إحياء سنة - التكبير في الحارات

السلام عليكم

لما كنا زغار أيام كنا نلعب طميم وتطيير بالحارات، كان لما يقرب العيد تتوقف جميع النشاطات حسب مني ذاكر و تصير كل ليله فيها مسيرة تكبير.

انا أذكر بأني شاركت في مسيرات التكبير مع أكثر من حاره :

ب حارة البقاعي ذاكر كان الأخ مروان الدالي و الأخوين التوأم عبد العال بظن واحد منن اسمو صلاح يمكن، كانوا هنه ينظموا المسيره التي تجوب حارة البقاع والفران مرورا ببناية الطبشه وفقوعه

وبحارة العين كان الأخ وسيم الفرخ ومحمود منصور ومحمد منصور الله يرحمه، والعقيد زر الورد وحسين منصور وشباب كتار
هادي المسيره كنا نكبر فيا للضباع والذئاب أكثر من البشر، لأن كانت عالأتوستراد قبل ما يتزفت وبالجبل وشويه بحارة العين كان يطلع للميتين بالمقبره حصة منا كمان
وقتا كانو يشعلوا دواليب عالأتوستراد

والمسيرات ما كانت تقتصر على التكبير، كان فيها هتافات كمان

أكتر هتاف متذكروا هو :

قولوا الله، قولوا الله،
نحنا جنود الحق والله،
نحنا خلقنا لأجل الموت،
لنحارب أعداء ألله

وكمان كنا نقول :

خيبر خيبر يا يهود
جند محمد سوف تعود

والشيخ ماجد جراد علمنا بالمسيره هتاف كمان :

كرامه وعزه وحريه
لمن ؟ لمن ؟ لمن ؟
للأمه الاسلاميه
شرقيه ؟ لا لا
غربيه ؟ لا لا
لا شرقيه ولا غربيه، إسلاميه إسلاميه

التكبير في الحارات سنه، حاولوا يا شباب عودوا عليها الأولاد
الله يقويكن عالتكبير بالجامع
بس التكبير في الحارات مهم كتير كمان
وهيك يا ندور بيحلوا عنكن الولاد

وهادا إحياء لسنة الرسول صلى الله عليه وسلم

ترحم على هالأيام يا أخ محمد ويلي راح راح..
الأولاد الآن شغلهم الشاغل الكمبيوترات والألعاب..
وأنا بتذكر لما كنا بكشافة الهدى وكنا نتدرب على المسيرة مرارا حتى كانت المسيرة لما تخرج لها هيبتها بتنظيمها وكثرة المشاركين فيها ولباسها الموحد..
وأكثر ما أتذكره عندما أنشدنا:أخي سوف تبكي عليك العيون.. وكانت لأخونا أدونيس قوطة الله يرحمو..وقتها العالم كلها صارت تبكي في ساحة المقهى.
في أمور كتيرة كانت تصير والآن صارت ذكريات...