.......هذا ما رأيت شارع "الكزدار"

[ich87]

.......هذا ما رأيت في شارع "الكزدار"!!!

هذه قصة حقيقية
وإن لم تصدقوها خذوا العبرة منها و هذا هو المهم.

في أحد الأيام دعاني أحد الأصدقاء في بلدة القلمون لزيارته هناك
سألته عما سنفعله هناك قال لي "أنت تعا و ما عليك" "لح ننبسط كتير"
أنا أول ما تخايل إلى ذهني أنها ستكون رحلة من العمر ....
و أنا على طريقي أول ما رأيت المسجد البحري قلت في نفسي أننا سنبدأ بصلاة العشاء ثم نتمشى على شاطىء البحر خصوصاً أنها كانت ليلة هادءة.
وصلت إلى منزل صديقي "لاقاني بالأهلى و السهلآ"
جلسنا نتحادث قال هيا لنذهب .
قلت له إلى أين؟؟
قال لي إلى شارع الكزدار!!!!!
أوبس:eek:!!!! ما هذا الإسم ؟؟؟!! كنت سأضحك و لكنني تمالكت نفسي
و سألته ما هذا؟ قال لي إنه شارع الكزدار إلا تعلم ما هو من إسمه تعرفه.
لأول وهلة ظننت أنه شارع يذهب إليه الأولاد ليلعبوا و معهم عاءلاتهم
أي أنه شارع تذهب إليه العائلات لترتاح من هموم الدنياا هناك.
و صلنا إلى شارع"الكزدار"
و هناك كانت المفاجأة....يا ليتني لم أصل إلى هذا الشارع تمنيت لو إنشقت الأرض و بلعتني و لم أصل إلى هذا الشارع..

إنه شارع الهموم إنه شارع المصائب ما هذا يا ربي هل أنا في أوروبا سويسرا ؟؟؟أحسست أن الدنيا تدور من حولي و كأن أحداً قد صب على عيوني "أسيدا"ً .....يا الله هل أنا في حلم؟؟؟! ما هذا!!!
إنه كابوس من الكوابيس. إنه شارع الكوابيس,
لم أرى إلا الحب و الغرام في هذا الشارع و كأنه شارع من شوارع باريس!!!!
سبحان الله ظننته شارع يروّح الإنسان فيه عن همومه و لكن عندما وصلت أحسست أن هموم الدنيا كلها نزلت فوق رأسي.
هل هكذا أصبح عندنا معنى "الكزدار" حب و غرام و "فزلكات" بالشوارع العامة؟
اللهم أهدي شبابنا و أبعدهم عن شوارع "الكزادير".
اللهم آمين

[دوكر]

يا هلا بالمعلم إش 87......
موضوع شارع الكزدار صار مفتوح كتير مرات.....
و معك حء يمكن شي بدايء و شي منو مأبول بالضيعة ما بعرف كنو اساتو لها طابع اسلامي.....
هلأ يمكن تدايء من حكي.....اول شي اهلا و سهلا فيك بضيعتنا الأبية.....بس النءطة التانية.....ليش الزلمة لي جيت لعندو أخدك ع شارع العشاق؟ ....ما في محلات تانية بالضيعة لكزدار......؟
و في نؤطة كمان.....ما عرفت انا وين شفتو الحب و الغرام......او يمكن في شوية شرخ بالمصطلحات.....لي شوفتو بسمو رزالة.....و وقاحة.....بيع للأخلاء.....و نظرات خبيثة ما بترجع ع صاحبا الا فتنة و حسرة.......
الله يهدينا......
المرة الجاية.....بعتلي رسالة ابل ما بجي بركا بنخلي الشباب يعملولك كزدورة بتشرح الصدر بالألمون الأبية.....
يعطيكن العافية......
اخوكم دوكر المعوكر......

