إغلاق منتدى القلمون....

[أنس المجاهد]

بعد مشاركتي في المنتدى استنتجت انه لا فائدة منه لأنه اضاعة للوقت فلا بد من اقفاله لأن الرسول عليه الصلاة و السلام يقول:

اغتنم خمساً قبل خمس: فراغك قبل شغلك..........)

و الا فما الفائدة من المنتدى و لماذا انشأ ارجو من الجميع المشاركة و اعطائي الادلة ان كانت هذه الفكرة خاطئة......
أرجو التوضيح

[Nader 3:16]

بسم الله الرحمن الرحيم....

مع اني يا انس كنت جنبك انتا و عم تكتب هذا الموضوع لكن ما حبيت قاطعك و حبيت انك تعبر عن وجهة نظرك لكن انا لا اوافقك في اقتراحك لأنه ليس بحل ابداً....

اولاً تستطيع مراجعة موضوعي في المنتدى العام حول الفائدة من المنتدى و ترى تجربة بعض الاخوة في المنتدى...
و الاهم انو مشاركاتك لا تتعدى ال 8 ومنك مطلع عالمواضيع المهمة التي تطرح فحكمك غير منطقي ابداً....

و الاهم انو رح نمشي معك و نءول انو ما في فائدة طيب شرأيك نعملو مفيد من خلال مواضيع هادفة مو احسن من تسكيرو!!!!!

و ارجو منك توضيح اكثر حول الموضوع و الاهم انك تتابع موضوعك مو متل كل مرة!!!:)

[Barbie]

السلام عليكم ,

أول شي , أنا ماني معك بي هل رأي , ( مع احترامي إلو أكيد ) .
لأن , مش صحيح انو المنتدى , بضيع الوقت دون فايده , في كتير مواضيع حلوة و مفيدة بنفس الوقت يعني , بالنسبة لي أنا استفدت , من المواضيع الدينيه , لو ما علقت عليها , و كمان في مواضيع اجتماعية , من الواقع يلي عايشينو , بتخلي كل واحد يتعلم و ياخد نصيحة غيرو و يمكن يستفيد , و فينا نساعد بعضنا ان شاء الله .

صحيح , انو في ناس بيلتهو اذا كل وقتن كان عل نت و المنتدى , بس هيك الغلط بكون منو ن مش من المنتدى , لأن كل واحد عندو عقل لازم يستخدمو و يستغل وقتو بشي بفيد , و لو بدنا ننطلق من يلي طرحتو انت , ساعتها مفي شي صح بهل الدنيا , كل شي إلو وجهين , و كل واحد بيستخدمو حسب تفكيرو . مثلا ُ ل تلفزيون , فينا نقول انو ما بفيد ؟ أكيد لاء , لأن في كتير برامج عن الدين و محاضرات و قرأن , و من تاني جهه في عالم بضيعو و قتن عليه , على الأغاني و المسلسلات المش منيحة , يعني كل واحد في يستفيد من أي شي اذا بدو أكيد .

و المنتدى , هوا منو أكتر من ساحة بينطرح فيها موضوع أو استفسار , و يلي عندو رأي بشارك و هيك بفيد و بيستفيد , ان شاء الله .
مع انو ما كل المواضيع ممكن الواحد يشارك فيها , بس يلي ما بيشارك , في غيرو بيشاركو لأن ما كلنا نفس التفكير .

ان شاء الله , يكون رأي مقنع , بس أنا هيك بشوف , و هل الموضوع على فكرة لازم ينطرح , بس منو بهدف يتسكر المنتدى , بهدف انو ننصح المشاركين ما يضيعو وقتن , و يستغلو بالمواضيع المفيدة و أكيد في مواضيع للتسلية لأن ما حدا في عطول يعيش بلا ما يتسلا شوي و أكيد ضمن المعقول و هيك التسلية بتكون مفيدة و بتريح بنفس الوقت .

