إتفرج عليا و إتعذب إداما, و هي مش سئلانه.... البابا؟؟؟ بالشغل أوئات بجي رح إنسى شكلو كيف...مشاكل؟؟؟ كل ما يجي البابا عالبيت علئة مع أمي كرمال ؤصة الغيرة و الشك و وين كنتي؟ و ليش طولت بالشغل؟؟؟؟....... شي بضحك... وأنا؟؟؟ أنا تعبت من مشاكلن لي بتصير إدامي و عطول فكر فييا و مشاكلي لي كانت لي وحدي و ما حدن يشاركني فييا... سنة ورا سنة و صرت بصف الباكالوريا و أنا sv و أهلي تاركيني وحدي بمعمعة الحياة, تعودت ما شوفون و لا إحكي معن و هنه من الأصل مش مفكرين يوم من الإيام يسئلوني كيفك؟؟ و كيف مدرستك؟؟ و شبدك؟؟؟ هالأسئلة أنا بحلم فييا أنا و نايم.......... كل يوم بفيئ عم إبكي لأن بشوف منامات إنو أهلي إدامي عم يضحكو و أنا عم إتعذب بدي يساعدوني...... صرت فيئ لوحدي عالمدرسة لأن الماما صارت عم تنسى تفيئني, و يمكن نسيت وين غرفتي صارت بالبيت..... درس؟؟؟ صحيح هادا وضعي بس ما فيني ما ؤدرس... تعرفت بشب صرت أدرس معو عطول... و أدمنا الشهادة و نجحنا الحمدلله... بس الفرحة كانت لي وحدي و ما سمعت كلمة مبروك من أمي لي ربتني 9 أشهر برحمها و تعبت في ولادتي و تربيتي.. ولكن نسيتني و التهت بالدنيا و مظاهرها... البابا ما عرف أصلاً إني أدمت شهادة, ولك ما بيعرف بأي صف أنا... دين؟؟؟؟؟؟ ما عندي غير هالمدرسة لي ما بتهتم بالدين... همما العلم و بس.... أكيد رح كون بعيد عن الدين..... أهلي بحياتن ما آلولي صلي هالفرض أو كم ركعة الصبح أو بالوضوء لازم تعمل هيك أو هيك...... الحياة؟؟؟ صعبة بهالظروف.....صرت بالجامعة و هون أنا صرت إخلم تا شوف أهلي... تركوني وحدي... صرت إنجح بصعوبة و عطول مهدد بالصؤوت... لك عالحفة بنجح... أنا و عم بدرس بفكر ليش أمي هيك و ليش البابا هيك.... و بتردد بطلب شي منن لأن صرت بستحي منن متل كأنن شخص غريب....... مصريات؟؟؟ البابا بيحطلي تحت مخدتي أبل ما يروح للشغل..... مرة عملت حالي نايم.... فات أبي و ما تطلع فيي بالمرة حط المصريات بسرعة و راح......غريب كيف أب في يكون ألبو آسي هيك...حكي بين أهلي بطل في و لك حتى أكل بطلت أمي تعمل.... أهملتني و أهملت زوجا.... أوآت كنت حس مني إبنن...... معاملتن مش مظبوتة بين بعضن و معي كمان.......بالجامعة: شفت بنت كتير حلوة انشديت لها هي أظغر مني, عجبتني بجنون, صرت بدي أعمل أي شي تا إتعرف علييا.... عملتلا آد عالفيسبوك...... و بلشت حكي معا من بعبد لبعيد.... عرفت أنا مين..... و مشكلة صغيرة عملتلي remove بس خدت بريدا الإلكتروني عالهوتميل و بلشت حكييا و أنا بصراحة تعلأت فييا و صرت غار عليا و متل كأني حبيتا من بعيد... و فزعان من إني ؤللا هالشي....ما إويت ألبي و حكيت..... خبيت هالشي...... ما عرفت كني عنيتلا يوم من الإيام و كنا خست علي.... بس ضليت حكيا و إحكيلا همومي و حس بالرياحة لما إحكيلا...... مرة... زعلت من شغلة أنا عملتا و بطلت تحكيني بالمرة.... و هون أنا حسيت إني صرت لحالي بعتمة مش شايف شي.... و حسيت الدني تسكرت بوشي.... و صرت أرسب بالجامعة و هملت شكلي و صرت إطلع عالجامعة مش مرتب و صار الحمام عندي متل العيد....... ئرفت من هالحياة....ضجرت من عيشتي البتجنن.... لتجأت لأهلي مرة جديدة ما لأيتن... أبي طلأ الماما و الماما مصاحبة ما شاء الله و البابا طلع متزوج عا أمي الله يبارك في.... شبعمل بهالحالة؟؟؟؟؟ ما فكرت ما شغلت راسي أبداً........رحت عالبيت لي أهلي تركولي ياه بالعتمة تبعيتو و مشاكلن لي ما بنسيا..... ضليت إبكي كل الليل و أتذكر الشغلات الحلوة يلي م عرفتا إلا مع البنت لي عجبتني بالجامعة...... بس ما دامت الؤصة....و تذكرت إنو حياتي تعيسة و بطل عندي هدف عيش كرمال.... صرت أعمل كل شي بأرف... غالجامعة إطلع بأرف.... الأكل ؤكول بأرف, درسي بأرف رفؤتي خياتي كلا أرف...... صرت فكر أنتئم من أهلي و الناس لي عذبوني... ما طلع براسي إلا الإنتحار... هيك بحسو أهلي بالذنب و يمكن يبكو عليي.... البنت لي تركتني يمكن تتذكرني بشي دمعة.... الحياة لي عايشا بنهيا.... آه عنجد هيك بكون نهيتا...... و فعلاً ما طولت بالتفكير... فكرة حلوة و بتريح... ما بتسدؤو ديش كنت مزعوج وئتا... و ديش عجبتني الفكرة تا إنهي حياتي... ما هددت و لا حكيت إدام حدن... جبت بارودة كانت عننا بالبيت... حطيت الخرطوش... و وجهت بوز البارودة عا راسي و أصبعي عالزناد..... ما فكرت أشهد حتتى كل همي كان إنهي حياتي.... و انطلقت النار.... و الدم تللا المكان.... و أنا متت فورا.... حسيت إني صرت حر.....ارتحت عنجد...... أهلي عرفو و بصراحة عنجد بكيو عليي و هالشي بصطني........ أنا هلأ ميت و أهلي ما فيون يعملو شي تا يرجعوني... أكيد عم يتمنو و يتوجعو بالليل لا إرجع و يحسنو علائتن معي.... أنا هيك مرتاح... خلين يتعبو.........
سلام عليكم
رد مع اقتباس
... انو محرزة الواحد ينتحر منشان هل الدنية !! هيك بتطلع فواخرة (يعني لا دنية ولا آخرة) 
المشاركة الأصلية كتبت بواسطة الوسام
