لو فينا نعمل سطوحنا بالقلمون هيك...................:.

إصحا بالك تطالب بمشاركتينك بهالموضوع كمان ها.... خليها رايقة....:)

التصاميم تصاميم ديكور أكثر منها هندسية... فأكيد ممكن تنعمل بس بدك الواحد يكون عندو ذوق كي يستطيع دمج الألوان مع الطبيعة والمكان يلي حولها...

هلق وينو المشرف ما في غير مبارك يطلعلي بكل مشاركة دخيل الله خلوا يفك عنا بقا....

اقتباس:

---

المشاركة الأصلية كتبت بواسطة أمين أحمد الحاج محمد

هلق وينو المشرف ما في غير مبارك يطلعلي بكل مشاركة دخيل الله خلوا يفك عنا بقا....

---

[caution]

انوا يا مبارك عما تهاجم أمين وبدك تكحشوا من المنتدى طلعت إنت أول واحد بتشارك بمواضيعوا

[/caution]

اقتباس:

---

المشاركة الأصلية كتبت بواسطة المبـــارك

التصاميم تصاميم ديكور أكثر منها هندسية... فأكيد ممكن تنعمل بس بدك الواحد يكون عندو ذوق كي يستطيع دمج الألوان مع الطبيعة والمكان يلي حولها...

---

أصحا جداً يسدئ و يجرب يزرع عالسطح هيك!! من غير شي النشش متللي الضيعة، و الله ما حدا يزرع عالسطح تا يوصلو الشلوش لحد تختو، الزرع بدو معالجة للنشش أول شي و المواد يللي بتنحط إذا في زرع هي مواد خاصة مقاومة للجزور، و هالأصة مكلفة فأحسن شي بينعمل إنو ينزرع عريشة عنب أو ياسمين بالحألة و يطلعوا عالسطح، و أوعا بالكن بحياتكن ما تنتخبو مبارك للبلدية لأن شكلو رح يخربلكن بيوتكن

لا ممكن الزريعة تكون بفازات... بس الحلو بالموضوع القعدة والديكور وأحلى الشي انا تكون بالقلمون

اقتباس:

---

المشاركة الأصلية كتبت بواسطة أمين أحمد الحاج محمد

لا ممكن الزريعة تكون بفازات... بس الحلو بالموضوع القعدة والديكور وأحلى الشي انا تكون بالقلمون

---

حتى الفازات إذا كانت كبيرة ممكن تعمل مشكلة مع الوأت بما إنو وزنا كبير و بتعمل رطوبة كتير تحتا، أكيد في حلول ، أول شي الفازات ما تكون كتير كبيرة و تاني شي تنحط بمحل مدروس( عالزوياية محل الجسورة) و تالت شي تتعلا عن الأرض تا ما تعمل رطوبة، بس متل ما ألت أهم الشي يكل هادا إنا تكون بالألمون

كنا متوقعين منك يا حج أمين إنو تضفلنا شي جديد مفيد من إنتاجك أو أرشيفك عالنت بدخلتك عالمنتدى ... بس الهيئة لحد هلأ عاجبتك فكرة نسخ النت كتير :)

اقتباس:

---

المشاركة الأصلية كتبت بواسطة wissam tout

أصحا جداً يسدئ و يجرب يزرع عالسطح هيك!! من غير شي النشش متللي الضيعة، و الله ما حدا يزرع عالسطح تا يوصلو الشلوش لحد تختو، الزرع بدو معالجة للنشش أول شي و المواد يللي بتنحط إذا في زرع هي مواد خاصة مقاومة للجزور، و هالأصة مكلفة فأحسن شي بينعمل إنو ينزرع عريشة عنب أو ياسمين بالحألة و يطلعوا عالسطح، و أوعا بالكن بحياتكن ما تنتخبو مبارك للبلدية لأن شكلو رح يخربلكن بيوتكن

---

أخ وسام،، هذه الأعمال هي أعمال خاصة في بيوت خاصة والبلدية لا تتدخل بها... لذلك حتى لو كنت رئيس بلدية فهذه الأمور لن أنفذها إلا في الأمكنة العامة وليس على السطوح...:)

بالمناسبة، هل بإمكان رئيس البلدية أن ينشئ هذه التصاميم على سطح المبنى البلدي؟؟:)

أمينو شو رأيك؟؟:)

ما تحتا يكون عنا مبنى بلدي بالأول نطرلك شي عشرطاعشر سنة كمان بيصير ان شاءالله....

بدك تشيل خزانات المياه و صحن الرسيفر , تملك السطح لحالك وتركبلو سقف مكيف بالصيف وليرد المطر بالشتاء! فكرة حلوه بس ما بتمشي !