أزمة السكن في القلمون

السلام عليكم ورحمة الله وبركاته

بعتأد إنو كل الشباب بالضيعة بعانو من أزمة البيوت و الغلا اللي صار حتى إنو منن صار عندو نوع من اليأس و فئد الأمل من إنو يتزوج..و عأولة إبني رياض: الله يرحمو جدي أبو أبو رياض لو ما ورثني هالشقة كنت هلأ عم إشحد عباب الجامع..
يعني مع الإيام عم يغلى متر العمار و ما حدا عم يرضى يبيع أرضو فصار الشب ما بيلائي حدا ببيع شقق أصلاً وإذا لئي بيلائيلو شقة شي 120 متر أدّ أنّ الدجاج و سعرا بدو شي عشرين سنة تيخلصو...المهم نحنا بهالموضوع بدنا نشوف الحلول وإقتراحات الأعضاء لتفادي الأزمة..

إقتراحات أبو رياض:
1- إنو البلدية تطالب بزيادة عدد الطوابق المسموح فيا..وهيكا بيرخص سعر الشقق
2-إنو البلدية مثلا تستثمر شي أرض و تعمل مشروع لفريق من الشباب بكون كل واحد منن دافعلو شي عشرين ألف دولار كراس مال و البلدية بتعمر البناية و كل شب بيطلعلو شقة بسعر معأول و بيكمل حأى للبلدية ..يعني إذا البناية 5 طوابق و فيا 10 شقق بيكون راس المال 200 ألف دولار..والأرض من البلدية..هادا المشروع يمكن بيمشي بفرئة شباب بلا البلدية و بلا منيتن..
3-إنوالبلدية نحتل أراضي جديدة متل قلحات و أبو حلقة و تسترجع الأراضي اللي انشفطت من الألمون تنعمر عليا..
4-إنو البلدية تزبط التريء و التواصل بالضيعة فوء الأتوستراد متل الخليء تنصير نحس إنو فوء الأتوستراد تابع للضيعة و تتصير العالم تسكن فوء..
5-إنو البلدية تعمل كرم أخلاء و تعمر لهالشباب اللي بدون يتزوجو متل إيام الخلافة..آ ليكن شإسمن مسؤولين عن المسلمين بالضيعة و إحنا انتخبناهن ..
.
.
.
etc

اقتباس:

---

المشاركة الأصلية كتبت بواسطة أبو رياض القلموني

إقتراحات أبو رياض:
1- إنو البلدية تطالب بزيادة عدد الطوابق المسموح فيا..وهيكا بيرخص سعر الشقق

---

+1 عالاقتراح وأنا مأيدو من زمان بموضوع قديم عن المساحات الخضراء في القلمون !

مقترحات جداً معقولة...!
ومن ناحية تانية زيادة عدد الطوابق بالبناية ممكن يساهم الى حد ما بتخفيف التآكل الطبيعي للقلمون...!

لأنو بالفعل كما انو الزواج نص الدين...! صارت دارجة انو تأمين السكن هو نصّ الزواج...!
مشكور يا عمّو ابو رياض على فتح هالموضوع...!
وبإنتظار الحلول.......!

اقتباس:

---

المشاركة الأصلية كتبت بواسطة أبو رياض القلموني

إقتراحات أبو رياض:
1- إنو البلدية تطالب بزيادة عدد الطوابق المسموح فيا..وهيكا بيرخص سعر الشقق

---

دكتور وسيم : ما هي الإجراءات اللازمة لتحقيق هكذا أمر ؟

اقتباس:

---

المشاركة الأصلية كتبت بواسطة أبو رياض القلموني

5-إنو البلدية تعمل كرم أخلاء و تعمر لهالشباب اللي بدون يتزوجو متل إيام الخلافة..آ ليكن شإسمن مسؤولين عن المسلمين بالضيعة و إحنا انتخبناهن ..

---

في حل أحلى... ليش الشباب ما بيعملوا متل أيام الخلافة الأولى وبيعيشوا بخيم ؟

اقتباس:

---

المشاركة الأصلية كتبت بواسطة أبو رياض القلموني

2-إنو البلدية مثلا تستثمر شي أرض و تعمل مشروع لفريق من الشباب بكون كل واحد منن دافعلو شي عشرين ألف دولار كراس مال و البلدية بتعمر البناية و كل شب بيطلعلو شقة بسعر معأول و بيكمل حأى للبلدية ..يعني إذا البناية 5 طوابق و فيا 10 شقق بيكون راس المال 200 ألف دولار..والأرض من البلدية..هادا المشروع يمكن بيمشي بفرئة شباب بلا البلدية و بلا منيتن..

---

هذا الموضوع بالتحديد مطروح من فترة بعيدة ( أقصد مشكلة الشقق ) ومشكور كثيراً الأخ أبو رياض على طرحه القيم .

أما فكرة أن تستثمر البلدية قطعة أرض وتساعد الشباب ، فهي فكرة جميلة جداً لو قامت بها البلدية أو أي شخص متمول . لكن أعتقد أن لا أحد له مصلحة ليفعل ذلك ، لأن الكل يبغي الربح وليس المساعدة .

بإختصار ، الأفضل أن يقوم الشباب بإنشاء جمعية شبابية تتكون من شباب في مقتبل العمر ، يجمعون من بعضهم ما يستطيعون من أموال ، يتواصلوا مع الشباب المغترب في كل البلاد ، كما يعملوا على نسج علاقات إجتماعية مع جمعيات شبابية خليجية لمحاولة تأمين دعم مادي لجمعيتهم الشبابية .

