طرائف قلمونيّة رياضيّة

[مصطفى معتوق]

طرائف رياضية قلمونية :

هذا الموضوع مخصص لنشر بعض الطرائف التي تحصل مع الرياضيّين

[مصطفى معتوق]

في احد الايام كان احد اعضاء فريق القلمون لكرة القدم متوجه لتنفيذ ضربة جزاء اثناء التمرين .

وكما هو معروف مرور بعض الطائرات المدنية من فوق الملعب على ارتفاعات شاهقة .

وحين استعد الاعب للتنفيذ صرخ به احد اللاعبين :" وئف .........وئف.....

طول بالك ." فوقف الاعب مندهش وسط دهشة الشباب فسأله منفذ ضربة الجزاء :" شباك ولا ...... ." ؟؟؟؟؟:1 (20)::confused:

فاشار الصارخ باصبعه الى السماء وقال :

انطظر حتن تمرق الطيارة لانك اكيد رح تصيبها حرام الركاب ...
:1 (75):

[مصطفى معتوق]

في احدى مباريات النصف نهائي لدورة المختار الخامسة

قام احد الاعبين بسب الحكم ....

ومن المعلوم ان هكذا تصرف غير رياضي عقوبته الطرد المباشر من الملعب وقد يمنع الاعب ويحرم من ممارسة اللعبة لمدة غير محددة ..

الا ان الجميع فوجؤو بان الحكم اكتفى باحتساب ضربة مخالفة ضد الاعب وار بمتابعة اللعب .

بين الشوطين توجه احد المنظمين الى لحكم ليسأله عن سبب عدم طرده

فأجابه الحكم : لو سبلي امي واختي وستي مني رح كحشو لان بس كحشو فريقو بدو يربح خليه بالملعب وهيك بينكحش هو وفريقو .
:1 (75):

[دوكر]

يا هلا بالمعلم معتوق....
هههههههههه.....موضوع حلو و ؤصص احلا....
يعطيك العافية ....
اخوكم دوكر المعوكر.......

[kalamoun_28]

100 أهلين بالأبضايات وعلى راسي سيد معتوق وأخي دوكر.

أبو صطيف, لقد غيّرت العنوان وسأجعل هذا الموضوع "مثبّت", لنحافظ على تقسيم الساحة الرياضيّة بطريقة معقولة بدل أن تضيع الطاسة وتصبح الساحة عبارة عن "رفّ مواضيع شي طالع شي نازل من دون تنظيم".

بالنسبة للطرائف, هناك الكثير :).

سلامات, نزيه خداّج ملاّط

[مصطفى معتوق]

اخي نزيه

ازا بدك البحر بعملك ياه شوربة

كلو الا انك انت تزعل

اهلين عكيد
وما تحرمنا من قصصك

[kalamoun_28]

كان نادي القلمون يلعبون في شكّا ضد (اذا لم أخطىء) الرابطة شكّا. في حينها, كان الحكم من شكّا وهو درس طبيبا في الخارج وعاد ليزاول مهنة الطبابة في بلده الأم. هذا الطبيب يحب لعبة كرة القدم كثيرا وهو مولع بها, فطلبوا منه ادارة هذه المباراة بين القلمون وشكّا.

وكما تعرفون, كلّ الناس احترمت الحكم خلال المباراة على اعتبار انّه انسان متعلّم وطبيبا وهو ذو مكانة عالية.

خلال المباراة, أطلق الحكم صافرته عدّة مراّت ضد لاعبين القلمون وخصوصا اللاعب م.ع, لاعبنا م.ع كان صبورا وأيضا احتراما للحكم, ولكن الحكم صفّر ضده اكثر من عشر مرات, صفرات لا بتنقبل لا بميزان ولا بقبّان.

آخر صفرة, سكّرت مع اللاعب م.ع وركض الى الحكم وقال له على أعلى صوته وباللهجة القلمونيّة:


"يا حكم .... انت حكيم على راسي وعيني ... بس اذا جحش بالغول ... شعمتعمل هون"



وعينك ما تشوف الاّ النور, قولة عادل امام.....

[مصطفى معتوق]

هههههههههههههههههههههههههههه

:1 (48):

[Nader 3:16]

الله يعطيك العافية يا معتوق...موضوع جمييييييييل.....

حكيلهم وئت انت حطيت غول عأبو الفوز وئت كنت وائف غولار....و كيف ركدت حول الملعب.......وئتها فرطني من الضحك!!!!

[مصطفى معتوق]

الله يعطيك العافية يا معتوق...موضوع جمييييييييل.....

حكيلهم وئت انت حطيت غول عأبو الفوز وئت كنت وائف غولار....و كيف ركدت حول الملعب.......وئتها فرطني من الضحك!!!!


لا والله


من تمك احلى

ما بقبل الا انك انت تحكيها

[دوكر]

يا هلا بالمعلم نزيه.....
هههههههههههه.......منيح لي ما فأعو أتلا ......خخخخخخخخخ....حلوة الؤصة ....
يسلمو....
و ناطرين اسا ؤصص....
يعطيكون العافية ....
اخوكم دوكر المعوكر........

