مشاهدة النسخة كاملة : سيران رمضان (عنا بالضيعة)
яiиda
08-10-2008, 10:48 PM
بسم الله الرحمن الرحيم .....
صرلي شي مليون سنه مفكرة اكتب هيدا الموضوع بس مني عم إئدر ،هلأ صار فيني ....
الموضوع يتكلم عن سيران رمضان (عنا بالضيعة ) ما بعرف إذا بباقي المناطق بيعملوا سيران بس أنا عام احكي بالأخص عنا بالضيعة ....يقولون أنه إستقبال لرمضان لكنني لا أجد هذا الكلام أبداً لأننا كما نرى أن كل ما يحصل معاكس تماماً .... فكل الذين يذهبون إلى الجبل (أو بالأحرى كل الضيعة ) يأخذون معهم مسجلات و ستريو و و و ...هل ليستمعو إلى القرآن ؟؟؟؟ كلا أكيد بل للرقص والفقش والغناء والعياذ بالله ..... أهكذا نستقبل رمضان شهر الرحمة والغفران ؟؟ شهر التوبة ، شهر التقرب من الله عز وجل ..... و يا ريت لو شباب بس أو بنات بس بيعملوا هيك ،بس لأ أستغفر الله شو عم احكي أنا !!!استغفر الله ! بنات وحدن و شباب وحدن !! يا دلي !! (هيكه عم احكي أنا ؟؟؟ يا عيبشوم عليي )، لأ هيدا إسمو تخلف، التطور يكون بالانخلاط (يعني شباب و بنات) كل واحد بيكون شاكل على خصرو girl friend تبعيتو ، ،و فحش و تياب مظنطرة وما إلى ذلك .....أكيد انتو استغربتو و تساءلتو كيف بعرف كل هادا !!!!....أنا بطلع على الجبل مع اقربائي بس والحمدلله إني بكمل تعربش على الجبل و بطلع بوقت مبكر ميشان ما التقى فيين .....فشو رأيكن ؟؟؟!!! وهل هكذا يكون إستقبال هذا الشهر الفضيل وبهذه الطريقة ؟؟؟ (أكيد لأ)......
سلام:)
ام السعد
08-10-2008, 10:54 PM
صرلي شي مليون سنه مفكرة اكتب هيدا الموضوع بس مني عم إئدر ،هلأ صار فيني ....
الله يبارك
Nader 3:16
08-10-2008, 11:08 PM
هههههههههههههههههههه اقسم بالله فرطت من الضحك وءت ءريت الموضوع....لأنو اسلوب مفرطش عالآخر.وما تخيلت غير واحد عم يقولو ادامي (ذاكر يا زاهر الولد الصغير يلي عملنا الخطبة بالجامع)..ههههههه و عم يعيط وءت وصل عجملة (هل ليستمعوا للقرآن).
التطور يكون بالانخلاط(هههههههههههههههههههههههههه)........بس بدك شي مولينكس اجدد موديل.
الموضوع لا بأس به مع انو ليس في وقته. واكيد لا ينبغي استقبال رمضان بهالشغلات. و ليش ركزتي بس عالسيران؟؟؟ ليش برمضان عالسحور!!!...بنات و شباب عم يطبقوا سنة السحور ما هيك؟؟؟؟؟
و لك للأسف وصلنا لمرحلة انو رمضان صار موضة..عنجد عم احكي.....انا ما بكذب.....
وعفكرة تعليق ام السعد كمانا حلو ...من وحي المناسبة يعني.
و خلص.
soulayma
08-10-2008, 11:52 PM
hahahahahahahaha wa ma3ek hak
яiиda
09-10-2008, 05:52 PM
لك ضحكتوني تلاتتكن ......و رجعت ضحكت على حالي بعدين من طريقة الكتيبه .... بس هيك أهلا و أحسن من إنها تكون ناشفه....
яiиda
09-10-2008, 06:14 PM
(صرلي شي مليون سنه مفكرة اكتب هيدا الموضوع بس مني عم إئدر ،هلأ صار فيني ...)
الله يبارك
...ههههههههههههههه ...شايفه يعني هلأ كل شي كتبت بهيدا المنتدى صار أثري ....يعني (ممنوع حدا يقرا شو كتبت بلا ما يدفع مصاري.:p... سمعتوا ؟؟!!! و أنا بطلب من المشرف إنو ينفذ ;))
شكراً الك أخ معترض ازدي نادر على الإعتراض .... و منو خلص بدي أول إنو ممنوع التقليد سمعت!! ازدي سمعتوا !!..... شو بني اليوم مني عم أعرف احكي .. هلأ خلص ...
سلام:)
الزاهر
10-10-2008, 12:44 AM
السلام عليكم
السيران أبيح ... والسيران منو منيح .. وبالسيران بيصير شغلات منها منيحة ... وبالسيرات في معاصي ... وبالسيران في أغاني ... وعالسيرا في ... وتحت السيران في .... وعيمينو .... طيب وبعديـــــــــــــــــــــــــــــــــــــــــــــ ـــــــن ؟؟؟!!!
شتغير ... حكينا حكينا ولساه كل سيران متل اللي ابلو !!! ... والحل ؟؟!!