تكملة لردي ؛

يا أخ أبو حسن ، هل تأمن على من داخل الخيمة لكي تعيش في خيمة ؟؟؟؟؟؟؟

اقتباس:

---

المشاركة الأصلية كتبت بواسطة أيمن غ القلموني

تكملة لردي ؛

يا أخ أبو حسن ، هل تأمن على من داخل الخيمة لكي تعيش في خيمة ؟؟؟؟؟؟؟

---

أخي الحبيب أيمن،

أنا أقدر وضع الشباب كما أني مدرك تماما لأزمة السكن

وإنما جاء تعقيبي ردا على بعض الإقتراحات التي ندرك جميعا عدم واقعيتها...

أهلاً بالأخ الكريم أبو حسن .

أعلم أنك كَتَبت ذلك كنوع من تبيان عدم ملاءمة بعض الطروحات للواقع المُعاش. ولقد أوردت سؤالي على مثال : حكي الجارة ، بتسمع الكنة ; مع أن الأخ أبو رياض صادق في طرحه ربما ، لكن الصدق لا ينفع دون مال

في كل الأحوال ، مسألة السكن مسألة مهمة خاصةً أن أسعار الشقق الآن باهظة جداً ، فضلاً عن كونها صغيرة بمساحتها . لذلك لا بد من إيجاد بعض الحلول من قبل الشباب أنفسهم دون إنتظار القيمين .

على فكرة هذا الصيف كانت هناك فكرة من قبل بعض الشباب بأن يعملوا على مساعدة الشباب المقدم على الزواج والشباب العاطل عن العمل ، لذلك بدأ البعض بفكرة تقسيم الأشخاص على حسب المدخول ( الأغنياء ثم دكتور الجامعة ثم المهندس ثم الإستاذ الثانوي وهكذا ) . كما عمل البعض الآخر على صياغة بيان تعريفي بالعمل .

هذا بإختصار والذي عنده أفكار للحل يطرحها .

اقتباس:

---

المشاركة الأصلية كتبت بواسطة أبو حسن

في حل أحلى... ليش الشباب ما بيعملوا متل أيام الخلافة الأولى وبيعيشوا بخيم ؟

---

حل حلو مبيشكي من شي..يعني البلدية لازم تعملا كم خيمة حد سهل النبعة تسكن هالعالم فيا..بعتأد إنو في عالم بالضيعة إذا بتشوف وين ساكنين بدمعو عيونك.."يحسبهم الجاهل أغنياء من التعفف"
..أنا شايف بعيني عالم بالضيعة ساكنة بأوض زغيرة بتفزع.. و وضعا تعتيرعالآخر..الوطاويط ملها ألب تسكن محل منن آعدين..يعني إذا بيسكنو بخيمة أحسنلن..عالأليلة مبتوأع عراسن و بتموتن..

يعني مبعرف..شصاير بالضيعة..أيمتن بدنا نفيء عحالنا..يعني إذا الغُرب شاريين نص الضيعة أكيد محنلائي محلات نعمر فيا و أكيد حترتفع أسعار الشقق..ولك حتا البحر سكّرو علينا و منعونا ننزل عالبحر..بلاط كلا اشتراها لحود , و من بور الجماعة لبور مراد شاراي طليس مع نص الضيعة..و بعدان كلو للأحدب ..و البائي للشاليهات و معامل قبيطر..و إذا طلعنا صب الضيعة و الجبل حدث ولا حرج..حتى إنو بآخر فترة في أشخاص معينة عم تشتري أراضي بالهبل و معروفة أهدافن...يمكن بعد كم سنة بنلائي نص الضيعة التاني صار للشيعة..و نحنا بنصير مهجرين بالخيم بسهل النبعة..ساعتا بتفيء البلدية .أكيد تتعملنا خيم...يمكن ضجرتكن بس أنا ضجرت لأنو حلنا نفيء بأى..

لاه لاه يا بو ريّاض!! نحنا معروفين منذ القدم أديشنا منتأهل ومنحب كل العالم...المشكلة مانا مع الشيعة أو المسيحيين أو غيرن كلنا إخوة بهالبلد.ومنشان قصة شراء الأراضي من قبل الغرب فما الحق عالغرب الحق عالألامنة يللي همّن الأول الماديّات , وما بس بالأراضي حتى يللي عمب يعمّراو ويبيعوا ,الألامنة منو الغرب, ما بيهمن غير المصاري,بلا ما ندحك عحالنا الأسعار غالية بل خياليّة والشغل فينا نأول تجاري تما نأول "زبالة"والسبب هو الطمع وأنا بأكدلكن أنو كل ما تزيد عدد الشقق المسموح فيا كل ما حيزيد الربح ويمكن السعر كمان اللّه أعلم. مشكلة السكن مانا محصورة بالبلديّة المشكلة مشكلة المواطن الألموني الطمّيع.واللّه يعين الشباب خاصة يللي عوش زواج!!لأنن ضحيّة للأنانيّة.

لنكن واقعيين.


البلدية لا تستطيع أن تحل مشكلة السكن بمواردها، ولا أن تشتري عشر شقق (البلدية نفسها لا تملك مقراً لها)، والحساب الدقيق يبين ذلك.

ميزانية البلدية خلال السنوات الست التي كنت فيها لم تتعد يوماً ال650 مليون ليرة (وفي أدناها كانت بحدود ال500 مليون ليرة) أي 434000 $ تقريباً.

إذا لم تقم البلدية بشيء (لا معاشات موظفين وعمال، لا صيانة آليات، لا ثمن محروقات .....) أي ما يكفي لشراء عشر شقق بمساحة 100 م2 (أعتبرت ان ثمن متر الباطون هو 400 $ ، وقد يزيد بحسب سعر الأرض).


