المساعد الشخصي الرقمي

مشاهدة النسخة كاملة : سؤال يخص المغتربين ياريت الإجابه


nana
18-10-2008, 10:06 PM
ببالي سؤال وحابي كل مغترب يرد على سؤالي والأخص يلي عايش بي الإمارات




الحياة الغربه سهله

هل قادر تكون عندكون فرصه تعملو صداقات من بعد الدوام ولا شغل كل وقتكون

زحمت الإمارات ككل كيف قادرين تتحملوا

ايا ساعه بتطلعو الصبح من البيت جتى تقدرو توصلو بكير عل الشغل

مين بيطبخلكون ولا المطاعم مطبخكون اليومي

بتحضرو تلفزيون في برنامج معين بتحضروه

ملل

مبسوطين بشغل.هل غلاء المعيشه قادرين تسيطرو عليه

يلي ماعندو سياره شو بيعمل تيروح شغلو

ويلي بيمرض مين بيوقف حدو


بالنسبه قلي كل مشكلتي دوام شغلي مع إنو دوامي بس للساعه 4 وبس بس ضغط الشغل مابخليني اطلع من المكتب قبل 6
وبالإجازات وغير الإجازات 24 ساعه بالبيت على التلفزيون
من كرهي للزحمه الصبح صرت بكره اطلع برا من بعد الدوام او بالإجازات يعني صرت متأقلمه تأقلم كامل بهل بحياة

يلي ناطره ردورد الجميع
al 7al
20-10-2008, 01:12 PM
وكأني بك تتكلمين عن بيروت
اسألي كل يلي بيشتغلو ببيروت وكأنها نفس الحالة التي تصفينها بالتمام إلا أن الفرق الوحيد هو الغربة
من فترة قليلة صرت أحدهم وسأجيبك لأننا نعاني نفس الحالة
الصداقات عندي مبنية منذ زمن لكن التواصل معهم أصبح صعب لذلك ألتقيهم وأراسلهم عبر النت رغم أني أنا وإياهم في نفس الضيعة لكن أن نلتقي مع بعض وفي نفس الوقت أصبح صعب
بس ملاحظة أكيد مانو صداقات بين بنت وشب لأن هذا في الدين غير جائز
al 7al
20-10-2008, 01:17 PM
زحمت بيروت رح يصير معنا عصبي بسببها يعني شي أرف
الدوام ببلش الساعة 8 ولازم نمشي قبل 3 ساعات تنوصل شو بدي قولك ...
مسألة الطبخ الله يخليلنا الوالده
كان في مسلسل احضرو اسمو الأخبار وكل يوم حلقة شكل وما بيخلص بس هلأ بطلت لأن شي بوجع الراس
ملل صح ملل كتير
al 7al
20-10-2008, 01:22 PM
لاء ماني مبسوط بالشغل بس شو منعمل بدنا نعيش والغلاء كوارث يعني ما عاد نتحمل بس شو منعمل ما باليد حيلة
إسا بدك حكي ومشاكل وكوارث وأرف ...
بس بستغرب عنك يعني إنتي بنت روحي تزوجي واتركي الشغل بتريحي حالك يعني البنت مانا مجبورة تشتغل تتأمن مصروف هادي شغلت الرجال
عمر ملاط
20-10-2008, 01:23 PM
اشكيلي حتى ابكيلك

أما بالنسبة للعجقة... فحدث ولا حرج. صايرة الروحة عم تاخد معي ساعتين ونصف إلى 3 ساعات يوميا... أما الرجعة... فلا حدود لها....
وبالتالي... الأسئلة الباقية تمت الاجابة عنها.. أكيد ما في تلفزيون... لأن يا دوب الواحد يوصل ينام...
وبالنسبة للأكل.. فأنا عمر... قصدي أنا معروف اني باكل كل كم يوم مرة... وهيكة...
المعارف الحمد لله كل يوم بزيدو واحد أو اثنين.. يوم بتعرف على الغسالة... ويوم على الفرن.. يوم على ممسحة الأرض... وكل كم يوم بتعرف على التلفون.. بتصل على الضيعة...

يعني بالعربي الفصيح... البقية بحياتي....
مصطفى معتوق
20-10-2008, 03:34 PM
لا تعليق نو كومانت
hadid
20-10-2008, 05:00 PM
افتكرت بالأول إنك يمكن بدك تغتربي وعم تسألي بس بعدين انتبهت إنك مغتربة أصلاً بقا ما عاد في داعي نكتب شي لأنك خلص اعرفتي الغربة !!
nana
27-10-2008, 03:28 PM
جواب دانيا بما انو مش قادره ادخل المنتدى بأسمي



الحياة الغربه سهله
(كتييير سهله )



هل قادر تكون عندكون فرصه تعملو صداقات من بعد الدوام ولا شغل كل وقتكون

الحمدالله ابداااا ما عندي اصدقاء بالامارات وبرا الامارات
وبالعكس دايما فاضيه بخلص شغل ساعه 4 هيني اذا فيكي شي عالنادي شي عالبحر شي عالجبل (ههههه) سبق سيارات مطاعم مولات سينما يا سلاااام والله العظيم احلى حياه الحمدالله


زحمت الإمارات ككل كيف قادرين تتحملوا

ما عندي زحمه بي بوظبي كتيرر مرتاحه


ايا ساعه بتطلعو الصبح من البيت جتى تقدرو توصلو بكير عل الشغل

ههههه بطلع 8 الا ربع وبوصل 8 الا عشره هههههه


مين بيطبخلكون ولا المطاعم مطبخكون اليومي

ممممممم المطاعم


بتحضرو تلفزيون في برنامج معين بتحضروه

ما خصني اصلا ما بفوت عالبيت ههههه لوقت النوم


ملل



ابدااااااااا مش حاسه بملل



مبسوطين بشغل.هل غلاء المعيشه قادرين تسيطرو عليه

مبسوطه بالشغل بس والحمدالله احسن من غيرنا بالرغم من الغلا الزايد


يلي ماعندو سياره شو بيعمل تيروح شغلو

بالباص هههههه بس انا عندي سياره


ويلي بيمرض مين بيوقف حدو

الله