نبض الشوارع ،، سمير البشيري

http://www.4shared.com/file/16229589.../__online.html


يا قصيدي طال ليلك بالصدود وبالعناد ..
والقضية ما تحمَّل لا عناد ولا صدود ..
هات راسك ودي أكتب والحبر دم الفؤاد ..
في زمان الذل جيتك والصبر جاله حدود ..
انكشف وجه الحقيقة وابتدى العلم الوكاد ..
والشواهد للمشاهد ما تبي قول الشهود ..
يا عرب شفتوا جنين الغارقة وسط النفاذ ..
يا عرب شفتوا وشفتوا عربدة جند اليهود ..
الضحايا بالشوارع حرَّكت حتى الجماد ..
مُسجياتٍ فوق الأرض بلا قبور ولا لحُود ..
اليهود الله عليهم بالصباح وبالهَجَاد ..
نطلب الله بالركوع وندعي الله في السجود ..
ينتقم للشعب الأعزل من يدين الاضطهاد ..
ينزل الله فوقهم ما انزل على عاد وثمود ..
استباحونا وعاثوا في حرمنا بالفساد ..
ما لقوا فينا رجالٍ تردع الظلم وتذود ..
يقتلون الشيخ الأعزل والطفل وسط المهاد ..
والبلابل والحمايم والبراعم والورود ..
بين صرخات الثكالى واليتامى يالعباد ؟!
ما جحدنا إلا العميل ولا عملنا إلا الحجود ..
مرحلة ذِل وهوانٍ ما حصل من عصر عاد ..
بالفعل نمشي نزول وغيرنا يمشي صعود ..
ما تبعنا ابن الوليد ولا اتبعنا بن زياد ..
لا احتذينا في صلاح ولا صناديد الجدود ..
يا فلسطين الحبيبة مالنا غير الحداد ..
والعباير في الحناجر والدمع فوق الخدود ..
الصراحة والحقيقة يوم ركب الهم قاد ..
والله إنَّا في سجونٍ واسعات بلا قيود ..
في زمن قهر الرجال وبيع الأمة في المزاد ..
يا الله افرجها علينا يا غفور ويا ودود ..
الفتايل مستعدة وين راسك يالزناد ؟!
لو تشب النار نكسر في عيون الذل عود ..
ارحمونا يا جماعة ما بقى فيها اجتهاد !!
اسمعوا نبض الشوارع كل فعل وله ردود ..
لا الحدث نبوة حسام ولا الخطا كبوة جواد ..
طيحةٍ طالت وقالت ما لخيمتكم عمود ..
الصبايا بالحرارة عيّرنَّا في البَرَاد ..
حرضَنَّا للجهاد و ودَّعنَّا للخلود ..
شفتوا آيات العروس ترتل آيات الجهاد ..
أخرستهم بنت الأخرس بالشجاعة والصمود ..
واتبعتها عندليب وراحت أشلاها سماد ..
في ثرى أرض الإنتفاضة والصواعق والرعود ..
يا حُماة الدار صرتوا للوسايد والرقاد ..
والبنات يفجرنّ أجسادهن مثل الأسود ..
والله إنَّا لابسينٍ ذل ملامات السواد ..
يوم نخضع بالمذلة للخنازير القرود ..
سامعين .. وطايعين .. وخاضعينٍ بانقياد ..
حافظينٍ للعهود .. وهم يخونون العهود ..
يا خسارتنا المريرة نارنا صارت رماد ..
واحد وعشرين دولة ما تصدوا لليهود !!!!!

....

نبض الشوارع ،، سمير البشيري ..