المساعد الشخصي الرقمي

مشاهدة النسخة كاملة : مسلسل باب الحارة : عادات إسلاميه أم مفاهيم شيطانيه


عمار الفلو
02-10-2007, 05:13 PM
السلام عليكم

بعد أن رأيت أن أكثر أعضاء المنتدى يشاهدون مسلسل باب الحارة فأحببت أن أسأل كل عضو مشاهد للمسلسل برأيه نظرا لأن بعض الأعضاء ( الأخ معترض و .. ) آخدين القصه كأنها قدوة

و سأبدأ بنفسي :

فإني أرى أن به الكثير من المفاهيم المغلوطه و البعيدة عن الإسلام وهي تقريبا تشكل نصف مشاهد المسلسل

أولا : التعامل بقسوة مع النساء ( ولك مين الرجال بالبيت أنا ولا إنتي ) و عدم أخذ رأيهم و عدم السماح لهم حتى بالإستفسار و السؤال

ثانيا : تعليم النساء الغيبة و النميمة و أن الجيران أعداء فيلي بتخرب بيوت أكتر بتكون أشطر

ُثالثا : قصة السحر ، مع أنه من المعلوم أن التعامل بالسحر حرام من أصله

ولك إذا بدك تحضر حضار بس متفكرلي حالك إنت و عم تحضر كأنك عم تصلي شي سنه أو تتصدق عشي مسكين أو عم تقوم الليل و لك كلا ّ قصه و ضررها أكتر من نفعها و كتير بعيده عن المفاهيم الإسلاميه
Nader 3:16
02-10-2007, 05:20 PM
معك حق ...صحيح بوقتهم كانوا حريصين على عرضهم بس التعامل بين المرة والرجال كان استبدادي...........
بس بيني و بينك بضلوا افضل مننا ....انو بإيامنا ما في عادات منها النميمة و الغيبة و ما بعرف ايش...

و عالقليلة كانت البنت ما تطلع برات بيتها الا مغطية اما هلء .....
محمد أحمد الفلو
02-10-2007, 06:01 PM
والله ما في أبشع من دعاوي النسوان بالمسلسل!!!!
بس هيه لو ما فيا كلمات طالعه نازله ما كانت حلوه ( متل لما بتقلوا المرا بنعومه: ابن عميييي؛ فبيقلامتل الوحش سدي حلقك)
بس يمكن المجتمع وقتا كان هيك إلتزامو .. فالله بعت كل الأمم تتحاربن
دوكر
02-10-2007, 07:21 PM
الله معك يا معلم عمار...
ينصر دينك...الله معك يا عكيد...
معك حق...
Nader 3:16
02-10-2007, 08:16 PM
درمل من هون ولا دوكر درمل....روح شوف حارة تانية تبيع فيها!!!!!!!!
دوكر
02-10-2007, 08:41 PM
ليك ولا ابن السبع...ولي من هون ابل ما اعملك شي بدن أتل ...
وسيم أحمد الفلو
02-10-2007, 08:47 PM
إذا طعنت من الخلف , فاعلم أنك في المقدمة

هالشعار حلو يا سيد دوكر
Nader 3:16
02-10-2007, 10:23 PM
نحنا بحماية العكيد عمارّ ....ولك دوووووووووووووووووع
دوكر
02-10-2007, 10:47 PM
يا هلا بالمعلم وسيم و يسلمو ع المجاملة...
وانتا يا نادر لو م حتميت بالعكيد عمار لكنا و رجيناك ...
عمار الفلو
03-10-2007, 02:07 AM
يا هلا باالشباب , أهلين بالزغرتيه

و كل واحد بيتحركش بحارة المنتدى بفقعو شبرية بنص راسو و بفلصو عينيه فلعصه
wishes
03-10-2007, 02:12 AM
كل واحد بيتحركش بحارة المنتدى بفقعو شبرية بنص راسو و بفلصو عينيه فلعصه

الهيئة محدا بيحضر باب الحارة قدك
عشو عاملنا هالموضوع لكن؟
Nader 3:16
03-10-2007, 02:44 AM
اي سحاب كنّك قبضاي........

اي و الله توصل الدم للركب....ولك انا سيد مين ضرب شبرية بالشام كلها و اليوم يا قاتل يا مقتول!!!!!!!!!!!
عمار الفلو
03-10-2007, 07:18 PM
إنو معقوله واحد يكتب موضوع عن مسلسل منو حاضرو

أولا كيف بدو يكتب عن شغله منو سامع عنها شي

و ثانيا ببطل في موضوعيه بالكتابه .
عمار الفلو
04-10-2007, 12:40 AM
و كمان اسان شغاة منها عاجبتني بالمسلسل

إنو كيف بيقبلوا بالإحتلال , قال أبضايات و زغرتات و ...

و المحتل الفرنسي حدن و هن ّ قاعدين

و لك وين المقاومة و ينها ؟؟؟؟؟؟؟؟؟
Nader 3:16
03-09-2008, 04:41 PM
و كمان اسان شغاة منها عاجبتني بالمسلسل

إنو كيف بيقبلوا بالإحتلال , قال أبضايات و زغرتات و ...

و المحتل الفرنسي حدن و هن ّ قاعدين

و لك وين المقاومة و ينها ؟؟؟؟؟؟؟؟؟

شكلو بالجزء التالت في شي من هالحكي......و انتا يا دوكر هلء انا بحماية نفسي!!!! ارب كنّك رجاّل
و رح اعطي رأي ببعض المسائل في المسلسل اسلتكمالا و تأكيد لما اورده عمار في بداية الموضوع
كتيييير من العالم بفكّروا انو هالناس بهاديكا الايام كانت عايشة حياة اسلامية حقيقية لكن هناك الكثير من الافكار الشيطانية الممزوجة بطابع الاسلام....و رح اعطيكم امثلة!!!!!!...

فكر اسلامي ان يهتم الناس في تلك الحقبة بالحشمة و الالتزام عند المرأة و لكن من العادات الشيطانية ان تقوم الخلافات و الغيبة بين نسوان الحارة كما يزعمون و عدم التعاطي مع المشاكل بطريقة اسلامية.

فكر اسلامي ان يكون الجميع ممن يقومون لصلاة الصبح و كل ابناء الحارة يحبون بعضهم ...و لكن فكر شيطاني ان يرفعوا الشبريات بوجه الحارات الاخرى.

فكر اسلامي ان يخاف العريس على عرض زوجته و فكر شيطاني ان يقول كلام بذيء بوجهها.
فكر اسلامي ان يناصروا المجاهدين و فكر شيطاني ان يكون هنالك تارات بين الحارات.و بينما لا نرى المشايخ تتدخل لوقف العراك...
فالفكرة التي اريد ان اوصلها انو الواحد لازم يحذر من بعض العادات الشيطانية المتخفية بغطاء الاسلام.
عمار الفلو
04-09-2008, 11:44 AM
شكلو يا نادر عم تتابع بقوة تقدرت تعطي كل هادي التحليلات من كم حلقة

أنا هالسنة محضرت إسّان و لا حلقة فمفيني علق على الموضوع

شكرا للمشاركة نادر