بنت محجبّة من القلمون ضلّت طريقا!! شو منعمل؟؟

[فرح]

سلام للجميع..
بتمنّى منكن يا إخوان تساعدونيييي ..
بنت من القلمون ضلّت طريقا..و عم يصير ممشاها مش منيح..و ما حدآ منتبهلا.. و يلّى أنا بعرفو عنّا ما حدا بيعرفو..و رح مووووت و عم يطأطع ألبي عليّا..و الله حرااااام..و الأضرب يا إخوان إنا محجبة..يااااااااي..بعرف شعوركن هلّء..الله يهدينا و يستر علينا جميعآ..
المهم إنّي محتارة شو لازم إعمل (من واجبنا ننصح و ما نسكت ع الغلط)
ففكرت ب 3 حلول:
1-وائفا و إطلب منّا تحكيني ع جنب و ع رواء بشرحلا الغلط و بحاول أرّبا منّي و ساعدا...(بدّا تبهدلني و ما تتأبل..مش فرانة معي..لأن الرسول عليه الصلات و السلام..كان يتبهدل و ينهان لمّا نشر الدعوة..ف ليش أنا لأ؟)..
2- خبّر حدا من عيلتا متل أخوّا (مع إنّو يمكن يدبحا)
3-طنّش عن الموضوع و إدعيلا بسّ الله يهديا..تفاديآ لوجع الراس؟ (مع إنو مستحيل إنسى)

الله يرضى عليكن نصحوني و عطوني آرائكن..شو لازم إعمل؟؟؟
*جزاكم الله خيرآ*

[Nadine]

قال رسول الله صلى الله عليه وسلم : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .


اما في هذه الحالة فأنصحك انو تحكي مع الفتاة بما انك على معرفة بها ، كما قال النبي صلى الله عليه وسلم : ( فإن لم يستطع فبلسانه ) ، ذكريها انها عم تعصي بالله ، وحاولي انك تخوفيها من عقاب رب العالمين ، على الوجه االلي بتشوفيه مناسبا لطبيعة هذه المعصية وطبيعة الفتاة.

[wassim.h]

يعطيكي العافية......
أنا بوافء الأخت نادين 100% ....بس بحب زكّرك إنو هيدي مسؤولية....يعني بنصحك إنو تسألي شيخ بالأمور إلي ناوية تحكي فيا وإلي لازم تحكي فيا......أنا ماني عم فزّعك ها!!!!!..لأن مع إنك ناوية تفيدي البنت وتساعدية.....بس أمرار النتاءج بتكون عكس هيك...فسألي شيخ أظبط.....والله يوفّءك ويوفءه......

[محمد]

السلام عليكم
الله يبارك بكل فاعل خير ، وكل داع إلى الله
أنا رأي أنو كل رفيء بيعرف شلازم لرفيقو
في رفقا ما لازم تجين من عذاب النار لأن رح يهرب منك ......
في رفقا لازم تجين بهالطريق لأن هنا بيتقبلو هالحكي ، وهيدول بيكونو عادتا قريبين أكتر للدين
وكل واحد بيعرف رفيقو

[مايا]

انا بقول باعتبارا صديقتك اذا بتعرفيها بتلقا نصيحة نصحيها واذا لأ انا بقول خبري امها او حدا من اخواتها البنات لان اذا كانت ما بتتقبل النصيحة فيا ويلك ويا سواد ليلك اسألي مجرب

[فرح]

الله يبارك فيكم جميعآ..و بشكركن على النصائح..
و أنا أكيد بوافئك يا أخت نادين..مافي شكّ..
و مشكور يا أخّ وسيم ع النصيحة بسّ أنا ما إلي عين إسأل شيخ..ف بتمنّ منك تتولّى هل مهمّة عنّي..مشكور سلفآ..
بسّ با إخوان في شغلة ما وضحتلكن ياها..و هيّة يلي عم تزيد الطين بلّة..إنو انا ما بعرف البنت و منّا صحبة
ف شووووو العمل؟؟؟ فيني إتوقع كل شي من ردّت فعلا..
الله يرضى عليكن نوّروني...
مشكورييييييين..
*جزاكم الله خيرا*

[أيمن غ القلموني]

بس عندي سؤال تحتى نفهم الموضوع : إنت منك رفيقتا ولانكن صحبة ، طيب كيف عرفتي إنو عم يصير ممشاها مش منيح ؛ يمكن إللي وصلك هالحكي عم يبالغ ؛ فإذا بتسمحي تفهمينا إذا إنتي بتحكي معا نتفة أو إذا ما بتعرفيا بالمطلق ، لأن ساعتا في فرق ؛
فإذا ممكن توضحي أكتر ، إذا بتسمحي.

