هل بتلاقي دائماً مين.................

[shanzimer6]

السلام عليكم ورحمة الله وبركاته: :)
مواقف... هي الغريبة من نوعها التي تحصل مع كل فرد كتبت له الحياة على وجه هذه الكرة الأرضية, مع أشخاص محدّدين, ومكان بات معروفاً, يرتاده دائماً, وواقع أليم , وذاكرة ضعيفة, ووجع مرير, وظلام دامس, وفكر لاذع, وضجيج صاخب, و....
فهل بتلاقي دائماً مين:
* بيقدّر موقفك, مشاعرك من حزن وفرح , شغلك ومشاغلك, تعبك وأرقك...
* يكرمك...
* يوقف جنبك في أوقات المحن, وأصعب اللحظات...
* يسمعك, ويحاول ينصحك...
* يساعدك, سواء كانت المساعدة مادية أو معنوية, ملموسة أو خفية...
* يحترمك بما للاحترام من تعريفات في القوانين والدساتير والشرائع وبما شرّعه الناس بينهم...
* يحبّك في الله, ليس لمصلحة شخصية...
* يحتفظ بسرّك , ولا يبوح به لكائن من كان, تحت أي ظرف كان...
* يستحقّ أن تضحّي من أجله....
.................................................. .................................................
إذا التقيت بشخص ( أو أشخاص), قدّروا أهميتك, اعترفوا بوجودك كعنصر حساس لك مشاعر ( لا مجرد جسد)...
إذا أحسست بأنك في المكان غير المناسب, مع أشخاص غير مناسبين, في زمن تستطيع بشخصك وكيانك أن تغيّره...فبمجرد أن يتملّكك هذا الشعور, فاعلم أن الأوهام ستعيش معك, والأحلام سترقد بديارك, والعيون ستذرف ندماً وحسرة, لا بل ستسيطر عليك أشباح الكراهية http://www.geocities.com/pic_for123/167.gif, ولن تقدر أن تستمر فترة طويلة, فإما أن تنهي هذا الواقع, وإما أن تنتظر حتى يأخذ الله أمانته....
واخيراً, الانسان كائن بشري, إذا أردت أن توجه بسمة في وجهه فلتجعلها مكللة بأجواء من الفرح والسعادة تغمر الآخر, وتجعله يلتمس ذلك بمجرد النظر إلى وجهك الكريم.... هذا أبسط شيء ممكن أن تقوم به لتتقرب من الناس.....
" التمس لأخيك ألف عذر قبل محاسبته والتعليق عليه "...واسع إلى نشر أجواء الألفة والمحبة بين البشر, كي تؤدي رسالتك في هذه الحياة, ولا تظهر انطباعاً فظاً مع غيرك, لا بكلامك, ولا بأحلامك. قال رسول الله صلى الله عليه وسلم:" تبسّمك في وجه أخيك صدقة". http://www.geocities.com/pic_for123/236.gif
وقال تعالى:" ولو كنت فظاً غليظ القلب لانفضّوا من حولك".
والسلام على من اتبع الهدى, وسار على نهج المصطفى عليه الصلاة والسلام. http://www.geocities.com/pic_for123/121.gif

[دوكر]

يا هلا بالست شانزيمر سته...........
موضوع رائع.......زكرتني من خلالو بإنسان بعزو كتير........بإنسان لو كل الدنية صارت زرة بنظري .....يوسعلي صدري......انسان من اروع الناس .......انسان التعامل معو كأني عم اتعامل مع حالي.........انا و ياه متل ؤطعة واحدة........يمكن تفكروني عم بالغ......لأ بالعكس تمام يمكن مني عم اعطي الؤصة حءا.........هدا الإنسان.....هو الصديق.......رفيق الدرب......الأخ في الله........بكل ما تحمل هذه الكلمات من معاني......
هو الذي يقف معك في الازمات......
هو الذي يكفكف لك دوموعك......حين تضيق عليك آفاق الدنيا.........
تحاببت و إياه في الله.........نسأل الله ان يديم الود بيننا.................
بيسمعني......و بينصحني.......بينصحني في الله.......منو من شان يبين انو هو افهم مني........
حفظ لي اسرارا ......و حفظت اسراره......التعامل بيننا احب لي اخيك ما تحبه لنفسك..........هدي القاعدة لي كتار منا اليم بأولوا.....و بيفهموا بغير معانيا..........
يا الله..........يا ريتو معي بهل اللحظات...........يا الله......يا ريت فيني شوفو ......ت شوف ابتسامتو لي كانت ....و ما زالت بس اتزكرا......بنسا الدنية.....همومي بدوب........
الله يجزيه خير الجزاء.................
الله يبارك فيكي ع هل الموضوع.....عيش فيني الامل................
يا ريت بنعرف معنا الأخوة في الله .....معنى الصداقة..............
معنى النصح...........معنا الحب في الله..............في معاني كتير لازم نراجع حالنا و نرجع نعيد برمجت حالنا..............

