ماذا استفدت و ماذا تعلّمت؟؟

[Nader 3:16]

مضى على افتتاح المنتدى اكثر من سنة و نتمنى له الدوام طيب يا ريت كل واحد يقول لنا ماذا استفاد و ماذا تعلّم من خلال مشاركته وشكراًَ...

و أبدأ من نفسي:

-استفدت من المقالات التي كان يضعها الاخ وسيم فلو و خصوصاً المقلات الكيميائية...و قد احببت الحوار معه و النقاش في المسائل العلمية لكن للأسف كنا آخدين الشغلة لعب!!!!

-الاخ دوكر و الاخ جابر دملوك زادا حبي للقلمون..دوكر من خلال اللهجة التي يتبعها في ردوده و الاخ جابر من خلال جمع كل ما يتعلق بعادات و التقاليد القلمونية.

-استمتعت كثيراً بشعر الاخ فشلان و الاخ المهند و كنت افرح حين اقرأ قصيدة جديدة للإخوة...

-الاخ فادي علّمني ان اكون نشيطاً و خصوصاً انه لا يترك حدث مهم الا ويتحفنا بالصور..

-استفدت من بعض الافكار التي كان يطرحها اخي الريس و احببت طريقته في النقاش...

-تعلمت من الاخ زاهر ان لا ادخل ابداً في المشاكل و ان اشارك في كافة المواضيع و ان اسعى دائماً لإعطاء افضل صورة...

-تعلمت من الاخ ابو محمد و الاخت ساميا انو الواحد لازم يعطي المشاركة حقها و انو لازم يحرص على اظهارها على النحو الافضل...

-استمتعت بالاستماع الى التلاوات التي كان يضعها الاخ ابو حسن و الاخ فادي...
-تعلمت انو الواحد لازم يتعب عالموضوع يلي بيطرحو حتى يلقى ثمرته في النهاية....
-استفدت من بعض البرامج(و الشكر للأخ فادي و الاخت Nadine
- تعلمت انو ما لازم وجه اهانة لأي احد عالمنتدى...

و الكثير من الاشياء يلي نسيتها و يا ريت كل واحد يقلنا بأيش عم يستفاد من المشاركة...

و السلام عليكم

[الزاهر]

والله يا نادر............فكرة كتير حلوة...........وخطرت عبالي من اسبوع تماما!!!

أهم ما استفدته من المنتدى:
ازدادت ثقافتي من خلال الاطلاع على أفكار جديدة وآراء مغايرة ووجهات نظر متظاربة ووووو
تعرفت على أشخاص ما كنت لأعرفهم لولاه............وما كنت لأعرف أفكارهم ولا لأناقش معهم وأحاورهم
تعلمت طباع جديدة...........من بعض الأعضاء...........وتعلمت التعامل معها
أعدت تكوين بعض الصداقات القديمة ...........ونشأت صداقات جديدة
ازدادت ثقتي ببعض الناس وقلت بأناس أخر
ازداد حبي لبلدتي ولأهلها وأبناءها وشبابها

هاد ما تذكرت عالسريع......الأهل ناطريني إتغدا!!!.........إذا تذكرنا شي منضيفو!!!

[دوكر]

يا هلا بالمعلم نادر.......
واو ......موضوع كتير حلو.........يسلمو .....و كمان الله يبارك فيك ع الكلام الحلو .....و ان شاء الله نكون عند حسن ظنكن........

هلأ انا شتعلمت من المنتدى........كتير اشياء .......و يمكن ما اءدر اتزكرون كلون..........و كمان استفدت بكتر اشياء.......
ح اكتب لي بتزكرو ان شاء الله .......و بعدين ازا رجعت تزكرت شي بكتبو .......ان شاء الله.............

اول شغلة استفدتا هيا التواصل لي صار بيني و بين كتير ناس.......يعني المنتدى ارب كتير من المسافات ......و خلانا نقاش و نحكي مع كتير عالم.......و استفدت انو زادت ثقافتي من خلال ارايتي للأفكار لي عم تنطرح..........و لوجهات النظر بأيا موضوع........و حتى لو ما الواحد ناءش .....يعني لمجرد الءراية بتفيد.........

كمان تعلمت شغلة .......انو اعرف ءيمة الأنسان من خلال افكارو لي بيطرحا........و ما بعمرو ؤخد فكرة مسبءة عن حدا ابل ما اسمع منو ...........تعلمت انو الأنسان بأفكارو منو بنسبو و لا بمصرياتو ..........و لو كانت افكارو غلط........بس مقياس كتير منا ما بءيسو فاي..........

و تعلمت انو ما بخس بحدا........و انو اسمع و احترم وجهات النظر لي بتنطرح أدامي...........