[ich87]

.....بس النءطة التانية.....ليش الزلمة لي جيت لعندو أخدك ع شارع العشاق؟ ....ما في محلات تانية بالضيعة لكزدار......؟
و في نؤطة كمان.....ما عرفت انا وين شفتو الحب و الغرام......او يمكن في شوية شرخ بالمصطلحات.....لي شوفتو بسمو رزالة.....و وقاحة.....بيع للأخلاء.....و نظرات خبيثة ما بترجع ع صاحبا الا فتنة و حسرة.......
....
يعني لما رحنا لهونيك صاحبي حب يعرفني على هذا الشارع و نحنا كزدرنا بكتير شوارع غير هيدا الشارع المشؤوم
بس حبيت سلط الضوء عن هيدا الشارع بالذات لأنه شي مش معقول
الله يهدي شباب المسلمين اللهم آمين.
و بالنسبة للمصطلحات يعني ممكن يكون عندي شوية خلل بالمصطلحات و بوافقك على رأيك لأنه أنت عملت وصف دقيق أكثر مني بالنسبة لهيدا الموضوع.
السلام عليكم
أخوكم ICH87

[dania]

السلام عليكم

هلأ بصراحة من وجهة نظري معكون حق الاثنين بالرد الي رديتوا

بس بنفس الوقت كبرتوا الموضوع شوي يعني كيف لو تنزلو على بيروت وغيرا وغيراتا يا سيد اش87 مش رح ينكب على عيونك اسيد بس متل ما ذكرت رح ينكب شي تاني

المهم اهلا وسهلا فيك بالقلمون بس مرة تانية خلي رفيقك القلموني ياخدك مكان تاني بتلاقي مي ورد كتيررر فيه كبوا على عيونك وعيون رفيقك

ولاوووو يعني والله ما بدا هالقد لا تنسوا انو انتو او اخواتكون البنات او الشباب شو بيعرفني مين عم تمشوا بي هيدا الشارع

بعدين مليون مرة حكينا وقلنا الي ما بدوا يلم سيئات لا يمشي بهالشارع طلعوا صوب الاتوتستراد ههههههه عم امزح

بعدين هيدي القلمون لا تنسوا اوكي

شرفنا بزيارتك مرة تانية وسلااام بس الله يخليك انتبه على عيونك

[dania]

دوكر شو قصتك شو هالمصطلحات وانت اخ اش87 كيف بتوافقوا الرأي اكيد ما بتسمح لحدا يهين ضيعتك او ولاد ضيعتك مش معقول يعني


برجع وبقول كان اهلا وسهلا فيك بالقلمون

دوكرر والله زعلنا منك

[ich87]

دوكر شو قصتك شو هالمصطلحات وانت اخ اش87 كيف بتوافقوا الرأي اكيد ما بتسمح لحدا يهين ضيعتك او ولاد ضيعتك مش معقول يعني


برجع وبقول كان اهلا وسهلا فيك بالقلمون

دوكرر والله زعلنا منك
أنا مش عم وافقه على إهانة بنات الضيعة بس أنا وافقته على المصطلح يلي بينطبق على وصف الشارع بشكل عام
أصلاً طوال ما بنات الضيعة محافظين على أنفسهم ما في حدا بيقدر يهينهن ولا أنا غلطان؟
اللهم أستر على بنات المسلمين
اللهم آمين

[dania]

اخي ايش 87 انا ما قصدت بنات الضيعة بس ( انا قصدت القلمون)

يعني عدم المؤاخذة منك اهلا وسهلا فيك بأي وقت انت بتشرف القلمون بس ما في داعي لهيك موضوع مش اي شخص غريب هو الي بيصلح القلمون لا في الله رب العالمين هو الي بيهدي وبس مش العبد

يعني احتفظ برأيك وادعي الون بالهداية مش تنزل ذم فينا

وانا مليون مرة شاركت بالمنتدى وقلت كل انسان حر بكتفوا اليمين

ما حدا خصوا بالتاني ابدا كل واحد يتحمل مسؤولية افعالوا

صح المفروض ما يكون هيك جوابي والمفروض انو المؤمن وصاحب الاخلاق العالية يحاول يهدي اي شخص بيعرفو عالطريق الصح على الطريق المستقيم وصدقني لو كل واحد من شباب الضيعة حاول يصلح كل قريب منو كنا طلعنا بقلمون شريفة وطاهرة مش متل هلأ

بس خلص الاهل هيك بدون والقلمونية هيك بدون طبعا مش قصدي عالكل مع احترامي

المهم قصدي من هالموضوع كلامك مش بي محلو كان فيك تعبر عن شعورك لرفيقك القلموني

وشكرا

[ich87]

