لماذا هذا الاهمال ؟

السلام عليكم

القلمون بلدة جميع القائمين عليها مسلمون ولله الحمد ، والاسلام دين النظافة ، فلماذا لا نرى النظافة في شوارعها وعلى جدرانها و ............،ولماذا لا نرى الاهتمام بالعالم الطبيعية والأثرية في القلمون من قبل البلدية ، يعني احنا عن الحلا والجمال ،بس ما منعرف نستهلكوا والمسيحيين ما عندهم شيئ تقريبا ولكن هنّة بيعملوا ..... يعني بكرا جايية الصيفية ليش تحتا مصاري السياح تروح للأشرفية وهل المناطق ، ليش ما بتروح للقلمون والمناطق المسلمة ، ليش لحتا هنة يخدو هل المصريات ويستخدموها في المعاصي وفي نشر الرذيلة ونحنا ما ناخدها ونستخدمها في نشر أفكارنا ومبادئنا ، القصة ليست بهذه الخطورة فلبنان ليس للمسيحين وحدهم ، ونحنا أصلا لازم نحسن أرضنا وبلادنا ، يعني منقول نحبك يا قلمون بس شو عملنا للقلمون ؟؟؟؟؟؟؟؟؟؟؟؟؟؟؟
أنا أقدر أن المسألة ليست بهذه السهولة ، ولكني متأكد من أن البلدية يمكنها عمل أكثر مما تقوم ب في هذا المجال ، وهذه بعض النقاط :

- وضع لوحات مخصصة للإعلانات في القرية ، وتغرّم البلدية كل شخص يعلق اعلان خارج المكان المخصص له . لأن بصراحة القصة زادت كتيير ، يعني ما معقول انو حيط المسجد ما بينعرف شو كان لونه وقت اندهن ، وما معقول انو واحد يكون داهن حيط بيتوا يلي على الطريق فيجي الناس ويعلقولوا عليه اعلانات على حيطوا والبلدية ساكتة عن كل هذا الشيء ، بل وتشارك أيضا من خلال حملة الأعلام التي قامت بها مؤخرا بعد طلب رئيس الحكومة فؤاد السنيورة من المواطنين اللبنانيين أن يعلقوا أعلاما على شرفهم .
- وضع ثلا مكبات تحت كل مبنى ، واحد للزجاج ، وواحد للمعادن وآخر ، للمواد العضوية ، يعني بتكون القلمون أول مين عملها حسب ظني . بالنسبة للحديد والمعادن ، أكيد بينباعوا معها لشي حدا ، وبالنسبة للمواد العضوية ، لازم تطمرهم بشي مكان لأنهم يخصبون الأرض ويتحللون بسرعة ، أما اذا تم احراقهم فيلوثون الهواء فقط .
- اعادة تأهيل بعض المباني القديمة ، التي تشوه منظر القرية ، أعلم أن المشروع مكلف وميزانية البلدية لا تسمح ، ولكن لا أقول أن تقوم البلدية بترميم جميع المباني دفعة واحدة ، ومن ثم أنا أقول الشكل الخارجي وليس الداخلي .
- أن تحسّن البلدية الحديقة التي قامت بانشائها ، وأن تضع فيها خلال بعض المواسم بعض الحيوانات ، مثل الأسد و... -بس بيزعل التيار بدهم من عندهم- أي شيء متوفر ، يعني فيهم يستأجروا أو هيك شي
- أن تحرص البلدية على تجميل بعض المعالم في القرية ، مثل مغارة الزيت و .... ، يعني بصير النبعة ومنشفينها ، ومغارة الزيت بدّم اتضلّك شي ثلاث ساعات عم تزحف بقلبها ، هذا اذا بالآخر ما طلعلك شي قنفذ بقلبها ، فلو قامت البلدية بتحسينها ، بتصير ان شاء الله أثرية ، يعني ليش لحتى السياح يروحوا لعند المسيحيين ، من قال انهم هم الرقي ونحنا التخلف ، ليش ما نحنا منبادر ومنعمل
- أن تقوم البلدية بتحسين البور ، وتزفيته
- أن تقوم البلدية بانارة المساجد ، بطريقة جميلة ، وكذلك جميع البنايات
يمكن بعّدت شوية ، أو كتيير بالأفكار ، بس البلدية كمان زايدتها كتيير على الناس ، يعني روحوا على مناطق المسيحية وشوفو شو عاملتلهم -صحيح انو حكومة السنة تقدم تسهيلات أكثر للنصارى بس البلدية لا تقوم بجميع ما بوسعها- ، يعني على الأقل بعد هل الرسالة هذه لازم رئيس البلدية ، يدعي لاجتماع طارئ لجميع أعضاء البلدية ويتفقوا على حل لهذه المشاك ويناقشوا هل الأفكار ، كما انو لازم يجتمع مع أصحاب البنايات -يعني يلي بعمروا وبيبيعوا- ويتفق معهم على انو لازم يحسنوا شكل البنايات ، يعني على القليلة ، بروجكتار للبناية ، ودهان بيشبه الخلق ، ويكون منظر الشبابيك مقبول و حول البناية زريعة مش بحص وخفان من آثار البناء ......