خطباء الجمعة كل أبل رمضان بيحكو كلمين بالموضوع وصلى الله وبارك!!!
وما عم يتغير شي !!!
هاتو لنشوف .... خلونا نطلع من هالموضوع وفي عنا مشروع عملي لنتدارك الأمر شوية ....
إنو مثلا مثلا مثلا : إنو الست ريندا تبلش هي وكم واحدة من رفيقاتها يحضرو لسيران عام لرمضان القادم إن شاء الله ونحنا هون أنا والمعلم نادر منعمل نفس الشي للشباب .... منحط فقرات وووو .... ومنجهز إعلان عام ودعوة لأهل القلمون ومن هالأصص .... (خيالات !!! بس بينشغل عهيك شي!!!)
أو إنو مثلا مثلا مثلا : بما إنو يوم السيران معظمهم بيطلعو عالسهل ... منحضرلنا شي كرمس بالسهل ومنكون عالنين عنو أبل بوئت :) .. هيك الجميع بيلتهي بالولاد وبولادو وبالنشاطات وبالجوائز والتشجيع والأكل !!!
أو مثلا مثلا مثلا : تفكرو معي بكم فكرة "قابلة للتطبيق" ولو بدها شوية جهد وشوية شحادة من اللي مستعدين وقادرين يتبرعو لدعم هكذا مشروع!!!
فشــــــــــــــــــــــــــو رأيكم ؟؟؟
السلام عليكم
السيران أبيح ... والسيران منو منيح .. وبالسيران بيصير شغلات منها منيحة ... وبالسيرات في معاصي ... وبالسيران في أغاني ... وعالسيرا في ... وتحت السيران في .... وعيمينو .... طيب وبعديـــــــــــــــــــــــــــــــــــــــــــــ ـــــــن ؟؟؟!!!
شتغير ... حكينا حكينا ولساه كل سيران متل اللي ابلو !!! ... والحل ؟؟!!
خطباء الجمعة كل أبل رمضان بيحكو كلمين بالموضوع وصلى الله وبارك!!!
وما عم يتغير شي !!!
هاتو لنشوف .... خلونا نطلع من هالموضوع وفي عنا مشروع عملي لنتدارك الأمر شوية ....
إنو مثلا مثلا مثلا : إنو الست ريندا تبلش هي وكم واحدة من رفيقاتها يحضرو لسيران عام لرمضان القادم إن شاء الله ونحنا هون أنا والمعلم نادر منعمل نفس الشي للشباب .... منحط فقرات وووو .... ومنجهز إعلان عام ودعوة لأهل القلمون ومن هالأصص .... (خيالات !!! بس بينشغل عهيك شي!!!)
أو إنو مثلا مثلا مثلا : بما إنو يوم السيران معظمهم بيطلعو عالسهل ... منحضرلنا شي كرمس بالسهل ومنكون عالنين عنو أبل بوئت :) .. هيك الجميع بيلتهي بالولاد وبولادو وبالنشاطات وبالجوائز والتشجيع والأكل !!!
أو مثلا مثلا مثلا : تفكرو معي بكم فكرة "قابلة للتطبيق" ولو بدها شوية جهد وشوية شحادة من اللي مستعدين وقادرين يتبرعو لدعم هكذا مشروع!!!
فشــــــــــــــــــــــــــو رأيكم ؟؟؟
فكرة حلوة والله منك قليل يا زاهر .
شباب ياريت فيني كون معكم بس اذا الفكرة بدها مصاري فأنا اول المتبرعين .
Nader 3:16
10-10-2008, 05:03 AM
ايمتن بشوفك تإستلم منك المصريات؟؟؟؟
الزاهر
10-10-2008, 05:33 AM
شوا نادر .. خلص طبخت الأفكار ودرست الإمكانات والموارد والمطلوبات وجهزت السهل باللوازم وبقي بدك المصريات بس !!!!
flauritta
10-10-2008, 02:32 PM
و الله الايام عم تركض ركض يا اخت rinda. والله و كبرتي بسرعة..مبارحة بتزكر انو كان عمرك 15و عم تأدمي عل breuvet.و هلأ صرتي بل ستينات و عحفّت السبعين كمان.ليكي شرأيك تفتحي موضوع انو يوم القيامة ارّب لانّو الايام عم طّير!!!و عفكرة الاخ joujou alwan بيتكفل بالقاء الخطبة اذا بدّك!!
du3333333=p
flauritta
10-10-2008, 02:38 PM
و عفكرة نسيت الّك..صايرة عم تنكتي كمان!!
شو يا اخّ شرايك؟؟
flauritta
10-10-2008, 02:45 PM
اوف مليون سنة كمان!!!لاّ هلّء نتبهت..صار بدنا الاخ joujou عل سريع لكن..و انتي يا امّ ياسر(اللة يحميها) اقصد يا rinda عجليلنا بل موضوع شويّة!!!!!du333
яiиda
10-10-2008, 08:09 PM
فكرة حلوه أخ زاهر .... إن شاء الله منرجع منناقشها كلنا بعدين ..... مستعجله ......