[فرح]

مشكور يا أخ أيمن على المشاركة..و تكرم عينك رح فهمّك..
أنا ما بعرفا بسّ رفيئتي بتعرفا شويّ..و أنا كتتتيييير منتبها ع تصرفاتا أبل كلشي طريئت لبسا كتييير غلط..و بعدين تصرفاتا يلّي ما حدن بيرضاها ع نفسو (أستغرك يا ربّ)
و الموضوع متأكدة منّو..و ان شاء الله كون غلطانة يا ريت!! بسّ للأسف منّي غلطانة:(..
يعني عم فكّر إنصحى أول شي ع لبسا..و أربا منّي و إحكيلا عنّي و أنو كل العالم بتغلط بسّ يلّي عم تعملو بحالا كتييير حرام و ما بجوز..
ف شو بتنصحوني يا إخوان؟؟ كيف بتصرّف؟؟
سلااام
*جزاكم الله خيرا*

[яiиda]

والله يا اختي كوين حلو كتير منّك انّك تستشيرينا بموضوعك هادا متل الاخ وسيم يعني بشي محيّرك او متدايقة منّو او او او.....
وانا حصل معي نفس الشّي تقريبا" ...: كان عندي رفيقة ما بتصلّي وكلّ عيلتها هيك فنفتح الموضوع وخبّرتني هيك .... آم رجعت قلتلها وفهّمتا انّو حرام وما بيجوز هيك فتفهّمتني .....وصارت هي الوحيدة يلّي بتصلّي بعيلتا...سلام

[أيمن غ القلموني]

هك وضحت الصورة نتفة ، وكلك ذوق.

هلأ الأفضل يمكن تاخدي رأي الصبايا بما إنا بنت ، بس منا مشكلة يعطوا الشباب رأيون.


رفيقتك تمشي معها ، أليس كذلك ؟ لكان بتتفقي مع رفيقتك والصبية إنكون بدكون تنزلوا نزلة على البحر تتمشوا ، عأساس إنو داء خلقكن من الكزدار بالضيعة ؛ وبتتفقوا على بعد المغرب.
إنتي بتكوني متفقة مثلا مع حدا كتير قريب منك إنو يتصل برفيقتك ويقولا شي شغلة بتخليا تطلع ركد وهك بدلكون وحدكن ؛ هذا إذا مادك تسمعي رفيقتك شو بدك تؤلي للصبية.
إذا ما في مشكلة تسمع ، فبلا ما حدا يتصل ، بس برأيي دلكون وحدكن أفضل.
بتنزلي معك وردتين لونون أحمر ، واحدة بتنتفي منا كم ورقة وواحدة ما بتدؤي فيا ، وبتؤليلى تفضلي ، نقي شي واحدة ؛ هي كردة فعل حتنقي الأفضل ويللي ما حدا داقق فيا ؛ وهك بتفوتي فيا ، وبتقوليلى إذا إنتي نقيتي الأفضل ، ويللي ما حدا شامما قبلك ، وهك دور الحجاب وهو صون الفتاة وحمايتها .................................................. ................ وهك بتكملي معها .............................................

في داعي كمل ؟؟

[فرح]

ههههههههههههههه...http://qalamoun.com/Forum/images/icons/icon10.gif و الله يا أخ أيمن فرطت من الضحك ع إقتراحك..الهيئة بتمسل أفلام و منّا عارفين:)
ألف شكر للجميع ع الإقتراحات
بس يا أخ أيمن بعد كل هل سيناريو..بدّك بالنهاية تنئّي الوردة المنزوعا..هههه..سيعيتا بشلحا بل بحر و بدل ريحاhttp://qalamoun.com/Forum/images/icons/icon10.gif..شو رئيكون؟؟ إقتراح ناجح موووو؟؟؟
*بعدين لو منّي عارفة إنك منّك هون يا أخ أيمن كنت فكرتك لاحءنا عل بحر لتعرف ل ID !http://qalamoun.com/Forum/images/icons/icon10.gif..
ع كل حال إنشاء الله بعمل بنصيحتك.. إزا ما حدن قترح حلّ أفضل..
الله يعتيكن الف عافيّة..و يسلموووووو..
*جزاكم الله خيرا*

[أيمن غ القلموني]

كنت حابب بس وصل فكرة إنو لازم تنصحيا وتبينيلا مفهوم الحجاب الصح.
أما الأسلوب ففيكي تعملي إللي بتحسي مفيد ، وأقرب للوصول لقلب البنت ؛ بس حبت وصل تشبيه الفتاة بالوردة الحمراء.
وشكرا على أسلوبك بالنقاش.
وإنتبهي ما قوم إلحقكن على البحر.