يعطيكي العافية............
اخوكم دوكر المعوكر...............

[مصطفى معتوق]

موضوع مميز
مشكورة يا حجة

[Nader 3:16]

اولاًُ شكر خاص للأخت على الموضوع...

ثانياً شو قصتك يا عوكر دائماً بتترك فراغات بردّك.....شو نحنا بدنا نكفيها بالكلمات المناسبة...

اي هالطريقة مو عاجبتني بنوووووووووووب:mad:

و يا اهلين عم امزح معك ما تعصب:cool:

[أيمن غ القلموني]

السلام عليكم ورحمة الله وبركاته: :)
مواقف... هي الغريبة من نوعها التي تحصل مع كل فرد كتبت له الحياة على وجه هذه الكرة الأرضية, مع أشخاص محدّدين, ومكان بات معروفاً, يرتاده دائماً, وواقع أليم , وذاكرة ضعيفة, ووجع مرير, وظلام دامس, وفكر لاذع, وضجيج صاخب, و....
فهل بتلاقي دائماً مين:
* بيقدّر موقفك, مشاعرك من حزن وفرح , شغلك ومشاغلك, تعبك وأرقك...
* يكرمك...
* يوقف جنبك في أوقات المحن, وأصعب اللحظات...
* يسمعك, ويحاول ينصحك...
* يساعدك, سواء كانت المساعدة مادية أو معنوية, ملموسة أو خفية...
* يحترمك بما للاحترام من تعريفات في القوانين والدساتير والشرائع وبما شرّعه الناس بينهم...
* يحبّك في الله, ليس لمصلحة شخصية...
* يحتفظ بسرّك , ولا يبوح به لكائن من كان, تحت أي ظرف كان...
* يستحقّ أن تضحّي من أجله....
.................................................. .................................................


بيلتقى ما تعتلي همّ

بهذه الصفات وزيادة

والأخ دوكر ما غلط مع إن ما فهمنا مين بيقصد

[HARD]

والله يا ايمن انا عتلان هم والحمد لله الدنيا لم تشح من افاضل الناس .
اذا الواحد برم منيح بلاقي من يحمل متل بعض هذه الصفات وزيادة قولت الاخ ايمن .

[lina k]

:) سلام يا شانزيمر6شو هل الموضوع الحلو؟بس بديّ أكّدلك إنوّ هل الأشخاص موجودين بالدنيا بس بنسبة كتير قليلة.وإنتي أدرا ولو؟عكلّ شكرا جزيلا على هذا الموضوع الجميل.

[shanzimer6]

السلام عليكم:
شكراً عردودكم فرداً فرداً ( وبارودة بارودة كمان :d )...يعني ما بعرف بس الظاهر انكن عنجد متل ما قلتو في مين بهالعالم بيتمتع بهالصفات, والدليل موجود....بس أنا برأيي الشخصي, ما في أعزّ من الأم, الأب, الأخت, الأخ, الصهر, وانتو وماشيين بالعيلة, كمان الطفل الصغير, يلي شوفتو بتكفيني وبتنسيني كل آلامي بضحكة صغيرة منو ( قصدي عابن أختي زوزو الصغير)....في أصدقاء غير شكل,بس من فرقة بتنقي واحدة او تنين من ضمن الفرقة, وأنا اخترت الشانزي, من حارتي, ولينا من الحارة البعيدة, ....وفي أحيان بينكدو فبتمنى انسى الساعة يلي تعرفت علين, بس أكيد منو بإيدي ( ولا بإجري :d ) محفورين جوا , منسوخين ومطبوع منن نسخ, أدّ ما ضيعت نسخ بيضل في منن....الحمد لله ...هلأ بيفز دوكر بيقلي ليش هلأد متحيزتيلن :) غصبلعني, صارو ظلي, شقفة مني, والحمد لله ;)

[دوكر]

يا هلا بالشانزيمر6...
ههههه...م ح فز و لا شي...الله يخلكن لبعض...ههههه....
الله يخلكن لبعض...و هوني دمعتي ع خدي ...عم اتزكر ساعة الفرأ بيني و بين اعز الناس علي...