أنا أعتذر لأنني شاركت برأيي
إعتقدت أنه هناك حرية للتعبير أو أن البعض يؤمن بالرأي الآخر
و لكن سبحان الله
من دلنا من قول حرية الرأي حرية الرأي .... و بلا بلا بلا.....إلخ إلخ إلخ
و بس الواحد يحكي رأيوا بتاعدوا بتذموا فيه ليش لأنه صريح و عم يسلط الضوء على موضوع
مهم متل هيدا .
و بتقولوا احتفظ برأيك
ما بعرف بقا هيك حرية النقاش بيصير
يعني إذا الطرف التاني عطا رأيه بصراحة لازم ينجلد يعني
بعدين إذا كل واحد عندو رأي بيروح بقولوا لرفيقوا خلص سكروا هالمنتدى أحسن لأنه ما منوا فايدة و مناعد منتوشوش على بعض و خلص .
ما بعرف إذا إسا في هيك طريقة تفكير عند العالم.
عذراً على الرد القاسي

[dania]

بالعكس ردك مش قاسي وموضوعك كتير مهم بس انحكا فيه مليون مرة بالمنتدى

والمقصد من هيدا كلوا انك ضخمت الموضوع يعني لما دخلت الشارع حسستنا كأنك دخلت وكر من الفسق

راجع موضوعك وشوف

عدتوا شي مليون مرة ما صدقت انك تحكي عالقلمون

كان فيك تشارك بموضوع وتشكي فيه الي شفتوا بطريقة لبقة وصدقني كلنا رح نشارك

لأ والقهرة دوكر وافقك الرأي

برجع وبقول فكرتك سليمة والي قلتوا صح بس مش بهالطريقة منعالج الي منشوفوا

الهم اهدينا

[ich87]

أنا أعتذر إن كان صدر مني أي خطأ
أو ذلل
و ما سبب إثارتي للموضوع غلا غيرتاً على القلمون و أهل القلمون
لأنني أعتبرهم إخواني
ولو عرفت أنه قد تم سابقاً إثارة هذا الموضوع لما كتبته
و شكراً لكم تحياتي و تقديري

[dania]

شكرا الك وعلى حرصك عالقلمون :) شرفتنا :)

دوكررررر واللهي حسابك بعدين ههههههههههه

يا جماعة انا ما قهرني الموضوع على قد ما انقهرت من دوكرررررررررررررررررر :@

[محمد أبو أيمن]

السلام عليكم ورحمة الله وبركاته
بداية أحيّي جميع إخواني وأخواتي في القلمون، بلدة العلم والعلماء والأبطال والماجهدين.
أعتقد أن الموضوع أخذ أكثر من حجمه الطبيعي، ربّما الأخ إي 87 أخطأ باختيار بعض العبارات، ولكن هذا لا يعني الهروب من الواقع نحو المحاسبة على الرأي، وطالما أنّه أبدى الاعتذار يجب أن نتخطّى الكلمات والعبارات للنناقش المشكلة إن كانت موجودة كبيرةً كانت أم صغيرة.
من الممكن أن أُعطيَ مشاهداتي "وأنا لست من أبناء البلدة" ولكّني أكنّ لها كلَّ الحب والاحترام، لكل شارع وحيٍّ فيها ولكل فرد من أفرادها "للهجتها الأصيلة المحبوبة"، عندما كان يدعوني أحد الأصدقاء لزيارته فيها، كنت أُسَرّ جداً عندما أمر من بين البساتين والأشجار والبيوت كنت أشعر أنني أمرّ في أحياء ضيعتي.
كثير من الأحيان كنّا نصلّي في المسجد الداخلي للبلدي وعندما نخرج كنت أفاجأ بالعدد الكبير والهائل من الناس الذي "يتمشّون" في هذا الشارع، وعندما سألت أحد الأصدقاء مُبدياًَ الدهشة أجاب مبتسماً ـ ابتسامة لست أدري أكانت ابتسامة حرقة أم تهكّم ـ قال: "هذا شارع الكزدار" استغربت من هذه التسمية، وأظنّ أن هذا الشارع يبدأ من المسجد ولا أعلم أين تكون نهايته، لذلك لا يمكن لأي شخص إلاّ وأن يلاحظ هذا الأمر، عندما قلت للأخ "طيّب خلّينا نكزّدر متل كلّ هالعالم " رفض بشدّة وقال: "شو بدّك تشمسنا" وأيضاً مع الضحكة نفسها، والمفاجأة الأخرى "وهذه للأخ إتش 87" أنهم أخبروني أنه هناك شارع للملتزمين وأنهم يريدون أن يصطحبوني إلى هناك، تنزهّنا بعض الوقت وكانت نزهة جميلة مع أني لم أشاهد إلا بعض المارّّة.
هذا الأمر لم يثنيني عن الاستفسار عن عدم قبولهم بالتنزّه في ذاك الشارع، وصفوه لي بعدّة كلمات ـ وأنا أعتذر جداً على هذه العبارة ـ قيل لي أن هذا الشارع كان يسمّى بشارع العشّاق وتمّ تلطيف التسمية فيما بعد... ولن أضيف أكثر، وأظن أنه يجب أن يتوقّف النقاش هنا، ليفتح باباً أوسع للنقاش المفيد "وليس للجدل العقيم".
إن هذه المشكلة متواجدة في كلِّ منطقة من مناطق المسلمين، وأصْلُها فراغ الوقت القاتل والبعد عن اللالتزام ـ وليس البعد عن الدين معاذ الله ـ لذلك نريد من أصحاب الأفكار والعقول وأهل الدين والالتزام أن يقترحوا أفكاراً عملية لجذب إخواننا وأخواتنا لما هو مفيد وشرعي وأعتقد أن الإمكانات في البلدة متاحة ومتوفّرة.
ومن ثمّ نستفيد جميعاً من تجربة القلمون الرائدة إن شاء الله تعالى، لنسعى كلٌّ في منطقته ليطّبقها في حيّه انطلاقاً من المسجد أو المجموعة. (تحيّة صادقة لكل المشاركين في هذا الموضوع ).
والسلام عليكم

