عرض للطباعة
السلام عليكم:
موضوع بوقتو!!! بس ما تنسى انو ما الكل عندو انترنت...أو بالأحرى الانترنت منو عم يجي متل العالم...والجامعات بلشت, والشغل زاد, والطلبات كترانة....وووووو.....
بدي إسأل سؤال: وقت كان 62 عضو موجودين, كان في شي مناسبة؟؟؟ قليلة!!! صار بدا العالم مناسبات لتجتمع, أو يمكن منستغربلن اذا اجتمعوا...
بعدين يمكن أسلوب التعالم منو عم يسمح بالتواصل الجيد, ولا يساهم في حل المشاكل, عم يسبب نفور, يعني روحة بلا رجعة...
والله اعلم...
هدا بالنسبة للنظرة لهالموضوع, ورؤية المشكلة فعلياً, وهلأ بيجي دور الحل...فهل في حل؟؟؟؟؟؟؟؟؟؟؟؟؟؟
بالنسبة للانترنت, ما في حل الا النطرة...نطرة التحول الجذري بهالبلد, اما دمار...واما رقي...وان شاء الله يكون خير...
أما المشكلة التانية, ما فينا نقول بلا الجامعات, أو اتركو الدرس, أو الشغل...بس بوقت الرياحة عندكن, خصصوا ولنوا ساعة من نهاركن لتشاركونا عالصفحة...
وأخيراً, تغيير المعاملة والنفسية والكلام الموجه, وبناء العلاقات على أساس الاحترام والتقدير, وليس على أساس علاقات سابقة, شخصية, أو....وإلتماس الأعذار للآخرين, قد يحسن العلاقات ويساهم في نشر أجواء من الألفة والمحبة والاحترام..
والسلام :)
السبب أكيد واضح بعض الاعضاء يلي عملو مشاكل مع الأعضاء هني السبب بتخلي الكثير من الأعضاء يتركو ومايعودو يحبو يفوتو
اختي انا معك .... اذا كان اي موضوع بهل العالم سوف يجلب وجع الراس فبلاه احسن ...اقتباس:
المشاركة الأصلية كتبت بواسطة NARA
ولكن نقف لنقول
انا اذا زعلت من فلان والنتيجة انا تركت المنتدى والفلان اللذي زعلني ترك المنتدى بعد فترة ، يعني ما هي النتيجة ؟؟؟؟؟؟
بكل اختصار
اذا انت زعلت من واحد بالشغل بتركي الشغل!!!!! ام بتبطلي تحكي معو ؟
اذا واحد خانك بتقاطعي كل العالم واهلك واخواتك !!!!! والله بتزبلي يلي خانك ؟
وشكرا لكل المشتركين .
لا تواخذني يا أرايب.....اليوم المنتدى عمل ريست مرتين.......فوئت بيرجع يألع......بيرجع يسجل الأعضاء......فنرجو التوضيح!!!
لأ بدي واخذك أكيد يا أرايب لأني أنا عارف أنو كان في مشكلة بالمنتدى لمدة شوي طويلة كمان، و الصورة التي أخذت هي بعد أن عاد المنتدى إلى العمل بشكل طبيعي و كنت أتوقع أن أجد عددا مهما من الأعضاء الذي كان من المفترض أنهم يكونوا ناطرين بالنطرة الدخول على المنتدى وهذا ما فاجأني أني لم أجد أحد.اقتباس:
المشاركة الأصلية كتبت بواسطة Zaher Eddin
دع من أوجد المشكلة أن يحلها وهم يعرفون أنفسهم
صلو على النبي
أنا رح إحكي عن نفسي .أنا كتير عم خفف كتابه على هل المنتدى لأني بس أكتب موضوع يا بيتاخد بالإستهزاء أو بيشارك فيه شويه وبعدن بيطلع واحد وبحول الموضوع لمشاكل أو إستهزاء على فكره أنا عم شارك بغير منتدى وكتير متراح لأنو الموضوع بضل يناقش حتى النهايه فسامحونا
بصراحة لأنو ما في مواضيع جديدة بآخر كم يوم:)
و انا كمان مشغول شوية في هذه الايام بسبب الدراسة...و الحمد لله انكم حريصون على المنتدى......