[الشامي]

السلام عليكم

الله يبارك فيكم على هالموضوع اللي في من وراه نتيجة عملية مهمة على أرض الواقع ...

على كل حال إقتراح أخونا أيمن جميل جدا والله يبارك فيه ... وإحنا لازم نستخدم فن الدعوة والأساليب المختلفة المُباحة للوصول لقلب المدعو ... وفكرة أخونا أيمن أحد الأفكار ...

أنا حبيت ضيف شغلة بسيطة إنو من أهم الأمور لقبول الطرف الآخر بفكرتك أختنا كوين هي الإخلاص والطريقة المناسبة اللي يتجلى فيها الحرص والحب والقرب والخوف على من تريدين دعوته...

لذلك أولا الدعاء لها ومن ثم التقرب إليها والتحبب (تهادوا تحابوا) ومن ثم إختيار الوقت والطريقة المناسبتين لفتح الموضوع المطلوب معها...

على كل حال الإخوة الله يبارك فيهم كفوا ووفوا وتابعينا بما تتمخض عنه الأيام المُقبلة...

أخوكم:rolleyes:

[HARD]

السلام عليكم .

كيف الجميع .

اختي Queen ليس من الضروري ان تتعرفي عليها او تتقربي منها لكي تنصحيها .....
ممكن اذا بتعرفي حدا من اصدقائها من اهل الثقة خبريها بالقصة وهي بتنصحها .

والله اعلم .

[яiиda]

يا الله عنجد ريّحتوني وبستطوني كتير كتير بردودكم ومساعدتكم ............. ان شاء الله ازا عندي مشكلة بحكيلكن يّاها وبتساعدوني بحلّها وبتعطوني اقتراحات متل الاخ ايمن مهيك؟؟؟؟...اكيد!!...سلام

[أبو الحسين]

السلام عليكم ...موضوع كتير حلو و مفيد ..و أنا بشكر الأخت كوين ان اجت و طلبت النصيحة و طرحت علينا الموضوع ...و بحب قول رأي انو حتى لو ما بتعرفي هالبنت لازم تحكيا و تنصحيا ...و في طريقة انو تعزمي رفيقتك عالغدى و تكوني متفقة معها انو تجيب معها هادي البنت و هيك فيكي تتعرفي عليا و توصليلا يلي بدك ياه و تفهميا الغلط من الصح و سلام

[فرح]

من جوّات ألبي بشكركن جزيل الشكر يا إخوان و أخوات..عنجد الله يبارك فيكن و ان شاء الله دايمآ رح إخود بنصيحتكن..:)
و الله بيشهد اديش ريحتوني:) و رح إخود من نصيحت كل واحد منكن و إن شاء الله بس يجي الوئت المناسب بتصرّف و بخبركن..و من هلء لوءتا ألله يفرجا و ما حدا ينساني بإقتراحو:)
مشكوريييين من الصميم..
*جزاكم الله خيرا*

[The Angel]

الحل انو تكوني معا و تحسيسيها انك معا و ما رح تتركيها , لأن اذا حسستيها بهل أشياء بتصير بترتاح معكي و هادا شي بساعدك كتير لهدايتها ....
حكي معا بطريقة فيها من الصبر كتير , و ما تعصبي لأن القصة بدها صبر ...
و كمان دعيلا كتير انو الله يهديها للطريق الصحيح و للأعمال يلي بترضي الله عز وجل ...