سلام :)
Nader 3:16
11-10-2008, 01:45 AM
بدي اسأل الاخت فلوريتا من وين بتعرفي صديقي جواد ؟؟؟؟
و انا موء بدي اطلع معكم عهالسيران لأنو الجامعة بتبلش الاثنين. بس عفكرة مشاركة زاهر بتنعمل غنية...
بكرا منسجلها و منحطها عالستيريو و من طلعوا معنا عالسهل....و كمانا منكفي تعربش عالجبل.
بالاول من زمان من شي مليون سنة تقريباً...
كانو الجماعة يطلعوا عالسهل و يطلعو اكل و يعلقو عالشجر مواعظ و ومن وحي رمضان..و كانو يمنعوا الفحش بالسهل...يعني يا زاهر بدك تدبر شي حدا يطلع يدعمك بالمشروع احسن ما توكل اتل...
بس ثبتوا رمضان ايمتن ولا اسا منشان نعرف حالنا شبدنا نعمل....
яiиda
12-10-2008, 01:12 AM
سلام ...
تا نشوف .... هلأ فكرتك يا أخ زاهر كتير حلوه و معقولة بالنسبه للتنفيذ ....
خلينا نحكي بالموضوع مع كل الاعضاء مع إنو اسن بكير لرمضان بس أحسن.:D.. و بما اني ضيعت اللقاء (تاعنا) (بس من دون علم) .... فهيدي فرصة تانية إلي.... فأنا بأول لكل الأخوات إنو إذا بيعجبن هيك شي أو إذا ما عندن مانع انن يطلعو عالسهل أو لشي محل .... و يكون هيدا الشي كل سيران رمضان إن شاء الله .... و يتثبت الموضوع إذا في داعي .....(يعني إذا قبل الجميع).... و فكرة الكرمس معقولة بس بدا مسؤوليه كبيره كتيييييييير ... بس ما تنسولنا التعربش ها:D:p .... منعمل فقرات تحدي ;)...
أما بالنسبه لكي يا أخت فلوريتة أكيد إنو الزمان منو واقف .... و عمري منو ١٥ (على فكرة يعني) .....فكرة حلوه بفتح هيك موضوع بس أنا من فاضيه حك راسي ميشان هيك أنا بوكلك انتي ... إذا بدك أكيد .... بعدن منو هيدا جوجو علوان ؟؟؟؟!! .... والتنكيت!!! هيدي قصة أديمه بلاااوي ...
و حتى إنت يا معترض أفكارك حلوه كمان .....
يلا كلكن بقى اتحفونا ..... ش نوطرين ؟؟؟؟؟
سلام :)
flauritta
12-10-2008, 01:54 AM
Issetek 3am te7kay???byeeeeeeeeeeeeee
flauritta
12-10-2008, 01:55 AM
W ya akh..wled 3elwen ma biday3aw:p
الزاهر
12-10-2008, 01:58 AM
إذا من هلأ بدنا نبلش كل واحد يشلح الشغل عالتاني فما رح يزبط شي ابدا !!!
طيب ... خليني هيك فكر بصوت عالي شوية :
فكرة سيران جماعي صعبة التطبيق ... لأن أكيد بدو يكون من شروط السيران إنو الإكل من عندكم من البيت !!! ... آه وبروح وحدي ومع أهلي لأيش لجي مع هالولاد !!! ... بعدين منها فكرة جديدة وما بتشجع!!
طيب بالنسبة للكرمس ... آه والله شي حلو .. خصوصي إنو السهل كتير مناسب لهيك أمور .. بس يا عمي في كم شغلة صعبة .... إنو كيف بدي طلع المعدات لفوء !!! ... ولازم يكون في سبيكرات وأصص ودواوين !!! .. هادي محلولة ... في بالضيعة 2 وايرلس أمبليفايرز ... فهادي محلولة ... طيب هيك نشاط بدو عالأليلة 12 أو 15 منظم ... منوين بدنا نجيبهم ... لك منوين بدك تجيب المنظمين منها مشكلة .. بس بدك يكون في إخلاص بالشغل وإلا بلاها أحسن .. هادي أصة ... طيب .. خليها لبعدين هادي ... مصريات ... أف ... هادي أصة كمان !!! :) .... طيب بركا نحنا وفوء طبو علينا المخابرات ميننكم إنتو وشعم تعملو هون وبصفتكم مين ومين داعمكن !!!! .... بتتدبر مع البلدية هادي منها أصة كبيرة !!! .. طيب وإنو طالعين عالإكل واللعب وبس !!! ... والكبار بيأعدو يتفرجو !!! ... لا لا .. بيتحضر كم فقرة هيك هيك متل كلمة لشي حدا من الشباب .... طيب ... وإنو بس لعب وأرجة وسماع .. لازم يكون في ضيافات ... هممممم ... هادي بس نحل أصة المصريات بتنحل !!! ... بس كل المشاكل كوم .. وأصة إنك تلائي شباب تشتغل المشروع بإخلاص كوم وحدو!!! ... حلولنا ياها وكلشي بيصير هين !!!
ناطركم ها!!! :)
Nader 3:16
12-10-2008, 02:14 AM
اخ زاهر الفكرة لا بأس بها لكن بدك دعم من الجماعة مثلاً....