[الزاهر]

منبصم بالعشرين على كلام الأخ(ت) باربي

[rami]

إن مجرد طرح هذه الفكرة هو ضرب من الغباء وكان من الأجدر بك ألا تفكر في طرح مثل هذه الفكرة

[moustafa]

يا أخ أنس أنا معك بكل كلمة قلتها ...
و أنا بصراحة حاسس متلك...
أنا أصلاً ما عم إستفيد من المنتدى إلا بشكل عام.. إذا بدك بشرحلك بس شوفك..
المهم أنا بحس إنو الإفادة الوحيدة بالمنتدى هي موضوع أخبار القلمون اليومية!!!!
و الباقي كلو بياخات و ما لها إفادة أبداً....
بس يا أخي أنس ما فيك تقول سكروا المنتدى... لأن أصلاً إذا بدك تمشي على الحديث ما بتسكر المنتدى... بكل بساطة ما بتفوت عليه و بس.... منو حل منطقي أكتر... و كل واحد حاسس حالو عم يضيع وقتو بالقعدة على المنتدى و المشاركة فيه و التحاور فيه مع الإخوان و الأخوات الأعضاء... فيّ كمان ينسحب من المنتدى... بالمناسبة أنا رح أصمد بالمنتدى مع إنو في كتير عالم عم يوسوسولي ميشان أطلع... بس ما عم إقبل لأن المنتدى هو بيتي الوهمي..!!! و الأعضاء هم إخواني ....
و السلام عليكم

[أنس المجاهد]

اولاً يا اخ نادر مشاركتي لم تتجاوز الثماني مشاركات لأن المنتدى بنظري فاشل بسبب البياخات من معظم الاعضاء

كما اقول لك ايها الشبح انك من المحظورين و ذلك بسبب تفاهتك فلا تتهمني بالغباء و اود ان اقول لك بأنك من المساهمين في افشال المنتدى و جعله لإضاعة الوقت و هذا ما دعاني الى طرح الموضوع.
و ما زلت و مع احترامي الشديد لكل من شارك في الموضوع اتمسك برأيي لذلك ارجو من الاعضاء التوضيح و اعطاء الفكرة الصحيحة المفحمة لي لكي ارى و اعرف ما فائدة هذا المنتدى...

[وسيم أحمد الفلو]

أخي الكريم

المنتدى هو إنعكاس لمجهود مشرفيه وأعضاءه.

صحيح أن المواضيع التي لا تتطلب الجهد الكبير (الأخبار والنقارات و....) هي الطاغية، ولكن هذا لا يمنع أن نتعاون جميعأ لوضع مواضيع مفيدة وأن نتابعها بشكل دائم لكي نرتقي بالمنتدى.

والسلام عليكم

[فشلان]

بعد مشاركتي في المنتدى استنتجت انه لا فائدة منه

إذا كان هذا مبدؤك.. فلتقم أولا بحذف كلمة المجاهد من اسمك... لأنه لا فائدة منها... وليست في مكانها..... ولتبدأ بتقويم نفسك قبل تقويم الناس..

[moustafa]

أنا ملاقى هذا الموضوع بايخ لذا يجب حذفه من الأصل... و لو متل ما عم تقول يا أنس ما كان لازم تتطرح الموضوع أصلاً... و بتروح من دون ما تسمعنا صوتك و تعمل عجءة.

[Barbie]

السلام عليكم ,

أنا سبق و شاركت بي هل الموضوع و بعدني على رأي .

بس حبيت , قول شي , انو اذا انتا ما كنت عم تستفيد من المنتدى , فهادا ما بيعطيك الحق انك تحكم عليه بالفشل .
لأن في مواضيع مفيدة , متل ما في بعض الأفكار يلي ما بتعجبني أو بتعجبك , بس كل واحد عندو إهتمامات مختلفه عن التاني و غلط , اذا شي ما عجبنا , نطلب انو يتسكر .

ما ح زيد حكي لأني سبء و عطيت رأي .

و بتمنى تكون فكرتي وصلت صح , و أكيد أنا بحترم الشي يلي انت قلتو لأنو بالنهايه رأيك , بس بظن انو طريقة حكيك كانت مش صح لأن مانو حلو اذا موضوع ما عجبك تقول انو تافه و ما الو لزوم
, لأن مش منيح الواحد يهزء غيرو و لو كان رأيو غير عنو 100%.

[Nader 3:16]

السلام عليكم...
انو يا انس مني عرف ليش ما زلت مصر على اغلاق المنتدى..يعني اذا شايف حالك مو عم تستفيد فببساطة فيك ما تفوت عيه اصلا و بدون ما تعمل هالبلبلة...و للأسف حجتك التي طرحتها واهية جداً..