[أيمن غ القلموني]

أحبائي إتش ٨٧ ومحمد أبو أيمن ، بما أنكما من خارج القلمون لكما الحق أن تستغربا هذه العادة التي ترانها سيئة ، خاصة أن الشارع المذكور آنفا يقع قبالة الجامع الغربي؛ ولكن عندي تعليق صغير : المشكلة ليست في التسمية ولا في عادة الكزدار بحد ذاتها ، إنما لب المشكلة هو في العقلية السائدة لدى المروحين عن أنفسهم ( إللي بكزدرو) أو بالأحرى عدم الإهتمام بالتربية الأسرية .



هناك بالقلمون عدم فهم لمعنى الأبوة والأمومة ؛ بل لا أخطيء إذا قلت الأب والأم في الوادي والأولاد على قمة الجبل ، خاصة الأمهات ( أكيد مش الكل ، عم إحكي بشكل عام ) اللواتي لا يقدرون المهمة الملقاة على عاتقهم.


لقد بت على قناعة شبه تامة بأنه لا أمل في الجيل الحالي من الأمهات ( مع تقديرهم الكلي لما ضحوا من أجله ) ، كما أن أكثر الآباء لا يرعون الأبناء الإهتمام اللازم .
لذلك ، يجب العمل على تربية أجيال من الشباب يفهمون معنى أن تكون أبا أو أما مستقبلا.


للأخ إتش ، لش دوخت ، ولش إتخيلت حالك بسويسرا ، إنت بالقلمون بكل بساطة ؛
بس وين شفت الحب والغرام عأولة دوكر ، بعتلي رسالة خاصة :)؛ إللي شفتو هو تسلية من قبل الشباب بالفتيات بدون أي ضمير أو وازع ديني ، يضاف إليه فهم الفتيات أن التكلم مع الشباب هو من أسمى الأمنيات .


وللأخ أبو أيمن ، ليس هناك شوارع للدينين ولغير الدينين ، ما حدا يحاول يفصل ، الكل بالقلمون يمشي في كل الشوارع وما حدا بينشمس لو وين ما مشي . إنو هلأ واحد عادي إذا مشيتو بشارع الدينين ( وين هادا بس ) بصور إمام جامع.


المشكلة بمفهوم الثقافة السائدة عند أغلبية القلمونيين وهذا ما يجب العمل على تصحيحه.

أخيرا ، إللي مو عاجبتو القلمون ما يجي يكزدر بكل بساطة ، بس كمان إنو يجي ويفتحلنا موضوع عن كون القلمون أصبحت مرتعا للفساد ، ويجب الإنطلاق في عملية جراحية لإستئصاله ، فهذا ليس بصحيح ؛ الأمر ليس بهذا السوء الذي تظنوه ، ولست بمخطيء إن قلت الكزدار جميل إن صاحبه الأدب.