و الله لرجع ع بلادي....
ما بين اهلي و رفاقي...
غربة ...ما بدي غربة...
الغربة حرقت فؤادي...

[أيمن غ القلموني]

والله يا ايمن انا عتلان هم والحمد لله الدنيا لم تشح من افاضل الناس .
اذا الواحد برم منيح بلاقي من يحمل متل بعض هذه الصفات وزيادة قولت الاخ ايمن .


الله يبارك فيك

شو سمعنا عم تعمل زراعة:)

[shanzimer6]

الله يحفظك يا آدمي :)
الله لا يفرق بين المحبين, زعلتني, رح ابكي, كلو إلا الفراق :o الفراق صعب كتير ما في حدا منو مجربو....أحياناً بقول ما بدي اتعرف عحدا لأن بعرف انو لا بد ما يجي يوم صعب , لا بد ونفترق ...بس لازم ضل مبسوطة لأن عايشة بالقلمون مع كل يلي بحبن, بشوفن كل يوم, شوفتن أغلى من كل شي (انهم الاصدقاء) عذكر هالموضوع, ان شاء الله عن قريب رح نزل موضوع عن الاصدقاء.
الله يرجعك عالضيعة من هونولولو:D ....ما بعرف من وين؟؟ الله يكون بعون الجميع... وهلأ سلام

[HARD]

الله يبارك فيك

شو سمعنا عم تعمل زراعة:)


والله انا لو فيني كنت عملت زراعة واجمل مشروع بندورة ومقته رح اعمل بس بدها نتفة وقت اذا شاء الله
بس زراعة الاسماك بحبها كمان وان شاء الله بركة منعمل مشروع بالتعاون مع محمد دنكر يالله الله كريم .

[دوكر]

يا هلا بالست شانزيمر6....
الله يحفظك ...مرسي ع الدعاء...
و اد م فيكي ستعجليلنا بموضوع الصداءة...
يعطيكي العافية...

[الزاهر]

يا هلا بالأرايبة.........
والله ما عم اقدر اكتب شي......لأن سبحان الله....جايني الهم هالأسبوع من الباب.....ومن الشباك...ولك وعن التختية كمان....وفي 2 من أعزائي بالمستشفا!!!!.....يعني الله يعيني !!!!