ملاحظة : أطلب من الأخ وسيم فلو -حفظه الله- توصيل هذا الكلام ونقل هذه الأفكار لرئيس البلدية ، وردلي خبر شو بقلّك .

السلام عليكم ...

أتوقع أن أخونا وسيم الفلو سيوصل هذه المُقترحات ويعود إلينا بالرد والتعليق..:)

أخوكم:rolleyes:

شكراً للأخ وسيم على الأفكار الراقية ولكن:
لا داعي لإيصال شيء فالأفكار طرحت عشرات المرات في المجلس وفي لجنة البيئة... الإخوة الكرام الأعمال العامة من الصعب أن تمر في هذا المجلس .... إلا إذا كان الحائط حائط فلان أو علتان... أما عن العقوبات فحدث ولا حرج، وإلا لماذا كل مرايات السير مهشمة والكثير من الأشخاص يسيرون في القلمون بسرعة جنونية من دون أي عقوبة....
أنا لا أريد أن أبدوا بمظهر العاجز ، ولكن للحقيقة فإن هذه البلدية تحتاج إلى تغيير على مستوى القمة وإلا فالقلمون ستظل في القمامة.

أخي وسيم ، بارك الله بك على الاهتمام ، والرد ، ولكني أعتقد أن البلدية يجب أن تكون صارمة أكثر ، يعني ما يحصل في بلدتنا من تشويه و...... لماذا لا يحصل في الأشرفية ، هل النصارى أرقى منا أم دينهم يأمرهم بالنظافة أكثر من ديننا ؟ وماذا تفعل البلدية حيال هذا الأمر ، المسألة تحتاج لتخطيط وتنظيم والبلدية الحالية لا تقوم بهذا ، تريد كل شيء أن يحصل من أول خطوة ، أخي الكريم انت تعرف أن التخطيط للمشاريع مسبقا أصبح اختصاصا يدرّس في الجامعات اليوم ، فحسب رأيي يجب أن يذهب الفريق المهيمن على السلطة حاليا وأن يأتي مكانه أناس متعلمون ومثقفون وأن يكون من ضمنهم من اختصاصه دراسة المشاريع ومن ضمنهم من هو مهندس مدني ، ومن ضمنهم من هو مهندس كهرباء و طبيب ، وأخصائي بالبئية وآخر اختصاصه السياحة ........
يعني اليوم حاطين طقم على أساس انهم اسلاميين ، وكل سنة نفس الفرقة بتاخد البلدية ، والأحلى من هيك انو الناس بينتخبوهم ، وهنة ما رح قول مش عم يعملوا شيء ولكنهم يفعلون أقل بكثير مما عليهم فعله .
ففكرتي ان تشدد البلدية الحالية على الناس ، وفي الانتخابات القادمة ، يجب تشكيل لائحة على مستوى القلمون تجمع نخبة المثقفين في القلمون في كافة المجالات التي سبق وذكرتها ، وان شاء الله ستفوز وستكون بلدية التغيير للقلمون .
وستهوي عصبة الأشباح في الظلمات ترتعد .:D
:cool:

السلام عليكم وبعد

والله يا إخوان لازم نفكر كيف نعطي البلدية هيبة ورهبة في أعين الناس لكي تصبح "قادرة" على فعل أي شيئ سواء كان عقوبة أو مشروع. فبدون أن يحترم الناس البلدية لن يحترموا لا المشاريع ولن يهابوا العقوبات فكيف نعيد (أو بالأخرى نخلق ) رهبة واحترام عند الناس تجاه البلدية؟؟؟

أخ زاهر بارك الله فيك ، على الرد ، ولكن ما كتبته أنت يحتاج الى موضع مستقل ، فأرجو الالتزام بالموضوع المناقش حاليا ، لئلا تتشتت الأفكار .

اقتباس:

---

المشاركة الأصلية كتبت بواسطة وسيم غنوم

أخ زاهر بارك الله فيك ، على الرد ، ولكن ما كتبته أنت يحتاج الى موضع مستقل ، فأرجو الالتزام بالموضوع المناقش حاليا ، لئلا تتشتت الأفكار .

---

السلام عليكم وبعد

والله يا أخي بس بدي ياك تألي فرضا إنوا البلدية قامت بكل مشاريعك المريخية هل سيلتزم الناس بأي منها--الجواب سيكون كلا. لأن الناس لا تحترم البلدية كسلطة حاكمة نوعا ما.
لذلك يجب أن نأسس الناس على احترام البلدية قبل أن تقوم بهكذا مشاريع وألا ستفشل مشاريعك المريخية.