الحل العملي الوحيد الذي يمكن للبلدية القيام به، هو المطالبة بطابق زيادة والعمل على تنفيذ الطرقات الجبلية ومحاولة القيام بترسيم جديد للطرق، وهذه الأمور تحتاج للوقت وهي مرتبطة بمراسيم تصدر عن مجلس الوزراء، وهذا ما قد يطيل إقرار هذه الأمور.

للأسف هناك برأيي مبالغة في أسعار الشقق، والسبب هو أن الكثير من الشقق مملوكة أو تشترى من المغتربين مما يرفع الأسعار.

هناك الكثير من الشقق الفارغة في القلمون، ويجب أن يقبل الشباب بحل الإستئجار لأن شراء شقة من شبه المستحيلات إذا لم يساعدك أهلك أو لم تتأخر بالزواج.

يعني بالنسبة لي، سألت أحد المتعهدين فطلب دفعة أولى ثلث ثمن الشقة وبعدها التقسيط (مع وجود الإيجار في حالتي) مع أن التسليم بعد سنتين، مما يعني إستحالة حصولي على شقة (علماً أن وضعي المادي ممتاز بالنسبة لغيري).

مشكلة السكن عويصة ولا حل لها إلا بالتخفيف من ثمن الشقق وأن تحاول البلدية زيادة طابق.


أما بالنسبة بأن أراضي القلمون يشتريها أناس من طائفة معينة، فهذا يحتاج إلى إثبات وإلى تبيان نسبة الشراء هذه، ويمكن الرجوع إلى سجلات البلدية للتأكد بأن الأمر مبالغ به.

اقتباس:

---

المشاركة الأصلية كتبت بواسطة وسيم أحمد الفلو

لنكن واقعيين.

هناك الكثير من الشقق الفارغة في القلمون، ويجب أن يقبل الشباب بحل الإستئجار لأن شراء شقة من شبه المستحيلات إذا لم يساعدك أهلك أو لم تتأخر بالزواج.

---

بعتأد إنو الإستأجار منو حل..لأنو أول شغلة بينسأل عنا الشب هو السكن اللي مأمنو..إذا مرتك راضية بالأجار مكل النسوان بترضا..وخصوصي بالضيعة..ومن حأ كل مرة يكون عندا سكنا المستقل..والسكن هو أساس بكل عيلة تيكون عندا إحساس بالإستقرار..يعني إذا الواحد مستأجر محيكون مستقر لأنو بأية لحظة بينكحش..

اقتباس:

---

المشاركة الأصلية كتبت بواسطة وسيم أحمد الفلو

لنكن واقعيين.

أما بالنسبة بأن أراضي القلمون يشتريها أناس من طائفة معينة، فهذا يحتاج إلى إثبات وإلى تبيان نسبة الشراء هذه، ويمكن الرجوع إلى سجلات البلدية للتأكد بأن الأمر مبالغ به.

---

خليكن عم تدحكو عحالكن..أكبر دليل عحكي هالسوبر نايت كلوب بالضيعة..بكرا كم سنة لإدام بيعملوا كازينو بنص الضيعة و محدا منكن في يفتح تمو...
إذا نحنا محسينا بهالمشكلة بكرا أحفادا حيعانو منا..يعني بكرا حفيدي أبو رياض " إبنو لرياض..متل أبو حسن حفيدو لأبو حسن بنتوارث اللقب جداً عن جداً.." المهم..إذا إحنا منا عم نشوف إنو مشكلة السكن و فقدان الضيعة لهويتا الألمونية مشكلة كبيرة فبكرا أحفادنا حيعانو و حيدعو علينا إنا محاولنا نمنع هالشي.. و بالنسبة للنايت كلوب عالأليلة لازم نأدم عريضة نعترض فيا عهيك شغلة بتتعارض مع هوية الضيعة الإسلامية...

اقتباس:

---

بعتأد إنو الإستأجار منو حل..لأنو أول شغلة بينسأل عنا الشب هو السكن اللي مأمنو..إذا مرتك راضية بالأجار مكل النسوان بترضا..وخصوصي بالضيعة..ومن حأ كل مرة يكون عندا سكنا المستقل..والسكن هو أساس بكل عيلة تيكون عندا إحساس بالإستقرار..يعني إذا الواحد مستأجر محيكون مستقر لأنو بأية لحظة بينكحش..

---

الكل يتمنى أن يكون له بيت ملكه، ولكن قد يأتي ذلك مع الوقت وقد يكون الأجار حلاً مؤقتاً

اقتباس:

---

خليكن عم تدحكو عحالكن..أكبر دليل عحكي هالسوبر نايت كلوب بالضيعة..بكرا كم سنة لإدام بيعملوا كازينو بنص الضيعة و محدا منكن في يفتح تمو..

---

أعتقد أن ما تتكلم عنه يقع في نطاق بلدية راسمسقا وللأسف فهو خارج النطاق الإداري للقلمون، ولكن ذلك لا يمنع من الإعتراض

اقتباس:

---

المشاركة الأصلية كتبت بواسطة وسيم أحمد الفلو

لنكن واقعيين.

الحل العملي الوحيد الذي يمكن للبلدية القيام به، هو المطالبة بطابق زيادة والعمل على تنفيذ الطرقات الجبلية ومحاولة القيام بترسيم جديد للطرق، وهذه الأمور تحتاج للوقت وهي مرتبطة بمراسيم تصدر عن مجلس الوزراء، وهذا ما قد يطيل إقرار هذه الأمور.

للأسف هناك برأيي مبالغة في أسعار الشقق، والسبب هو أن الكثير من الشقق مملوكة أو تشترى من المغتربين مما يرفع الأسعار.