[الزاهر]

اللي لابس ابيض............دغري بتبين عليه البقعة السوداء يا أيمن!!!

[ich87]

اللي لابس ابيض............دغري بتبين عليه البقعة السوداء يا أيمن!!!

الحمد لله أن البقعة السوداء صغيرة

[ich87]

للأخ إتش ، لش دوخت ، ولش إتخيلت حالك بسويسرا ، إنت بالقلمون بكل بساطة ؛
بس وين شفت الحب والغرام عأولة دوكر ،






والله لو تقرأ جيداً لعلمت أنني توافقت مع أخونا دوكر

[أيمن غ القلموني]

والله لو تقرأ جيداً لعلمت أنني توافقت مع أخونا دوكر
[/center]



أها أوكي ، بس إنا حبت أكدلك إنو ما لازم تنصدم لأن قصة هذا الشارع قديمة وستطول وتطول وسيصبح رمزا للقلمون.

[أبو النكد]

كل واحد منكم بجي و ببلش يتزكا الشارع و قهروا الشارع و ليس فيه الا الحب و الغرام و واحد قال ما بسموه حب و التاني متدايق على العالم و التالت يريد ان يعطي محاضرات في الاخلاق و دروس
ليش ما كل واحد منكم بيلتهي بحاله ؟
في واحد لاحقنا بدو ياك تطبق الدين كله في عشر دقائق و التاني بدو يمشي العالم على زوقوا بعدين يا جانا عالم من طرابلس هلأ يصلحوا المشاكل لي عنا و ينصحونا حبيبي اذا الشارع لم يعجبك فأنظر الى ما عندكم هل نست راس الصخر او كرنيش المينا؟
بعدين انا لا ارى شيء مما ترنوه في شارع الكزدار عادي عالم عم تمشي اين رأيتم كل ما تتكلمون عنه و لكن انتم اناس لا تفكرون الا بالعلاقات الجنسية البحتة و ليس عندكم اي نظرة اخرى للمجتمع

[ich87]

و لكن انتم اناس لا تفكرون الا بالعلاقات الجنسية البحتة و ليس عندكم اي نظرة اخرى للمجتمع
إن وصل الحوار إلى هذا المستوى أنا أعتذر عن المناقشة في الموضوع
عذراً منكم إخواني القلمونيين

[Warrior]

إن وصل الحوار إلى هذا المستوى أنا أعتذر عن المناقشة في الموضوع
عذراً منكم إخواني القلمونيين


اهلا بك في بلدة القلمون من على الانترنت واهلا بكل المشتركين الجدد .

شكرا اخي العزيز على غيرتك وحبك للقلمون ونحن نبادرك هذا الشعور ان شاء الله.....

نعم اخي لماذا تعتذر، ناقش الموضوع والجميع سوف ينقاش وتوقع كل انواع الردود .

انت بالبداية طرحت الموضوع كانك كنت بالسعودية وهذا يومك الاول في لبنان ، الم تزر طرابلس من قبل ؟! .

المهم خليك معنا وخلي صدرك رحب لكل الردود لا احد يخانقك... .

انت ماذا تبغي من الموضوع وماذا تريد من طرحك هذا الموضوع ، هل تغيير هذا الواقع ام لفت انظار المشاركين على هذه المشكلة المعروفة .ام ......

ان كان لديك حلول معينة او افكار تساعد على ما تريد، اطرحها للناقشها ونحن لك من الشاكرين .

واهلا بكم .

[الزاهر]

الهيئة أخونا ich87 ما معود عأبو النكد!!!.............:).............هاد يا معلم بس تشفلو مشاركة نط عنها.............لا تعطيه بال!!!
إلا إذا كان عبالك تعصب وتسم بدنك!!!


:):):)

[محمد أبو أيمن]

السلام عليكم ورحمة الله وبركاته.