و اسا اشياء .........كــــــــتـــــــــــــيـــــــــــــر... .......
يعطيك العافية ........
اخوكم دوكر المعوكر................

[محمد أحمد الفلو]

والله أنا من ناحيتي ... حبيت المنتدى ... من الأخبار للمواضيع الاسلاميه ... والمشاكل بحسا بتسلي ( مع انو بيتهموني اني عن اعمل مشاكل ) ... يعني بتحس حالك نص عايش بالقلمون

كمان مواضيع الكتب والأناشيد المتجدده بيعرفك عأشياء حلوه صعب توصلنا بطريقه تانيه
بس لسا ان شاء الله مع الوقت بيتطور النتدى


بس المشكله بتسمع من كتير انو النتدى أكتريتو شي مش مهم ... بالنسبه للقلمونيين العايشين بالقلمون ... يمكن ما في شي بيخلين يحسوا بقيمة المنتدى عالمظبوط ... لأنن عايشين بين اهلن

أما بالنسبه للمسافرين ... ف حتى أسخف خبر بالنظر للبعض هو شي جدا مهم للمسافر

خصوصا لما زاهر أو فادي بيحطولنا صور من الضيعه

و يا ريت لكن مروه تصوروا كل الأحداث ...

[الزاهر]

بعتلي كاميرة وتكرم عيونك الحلوة.................خخخخخخخخخخخخخخخخخ!!!!!..... ........لصورلك صباط أبو وسيم ملوت وحلة بعد الشتوة!!!!............لولا عندي شغلات أبدا لطور جهازي لكنت اشتريت كاميرة تانية!!!!

منيح ذكرتني في عندي لسا كم صورة بدي حطهم بذكريات أبل ما انتقل لقضية مهمة............صرلي ناطرها شهرين زمان!!!

كمان يا أخي محمد الشي اللي أشرتلو كتير مهم..........إنو المنتدى هو -كما أسميه دوما- "القلمون الثانية"............وهاد من أحدا وسائله لتحقيق الاهداف التي أوجد من أجلها!!!!

سلام

[Nader 3:16]

اهلين بالشباب....
مشكور يا زاهر و يا دوكر و يا حميطون....

و يا ريت الاعضاء القدامى بالمنتدى و الجدد و يقلولنا شو عم يستفادوا!!:)

[mahbouleh]

انا بقولك شو استفدت تعرفت على شخصيات بالقلمون ما كنت بعرفها يلي بشوفها بقول ملائكة و لما يئرالها يا لطيف . يعني قولت المثل
من برة هلله هلله و من جوة يعلم الله

[mahbouleh]

رح سبئلكن و أنا أول واحد و لك دووووووووووووووووووووووووع

[Nader 3:16]

يا ريت الاعضاء الجداد يرجعوا يشاركوا...!!!!...و يقولونا بأيش استفادوا.

[The Angel]

شكرا ً على طرح هذا الموضوع الجميل ...

بالنسبة لي , تعرفت على شخصيات من المنتدى لم أكن أعرفها من خارج المنتدى ....
زادت معرفتي لكثير من الأشياء من خلال قراءة وجهات نظر باقي الأعضاء ,

الإستمتاع بأروع الأشعار , لفشلان و المهند و الأخت لينا ....
و استفدت في أمور دينية من ناحية سماع الأغاني , فأنا تركتها من خلال موضوع للأخت باربي , عن هذا الشيء ...


و المحافظة على صلاتي و ديني بشكل أفضل و يرضي الله عز وجل , فأنا من بعد دخولي للمنتدى تغيرت معظم مفاهيمي للأمور و الحمدلله إلى الأفضل ....

بإختصار , هذا المنتدى بالنسبة لي رائع , و له الكثير من الفوائد ....

و إن شاء الله فيد غيري متل ما استفدت و أكتر ...

[مايا]

السلام عليكم ورحمة الله وبركاته
بالنسبة لي استفدت كثيرا من المنتدى
1 – تعرفت على منطقة جديدة لم أكن أعرف عنها شيء سوى اسمها والبحر .
2- كانت هناك أشياء كثيرة أعملها ولكن الحمد لله تركتها والفضل من بعد الله سبحانه وتعالى للمنتدى .
3 – تعلمت أحاديث جديدة عن الرسول " صلى الله عليه وسلم " .
4 – تعرفت على أشخاص جدد لولا المنتدى ما كنت لأعرفهم .
5 – اكتسبت كثيرا من المعلومات سواء اسلامية أو غيرها .
حاليا لم يخطر ببالي سوى هؤلاء ولكن الاكيد اني تعلمت كثيرا واستفدت كثيرا ولو كان غير ذلك ما كنت بقيت في المنتدى .
شكرا للأخ نادر على تنشيطه الموضوع .