---

طيب عندي سؤال لو تكرمتم يا أخ وسيم ،

على حد علمي أن القلمون مقسمة إلى مناطق عقارية ، وكل منطقة مسموح لها بعدد طوابق معين ، فعلى أي أساس تم تقسيم هذه المناطق وهل ستطلبون طابق زيادة في كل القلمون ، أم أنه سيكون هناك طابق زيادة في منطقة عقارية معينة ويبقى الحال في مناطق عقارية أخرى .

سؤال ثاني ، لقد قلت أن لا حل إلا بخفض أسعار الشقق ، فلماذا لا تطرح الموضوع في المجلس البلدي حول كيفية خفض الأسعار ( مثلاً تكلم أصحاب الشقق و تقترح عليهم البلدية بأن تعفيهم مثلاً من بعض الضرائب إذا ما خففوا الأسعار ) .

سعر متر العمار الان بالقلمون بين 500 و550 دولار والخير لادمان بعد شهرين سوف يصل الى 600 وهو في ارتفاع مستمر........

لنكون واقعيين غلا الشقة مرتبط بغلا الاراضي والمواد . والمقاول هو يلي عم يرفع سعر الارض لانو في اقبال على الشقق بشكل كبير فهو مستعد يدفع سعر كويس بالمتر لانو المساحات عم ضيق بالقلمون وفي مربح رهيب بالعمار.... فاذا المقاول قبل انو يدفع 200 دولار بالمتر فكل اراضي المنطقة القريبه صار سعر المتر فيها 200 وطلوع ، وانو انت تجي عند صاحب الارض وتقلو رحص للمقاول مستحيل، الحل انو المقاول بدل ما يربح 30 الف دولار يربح 15 الف.

بس بكل الاحوال مافي حل لان ما حدا مستعد يتنازل عن المربح وبالاخير كلو اكل حلال .

حتى لو تم زيادة نسبة الاستثمار بالارض متل ما تم الاقتراح رح يدل السعر بارتفاع لانو زيادة الاستثمار رح يرفع سعر الارض اكتر واكتر واكتر................ .

اقتباس:

---

المشاركة الأصلية كتبت بواسطة hard

سعر متر العمار الان بالقلمون بين 500 و550 دولار والخير لادمان بعد شهرين سوف يصل الى 600 وهو في ارتفاع مستمر........

لنكون واقعيين غلا الشقة مرتبط بغلا الاراضي والمواد . والمقاول هو يلي عم يرفع سعر الارض لانو في اقبال على الشقق بشكل كبير فهو مستعد يدفع سعر كويس بالمتر لانو المساحات عم ضيق بالقلمون وفي مربح رهيب بالعمار.... فاذا المقاول قبل انو يدفع 200 دولار بالمتر فكل اراضي المنطقة القريبه صار سعر المتر فيها 200 وطلوع ، وانو انت تجي عند صاحب الارض وتقلو رحص للمقاول مستحيل، الحل انو المقاول بدل ما يربح 30 الف دولار يربح 15 الف.

بس بكل الاحوال مافي حل لان ما حدا مستعد يتنازل عن المربح وبالاخير كلو اكل حلال .

حتى لو تم زيادة نسبة الاستثمار بالارض متل ما تم الاقتراح رح يدل السعر بارتفاع لانو زيادة الاستثمار رح يرفع سعر الارض اكتر واكتر واكتر................ .

---

يعني محكيت شي مفيد أبدا بهالمشاركة..لأطت إدنك من ورا و بالآخر طلع معك إنو مفي حل !..

يمكن نسيت شغلة إنو لما بنزيد عدد الطوابق بصير كل بنايات الضيعة الأديمة بحئلا تعمر طابقين أو تلاتة زيادة(حسب متزدلنا البلدية) و أكيد ساعتا محدا حيسأل عن التجار و محدا حيشتري شقق و كلن حيعمروا لولادن فوأن..وهيكا بيرخص سعر الشقق..

يمكن إذا زاد عدد الطوابق بزيد سعر الأرض شوية بس أكيد سعر الشقق بيرخص..وهادا شي منيح من كل النواحي يعني سعر الشقق بيرخص و بتتحسن الأراضي بالضيعة و بنحافظ عليا بدل منعمر فيا..

بعدان شغلة..ليش تنطالب بطابق واحد !! بدنا طابقين أو تلاتة زيادة.. و إذا كان بدنا طابقين بس لازم نطالب بتلاتة تيعطونا تنين.. وأكيد لازم يزيدولنا مساحة الإستثمار السطحي و الإجمالي..

اقتباس:

---

المشاركة الأصلية كتبت بواسطة أبو رياض القلموني

يعني محكيت شي مفيد أبدا بهالمشاركة..لأطت إدنك من ورا و بالآخر طلع معك إنو مفي حل !..

يمكن نسيت شغلة إنو لما بنزيد عدد الطوابق بصير كل بنايات الضيعة الأديمة بحئلا تعمر طابقين أو تلاتة زيادة(حسب متزدلنا البلدية) و أكيد ساعتا محدا حيسأل عن التجار و محدا حيشتري شقق و كلن حيعمروا لولادن فوأن..وهيكا بيرخص سعر الشقق..

يمكن إذا زاد عدد الطوابق بزيد سعر الأرض شوية بس أكيد سعر الشقق بيرخص..وهادا شي منيح من كل النواحي يعني سعر الشقق بيرخص و بتتحسن الأراضي بالضيعة و بنحافظ عليا بدل منعمر فيا..