لكن بالنسبة للموضوع.......رح اكتب ولو اني مشتت الفكر حاليا
فهل بتلاقي دائماً مين:
* بيقدّر موقفك, مشاعرك من حزن وفرح , شغلك ومشاغلك, تعبك وأرقك...
* يكرمك...
* يوقف جنبك في أوقات المحن, وأصعب اللحظات...
* يسمعك, ويحاول ينصحك...
* يساعدك, سواء كانت المساعدة مادية أو معنوية, ملموسة أو خفية...
* يحترمك بما للاحترام من تعريفات في القوانين والدساتير والشرائع وبما شرّعه الناس بينهم...
* يحبّك في الله, ليس لمصلحة شخصية...
* يحتفظ بسرّك , ولا يبوح به لكائن من كان, تحت أي ظرف كان...
* يستحقّ أن تضحّي من أجله....
بالنسبة للعنوان.......لا مش دائما الواحد بيلائي!!!.....لو دائما......والله كنا كلنا بألف خير.......
بس وئت الواحد بيلائي........ساعتها يعتبر نفسو وجد كنز.......وبالنسبة لي......وجد جزيرة كنز......لأن الحمد لله هالمنتدى عرفني وأعاد تعريفي على ناس .....يمكن ما كنت بحياتي بوارد اعرفهم لولاه......والحمد لله بعضهم "يقدر موقفي ومشاعري.......وشغلي عنه......وتعبي....وأرقي......ويكرمني أكثر مما استحق.......ويقف جمبي.....في المحن وفي الفرخ وفي كل أحوالي.......ويسمعني لا بل ينسط لي......وينصحني.....ويساعدني واساعده.......معنويا.....وماديا........يحترمني ويحترم رأيي......ومشاعري وأفكاري ومبادئي .....ويحبني (الله أعلم ما في الصدور)........يحتفظ بسري (حتى الآن)......ومستعد أن أضحي من أجله......وبالفعل أنا أضحي من اجله"..........واللي عم احكي عنو هو بالحقيقة 3 اشخاص........3 اصدقاء.......وبعتقد إذا اريو كلامي رح يعرفو حالهم!!!!!......
" التمس لأخيك ألف عذر قبل محاسبته والتعليق عليه "...
شايفة يا ارايبة هالجملة.........يا ريت كلنا نشارك بعضنا بفهمها وتطبيقها........لأن لو إنا عم نطبق ومقتنعين فيها......لما حصل ما حصل بالفترة الأخيرة من مشاكل في المنتدى.......ولكانت القلمون بألف خير.......لأن تطبيقنا واقتناعنا بها......له تبعات......له موجبات.......له مسؤوليات!!!!
يعني أحيان الواحد بيكون فكرو سلبي.......سمعو هالقصة......إن شاء الله اتذكر منها أكبر قدر من التفاصيل......
صديقين........قادتهم الظروف والمشاكل لأن يتشاجرا.......ويوم لاحظ صديق مشترك جفائهما لبعض.......حاول أن يصلح بينهما!!!!.......ومشي الحال والحمد لله!!!!......إبلو يحاولو يحلو المشاكل!!!!
وفي يوم من الأيام وصل الصديقان متأخرين للمسجد.....كل واحد جاية وحدو......ووقف احدهما اماما لجماعة المتأخرين........وبعد أن كبر.......لاحظ انسحاب صديقه اللي عامل معو مشكل........سلم وراح......ولك وطلع من الجامع كلو كمان!!!!!
وبلش هاداك "الامام" يفكر.......يحرأ أخت الدنية اللي طلعت هيك عالم......ولك حتى بالصلا مآطعني الزلمة!!!!!
وبعد أن تكلم مع الصديق المشترك وأخبره بالأمر......سأله هذا الصديق.......هل كلمته بالأمر.......قال له "لا والله!!!"......فطلب منه أن يسئله عن السبب وألح عليه......فوافق.......فذهب في اليوم التالي وسئله........فانظرو بم أجاب!!!!!
قال له........بمجرد أن كبر الإمام......(لم يكن منتبها من هو الامام)......فسد وضوئي.......فتركت الجماعة وذهبت لأتوضئ.......فلم أجد ماء في المسجد.......فتوجهت للبيت لأتوضئ وأصلي!!!.....
هكذا يكون التفكير السلبي....وسوء الظن!!!!!......حتى في هذه الظروف.......وعندما يكون هناك مشاكل بيننا.......يجب أن اتعلم أن اجعل عقلي المسيطر على مشاعري.......وأن ألتمس عذرا لصاحبي.......للناس بشكل عام....لكن الصاحب بشكل خاص!!!!!.........

وسيطرة العقل على المشاعر ......يتعلمها الإنسان....بل يعلمها لنفسه.......ويتطلب الأمر الكثير من الوقت.......وخاصة إذا جبل الانسان على عكس ذلك كما عندنا في بلدتنا!!!!.......الشجرة اللي من طلعتها عوجة.....ممكن نأومها ما دامت شابة.......لكن هالشي بدو وقت......وهي ما فيها تقوم نفسها من دون ما حدا يساعدها بشي طريقة......!!!!!

وشتينا كتير......وفتحنا مواضيع كتير.......وعندي حكي كتير......لكن .....منشوفكم الموضوع القادم!!!!
وأختم كلامي بخير ختام.........السلام عليكم!!!!

[دوكر]

يا هلا بالمعلم أطر الندى...
الله يعطيك العافية...كلامك مدوزن...
و شايف الواحد لازم دايمن يلتمس الأعزار...(و انتا عطيتنا مسل بؤصة فسادان الوضوء....ههههه...)
شايف احيان سوء التفاهم لوين بوصل...
يسلمو...

[أيمن غ القلموني]

والله انا لو فيني كنت عملت زراعة واجمل مشروع بندورة ومقته رح اعمل بس بدها نتفة وقت اذا شاء الله
بس زراعة الاسماك بحبها كمان وان شاء الله بركة منعمل مشروع بالتعاون مع محمد دنكر يالله الله كريم .


nchallah lach la2

ana bil 5idma

[shanzimer6]

السلام عليكم

أحببت أن أذكر نفسي وإياكم بهذه التعابير والجمل التي ذُكرت... وما تحمل في طياتها من أسرار وتحفظات و... بالفعل... هي من أروع
المعاني وأسماها... تأملوها جيداًواسعوا إلى نشر معالمها وكونوا أنتم واقعها