[الزاهر]

رح كفيلك خيو نادر ... لكن من جهة تانية ... مو من خلال تصفح المنتدى ومتابعته (فهذا كنت قد سبق وذكرته) .. بل من خلال مساهمتي في فريق عمل الموقع والمنتدى:

- تعلمت من خلال عملي مع الموقع أن أي مشروع لا بد من التخطيط له بتأن بالغ ... وإلا فلا داعي أن يكون "شغل على البركة"

- تعلمت أيضا كيف تدار المشاريع وما هي الخطوات لإدارتها وكيف تحدد الأولويات وتنظم العمل على الفريق (لأنك بتعرف كيف منشتغل ... لكل مشروع مديره الخاص)

- تعلمت كيف أتحمل فشل مشروع ما وكيف تتعامل مع الأمر!!!

- كذلك ازداد حبي للعمل المنظم والجماعي ... وخصوصي مع هالشباب الطيبة اللي كلهم خير وبركة إن شاء الله

- ازداد يقيني بأنك ما دمت قادرا على القيام بالعمل المطلوب فلا توكل به أحدا غيرك نهائيا!!!


والكثير الكثير ... لكن لا بد لي من ذكر هذا الأخير :)

- تعلمت إنك ما بحياتك تعتمد بشي على بنت آدم !!! ... لا بالأعمال والمشاريع الصغيرة ولا الكبيرة!!! ... كلهن قالب واحد ... فشل بالعمل المنظم عن هيك ما في!!! ... :) (أكيد عندي تبرير عنهن!!! .... الفشل لا شك ليس فطري ... بس الظروف ما بتسمح مع إنو مجتمعنا يعتبر واعي منيح!!!! .... مزيد من التفاصيل إذا طلبت (وكلنالنا شي بهدلة)!!! :))

[مايا]

السلام عليكم ورحمة الله وبركاته
تعلمت إنك ما بحياتك تعتمد بشي على بنت آدم !!! ... لا بالأعمال والمشاريع الصغيرة ولا الكبيرة!!! ... كلهن قالب واحد ... فشل بالعمل المنظم عن هيك ما في!!! ...
لا حول ولا قوة الا بالله
استغفر الله العظيم من كل ذنب عظيم .

[Arsenic]

يا عمي حسيت بروح النعنع أظدي روح المشاركة و لازم يكون في تبادل أفكار و ما لازم الواحد ينربط بافكارو و ما عطول هو بيكون الصح و شغلات كتيرة كمان و المنتدى حلو و فظيع جداً...

[Nader 3:16]

شو يا ارسنيك انتا ما بعتءد استفدت بشي لأنو مشاركتاك دائماً مختصرة....
ويلي ما عطي رأيو بسرعة !!!!!....

[الزاهر]

الا حول ولا قوة الا بالله
استغفر الله العظيم من كل ذنب عظيم .


هاداك اليوم كنا عم نحكي بالموضوع مع الشباب ... وكنت عم دافع عنكم ... ما بنكر إنكن فاشلات !!! ... لكن متل ما ألتلهم ... السبب هو قلة العدد ... الشغل كتير كتير .... بس ما في عدد ... هو نحنا الشباب أديشنا كتار (ما شاء الله) وما عم نلحء شغل!!!! .... ....... هاد هو السبب!!!... ألنالكم الفشل منو فطري!!! :)


وبكرا بنشوف بلقاء الأعضاء للأخوات ... اللي ما رح يصير الهيئة!!! :)

[hadid]

يا شباب عملتو لقاء الأعضاء للشباب؟؟ ما حدن خبرني !!!
مشروع منتدى القلمون بحد ذاته مشروع مثمر لكل المشاركين
باختصار تعرفت على معلومات هائلة جديدة واستفدت من خبرات الإخوة والأخوات في المنتدى بشتى الموضوعات وتعرفت على أشخاص جدد كثر وازدادت معرفتي بأشخاص كنت أعرفهم معرفة سطحية فشكراً للمنتدى وألف شكر لمديريه والمشرفين
وأجمل ما في المنتدى كونه إسلامي فبارك الله به وبجميع أعضائه الكرام والسلام عليكم

[الزاهر]

وهلأ صارو سنتين يا نادر !!! ... شو رأيكم يا أعضاء تخبرونا عن أنفسكم شو استفدتو من المنتدى ؟؟؟




مضى على افتتاح المنتدى اكثر من سنة و نتمنى له الدوام طيب يا ريت كل واحد يقول لنا ماذا استفاد و ماذا تعلّم من خلال مشاركته وشكراًَ...

[Nader 3:16]

نعم هناك الكثير من الاعضاء لم يشاركوا....

[Warrior]

السلام عليكم ، هذا موضوع !!!!!