بعدان شغلة..ليش تنطالب بطابق واحد !! بدنا طابقين أو تلاتة زيادة.. و إذا كان بدنا طابقين بس لازم نطالب بتلاتة تيعطونا تنين.. وأكيد لازم يزيدولنا مساحة الإستثمار السطحي و الإجمالي..

---

اهلين وسهلين
والله يا اخي بس انا حابب الفت نظرك انو البناء القديم بني على ان يتحمل عدد معين من الطوابق وهذا ينطبق على العمار الجديد ، المهم صح انا ما طلع معي حل لاني منطقي بطرحي ، ان انت مستعد تتنازل عن ربح حلال ساعتها رح تلاقي غيرك مستعد، بس قيسها على حالك هل انت مستعد انو تتنازل عن مربح يفوق 30000 دولار مثلا .

الاراضي جميعها مصنفة زراعي صناعي سياحي .

ونسبة العمار بالارض مرتبطة بحسب التصنيف فالاراضي الزراعية ارخص الشي ونسبة العمار يمكن بين 10 و15 بالمية مني متأكد بس جد قليلة لهيك سعرها رخيص كتير .

اذا بدك في حل اشتري ارض زراعية صغيرة وعمر كوخ على ادك هذا افضل حل . بنصحك بالحريشة .قريبة ورخيصة .

يعني عنجد الله يعطيكم العافية يا شباب على هل موضوع الحيوي أنا شايف إنو القصة بدا مشاورات وانتو منكن عام تقصروا بس من وجهة نظري إنو لازم يا خي وسيم نحكي مع البلدية تقنع تجار البيوت ميبعوا إلا أهل الضيعة لأن بصراحة إذا ماعندك إثبات إنو عم تنباع الأراضي للغرب بس واضح جداً تملك الشقق من قبل الغرب لأنو إلي عم يبيع مبفكر إلا بالربح وصراحة مضل محل لشبابنا وشكراً

اقتباس:

---

المشاركة الأصلية كتبت بواسطة hard

اهلين وسهلين
والله يا اخي بس انا حابب الفت نظرك انو البناء القديم بني على ان يتحمل عدد معين من الطوابق وهذا ينطبق على العمار الجديد ، المهم صح انا ما طلع معي حل لاني منطقي بطرحي ، ان انت مستعد تتنازل عن ربح حلال ساعتها رح تلاقي غيرك مستعد، بس قيسها على حالك هل انت مستعد انو تتنازل عن مربح يفوق 30000 دولار مثلا .

الاراضي جميعها مصنفة زراعي صناعي سياحي .

ونسبة العمار بالارض مرتبطة بحسب التصنيف فالاراضي الزراعية ارخص الشي ونسبة العمار يمكن بين 10 و15 بالمية مني متأكد بس جد قليلة لهيك سعرها رخيص كتير .

اذا بدك في حل اشتري ارض زراعية صغيرة وعمر كوخ على ادك هذا افضل حل . بنصحك بالحريشة .قريبة ورخيصة .

---

أهلين
منيحة الفكرة بس محدا من الألمون حيروح يعيش بالحريشة مع الضباع و الواوية ..بدنا حل تنسكّن هالشباب بالضيعة..
محدا آل إنو كل البنايات بيتعمر عليا ..يعني أكيد محنعمر طوابق زيادة بحارة الفران ..بس كل البنايات الجديدة اللي طلعت بالألمون و في كتير بنايات أديمة أكيد مصممة تتحمل طابقين زيادة..يعني إذا افترضنا 50% من البنايات بيتعمر فوأن حيكونو كافيين تيحلولنا الأزمة..

اقتباس:

---

المشاركة الأصلية كتبت بواسطة scorpio

يعني عنجد الله يعطيكم العافية يا شباب على هل موضوع الحيوي أنا شايف إنو القصة بدا مشاورات وانتو منكن عام تقصروا بس من وجهة نظري إنو لازم يا خي وسيم نحكي مع البلدية تقنع تجار البيوت ميبعوا إلا أهل الضيعة لأن بصراحة إذا ماعندك إثبات إنو عم تنباع الأراضي للغرب بس واضح جداً تملك الشقق من قبل الغرب لأنو إلي عم يبيع مبفكر إلا بالربح وصراحة مضل محل لشبابنا وشكراً

---

أهلين بسكوربيو

النأطة اللي حكيت عنا كتير مهمة .. أنا شايف و سامع كتير ناس من برات الضيعة بيشتروا و بيستثمروا بالضيعة و خصوصي من طرابلس .. يعني كلشي غالية الأرض و الشقق بالضيعة إساتو سعرا أد نص سعر الأراضي و الشقق بطرابلس ..فأكيدا حيجو يشتروا عنا.. ويمكن هالشي يديء عشباب الضيعة لأنن محيعيدوا يلائو شقق يشتروا..بس بالنهاية متل مآلت أم رياض (مفينا نأول غير هيك) نحنا بنرحب بكل العالم من وين مكانو ..و حأن يشتروا و يسكنو عنا.. أهلا وسهلا..بس المشكلة اللي نبهت عليا من أبلة هية إنو في ناس عندا أهداف معينة..يعني لما بيجي واحد شيعي و بيدفع دوبل بسعر الأرض(وصايرة كتير بالضيعة) أكيد في شي ورا هالشغلة و في علامة إستفهام ؟ من وين عم تجي هالمصريات و شو الأهداف من ورا هالشراية..فهادول أكيدا محدا لازم يبيعن..أد ميدفعوا...