نعم لنُناقش الموضوع ...
أؤيد الأخ أيمن بأن هناك مشكلة من الناحية الأسرية وهذه الظاهرة تدلّ على أن هناك شرخ بين الأبناء والأهل ( يعني عنّا نفس الموضوع بتلاقي الشباب مش طايقين يقعدو مع أهلن بيروحو على المينا يكزّدرو مثلاً).
والمشكلة الأساس يا أخ أبو النكد ـ مش الفسق والفجور والعياذ بالله ـ لأنّو أظنّ أنه مستحيل أن يحدث هذا في منطقة مثل القلمون ـ إنّما هو فراغ الوقت القاتل كما قلت سابقاً وهذه مشكلة شئت أم أبيت ـ وطالما أن الإمكانات موجودة "ما شاء الله" ليش ما بيصير في نادي ترفيهي للشباب تتوفّر فيه كلّ وسائل الترفيه والراحة بالإضافة إلى الضوابط الشرعية، وخلّينا نبلّش من هون لنبدأ بمطالبة بلديّاتنا في كلّ منطقة بتخصيص قطعة أرض وهذا متوفّر والحمد لله ليصار لاحقاً إلى مشاركة المتموّلين الغيورين على مصير ومصلحة أبناء القلمون أو طرابلس أو أي منطقة في تأسيس ملتقيات شبابية يشارك فيها أيضاً الأهل .
ثمّ نعم التوعية والالتزام الديني من أهمّ الحلول بالإضافة إلى الاهتمام بشؤون إخواننا في الله.
يا أخ إيتش شكلك عصبي ما بدها هالأدّ (ياريت تبعتلي إي ميلك الخاص).
يا أخ أبو النّكد ليش بدّك يانا نلتهي بحالنا ؟؟؟؟ ما قرأت حديث الرسول صلى الله عليه وسلّم :"من لم يهتم بأمر المسلمين فليس منهم" بدّك يانا نخالف هالحديث؟
ههه وبعدين رح ضَلّ زور القلمون لأنّو فيها أحبابي وإخوانّي وفيها أطيب ناس.
يا أخ أبو النكد مين بيقدر يعطيك دروس ومحاضرات بالأخلاق .... ما شاء الله عنّك كفّيت ووفّيت. ولا أظن أن المشاركين في المنتدى يوافقونك هذا الأسلوب.
ويا هلا بالأخوين Warrior والزاهر .
هههه مش شايفين كيف من أقدار الله سبحانه وتعالى؛ جاية موقع القلمون بين طرابلس وبيروت ؟؟؟؟ يعني مضطرّين نمرّ فيها ونشمّ عطر الليمون وبالمرّة منسّلّم على الأحباب .
ما تنسونا من دعائكم

[أيمن غ القلموني]

يا عيوني يا إتش:1 (86): ، أخونا أبو النكد عاطي جو مع إنو حكيو دج ، بآ فيك ما تلتكش في ، مع إني شخصيا بيعجبني بجرأته.

[ich87]

[quote=أيمن غنوم;54365]
يا عيوني يا إتش:1 (86): ، أخونا أبو النكد عاطي جو مع إنو حكيو دج ، بآ فيك ما تلتكش في ، مع إني شخصيا بيعجبني بجرأته.

[/quot

يعني في شي إسمه جرأة و شي إلو إسم تاني ما إلي عين قولوه
و بالنسبة لأبو النكد هيدا مش حوار هيدي مخانقة
يعني لو واحد إجا و حكي على طرابلس و قال شو فيا مشاكل و طرح حلول , عيب عليي إذا بزعل و بناقش و ما عندي أيا مشكلة
بس يكون نقاش هادىء و رايق و محترم
لكم تحياتي و تقديري

[ich87]

يا أخ إيتش شكلك عصبي ما بدها هالأدّ (ياريت تبعتلي إي ميلك الخاص).

ما تنسونا من دعائكم
مش بالضروري إبعتلك إيمايلي الخاص لازم يكون الحوار هون بكل شفافية حتى الكل يشوفوا

[عاشقة القلمون]