و منعمل متل ما ؤلنا يافطات من وحي رمضان منعلقها عالشجر و العالم يلي طالعا بتقرأها و بتستفاد...
وكل شي الا حدا يحكيلي ع joujou من غر شر منو بالقلمون و انا مزعوج بلااااااااوي......يعني الله يخليكم ما حدا يحكيلي عليه...هادا متل اخي الصغير...........
omomar
12-10-2008, 02:27 PM
السلام عليكم
ولا يهمكن واحنا داعميكم وفكرة كتير حلوة و بركد هالاولاد بينبسطوا بقدوم رمضان .بس اذا بدكم تنجح المفروض تشتغلولها منيح.وأكيد احنا منساعدكم بالمطلوب منا .
الزاهر
12-10-2008, 04:38 PM
:)
هو لو في 3 أم عمر بالضيعة كان كلو مشي بس للأسف !!!
هي الأفكار بدها شوية طبخ وتمخمخ أول شي ... فبدنا نعرف مين من الشباب مستعد يقدم شي للمشروع ليتخططلو أول شي وبعدين التنفيذ بيجي عرواء وبصيرة !! ... واللي بدو يؤول أنا بدو يكون أد الكلمة ها!!! :)
яiиda
12-10-2008, 05:07 PM
إذا من هلأ بدنا نبلش كل واحد يشلح الشغل عالتاني فما رح يزبط شي ابدا !!!
طيب ... خليني هيك فكر بصوت عالي شوية :
فكرة سيران جماعي صعبة التطبيق ... لأن أكيد بدو يكون من شروط السيران إنو الإكل من عندكم من البيت !!! ... آه وبروح وحدي ومع أهلي لأيش لجي مع هالولاد !!! ... بعدين منها فكرة جديدة وما بتشجع!!
طيب بالنسبة للكرمس ... آه والله شي حلو .. خصوصي إنو السهل كتير مناسب لهيك أمور .. بس يا عمي في كم شغلة صعبة .... إنو كيف بدي طلع المعدات لفوء !!! ... ولازم يكون في سبيكرات وأصص ودواوين !!! .. هادي محلولة ... في بالضيعة 2 وايرلس أمبليفايرز ... فهادي محلولة ... طيب هيك نشاط بدو عالأليلة 12 أو 15 منظم ... منوين بدنا نجيبهم ... لك منوين بدك تجيب المنظمين منها مشكلة .. بس بدك يكون في إخلاص بالشغل وإلا بلاها أحسن .. هادي أصة ... طيب .. خليها لبعدين هادي ... مصريات ... أف ... هادي أصة كمان !!! :) .... طيب بركا نحنا وفوء طبو علينا المخابرات ميننكم إنتو وشعم تعملو هون وبصفتكم مين ومين داعمكن !!!! .... بتتدبر مع البلدية هادي منها أصة كبيرة !!! .. طيب وإنو طالعين عالإكل واللعب وبس !!! ... والكبار بيأعدو يتفرجو !!! ... لا لا .. بيتحضر كم فقرة هيك هيك متل كلمة لشي حدا من الشباب .... طيب ... وإنو بس لعب وأرجة وسماع .. لازم يكون في ضيافات ... هممممم ... هادي بس نحل أصة المصريات بتنحل !!! ... بس كل المشاكل كوم .. وأصة إنك تلائي شباب تشتغل المشروع بإخلاص كوم وحدو!!! ... حلولنا ياها وكلشي بيصير هين !!!
ناطركم ها!!! :)
يا الله !!!! والله القصة بدا شغل و مسؤوليه ووو .....
ليش حتى كل واحد يشلح الشغل على تاني ؟؟؟؟ الكل مسؤول و إذا جتمعتو مع بعضكن ما بيعيد حدن بيحس بثقل ل وحدو ... و ما شاء الله من قلة ما في شباب عم تسأل مين بدو يحمل المعدات ؟؟؟؟ و من وين بدك تجيب منظمين !!!.... و إن شاء الله شباب الضيعة فينا نعتمد علين (يعني ما بينعتل همن )...!!! مهيك؟؟؟ ولا أنا مغلطة ؟؟!!!
بالنسبه للمصاري منعمل متل ما صار بلقاء الأعضاء ... كل شخص بيدفع مبلغ منكون محددينو احنا ...... و شخص معين بيستلم المصاري ...
بعدين أكيد بدو يكون في فقرات و ضيافه و حكي و و و .... (ليش من عجبك كل هيدا!!) .... هاتو كل شي عندكن ....طيب إذا اسن بدك أفكار ...كل واحد من الأعضاء بياتحفنا بفكرة و مندرسها كلنا .....
و يا أخ معترض ما بدنا دعم من حدن .... منكفي و منوفي (إن شاء الله )....
و حتى لو إحتجنا دعم(و إن شاء الله ما نحتاج ) ما منطلبو من الجماعة ....