نجم كبير من نجوم المنتدى سطع في سمائه وفرض نفسه عضوا فعالا فيه،هو من شجعني بمشاركاته الجميلة للدخول إلى صرح هذا المنتدى الكريم بداية كزائر و لاحقا كعضو، كانت مشاركته تشدني لمتابعتها وتزرع البسمة والبهجة في قلبي ولكن سرعان ما انطفأ نجمه وحرمنا من مشاركاته التي كنا ننتظرها بفارغ الصبر ونتابعها بشغف...إنه فشلان، إسم على غير مسمّى طبعا فقد كان له دور ناجح وكبير في إنعاش هذا المنتدى و لكن اليوم هو بعيد عنّا و مشاركاته شحيحة جدا، آخر مشاركة له كانت في 22/10 أي تقريبا منذ شهر والتي قبلها كانت في 23/9، ما يعني يمكنكم القول له مشاركة واحدة في آخر شهرين!!!!فما الأسباب يا ترى التي تدفع الأعضاء لترك المنتدى؟ وخاصة أعضاء كانو من ركائز المنتدى الكريم؟؟؟
أتوجه ختاما بدعوة للأخ فشلان بالعودة والمشاركة كما كان في السابق وأنا متأكد أن الكثير من الأعضاء يتمنى عودته أيضا.وأوجه دعوة لكل عضو يهمه أمر المنتدى أن يطلب من فشلان العودة للمشاركة كسابق عهده عبر المشاركة في هذا الموضوع و عبر رسالة خاصة إليه وأرجو من الأدمين السماح بتخزين أكثر من خمسين رسالة في صندوق رسائل فشلان لأني متأكد أنه سيتلقى أكثر من ذلك....كما نتمنى من جميع الأعضاء الذين انسحبو العودة أيضا.مشكورين.
والله يا اخي فشلان ما في متلو وانا بعرف كل مشاركة كاتبها
بس للاسف اصبح ورقه محروقة امام البعض لهيك هو لا يشارك والله اعلم .
بارك الله فيكم جميعاً.... وأشكر كل من يوليني هذا الاهتمام...
إن للمنتدى في نفسي مكانةٌ لا يعلمها إلا الله... كانت تنمو بعد كل مشاركة.. يسقيها ردود من الأحباب والأصحاب...
كانت أشعاري تنهال علي من كل صوب، أستمدها من مشاركات الأعضاء دون استثناء... أنا نفسي لم أكن أعلم كيف تفجرت هذه الأريحية.... وما زلت حتى اليوم أتأمل بعض الأبيات لأجد فيها المتعة والسلوان...
غير أن الفطرة الربانية في هذا الكون، هي أن المخلوقات تسير في درب الحياة، بدءً من العدم، ثم الوجود، ثم النمو حتى تصل إلى ذروتها... ثم تعود أدراجها نحو الترهل والتراجع حتى تعود إلى العدم...
وإني وإن لمع نجمعي في فترة من الفترات... غير أن المنتدى لا يقوم بي، بل هو كائن بي أو بدوني.
ما زلت أرى المنتدى وكأنه تلك السماء التي تحتوي النجموم البراقة... كل يوم يظهر بعضها ويغيب البعض الآخر... غير أن هناك بعض النجموم المتميزة المعلومة... ولكن لا بد وأن تختفي وتظهر...
كم كنت أحب أن أكون القمر الذي يظهر كل يوم ليلقي أضواءه على أكبر قدر ممكن... ولكن تبين لي أن القمر كوكب وليس نجماً.. فعزفت عن أمنيتي...
ثم تمنيت أن أكون الشمس التي تنير هذه الأرض، ولكن تبين لي أني إنسان ولست شمساً...
ولك دووووووووووووووووووووووووووووع... أكيد كلكن تأثرتو.. ويمكن في مين بلش ينقدني أدبياً ولغوياً... ويشوف الاستعارات والتشابيه... ولك أنا ما فيني ضبط هيك مثل المهذبين.. كأني بصف الروضة وناطر المعلمة حتى تعلقلي نجمة لأني شاطر....
ولك دووووووووووووووووووووووووووووووووع...
بس...
بس المشكلة إنو ما معي وقت.. من بعد ما اشتغلت.. والحمد لله...
وعندي ملاحظة للأخ الهارد (القاسي سابقاً :D): أنا ما بحياتي كانت تصرفاتي ردات فعل.. بل هي والحمد لله أفعال من تلقاء نفسي... ولنفرض أني انكشفت على العلن وبنص القهوة... لا يعنيني ذلك شيئاً. ولا يغير ذلك من ظهوري شيئاً..
إنما تكمن المشكلة في وقت الفراغ.......
والله الله يعطيك العافية ......البي معك .........
يالله ناطرينك حتى تشارك بوقت فراغك بس الظاهر بتفضل تنام بهل الوقت على كل حال انا القاسي وانا ناطرك يا اسي
بركة منعمل جولة تانية
لانو باول جولة انا انسحبت بركة بربح بالجولة القادمة :)
تحية طيبة للأخ فشلان وشكرا لتجاوبك، كما نأمل أن تتكرم علينا بالمزيد من المشاركات والوقت.اقتباس:
المشاركة الأصلية كتبت بواسطة فشلان