والسلام عليكم

ليك يا أبو الزوز ، هيأتك صاير عم تتهجم علي كتيير ، هاك الساعة قايل عني بمنتدى الأناشيد اني عاشق ، وسيط فال ولا هالصيت ان شاء الله ، وهلأ عم تهزأ بأفكاري ، المهم رح جيك من الآخر ، وبقلّك انو اذا البلدية بدها العالم يحترموها لازم تكون محترمة ، يعني الأشرفية ومناطق المسيحيين مش محترمين أكثر منا ، ولكن عندهم ناس بتشتغل ، يعني رح شبهلك القصة بطريقة أخرى ، أنت لو مررت بطريق فيه وسخ ترمي ما تؤيد ولا تسأل ، أما اذا كانت الطريق ظيفة فستستحي أن ترمي ولو كنت وحدك ، والناس أيضا اذا كانت البلدية تفعل مشاريع وتقوم بدورها لا أن تعطل المجلس البلدي وتخرق الدستور كما بفعل لحود ، يعني عند ذلك تصبح البلدية محترمة بأعيين الناس ، فأهل الأشرفية ليسوا أشرف من أهل القلمون ولكن عندهم من يعمل لهم ، وعندهم حكومة محسوبة علينا ، ولكنها تخدمهم .
ويا أخ وسيم فلو ، يعني اذا البلدية ما بدها تلاقي حل ، لازم تتغير ، هيي حالك لإنقلاب

very important subject ,,ya reit ino hal mawdou3 yekhod ehtimem aktar min kibal al baladiyeh,,fahouwa mawdou3 ktir mohem,,wel almoun baldeh zghireh , w ba3den illi byermi il wasakh bil tari2 houwa bikon mano ndif ,,,la2an iza bye2bel ino yermi il wasakh bil chere3 bye2bal ino yermi kamen bi ard bayto,,,w ba3den il baladiyeh mitel ma bozkor 7attet bi kol fachkha min il chere3 sellet zbeleh bass badkon 7adan yesta3melon..w haik bitsir il almoun ndifeh..

ليك يا أبو الزوز ، هيأتك صاير عم تتهجم علي كتيير ، هاك الساعة قايل عني بمنتدى الأناشيد اني عاشق ، وسيط فال ولا هالصيت ان شاء الله ، وهلأ عم تهزأ بأفكاري ، المهم رح جيك من الآخر ، وبقلّك انو اذا البلدية بدها العالم يحترموها لازم تكون محترمة ، يعني الأشرفية ومناطق المسيحيين مش محترمين أكثر منا ، ولكن عندهم ناس بتشتغل ، يعني رح شبهلك القصة بطريقة أخرى ، أنت لو مررت بطريق فيه وسخ ترمي ما تؤيد ولا تسأل ، أما اذا كانت الطريق ظيفة فستستحي أن ترمي ولو كنت وحدك(يا أخي سمحلي ألك إنك مخطئ كتيييييير لأن اللي صرلوا 65 سنة من عمرو عم يرمي على الأرض ما رح يأدر خلال يوم أو حتى شهر يعود نفسو على النضافة--يعني مثل صغير هاك اليوم فات رجال على دكان واشترى وعندما خرج بمجرد أن فتح الكيس رما النفاية على الأرض بالقرب من السلة لأن السلة لا تعني بالنسبة له مكان رمي النفايات---ما بعرف شو هالجسم الغريب اللي حاطينوا هون---ومثل تاني لما صاحبة دكان تراها تخرج وبيدها سطل زبالة فترمي المحتويات أمام دكانها مباشرة ثم تعيد السطل للداخل. ولك يا خيي صرلي عم علم إبن أختي الصغير على الرمي بالسلة سنة لكن كلما تركته لأكثر من يومين مع الأولاد في الحارة يعود ليرمي على الأرض وعندما أذكرة يحس بالذنب ويعود للرمي بالسلة لأني مفهمو إنو هالشي غلط ولازم ما نعملوا وهاد صبي عمرو 5 سنين هيك يتأثر من هالخمس رفاق فما بالك إذا كان المجتمع كله على هذه الحال) ، والناس أيضا اذا كانت البلدية تفعل مشاريع وتقوم بدورها لا أن تعطل المجلس البلدي وتخرق الدستور كما بفعل لحود ، يعني عند ذلك تصبح البلدية محترمة بأعيين الناس ، فأهل الأشرفية ليسوا أشرف من أهل القلمون ولكن عندهم من يعمل لهم ، وعندهم حكومة محسوبة علينا ، ولكنها تخدمهم .(ولك شو عاملنلك أهل الأشرفية والمسيحيين تركنا منهم وخلينا بحالنا لأنوا نحنا الي لازم الناس تتشبه بنا ما لازم نحنا نتشبه بهم --بعرف بك تألي مين عم يتشبه----يالله الإنتخابات الجاية يصير فينا ننتخب أنا وياك خلينا نشارك بركدن بتفرء على صوت واحد-----انشاالله ما تئلي إنوا رأيك إنها حرام--هيك أحسن ما نعمل إنقلاب بالطرق "المتخلفة". ها ها ها ها ها .......)
ويا أخ وسيم فلو ، يعني اذا البلدية ما بدها تلاقي حل ، لازم تتغير ، هيي حالك لإنقلاب
استطردنا كتير ورح يضيع الموضوع ولسا ما حدا من "المثقفين" عطانا رأيو وينكم يا "مثقفين" الضيعة