والله استفدنا كتير من هل المنتدى على اكثر من صعيد ( الشعر، الدين،الترفيه،العلم، الاخبار،.....)

وعن طريق المنتدى تعلمت كيف انظر لشخص ما من خلال فكره الذي يحمله وليس من خلال الاسم ،
وفعلا انصدمت باشخاص وانبهرت باشخاص ،

تعلمت ان النقاش يجب ان يكون مع انسان راشد عاقل والا سوف يصل الى التجريح والتبخيع.
وقد شاهدنا هذا بوضوح من خلال المنتدى ....
تعلمت الشدة بالكلام والرد ليس للتجريح (عندي فلسفتي الخاصة بهذ الموضوع)....
لكل جيل اسلوبه المغاير يجب التعامل معه باحترام وبحزم .
تعلمت انو ما رد وان اتجاهل بعض الكلام الجارح.......
تعلمت ان اشكر الناس وتعلمت المجاملة وتعرفت من خلال المنتدى على مواهب رائعة وصار عندي فضول اني اتعرف.............




وتعلمت طول بالي على ناس بالمنتدى كتيرين حكي :):)

[Arsenic]

شو يا ارسنيك انتا ما بعتءد استفدت بشي لأنو مشاركتاك دائماً مختصرة....
ويلي ما عطي رأيو بسرعة !!!!!....
شو يا ندور ولا صار لاك لسان تحكي والله كبرت يا إبني.............

[lina k]

سلام,إسمحوا لي بهذه المشاركة البسيطة:

منذ أن تسجّلت في هذا المنتدى, هناك أمور كثيرة تغيّرت في حياتي.فقد تعلّمت الصبر والقناعة.وايضاً,من خلال المنتدى, تعرّفت على أعضاء جدد من داخل ومن خارج القلمون ولكلّ منهم عقلية خاصة وموهبة رائعة.

أتمنى للمنتدى الحبيب مزيداً من التألّق والتطوّر المستمرّ.........

[яiиda]

أنا منّي والي استفدت كتير اشياء بالمنتدى.... بسّ ما بعرف أيش بالتحديد.....
سلام:)

[gardinia]

السلام عليكم, في الحقيقة انا لم اتسجل في المنتدى الا من فترة وجيزة وقد تعرفت على اشخاص جدد و تعلمت بعض الأشياء:
تعلمت ان اكون اكثر حذرا بردي على اي موضوع لكي لا يفهم قصدي خطأ او تجريح.
تعلمت الا احكم على شخص من مظهره فقط, فقد صدمت بأشخاص و انبهرت بآخرين لو اكن اتوقع ان يكونوا على هذا المستوى من الفكر و الثقافة.
بالإضافة الى انني استفدت في مجالات أخرى كالتكنولوجية, الدين..................

[أبو النكد]

للصراحة حتى الآن لم استفد شيء و ذلك ان المنتدى ليس على مستوى علمي و فكري

[Nader 3:16]

شكراً لكل الاعضاء الذين أبدوا رأيهم بكل صراحة. وننتظر البقية.

ويا اخ ابو نكد اذا كنت على قدر واسع من الثقافة فلماذا حتى الآن لم يصدر منك سوى الإعتراض. يعني انا مني مصدق شي من حكيك.

[Ammora]

مشكور يا أخّ نادر عهل موضوع,عنجدّ أنا كتير حبّيت لمنتدى لأنّو بسلّي خصوصا النّاس الي بالغربة و بخلّينا نعرف شفي مافي بالضّيعة.

[Barbie]

السلام عليكم و رحمة الله و بركاته ,

بداية ً و بصراحة لم تكن لدي أدنى فكرة عن المنتدى بشكل عام .

و لكن الحمد لله أنه الأن من أبواب الخير بالنسبة لي بعد مشاركتي به .

فمن خلاله أصبحت أهتم أكثر بقراءة المقالات الدينية و ذلك بهدف نشرها و نصح الأعضاء , فالربما كان لما أنقله أو أكتبه أثر و بصمة مفيدة في حياتهم .
و هذا يعني لي الكثير إذ لا شيء أهم من مساعدة الغير و التفريج عنهم . ( أعاننا الله على ذلك ) .

و استفدت أيضا ً من بعض الأمور الدينية المطروحة و الحمد لله .

من جهة أخرى كان الشعر و كل ما يخص الكتابة أمر ممتع و مريح جدا ً .

بالنهاية المنتدى يسمح بالتعبير و بالتعرف على أمور كثيرة و على أساليب التفكير للكثير من الأعضاء ( مع أنني و لله الحمد لم أصدم بأحد إلى الآن , أي لم أجد فارق كبير مثلا ً بين معظم الأعضاء في المنتدى و في حياتهم العادية ) .

المنتدى بمثابة عالم صغير معظم من فيه إخوة لي .