مشكور أخي أبو رياض وأنا معك إنو احنا منرحب بالجميع ومعروف القلمون بترحب بالجميع بس أنا برأي إذا مافي محل ل أهل الضيعة فا الأفضل إنو نسكن القريب قبل الغريب ومعك حق بل عم يدفع أضعاف والتجار عنا ببيعوا مبيسألوا من حدة... من هيك لازم البلدية تبحث مع تجار البناء والعقارات هالموضوع وأهل الضيعة أولى حتى لو طول بالو علدفع صاحب العمار...لأن مابدنا يجي يوم ونطلع احنا غرب بضيعتنا الحبيبه

إنو كلّ شي حكيتو هلّأ بيأكّد أنو الحق عالتجّار الأنانيين والطمّيعين يللي ما بتهمّن غير مصلحتن...
وإذا كتير حابّين تحلّوا المشكلة فبلّشوا بحالكن بالأوّل لأن البلديّة للأسف ما فيا تعمل شي لأن مليون واحد من مليون طائفة وحزب بيتدخّلاو وبيحوّلوا سياسيّة ومندلّ محلّ ما نحنا....وما حدا يدحك عحالو ويأول لاء!!كلكن بتعرفو واقع لبنان!! فإذا حابّين تحلّوا مشاكل الضّيعة ما عليكن إلّا تبدوا بحالكن وزواجكن وزوجاتكن وولادكن حاولو تزرعو بحالكن وبالجيل الجديد التسامح والعدل والحقّ والكرم لأن أغلب التجّار اليوم هنّا من الكبار يعني من جيل آباءكن أو أجدادكن..أنا متأكّدة إنو معظمكن إذا منو كلّكن, عندكن أقارب تجّار بناء(خال,جدّ أب أخ...)فبدو بنصيحتن وما تأولولي حديد وأرض وسمينتو وبلّوط!! كلّنا منعرف إنو لمّا ألّ سعر الحديد كان سعر الشّقق عم يرتفع ويزييييييييييييييييددد!!!

اقتباس:

---

المشاركة الأصلية كتبت بواسطة أم ريّاض

إنو كلّ شي حكيتو هلّأ بيأكّد أنو الحق عالتجّار الأنانيين والطمّيعين يللي ما بتهمّن غير مصلحتن...

---

ليش مين ما بحب مصلحتو ؟

انا عندي اقتراح بتم انشاء صندوق لاعالة المقبلين على الزواج والهدف منو هو اعطاء سلفة كبيرة للمتزوج لشراء منزل ، ويتم رد المال بالتقسيط المريح مثلأ على مدار 25 سنة وهيك ...............

azmet alsakan ma leha 7all
ma7ada fete7lkon jam3iyeh 5ayriyi
ma twajj3ou damirkon w t7otto 7loul

اقتباس:

---

المشاركة الأصلية كتبت بواسطة amer-ol-tabche

azmet alsakan ma leha 7all
ma7ada fete7lkon jam3iyeh 5ayriyi
ma twajj3ou damirkon w t7otto 7loul

---

ليش عم تكتب بالعجربي .
طيب انت ليش عم تعذب صابيعك وتنصحنا انو ما نوجع ضميرنا، يعني انت عم تعمل خير، واكيد في متلك كتير بحبو الخير ، فليش ما نقدم هذا الاقتراح بالتفصيل ونرفقة بكتاب للجمعيات ونشوف مين بيتبناه ، شو يا ام رياض استشيري ابو رياض بالموضوع هل بوافق .

اقتباس:

---

المشاركة الأصلية كتبت بواسطة hard

ليش مين ما بحب مصلحتو ؟

انا عندي اقتراح بتم انشاء صندوق لاعالة المقبلين على الزواج والهدف منو هو اعطاء سلفة كبيرة للمتزوج لشراء منزل ، ويتم رد المال بالتقسيط المريح مثلأ على مدار 25 سنة وهيك ...............

---

لا واللّه صراحة أفحمتناي!!!! بس دخلااااك!!بما إنو الكلّ بيحب مصلحتاو فصندوقك ما حينفعنا بتعرف ليش؟؟!! لأنو بهالحالة المبلغ يللي حيتديّنو الشّباب المعتّرين حيزيد ويردّو مع أرباحاو (تما أول فوائداو) وما تأعد تعملّي محاضرات بالأخلاء آل يابا الشّهامة والمروءة!! وما بدكن أرباح وبيردّوا المبلغ عألّ من مهلن وبيدل المبلغ زاتاو!! لأن بهالطريقة بتناقد حالك بحالك!! لأن إذا أنت آدمي وبتفكّر بغيرك وآدر تدفع وتساعد بلا مقابل ومن دون أربااااح فكتار غيرك منن آدرين.والصّندوق بدّو ناس كتيرة تشارك فيه...وإذا لقيت ناس أوادم فهنّا كتيييييييييييررررر ألال وبالأغلب دراويش وكحيانين يا دوب معن يوكلو...
والأهمّ أنو إبن القلموني نفسو عزيزة علاي كتييييير وما بيئبل بمساعدة حتى لو كانت دين من أهلو أو مرتو فكيف إذا من صندوق مساعدات؟؟؟!!! ما بدّي أشمل كلّ الضيعة لأن أكيد في ناس بيتمنّو بس الأغلبيّة ما بيهين علين يبدو حياتن بدين!!

