شباب القلمون في اللقاء السنوي للمسلمين في فرنسا - 2010

مشكور خيو حميطون و تحية لكل الشباب...
وان شاء الله تكونوا انبسطو و استفدتوا.
وتحية للمنشد ابو الجود (لازم تعطوو الجنسية القلمونية)

ويا ريت الاخ حميطون يزكرلنا اهم شي باللقاء من وجهة نظرو !

تحية للأخ عبد الله الخطيب والشيخ فراس طوط .... مممممووووووواااااااااااااا

إنتظر اليوم إن شاء الله, يا أخ نادر فيديو عبارة عن فقرة إنشاد لأبو الجود (الصورة منها كتير منيحة لان مكان معي سيبة بس الصوت ممتاز) و اكيد الفيديو منوّر بالشباب يلي كانت عم تحضر.

ما دام يلي عم يصور قلموني و ما دام ابو الجود ؤوعد مع الالامنة اكيد الفيديو حلو..وخصوصاً من ايديك يا عمار

طالعة حلوة الصورة :)



وأتى سلمنا علاي يا ندور وقلنا له من لبنان ، سألنا مباشرةً إن كنا من القلمون .


يجب منحه الجنسية القلمونية تكريماً له ، أكيد :)

اقتباس:

---

المشاركة الأصلية كتبت بواسطة nader 3:16

مشكور خيو حميطون و تحية لكل الشباب...
وان شاء الله تكونوا انبسطو و استفدتوا.
وتحية للمنشد ابو الجود (لازم تعطوو الجنسية القلمونية)

ويا ريت الاخ حميطون يزكرلنا اهم شي باللقاء من وجهة نظرو !

---

يا هلا بالندور
بالنسبه لي، فإن ما ميز هذا اللقاء عن سابقاته هو وجود الشباب القلمونيين
أما بالنسبة لما يمكن أن يستفيد منه الانسان بالإضافة إلى المحاضرات العامه، فهو فهمه للتحديات التي تواجه المسلمين في الغرب وكيفية التعامل معها من وجهة نظر إخوة لهم باع طويل في العمل الدعوي في فرنسا
أضف إلى شبكة المعارف التي تتوسع كثيرا في هذا اللقاء من خلال الناس الذين تتعامل معهم في التنظيم للقاء
وأخيرا اللقاءات الجانبيه التي تنظم على هامش اللقاء والتي تكون أحيانا أهم من محاضرات اللقاء بحد ذاتها

أما بالنسبة للمسلمين في فرنسا، فإن هذا اللقاء يشعرهم بأن لهم وجودا كبيرا في فرنسا يعزز لديهم روح الانتماء الذي يشكوا منه جل من ولد في فرنسا

وهالسنه صار شي استثنائي منقلك يا تحت الهوا

ليش تحت الهوا ؟؟ :(

[youtube]http://www.youtube.com/watch?v=bALfVn50_pI[/youtube]

[youtube]http://www.youtube.com/watch?v=0BwnZ0s867Q[/youtube]

معاني تاني فيديو رائعه

الله يحميك يا ابو الجود

الله يبارك بالشباب
سلام للإخوة جميعا
جمعة حلوة والله

اقتباس:

---

المشاركة الأصلية كتبت بواسطة وسيم غنوم

الله يسلم دياتك على هالصورة.... التي يشهد الله عزّ وجلّ كم سررت بها...
تحية لجميع الإخوة، وسلام خاص للأخ بليغ والأخ أيمن...
ان شاء الله بتكونوا استفتدوا من اللقاء، وان شاء الله بكون الأخ أيمن لقي الشي يلي راح لحتى يبحث عنه، عسى إنو تصير القلمون بلدة جامعة متعلمة ومنفتحة وجامعة للثقافات والحضارات ونموذج عن سعة الإسلام فيجتمع على أراضيها مسلمين ومسلمات من كافة الدول والبلدان...
الله يباركلك يا أخ أيمن وعقبال باقي الإخوة

---

ونحن كذلك سررنا بردك المميز وبسماع صوتك ;)


الله يحفظك يا رب والحمدلله نبسطنا واستفدنا بشوفة شباب القلمون وبالتعرف على إخوة جداد .


التبادل الثقافي جميل ولا شك :)

يا هلا بأحلا شباب والله، (أكيد الصورة أصدكن فيها شريف إلا قليلا)
ليش يا أخ محمد مش حاطط بطاقة الحفظة متل الأخ بليغ والأخ فراس؟؟
أو مخبيها ورا الأخ عبد الله؟
في شباب ناقصين، في نص واحد معكن، مين؟

اقتباس:

---

المشاركة الأصلية كتبت بواسطة محمد

يا هلا بأحلا شباب والله، (أكيد الصورة أصدكن فيها شريف إلا قليلا)
ليش يا أخ محمد مش حاطط بطاقة الحفظة متل الأخ بليغ والأخ فراس؟؟
أو مخبيها ورا الأخ عبد الله؟
في شباب ناقصين، في نص واحد معكن، مين؟

---

ههه
يا هلا بالأخ محمد

حلوه منك هادي بطاقة الحفظه
هادي لها قصه، شكلن حكيولك ياها الشباب
هادا يا معلم بادج مشان تقدر تدخل عغرف التنظيم
فأنا علقتا عجيب البنطلون، لأن ما في جيبه بالقميص
فلما وصلوا الشباب وسلمنا علين, كنت لابس قميص جبتا بفرنسا, ففكر بليغ انو بالبادج نمرة جايه مع القميص وانا ناسي شيلا
فام نتشلي ياها
وهيك صرت مضطر كل مودي فوت واطلع, شيل البادج المخزوق من الجيبه

الله يهدي اسا لهلأ ما بيعرف يقرأ فرنسي !!!!
ههههههه

سؤال للأخ حميطون : أيمتن الأخ أيمن رجع للعقلية السلفية؟
الدليل: طعجة البنطلون

الله يهدي للأخ أبو الجود ما اعتبر من الأخ أبو راتب فك الله أسره لمن تصور مع القلمونيين

اقتباس:

---

المشاركة الأصلية كتبت بواسطة محمد

متن الأخ أيمن رجع للعقلية السلفية؟
الدليل: طعجة البنطلون

الله يهدي للأخ أبو الجود ما اعتبر من الأخ أبو راتب فك الله أسره لمن تصور مع القلمونيين

---

بس للتوضيح أن شكلوا ما انفهم الرد : أكيد ما في شي اسمو بادج للحفظه
ولو فيه، ما كان حدا اخدوا

بالنسبه للأخ أيمن، فهو ظاهره بحد ذاتو، مازال الباحثون يحاولون فهمها


عفكره : السنه الماضيه تصورت بالمؤتمر مع ابو راتب - الله يفك اسره -

اقتباس:

---

المشاركة الأصلية كتبت بواسطة محمد

سؤال للأخ حميطون : أيمتن الأخ أيمن رجع للعقلية السلفية؟
الدليل: طعجة البنطلون

---

اقتباس:

---

المشاركة الأصلية كتبت بواسطة محمد أحمد الفلو

بالنسبه للأخ أيمن، فهو ظاهره بحد ذاتو، مازال الباحثون يحاولون فهمها

---

فاهم عليكون ، دؤيلي تغنيلك مهك ؛



المرة الجاية ماني رايح لو خزئتولي ٣ قمصان ، هالسنة مشيت بقميص :1 (63):



الطعجة كانت لأن كنت متوضي ، والبدج للدخول إلى محلات التنظيم ( وراء الكواليس )