شكراً الك يا أم عمر على التطوع و الدعم ... بدنا منك تكوني مخططة معنا انتي و مايا و أم السعد و سامية و لينا و باربي و أمنيات و انجل و كل الأخوات ... بس يلا ش نوطرين؟؟؟؟؟؟
سلام:)
الزاهر
12-10-2008, 05:53 PM
الهيئة لسا ما مجربة العمل الإجتماعي يا أخت ريندا !!! ... إذا بتلائي 4 تأنعيهم يشتغلو بإخلاص للمشروع بيكون هاد بحد ذاتو إنجاز أهم من المشروع كلو !!! ... وياما مشاريع فشلت لانعدام الإخلاص والإلتزام متل مشروع التزيين برمضان وعالعيد !! ... ذاكرينو ؟؟!! .. اللي صرعنا فه المنتدى بفترة من الفترات ... وأطلقنا وعود .... واستفسرنا عن التكاليف والكميات .... وحكينا عالم منشان الموارد ... بيطلع بالآخر في شخص واحد بس حاطط المشروع بمخو متل العالم ... وإيد واحدة ما بتزئف ففشل المشروع كلياتو ... فالإخلاص بالعمل ومعرفة لأيش عم إعمل المشروع والنية الصحيحة أهم من المشروع بحد ذاتو !!!
it's ha
12-10-2008, 08:11 PM
بالنسبة للموضوع معك مليون حق يعني ما منستقبل رمضان بالمعصية بس للاسف هيدي عادات تعودناها بضيعتنا من زمان ولازم تتحسن
الزاهر
12-10-2008, 08:15 PM
بالنسبة للموضوع معك مليون حق يعني ما منستقبل رمضان بالمعصية بس للاسف هيدي عادات تعودناها بضيعتنا من زمان ولازم تتحسن
طيب كيف ؟؟
الهيئة لسا ما مجربة العمل الإجتماعي يا أخت ريندا !!! ... إذا بتلائي 4 تأنعيهم يشتغلو بإخلاص للمشروع بيكون هاد بحد ذاتو إنجاز أهم من المشروع كلو !!! ... وياما مشاريع فشلت لانعدام الإخلاص والإلتزام متل مشروع التزيين برمضان وعالعيد !! ... ذاكرينو ؟؟!! .. اللي صرعنا فه المنتدى بفترة من الفترات ... وأطلقنا وعود .... واستفسرنا عن التكاليف والكميات .... وحكينا عالم منشان الموارد ... بيطلع بالآخر في شخص واحد بس حاطط المشروع بمخو متل العالم ... وإيد واحدة ما بتزئف ففشل المشروع كلياتو ... فالإخلاص بالعمل ومعرفة لأيش عم إعمل المشروع والنية الصحيحة أهم من المشروع بحد ذاتو !!!
وكمان لازم يكون في إخلاص بالنيّة
مهيك؟
ما لازم الواحد يفكر حالو وحدو صح والباقيين غلط
عم احكي يا جارة لتسمعي يا .............
omomar
12-10-2008, 08:42 PM
السلام عليكم
ولو اخ زاهر كلمة ام عمر ما بتكفي .والله يبارك فيكم . بس انا هلاء بقول انه لازم نفكر ونمول مشروع لعيد الاضحى قبل السيران او منفتح موضوع عنه .
الزاهر
12-10-2008, 08:46 PM
مشروع متل أيش ؟؟؟ .. إذا في شي مسودة منفتحلو موضوع ومنشوف كنو بينشغل عليه !!!
яiиda
12-10-2008, 08:59 PM
السلام عليكم
ولو اخ زاهر كلمة ام عمر ما بتكفي .والله يبارك فيكم . بس انا هلاء بقول انه لازم نفكر ونمول مشروع لعيد الاضحى قبل السيران او منفتح موضوع عنه .
سلام ....
ما في مشكله أبداً بس متل ايش؟؟؟؟؟؟؟
سلام :)
яiиda
12-10-2008, 09:14 PM
الهيئة لسا ما مجربة العمل الإجتماعي يا أخت ريندا !!! ... إذا بتلائي 4 تأنعيهم يشتغلو بإخلاص للمشروع بيكون هاد بحد ذاتو إنجاز أهم من المشروع كلو !!! ... وياما مشاريع فشلت لانعدام الإخلاص والإلتزام متل مشروع التزيين برمضان وعالعيد !! ... ذاكرينو ؟؟!! .. اللي صرعنا فه المنتدى بفترة من الفترات ... وأطلقنا وعود .... واستفسرنا عن التكاليف والكميات .... وحكينا عالم منشان الموارد ... بيطلع بالآخر في شخص واحد بس حاطط المشروع بمخو متل العالم ... وإيد واحدة ما بتزئف ففشل المشروع كلياتو ... فالإخلاص بالعمل ومعرفة لأيش عم إعمل المشروع والنية الصحيحة أهم من المشروع بحد ذاتو !!!
يا أخ زاهر أكيد مجربه(مع إرايبين و رفقة ) و بعرف إنو دائماً في ناس ما بتهتم.....بس كمان في ناس بيهتمو بعدين احنا منسأل ل حتى نعرف ....
شكراً يا الحل على المشاركة بس ميشان تتحسن ساعدونا نتفه هيكه ب كم فكرة ل حتى نمنع أد ما فينا ....و شو الرأي تبعك ميشان الأفكار المطروحة أبله؟؟؟؟؟!!!