السلام عليكم ورحمة الله وبركاته

أريد أن أشبه هذا الموضوع المطروح والتعليقات عليه كالإنسان الذي ابتلي ببلاء كبير ومرض خطير فجاءه الطبيب ليفتش عن سبب علته فأخذ المكبر وبدأ يبحث في أنحاء جسده ، يبحث ويبحث ، يبحث ويبحث حتى وجد الجرثومة القاتلة.
الإنسان ألا وهي الأرض بأكملها والجرثومة التي لا ترى بالعين المجردة هي بلدتي الحبيبة. ما هي إلا نقطة في بحر من المتاهات والفساد. فيا أخي الزائر لبلدتنا الحبيبة ضيعتنا مسلمة الجذور وأخرجت من بطونها العلماء والحافظين لكتاب الله والحافظات بفضل الله تعالى ولكنها تبقى جزء من العالم الإسلامي الذي انهار في يوم من الأيام.
فالخير والشر صديقان متناقضان داخل النفس البشرية وداخل الأسرة وداخل المجتمع يصارع منهما الآخر إلى أن يغلب الخير بإذن الله.
فلا تبتئس من مناظر ضيعتنا ابتئس من مروجي هذه المناظر... ابتئس من الفضائيات ..........ابتئس من الأغاني الماجنة.............
لا يحق لأحد أن يستغرب فالديشات زينت أسطح المنازل الفقير منا والغني إلا من رحمه ربي يتابع المسلسلات الغرامية والفيديوكليبات الإباحية
أعود إليك أخي الزائر وأقول القلمون فيها الصالح وفيها الطالح ومن صور لك أن القلمون كلها صلاح فقد أخطأ ومن صورها لك بؤرة من الفساد فقد أخطأ
الطالح فيها جرثومة من العالم بأسره ....................... أصح يا نايم
الأولى بصديقك الذي زرته أن يأخذك إلى المكان الذي يظن أن يشرح له صدرك وأن يستر عيوب ضيعته لا أن يتبجح بخطأ ساكنيها

[яiиda]

سلام للجميع ....اولا" مشكور اخونا (http://qalamoun.com/Forum/member.php?u=834)ich87 على الموضوع مع انّو مبالغ فيه كتير ..... (http://qalamoun.com/Forum/member.php?u=834)
هلأ صحيح ما بتشوف الا كلّ 2 ماشيين مع بعضن (ومنو جميع يلّي عم يكزّروا كمان بسّ الاغلبيّة بهاداك الشّارع)
بعدين يا اخّ ابو النّكد ليش عم تردّ بشكل معادي على الاخ ich87 (http://qalamoun.com/Forum/member.php?u=834) كلّ شي بينحلّ بالرّواق ولا ازا شي متعلّق بالضّيعة ما حدن بيسكت ولو انّو ما معو حقّ؟؟
في كتير هيك اشكال بالضّيعة بسّ والحمدلله الضّيعة ما بتخلا من الاوادم وهيدا شي معروف.....
سلامو:).

[الزاهر]

تذكير:

شروط الكتابة في الساحة :
- منع المواضيع التي تكون مضامينها دعاية محضة ، سواء كان مردودها ماديا أم سياسيا دون أخذ الإذن المسبق من الإدارة.
- منع المواضيع التي تقتصر على مجرد الإحالة إلى رابط ما .
- منع الكتابة بغير اللغة العربية.
- منع المواضيع التي تقتصر على القص واللصق .
- منع توجيه الإهانات و الشتائم و السخرية .
- منع تكرار المواضيع والردود.
- منع التسجيل بأسماء الهيئات والجمعيات والمؤسسات احترازا من التلبيس والإشتباه الذي قد يستغله البعض .
- كتابة الآيات بصورة واضحة وتمييزها عن سائر الكلام.
- الأفكار و التحليلات المطروحة تعبر عن آراء أصحابها.
- توثيق ما يتم نقله أو كتابته، والعزو وتوضيح المصدر في حالة الإقتباس.
- يُمنع وضع وصلات من خارج موقع القلمون في صندوق المحادثات .
- يحق للإدارة حذف المداخلات التي لا تمت بصلة إلى موضوع النقاش حين تجد مصلحة في ذلك.
- يحق للإدارة إضافة شروط جديدة أو تعديل شروط قديمة إذا رأت في ذلك مصلحة للموقع.

[الزاهر]

w ya a5 zeher leh me3terdine 3al kitebeh bi ger loga l3arabiye ma lkol zel2ine bel 3arabi w l2ossa bi sir badha istaz ta ysale7 l2a5ta2 l2imle2iye... :1 (76):


ممممم... والله يا أختي هين الكتابة بالعربي .... إذا لم تكن بالفصحى فلتكن بالعامية لكن الحرف عربي .... هكذا نفهم الكلام مباشرة ولا نحتاج لمترجم ليقرأ لنا المشاركة ويخبرنا عما فيها!!!.......:)



الأمر بسيط... دوكر بيكتب عربي...:)..مو صعبة الأصة!!!

[abou h]

والله يا أخي معك حق و أنا بوافقك الرأي لأنو هالشارع شوه صوة الضيعة يللي كانت معروفة بالملتزمين بس صار كل واحد بيسمع بالقلمون بيتزكر شارع الكزدار