[ابو عمر]

هلأ يا نادر ويا barbie كلّ ما واحد فركوح، طشمة، فرَيْخ قال جملة، بدكن تردّوا عليه...هادولي بتزاكوا بهالكلام حتّى يعملو قصّة...

[Inno 3:16]

سلام...
و هيدا الحكي يا أخ أنس؟؟؟
يا عمي إذاإنتا ملاقي مضيعة للوقت فما تلتهي في .
بعدين يا أخ مصطفى ما دامك بتأيدو ليش عندك فوق الخمس أسماء بهيدا المنتدى؟؟؟؟
وليش مشاركاتك رح يصيرو أكتر من مشاركات المشرفففففففففف

[moustafa]

ما رح رد على Inno ميشان ما غير معنى الموضوع المطروح... مع إنو الموضوع من أصلو ما الو معنى... أصلاً أنس بحد ذاتو نسي الموضوع و ما عاد فات رد عليه... منكن ملاحظين.. يعني الموضوع ما بقى ناقصو سوى الحذف و شكراً..........

[أنس المجاهد]

السلام عليكم...
ما زلت مصراً على رأيي في اغلاق المنتدى.وهذا ما تؤكده الاحداث التي حصلت في المنتدى في الفترة الاخيرة(من حظر لأعضاء)

يا مصطفى اذا بدي الك فكرة عن شغلة بروح بقولا لنادر ولا بقلك هي لاك؟؟ لذلك قمت بطرح الموضوع على المنتدى كي أخاطب من في المنتدى كما انك من المساهمين في افشال المنتدى وذلك بإمتلاك عائلة من الاسماء في اب و ام و اولاد.

يا inno يا محظور لو كان حكيك صحيح ما كان النبي عليه الصلاة و السلام بلغ الرسالة لأنو كان شاف الكفر غلط و بعد عنّو ..و لذلك كان من واجبي تحذير الجميع من هذا الخطر.

ايها الأعضاء ايها المساهمون في ابقاء المنتدى لم احصل حتى الآن على أدلة تبين اهمية المنتدى و الفائدة منه لإستمراره.
ارجو من المشرفين خاصة المشاركة في الموضوع و ابراز الاهداف و الادلة لكي أعرف ان كانت فكرتي خاطئة او صائبة..

[cool man]

بما إني مُراقَب و هل الكلمه ئريبه كتير ع مُراقِب فضم حالي لطاقم الإداره و الى المشرفين والمراقبين و الإداريين و يلي بدك ياه . انته يا انس عم تسئل شو هو المهم طيب لو مكان في منتدى كيف بدن يحطولك حلئات مازنجر و ماوكلي و رعد العملاق و جزيرة الكنز . فأنا يا أنس بأيدك ميه بالميه بكلامك فيجب علينا الإرتقاء الى أشياء مفيده فيمكن إغلاق المنتدى و الإكتفاء بصفحة القلمون الرئيسيه و هناك توضع الأخبار و المحاضرات الدينيه و يلي بدن ياه و بعاود اللي بدو يفوت بيفوت و يلي مبدو لعمرو و زمانو . شرأيك برأيي و اذا كان رأيك متل رأيي و عندك اضافات عطيني رأيك و اذا كان رأيك مغاير لرأيي ئولي رأيك لئلك رأيي عرأيك كنو رأيك متراءا في أو رأيك غير متراءا في و كل رئي و انته بخير

[أنس المجاهد]

هناك فكرة و هي اني ما زلت اشارك في المنتدى وذلك لأن الفكرة التي طرحتها ليست كاملة عندي و لكن على وشك الاكتمال.
ارجو من الاعضاء المشاركة بفعالية و ليس بسخافات.It's easy

[البريئة و الوحش]

عندك حق اخي مجاهد

[cool man]

اللي بيشوفك انته يا مذنب بيئول انو عندك تلتاعشر الف مشاركه اذا هوا 14 انته 34 و نتبه عحالك انا كووووووول و مفي حدى غيري

[البريئة و الوحش]

al mozneb شايف حالو بهال 30 مشاركة يللي معو بعدين مين راضاك وليش رجعت

[الزعيم]

يعني برأي ما لازم كان (****) تفتح هالموضوع ... اذا انت (****) ما استفدت من المنتدى فهادا مش معناتو انو غيرك مش عم يستفيد .. فكر شوي قبل ما تحكي ما تشلح الحكي شلح متل ................