[مصطفى معتوق]

دورة غولار وشويط


مرة نظم المختار علي الظنط دورة ضربات جزاء كل فريق فيها مكون من شخصين حارس مرمى ( غولار ) ومسدد ( شويط )

قام كنت انا و وليد بلوط بفرق فرقة وكنا عم نلعب ضد فريق ذاكر انو كان الشويط تاعن السيد س ص

وكان س ص مشهور بتسديداتو النارية

المهم انا وواقف على الغول والطابة قريبة كنت ازا بردها منربح قام اخونا فقع شوطة من كل ما الله عطيه قوة وصراحا انا ما شفتها قد منها قوية بس حددت اتجاهها انها عالية ونطيت بارضي وعيونكن ما تشوف الا النور

بتزكر انو مرق من فوق راسي عصافير ونجوم ركدت العلم لتشوف شصار معي لانو الطابة عبت تعباية بوشي .... كل الملعب جا صوبي الا وليد قال ايش عم يحتفل عطريقتو ربحنا

حبيبي يا ريس

[Nader 3:16]

بالاول كنا دائماً نلعب غووووول بالسماقة.....و كان في شجر زفير متل ما الكل بيعرف...فمرة عم اتحدى انا وحدي ضد تلاته من رفقاتي..فالمهم كنا بنص الملعب فبلشو يلعبوها وسخة و يشوطو عالغووووووول من اول الملعب ...المهم في طابة شاطوها و رايحة فايتة غووووول فقمت انا وقفت هيك وهيك ما فيني لحقلها...فما بشوفلك الا
واحد ما فيني اذكر اسمو راكد من آخر الملعب (دائماً بحب انو هو يفوت الغووووول و بيبكي اذا خسر دائماً) ولك الطابة فايتة غووووول...الا هو بدو يشوطها ...و بشوطها بكل ما اعطاه ربه من قوة...و ما منلاقي الا الزفير بلش يوقع علينا و انا واقع عالارض من الضحك...ولا الغوووووول من عندي لعندك يا معتوق راح شايطها بالعارضة (يلي كانت شجرة زفير)...

و الحلو بعد الضحك عم نسألو ولا كيف ضيعتها و ببلش عياط قال اصلا اللعب كلو جحشنة و هو اصدنياً ضيعها!!!!!!!!!

[دوكر]

يا هلا بالجميع...
ههههههه...ؤصص حلوة...
يعطيكن العافية...
اخوكم دوكر المعوكر...

[أيمن غ القلموني]

عنجد ؤصص كتير بتضحك ، مشكورين.

[مصطفى معتوق]

بالاول كنا دائماً نلعب غووووول بالسماقة.....و كان في شجر زفير متل ما الكل بيعرف...فمرة عم اتحدى انا وحدي ضد تلاته من رفقاتي..فالمهم كنا بنص الملعب فبلشو يلعبوها وسخة و يشوطو عالغووووووول من اول الملعب ...المهم في طابة شاطوها و رايحة فايتة غووووول فقمت انا وقفت هيك وهيك ما فيني لحقلها...فما بشوفلك الا
واحد ما فيني اذكر اسمو راكد من آخر الملعب (دائماً بحب انو هو يفوت الغووووول و بيبكي اذا خسر دائماً) ولك الطابة فايتة غووووول...الا هو بدو يشوطها ...و بشوطها بكل ما اعطاه ربه من قوة...و ما منلاقي الا الزفير بلش يوقع علينا و انا واقع عالارض من الضحك...ولا الغوووووول من عندي لعندك يا معتوق راح شايطها بالعارضة (يلي كانت شجرة زفير)...

و الحلو بعد الضحك عم نسألو ولا كيف ضيعتها و ببلش عياط قال اصلا اللعب كلو جحشنة و هو اصدنياً ضيعها!!!!!!!!!


:1 (36)::1 (48):


ههههههههههههههههههههههههههههههههههههههههههههه

مشكور نادر

[مصطفى معتوق]

عسيرة الشجر اسماع هالقصة

مرة كانو فريق العين للناشئين عاملين معسكر مغلق للفريق بكرم عندن بالحارة قريب من بيت الاستاذ محمد طوط .

المهم كانو عم يلعبو وفي واحد قاعد بالشجرة عميتفرج ...

المهم خلال اللعب احد الشباب بدو يشوط عالغول والغول قدام يعني وراح فاقع شوطة من كل ما الله عطيه قوة ....

وراح يا معلم صايب الصبي يلي قاعد بالشجرة وموقعو متل التويني يلي اكل ضرب خرطوش ........

ههههههههههه

[الزاهر]

أولكم مين كان هالصبي المعتر ؟
مو واحد اسمو زاهر ؟
:)

[hadid]

من أجمل ما قرأت على المنتدى

تبعيت معتوق الأخيرة ما ضحكتني بس لما قرينا مشاركة الزاهر غشينا من الضحك .... يا حرام يا زهور

بس شو مطلعك على الشجرة ؟؟؟ شكلك كنت شقي بصغرك يا أخي !!

سلام