هيدا أحسن حل برأي , ان شاء الله كون فدتك ... سلام

[فرح]

سلام و مشكورة أخت angel :) ان شاء الله يمشي الحالللل:)
يدّي إسألكن..شو فيني إعمل لمّا شوف إنو أمّا للبنت الله يهديا و يسامحا ملاحظة ع بنتا و مطنّشة...!!!! أستغفر الله ..و الله متت منّا..يا عيبشوم بسّ مفكرا هيك بيجيا عرسان..
ياااااااا ربّ عفوك و رضاك شي بموّت..
مشكورين..
سلااام
*جزاكم الله خيرا*

[أيمن غ القلموني]

سلام و مشكورة أخت angel :) ان شاء الله يمشي الحالللل:)
يدّي إسألكن..شو فيني إعمل لمّا شوف إنو أمّا للبنت الله يهديا و يسامحا ملاحظة ع بنتا و مطنّشة...!!!! أستغفر الله ..و الله متت منّا..يا عيبشوم بسّ مفكرا هيك بيجيا عرسان..
ياااااااا ربّ عفوك و رضاك شي بموّت..
مشكورين..
سلااام
*جزاكم الله خيرا*



عندي سؤال : الأم محجبة ولا لأ ، وإذا محجبة ، على الموضة أو شرعي.

[فرح]

و الله يا أخ أيمن بخاف جاوب..و تصير تعرف و تتهيأ إنك بتعرف البنت..بركة شكات بواحدة ما زنبا؟؟
بس إللي شو بتفرق إزا محجبة أو لأ؟؟ يعني لشو بدّك توصل؟؟
مشكور:)
*جزاكم الله خيرا*

[أيمن غ القلموني]

و الله يا أخ أيمن بخاف جاوب..و تصير تعرف و تتهيأ إنك بتعرف البنت..بركة شكات بواحدة ما زنبا؟؟
بس إللي شو بتفرق إزا محجبة أو لأ؟؟ يعني لشو بدّك توصل؟؟
مشكور:)
*جزاكم الله خيرا*




إذا قلتيلي كنا محجبة الأم ولا لأ كيف بدي أعرف مينيا ؟
وإطمني مني عم فكر شي .
وإذا شاكة كنو إذا جاوبتي حدا يعرف ، بلا ما تجاوبي ، خلص بلا الجواب ؛ إن شاء الله بحط بجوابي الحالتين.
لكم جزيل الشكر.

[فرح]

الله يبارك فيك يا أخ أيمن..:) و أوعا تكون زعلت إنو ما جوابتك..هههه ولو بعرف عءلك كبير..(عم إمزح) :)....
ع كل حال ما إلتلّي... ليش سألت هل سؤال؟؟ فكرك إزا أمّا محجبة modern و تفنطز!! ميشان هيك البنت طلعت متلا؟؟ و الله لو هيك ما كنت ستغربت يلي صار و لا نصعقت بالأم كمان إنا عارفة و ساكتة!!!! صحّ؟؟؟
ان شاء الله تكون وصلت المعلومة...
و الصراحة بعد ما شفت إنو أما هيك..حسّيت عم تصعب كتييير..متل *تنان ضدّ واحد*...
بس الله مع الأوي بعرف..و إن شاء الله خير و الله يهدي الجميع..
مشكورين
*جزاكم الله خيرا*

[أيمن غ القلموني]

لكي جزيل الشكر ، ومني زعلان ، لش في سبب تئزعل ؛ ولو ..........:)
هلأ إنتي إن شاء الله بدك تحاولي تأثري على الأم من خلال البنت ، شو رأيك ، اتفقنا لكان ، تنكمل.

نسي الأم تماما ، وحاولي يكون حكيك مع البنت بدون علم الأم ، يعني بما إنا الأم منا مثال يحتذى بها فحاولي وقت تحكي البنت تحكيا عن إحدى الشخصيات من تاريخنا الإسلامي إللي بتشوفي إنا ممكن تكون قدوة لها ، وإذا بتهديا شي كتيب عن تلك الشخصية بكون أفضل ، والله تعالى أعلم.


أهم الشي إنك تحسسيا بالثقة ، يعني تخليا توثق بكي وهك بتحكيلك أوجاعا وهموما بكل عفوية ، وبتكوني مثل أختا وحتى إذا أما ما كتير بتهتم فيا فبتكوني إنتي بمثابة أمها ، والله أعلم.

إن شاء الله بالتوفيق ، وبعتقد الأفضل تسألي الأخت ساميا.

[فرح]

الله يبارك فيك يا ربّ و يعطيك ع أدّ نيتك..و بتشكرك ع مساعدتك و إهتمامك..أكيد رح آخد بنصيحتك و الله يسهلّ...
إن شاء الله ناطرا الوقت المناسب بسّ...و الله يأوينا...:)
بارك الله فيك:)
سلااام...
(يتبع)
*جزاكم الله خيرا*