و شو يا أخت روعة .... شكلا ما عجبتك الفكرة ؟؟؟؟؟؟؟
طيب عطونا رأيكن !!!!!!!! أو إقتراحات و حلول لل مشاكل المطروحة ......
لك وينكن و وين التفاعل الأوي يلي كان يا أعضاء المنتدى؟؟؟؟؟؟؟؟ولا منكن أد المسؤليه ؟؟؟!!!! هاتو تا نشوف ورجونا يلي عندكن ......
( عم نحنفشن !!!)
سلام :)
omomar
12-10-2008, 09:24 PM
مشروع كرمس للأولاد على العيد . و بالأول عملنا بقاعة الجامع التحتاني وكتير نجح . يعني منجيب كم لعبة ومنلعب الاولاد فيها ولو بسعر زهيد وبس يربحوا كم مرة بيطلعلوا لعبة ببلاش .
omomar
12-10-2008, 09:34 PM
السلام عليكم
والالعاب في منها بسيطة وكتير سهل احضارها .متل سيارات على ريموت كنترول ورسم طريق ليمشي عليها المشترك .وفرودة وأهداف يضربوا عليها .والسمكة والى اخره ..........و فينا نحطلهم كم كمبيوتر للألعاب وهيك بالقليل منفيد ومنستفيد ومنبسط الاولاد. ويمكن انا ما كتير مركزة لان الاولاد عم يتغالظوا واسان ما ناموا بس باعتقد المشروع كتير سهل وما بده الا مساعدةمن الشباب والبنات يلي بدهم يوقفوا على الالعاب .
الزاهر
12-10-2008, 09:37 PM
طيب تمام ... بدنا لكن همتكم بالتواصل مع الجماعة وتحركش الموضوع من هلأ !!! ...
яiиda
12-10-2008, 09:43 PM
السلام عليكم
والالعاب في منها بسيطة وكتير سهل احضارها .متل سيارات على ريموت كنترول ورسم طريق ليمشي عليها المشترك .وفرودة وأهداف يضربوا عليها .والسمكة والى اخره ..........و فينا نحطلهم كم كمبيوتر للألعاب وهيك بالقليل منفيد ومنستفيد ومنبسط الاولاد. ويمكن انا ما كتير مركزة لان الاولاد عم يتغالظوا واسان ما ناموا بس باعتقد المشروع كتير سهل وما بده الا مساعدةمن الشباب والبنات يلي بدهم يوقفوا على الالعاب .
إن شاء الله يكون متل منك عم تقولي .... خي في حدن ورجاني ميله ايجابيه للموضوع !!!!!....
سلام :)
яiиda
12-10-2008, 09:53 PM
هلأ بدكن تطلبو مساعده من الجماعة ؟؟؟؟؟؟؟؟؟؟؟؟
جاوبوني هلأ ولك ........
سلام :)
ام السعد
12-10-2008, 10:00 PM
نصحيتي للأخ الزاهر :
هي الانضمام الى الجماعة الاسلامية او جماعة عباد الرحمن
فهناك الامكانيات المادية متوفرة والحمدلله
وعندهم والشباب والاخوات اصحاب النية الخالصة لله
هذا رأيي فكر فيه
الزاهر
12-10-2008, 10:24 PM
أنا مفكر بهالأمر من زمان ومقتنع بأن العمل الإجتماعي فاشل خارج الدائرة المؤسساتية ... لكن لحديث تفاصيل لا أرغب في الحديث عنها هنا !!!
نصحيتي للأخ الزاهر :
هي الانضمام الى الجماعة الاسلامية او جماعة عباد الرحمن
فهناك الامكانيات المادية متوفرة والحمدلله
وعندهم والشباب والاخوات اصحاب النية الخالصة لله
هذا رأيي فكر فيه
яiиda
12-10-2008, 11:21 PM
eh .... wou ba3den????allah a3lam
ميشان ما تروح الأفكار
يمكن أحسن ينترك هالموضوع لوقتو
وينفتح موضوع عيد الأضحى جدياً
شرأيكم؟
яiиda
12-10-2008, 11:39 PM
ميشان ما تروح الأفكار
يمكن أحسن ينترك هالموضوع لوقتو
وينفتح موضوع عيد الأضحى جدياً
شرأيكم؟
مشان موضوع عيد الأضحى .... خلي الاخت أم عمر تفتحو و منناقشو كلنا.....بس إذا موضوع السيران ما خلصنا منو فهل احنا فاضيين نخطط ميشان موضوع العيد؟؟؟؟
بس أنا بعتقد إنو إذا تركنا هيدا الموضوع ببطل ينفتح لأنو بتقل مروتنة عنو و منبطل نحكي فيه لأنو هيك أريح النا بس احنا بدنا ننعش المنتدى و ما بيناسبنا هيك ف ايش؟؟؟؟؟؟؟؟؟
سلام :)
مشان موضوع عيد الأضحى .... خلي الاخت أم عمر تفتحو و منناقشو كلنا.....بس إذا موضوع السيران ما خلصنا منو فهل احنا فاضيين نخطط ميشان موضوع العيد؟؟؟؟
بس أنا بعتقد إنو إذا تركنا هيدا الموضوع ببطل ينفتح لأنو بتقل مروتنة عنو و منبطل نحكي فيه لأنو هيك أريح النا بس احنا بدنا ننعش المنتدى و ما بيناسبنا هيك ف ايش؟؟؟؟؟؟؟؟؟
سلام :)
قصدي إنو أقربلنا هلأ عيد الأضحى
الزاهر
13-10-2008, 01:07 AM
لا تخافي ... اللي مقتنع بالفكرة وفعلا نيتو صادقة لك بيشوفها بمناماتو ابل بشهر من السيران وبيجي يفيء الموضوع !!! ... :)
صاحب القضية لا ينساها !!!