هادا من وجهة نظري أمّا بالنسبة لبو ريّاض فعندو رأياو الخاصّ إذا حبّ بيكتباوأنا ما خصّناي بحترم وجهة نظرو وبيحترم وجهة نظري لو اختلفنا بالآراء مانو متل بإيّة الختياريّة(هو ما أنا!!أنا إسّاتني صبيّة:1 (50):!!) آ عندو إيمان بحريّة إبداء الرّأي.واضح هالشّي ما هيك؟:1 (71):اللّه يخلّينا لبعض:1 (31):

اقتباس:

---

المشاركة الأصلية كتبت بواسطة أم ريّاض

هادا من وجهة نظري أمّا بالنسبة لبو ريّاض فعندو رأياو الخاصّ إذا حبّ بيكتباوأنا ما خصّناي بحترم وجهة نظرو وبيحترم وجهة نظري لو اختلفنا بالآراء مانو متل بإيّة الختياريّة(هو ما أنا!!أنا إسّاتني صبيّة:1 (50):!!) آ عندو إيمان بحريّة إبداء الرّأي.واضح هالشّي ما هيك؟:1 (71):اللّه يخلّينا لبعض:1 (31):

---

الظاهر ابو رياض منو عم يعملك الازم، الظاهر ما استشرتيه بشي، نسوان اخر زمان ..... المهم

اقتباس:

---

المشاركة الأصلية كتبت بواسطة أم ريّاض

لا واللّه صراحة أفحمتناي!!!! بس دخلااااك!!بما إنو الكلّ بيحب مصلحتاو فصندوقك ما حينفعنا بتعرف ليش؟؟!! لأنو بهالحالة المبلغ يللي حيتديّنو الشّباب المعتّرين حيزيد ويردّو مع أرباحاو (تما أول فوائداو) وما تأعد تعملّي محاضرات بالأخلاء آل يابا الشّهامة والمروءة!! وما بدكن أرباح وبيردّوا المبلغ عألّ من مهلن وبيدل المبلغ زاتاو!! لأن بهالطريقة بتناقد حالك بحالك!! لأن إذا أنت آدمي وبتفكّر بغيرك وآدر تدفع وتساعد بلا مقابل ومن دون أربااااح فكتار غيرك منن آدرين.

---

على فكرة مافهمنت شي من هل المحاضرة يعني فسريلي كيف اذا الواحد اخد 40000 دولار وردها 40000 دولار بعد 10 سنين بكون ربحو منو او دفع فوائد .....

وبعدين مين قلك انو انا بقدر ساعد بهل الموضوع هل الموضوع بدو رجال اعمال وممولين قادرين يدفعو ........منو انا و لا انت .......

اقتباس:

---

المشاركة الأصلية كتبت بواسطة hard

الظاهر ابو رياض منو عم يعملك الازم، الظاهر ما استشرتيه بشي، نسوان اخر زمان ..... المهم

شي هالإختراع هادا؟؟ استنتجت يعني وحللت الله يعطيك العافية واللّه!! تعّبت حالك بس ما كان في داعي تعزب حالك لأني ألتلك أنو بو رياض عندو رأيو الخاص وإزا حب بيعطي وعندو حريّة رأي بعدين بيني وبينو شدخلك إنتا؟؟ أنا عطيت رأيي وبس!


على فكرة مافهمنت شي من هل المحاضرة يعني فسريلي كيف اذا الواحد اخد 40000 دولار وردها 40000 دولار بعد 10 سنين بكون ربحو منو او دفع فوائد .....

وبعدين مين قلك انو انا بقدر ساعد بهل الموضوع هل الموضوع بدو رجال اعمال وممولين قادرين يدفعو ........منو انا و لا انت .......

---

أيوااا وويننّا هالكُرَمة؟؟!! ولك فيأو بَآ مين رجل الأعمال يللي حيديّن المبلغ بلا ربح؟؟!! وين عايشين؟؟ بهالأيام موء في حدا لحدا إلّا ما ندر!! ولك الجمعيات الإسلاميّة والخيريّة صارت جمعيّات تبتغي الربح سواء كان مادّي أو معنوي(سياسي يعني...) منو الأجروالثّواب بسّ!!
هلّأ إذا الأخ هارد بيلاقي حدا بيكون عال وممنونيناو!! بس حُطو براسكن إنو الأسعار عالية منو 40 و 50 ألف!!
أنا من جهتي ممكن أدملكن مصدر ممكن يدفع...أول شي ما تحطو آمال كبيرة عمتموّلين لبنان! بنصحكن تتوجّهو لرجال أعمال سعوديين أو كويتيين وقطريين هادول أكتر الشي عم يدفعوا وفي منن مساعدين عيل كتيرة وعم يعملو مشاريع كتيرة بلبنان...(ملاحظة:ما خصّن بحكوماتن!! الأعمال خيرية مية بالميّة)بس مساريعن دايماً تبرّعات للجمعيات الإسلاميّة ففيكن تسألو هالجمعيّات بركن بتوصلكن برجال الأعمال.وأبل كل شي لازم تشوفو إزا الشباب بيوافأو متل ما ذكرت من أبلة. واللّه يعين هالشباب ويوفّأن ويحققلن كل للي ببالن.

اقتباس:

---

المشاركة الأصلية كتبت بواسطة hard

، شو يا ام رياض استشيري ابو رياض بالموضوع هل بوافق .

---

بعتئد فيك تسألني دغري .. مبدي مراسيل..
وموء توجهلا كلمة تاني مرة لأم رياض بجي بدعّسك ..

السلام عليكم

بس بدي ألكن إنو بس نخلص من الموضوع حنعمل كتاب و نودي للبلدية عبر الدكتور وسيم تتدرس المقترحات و حنتابع الموضوع عبر المنتدى... لحديت هلأ المقترحات هي التالية :

كتاب من أعضاء المنتدى إلى بلدية القلمون

حضرة السادة المحترمين..رئيس بلدية القلمون المحترم..السلام عليكم ورحمة الله وبركاته..أما بعد..

فهذا كتاب من أعضاء المنتدى الكرام إلى حضرتكم نوجز فيه الحلول المقترحة لأزمة السكن في دولة القلمون المستقلة..

