أيهما أصعب عندك ان تفقد صديقك او تفقد حبيبك

[المحروم]

ايهما أصعب عندك ان تفقد صديقك او تفقد حبيبك

أذا خيرت بين أحد الإثنين الصديق أم الحبيب ماذا تختار

[أيمن غ القلموني]

الإثنان ، لإن كل واحد يضفي لمسة معينة على حياتي.

لكم جزيل الشكر أخي المرابط.

[المحروم]

شكرا لمرورك الكريم

[أمّ البراء]

الحبيب بينجاب غيرو....بسّ الصّديق الوفي نادر الوجود!
اذا انحطّيت بهيك موقف بتصوّر رح اختار صديقتي!

[المحروم]

شكرا اخت ام البراء

[Barbie]

السلام عليكم ,

جواب صعب جدا ً , يعني لمجرد التفكير بي هل الموقف , ما بعرف شو ممكن يحس الواحد .

بالنسبه إلي , ما فيني إتخلى عن طرف معين , لعدة أسباب , أهمها , إنو إذا كنت بحب شخص , بكون هل الحب عهد علي , و ما بقدر أترك لي حبيتو , لأني بعتبر إني خنت هذا العهد و الحب , لي هوا أحلى و أسمى ما أملك .

و ميشان أصدقائي , لي هنه أكبر نعمة من ربنا عز و جل , ف كمان مستحيل مستحيل , إبعد عنن , إن شاء الله , لأني ما بسامح نفسي طول العمر .
و هنه , أصدقاء و إخوة و عيلة تانيه بالنسبة لي .

يعني , ترك أحد الطرفين فكرة مستبعده كتير , لأنها تعني لي نقد للوعد , و لو كنت مجبرة , بس بنفس الوقت ضميري بهل الحالة بي كون مجبر يلومني ..
لأن يجب علينا التفكير بمن سنتركه إن كان يحتاج إلينا , أولا ً قبل التفكير بأنفسنا .
أما في حال كنت بحب , شخص و ما في شي متبادل بيناتنا , أو هوا ما بيعرف , فبظن إني أختار أصدقائي , و عندها أدفن حبي .

و بحب قول لأم البراء إنو صحيح , الصديق الوفي نادر الوجود بي إيامنا , بس كمان إنك تلاقي حدا يحبك بي معنى الحب الصادق و الصحيح , نادر كتير , متل الصديق الجيد .

[lina k]

بالنسبة لي فأنا أعتبر أنه بفقداني حبيب فهذا يعني أنني فقدت صديق....وحين أفقد صديق فذلك يعني أنني فقدت حبيب.....لا فرق أبداً.......النتيجة نفسها"بكاء,حزن وإشتياق"....
ربما تكون فلسلفة ولكن هذا هو رأيي المتواضع....
شكرا على الموضوع....
سلام.....

[The Angel]

كلام لينا صح كتير .... و كمان كلام باربي صح : انو صح من الصعب تلائي صديق , بس من الأصعب تلائي حبيب ....
في الحالتين الحزن و التعب و ..و.. موجودين , لأن الاثنان مهمين كتير بالحياة ...
مشكور على الموضوع ...سلام

[فرح]

عنجد مواضيعك يا أخي al mourabit ما بتتخيا أدا بتعنيلي..كأنك آعد معي أو عايش جميييع حالاتي:) لأن هايدي أكتر مشكلة بتصير معي و مع غيري..و أنا بوافق جميع الآراء يلي انطرحت..
بس أنا بعتبر انو مستحييييل استغني أول شىء عن أيا طرف لأن هنة حياتي عدا أكيد عن أهلي..ف بحاول وفق بيناتن أد ما فيني و ما بفقد الأمل..و صراحة على أد ما بتعنيلي الصداقة ما بفكر اتعرف على انسان بدو يحرمني من أصدقائي..و لأن عندي ياهن بالدنية مع انو بحس أكتريتن بيستغنو عني كرمال حبيبن ! بس ما بهمني لأن أنا هيك, ما ببدي حدا على حدا..و ازا اضطريت..ببدي الصديق على الحبيب يلي بيلتأى ان شاء الله غيرو...آآآآآخ اديش معانية من هل شي..و الله يعيييييين
سلاااااامزز
*جزاكم الله خيرآ*

[nana]

بالنسبه إلي الصديق بيتعوض بمليون شخص بدالو لان مافي حدا وفي
الحبيب مابيتعوض بكنوز الدنيا كلا لان الن حب بين اتنين مستحيل يلتقي فيه ايا نوع من المصالح الشخصيه مشان هيكي بفضل الحبيب عن الصديق

[المحروم]

بارك الله بكم جميعا وشكرا على مشاركاتكم الرائعه

[مايا]

سلام عليكم
على فكرة انا حيرني كتير سؤالك
بس بعتقد اني ما بتخلى عن التنان

[wassim.h]

سؤال صعب والله !!!!!
انا بشوف انو الحبيب هو صديق بحد ذاتو ....بس بتحسّ تجاهو إحساس أكبر من الصداقه ....إحساس بيمتلكك!!!...إحساس الحب إلي مافيك تحس في لأي صديق...منشان هيك صار إسمو "الحبيب".....
واذا خيّروني ....بسعى أدّ مافيني لإختار التنين.....وإذا ماءدرت بختار الحبيب...وبدلّني زعلان عالصديق....
سوري أصدقائيhttp://qalamoun.com/Forum/images/icons/icon10.gif!!!
سلام