مشان موضوع عيد الأضحى .... خلي الاخت أم عمر تفتحو و منناقشو كلنا.....بس إذا موضوع السيران ما خلصنا منو فهل احنا فاضيين نخطط ميشان موضوع العيد؟؟؟؟
بس أنا بعتقد إنو إذا تركنا هيدا الموضوع ببطل ينفتح لأنو بتقل مروتنة عنو و منبطل نحكي فيه لأنو هيك أريح النا بس احنا بدنا ننعش المنتدى و ما بيناسبنا هيك ف ايش؟؟؟؟؟؟؟؟؟
سلام :)
omomar
13-10-2008, 05:41 PM
السلام عليكم
هلاء يلي بدهم يشاركوا بالمشروع المفروض نكون منعرفهم . يعني الاخ زاهر منعرفوا والاخت روعة منعرفها بس الاخت ريندا انا لسا ما تعرفت عليها .اوانتو بتعرفوها ؟
яiиda
13-10-2008, 06:24 PM
السلام عليكم
هلاء يلي بدهم يشاركوا بالمشروع المفروض نكون منعرفهم . يعني الاخ زاهر منعرفوا والاخت روعة منعرفها بس الاخت ريندا انا لسا ما تعرفت عليها .اوانتو بتعرفوها ؟
هههههه .... أنا برأيي إنو بلاهة لأنو منو ضروري!!.... كل شي رح يصير هوني و بعدين أنا مني وحدي يلي مشاركه و غير معروفه (منو لحديت هلأ) ....
salam :)
الزاهر
13-10-2008, 10:18 PM
وأنا برأيي نفتحلو موضوع خاص وساعتها هوميك لكل حادث حديث ولكل مقام مقال ولكل موضوع أعضاء !!!
яiиda
13-10-2008, 11:23 PM
وأنا برأيي نفتحلو موضوع خاص وساعتها هوميك لكل حادث حديث ولكل مقام مقال ولكل موضوع أعضاء !!!
eh...و يا أخت أم عمر فتحي الموضوع إنتي أو الأخ زاهر !!!!
و أنا برأيي إنو يتسكر هيدا الموضوع على الاخر لأنو أولاً ما شكلو حدن جاهز للمساعده أو للتنظيم even .....و نسوا إنو في هيك موضوع .....
و يا أخ زاهر و أخت أم عمر و روعة بلا ما نتعب راسنا بهيدا الموضوع لأنو بالنهايه مش رح يطلع بنتيجه:( ....(أكيد بدكن تقولوا إنو دغري استسلمت "هيدي منها عادتي على فكرة يعني " بس ما لأيت تفاعل و متل ما ألت يا أخ زاهر ايد واحده ما بتزقف (مع إنو احنا 8 ايدين:pمع بعضنا ) ..... بس إذا بدكن منرجع منكمل فيه و منفتحو بوقتو :D ..... ف ايش؟؟؟؟؟؟
و سلام ....:)
الزاهر
13-10-2008, 11:29 PM
كلشي بوقتو حلو !!!
Nader 3:16
14-10-2008, 02:24 AM
هلء ايمتن السيران؟؟؟ كل الشباب عم يسألوني؟؟؟ ايشوا الاكل؟؟؟؟
اديش الدفع؟؟؟ وين التجمع؟؟؟؟ السيران مختلط او لأ؟؟؟؟؟ في فواكه بعد الاكل ؟؟؟ لعب فولي؟؟؟ شو ؟؟
انابرأيي هالمشروع يتخطط له في الصيف بعد تأمين غطاء من البلدية ومن الجماعة الاسلامية لأنو وحدنا ما رح نقدر نعمل شي. و خصوصاً انو البنات شغّيلين عالآخر...يعني فاي الواحد يعتمد عليهم بلاااااااااااااوي.....
яiиda
14-10-2008, 06:08 PM
هلء ايمتن السيران؟؟؟ كل الشباب عم يسألوني؟؟؟ ايشوا الاكل؟؟؟؟
اديش الدفع؟؟؟ وين التجمع؟؟؟؟ السيران مختلط او لأ؟؟؟؟؟ في فواكه بعد الاكل ؟؟؟ لعب فولي؟؟؟ شو ؟؟
انابرأيي هالمشروع يتخطط له في الصيف بعد تأمين غطاء من البلدية ومن الجماعة الاسلامية لأنو وحدنا ما رح نقدر نعمل شي. و خصوصاً انو البنات شغّيلين عالآخر...يعني فاي الواحد يعتمد عليهم بلاااااااااااااوي.....