1-إنو البلدية تطالب بزيادة عدد الطوبق المسموح فيا ..لذلك بدنا نطالب بتلت طوابق زيادة تنحصل عتنين..(الزاهر)

2- أن تقوم البلدية بدراسة ووضع خطة للتنظيم المدني لدولة القلمون..يعني لازم تنعمل دراسة كيف حتتوسع القلمون تتصير دولة عاصمتها الحارات القديمة (حارة العين و اليهود و السماقة) و التوسع داير مدارن صوب رأسمسقا و الحريشة و قلحات و ددا..يعني لازم ينحط خطة كيف حتتنظم البنايات و البنى التحتية للتجمعات السكنية الجديدة و ترسيم الطرق للتجمعات الجديدة و أهم الشي الطرق و التواصل مع عاصمة الدولة و إعطاء الأولوية للضيعة فوء الأتوستراد لتحسين المواصلات مع الضيعة و ذلك بتزفيت الطرقات الجبلية تتصير العالم تأمن إنا تسكن فوء..(أبو رياض, وسيم الفلو)

3- أن تقوم البلدية بحملة توعية للتجار لإعطاء الأولوية لأبناء القلمون بشراء الشقق (سكوربيو,أم رياض) ... و محاولة تخفيض أسعار الشقق على أن تعفيهم البلدية من بعض الضرائب (أيمن غ)

4- إنشاء جمعية للزواج في القلمون (أيمن غ)

5- إنشاء صندوق تابع لصندوق الزكاة بدعم من البلدية وذلك لدعم المتزوجين الجدد و لفتح المجال أمام المتبرعين من الداخل والخارج بالتبرع ..يعني كل مواحد يتزوج بيعطو شي ألف دولار هدية .. (أيمن غ, أبو رياض,أم رياض)

6- المطالبة بالأراضي المشفوطة من القلمون (في قلحات و رأسمسقا) و القيام بحملة توعية لأهالي الضيعة بعدم بيع الأراضي للغرب والدول المعادية متل رأسمسقا لمنع استثمارها في أمور تتعارض مع هوية القلمون الإسلامية(متل السوبر نايت كلوب ...) وتقديم عريضة للإعتراض على هذه المظاهر..(أبو رياض)

7- الحل إنو ما في حل (هارد, عامرول)

عشتم و عاشت القلمون حرة مستقلة
أعضاء المنتدى

اللي عندو إقتراحات أو إعتراضات يحطا أبل منودي الكتاب..

تنقيح أولي:

كتاب من أعضاء منتدى بلدة القلمون في لبنان إلى بلدية القلمون الفاضلة

حضرات السادة المحترمين، رئيس بلدية القلمون الحاج طلال دنكر المحترم، نسأل الله تعالى أن يصلكم كتابنا هذا وأنتم بخير حال في الدين والدنيا.

أما بعد،

فهذا كتاب من أعضاء منتدى موقع بلدة القلمون في لبنان الكرام إلى حضرتكم نوجز فيه الحلول المقترحة لأزمة السكن في بلدتنا الحبيبة :

1- مطالبة البلدية الجهات المختصة بزيادة عدد الطوابق المسموح ببنائها في أراضي القلمون بشكل عام بحيث تكون الزيادة طابقين أو ثلاثة.

2- أن تقوم البلدية بدراسة ووضع خطة للتنظيم المدني لبلدة القلمون، يعني لازم تنعمل دراسة كيف حتتوسع القلمون تتصير دولة عاصمتها الحارات القديمة (حارة العين و اليهود و السماقة) و التوسع داير مدارن صوب رأسمسقا و الحريشة و قلحات و ددا..يعني لازم ينحط خطة كيف حتتنظم البنايات و البنى التحتية للتجمعات السكنية الجديدة و ترسيم الطرق للتجمعات الجديدة و أهم الشي الطرق و التواصل مع عاصمة الدولة و إعطاء الأولوية للضيعة فوء الأتوستراد لتحسين المواصلات مع الضيعة و ذلك بتزفيت الطرقات الجبلية تتصير العالم تأمن إنا تسكن فوء..(أبو رياض, وسيم الفلو) [صيغها بشكل رسمي انت لأن فيها كذا فكرة هادي :) ]

3- أن تقوم البلدية بندوة تدعو لها المتعهدين وأصحاب المشاريع السكنية تحضهم فيها على التيسير على الشباب وتخفيض الأسعار قدر الإمكان وتوعيهم لخطورة بيع المنازل والأراضي في القلمون لمن هم من خارجها وتردف ذلك بإعفاء من بعض الضرائب.

4- إنشاء جمعية للزواج في القلمون [مش من شغل البلدية ... هادي من شغل الناس]

5- إنشاء صندوق تابع لصندوق الزكاة بدعم من البلدية وذلك لدعم المتزوجين الجدد و لفتح المجال أمام المتبرعين من الداخل والخارج بالتبرع ..يعني كل مواحد يتزوج بيعطو شي ألف دولار هدية .. [هادي لازم يتم اقتراحها لتصير بند من بنود صندوق الزكاة ... على الشيخ زياد]

6- المطالبة بالأراضي المشفوطة من القلمون (في قلحات و رأسمسقا) و القيام بحملة توعية لأهالي الضيعة بعدم بيع الأراضي للغرب والدول المعادية متل رأسمسقا لمنع استثمارها في أمور تتعارض مع هوية القلمون الإسلامية(متل السوبر نايت كلوب ...) وتقديم عريضة للإعتراض على هذه المظاهر..[صيغها إنت]



بدنا الست أم ابراهيم تبدي رأيها بالموضوع كونها أهل اختصاص !!!