سلام ....
رح جاوب على كل أسئلتك و مرح خليك حيران أبداً ......
طيب يا خيي ما النالك إنو السيران بكرا و الأكل هو مجدرة ..... اسن شو في ؟؟
الدفع 100000 .... التجمع تحت البيت .....مودي ألك ..... كمان مودي ألك .... أكيد في فولي....
بس أنا برأيي إنو يتسكر الموضوع لأنو ما بدي دعم من حدن (أو إذا بدكن بخطط معكن و بساعدكٌن بس بلا ما جاي معكن و بعدين طلب دعم من مين ما بدكن ما لي علاقة ) .....
بعدين ما حدن يحكي على البنات وإلا :p!!!!
سمعتوا !!!..و يلا
سلام ....:)
ghassano
12-01-2009, 08:13 PM
بسم الله الرحمن الرحيم .....
صرلي شي مليون سنه مفكرة اكتب هيدا الموضوع بس مني عم إئدر ،هلأ صار فيني ....
الموضوع يتكلم عن سيران رمضان (عنا بالضيعة ) ما بعرف إذا بباقي المناطق بيعملوا سيران بس أنا عام احكي بالأخص عنا بالضيعة ....يقولون أنه إستقبال لرمضان لكنني لا أجد هذا الكلام أبداً لأننا كما نرى أن كل ما يحصل معاكس تماماً .... فكل الذين يذهبون إلى الجبل (أو بالأحرى كل الضيعة ) يأخذون معهم مسجلات و ستريو و و و ...هل ليستمعو إلى القرآن ؟؟؟؟ كلا أكيد بل للرقص والفقش والغناء والعياذ بالله ..... أهكذا نستقبل رمضان شهر الرحمة والغفران ؟؟ شهر التوبة ، شهر التقرب من الله عز وجل ..... و يا ريت لو شباب بس أو بنات بس بيعملوا هيك ،بس لأ أستغفر الله شو عم احكي أنا !!!استغفر الله ! بنات وحدن و شباب وحدن !! يا دلي !! (هيكه عم احكي أنا ؟؟؟ يا عيبشوم عليي )، لأ هيدا إسمو تخلف، التطور يكون بالانخلاط (يعني شباب و بنات) كل واحد بيكون شاكل على خصرو girl friend تبعيتو ، ،و فحش و تياب مظنطرة وما إلى ذلك .....أكيد انتو استغربتو و تساءلتو كيف بعرف كل هادا !!!!....أنا بطلع على الجبل مع اقربائي بس والحمدلله إني بكمل تعربش على الجبل و بطلع بوقت مبكر ميشان ما التقى فيين .....فشو رأيكن ؟؟؟!!! وهل هكذا يكون إستقبال هذا الشهر الفضيل وبهذه الطريقة ؟؟؟ (أكيد لأ)......
سلام:)
سلام وعليكم كيفك يا أخت رندة ؟
أنا بدي أول أللة يبارك فيكي على هل موضوع المهم واللي أنا قمنا بدي كنت إكتب عنو بس سبقتني ...
والله بهل أيام ما في علم بيستحو أبداً وإذا بدك بيعملو شغلة إدام العالم وما بيستحو أبداً
********
وكمن اسة الأغاني والرقص والطبل هيدا كلو صار منو شي عند يلي ما بيستحو وصارت سنه عندن
وكمن إنو كل واحد مصاحب وحده وعبيطة وحطت ادو على خصرة وما تحت ......
حدة الشي البايخ عندن بعتئد إنو فهمتني سلام
سلام وعليكم الشي البايخ عندن بعتئد إنو فهمتني سلام
سلام وعليكم
haitham
04-03-2009, 04:36 AM
السلام عليكم والله خابر حالي اخر مره اطلعة فيها سيران كانت من شي 25 عام خمسه وعشرون عام وبتمنى تنو الله ايطول بعمري تا اقدر اطلع سيران مره تانيه بس مثل سيران ايام زمان مش مثل سيران هاي الايام مثل ما حكيت اغاني ورقص وفرفشه
haitham
04-03-2009, 04:51 AM
السلام عليكم انا والله نفسي اطلع سيران هاي الايام لئنو اطلعت مره واحده بحياتي وكانت قبل شي 30 عام شي ثلاثون عام بس ايكون سيران مثل ايام زمان مش مثل هاي الايام مثل ما اتفضلتو كلو اغاني ورقص
haitham
04-03-2009, 04:52 AM
انا موذاكر كان من شي 25 او 30 سنه اخر زياره الي كانت للبنان من شي سنتين
haitham
04-03-2009, 05:32 PM
والله زمان على ايام السيارين اخر مره اطلعت فيها سيران مش فاكر كانت من شي 25 او 30 سنه
яiиda
14-03-2009, 08:35 PM
شكرا الك أخي ghassano و أخي هيثم على مروركم ..!
Powered by vBulletin® Version 4.1.11 Copyright © 2026 vBulletin Solutions, Inc. All rights reserved, TranZ by Almuhajir