السلام عليكم

بعض الأمور التي ذكرتها أخي وسيم ممكنة التحقيق (لوحات إعلانات، الحديقة، بعض الأبنية القديمة، الحديقة...) وبعضها صعب التحقيق من ضمن الإمكانيات الحالية سواء تغير الرجال أم بقوا.
أنا لا أخفيك سراً أن البلدية الحالية (والسابقة) أهملت النواحي الجمالية، وهذا الشيء لن يتغير إلا بتغيير الكثير من الأشخاص من المجلس الحالي. أتمنى في الإنتخابات المقبلة أن يكون هناك الجرأة من الكثير من المتفلسفين أن يخوضوا الإنتخابات، بدل أن يكتفوا بدعم أناس إنتهت صلاحيتهم.
والسلام

أبو الزوز ، قولك يلي صرلوا 6561409 سنة بكب ورق بالشارع ، اذا خدتو على شي بلد بيشبه الخلق وورجيتو أرض نضيفة رح يكبورق على الأرض .

ويا أخ وسيم ، المشكلة انو بالقلمون نوع واحد من الاسلاميين والرأس ماليين ، مفكرين حالهم ما حدا غيرهم بيفهم ، وهنة يلي بحددو اللوائح ، للأسف ، واذا حدا نادى بالتغيير ، يتهم أنه يريد شق الصف ، و من هذا الكلام .
ولكن هم من يشقون الصف بأفعالهم .
وان شاء الله الدورة الجاية تكون إلك ، إنت وأخونا فداء ، بس شرط ما بدنا نسوان ، يعني هنة على الانترنت عم يوجعولنا راسنا ، شحال على أرض الواقع ؟؟؟؟

يا أخي من قال لك أن فداء يريد الترشح المرة القادمة (وأنا فترشحي عائد للظروف)
أصلاً الفكرة من الترشح في المرة السابقة كانت تقديم بديل من الصف الإسلامي غير مرتبط بأصحاب النفوذ، وتقديم لائحة من الشباب المندفعين، ولكن للأسف لم ننجح بإنشاء الائحة نظراً لأن الكثير ليس لهم الجرأة في قول "لا"، ولذلك نحن اعتبرنا أنفسنا مهزومين حتى قبل الإنتخابات، وأكملنا الإنتخابات لأن وجودنا في المجلس يفرض بعض التوازن.
في المرة القادمة يجب أن يكون للجميع الجرأة على الترشح ، والصف الإسلامي ليس له من هذه الكلمة إلا الصف. لا يعرفون بوجود البلدية إلا في الإنتخابات لتمرير من يريدونه.
أخ وسيم أنا والحمد لله ليس لدي طموحات قيادية (وخاصة أنني أعتبر أن مستقباي العلمي أهم من تصدر العمل العام) ، وقد عملت بنشاط في البلدية الحالية (وخاصة في أول سنتين) لتنظيم أمور البلدية، ولكن الظاهر أن العقول لن تتغير. أتمنى في المرة القادمة ترشح أشخاص مناسبين وأنا أساعدهم بخبرتي المتواضعة سواء من المجلس أو خارجه.

اقتباس:

---

المشاركة الأصلية كتبت بواسطة وسيم أحمد الفلو

يا أخي من قال لك أن فداء يريد الترشح المرة القادمة (وأنا فترشحي عائد للظروف)
أصلاً الفكرة من الترشح في المرة السابقة كانت تقديم بديل من الصف الإسلامي غير مرتبط بأصحاب النفوذ، وتقديم لائحة من الشباب المندفعين، ولكن للأسف لم ننجح بإنشاء الائحة نظراً لأن الكثير ليس لهم الجرأة في قول "لا"، ولذلك نحن اعتبرنا أنفسنا مهزومين حتى قبل الإنتخابات، وأكملنا الإنتخابات لأن وجودنا في المجلس يفرض بعض التوازن.
في المرة القادمة يجب أن يكون للجميع الجرأة على الترشح ، والصف الإسلامي ليس له من هذه الكلمة إلا الصف. لا يعرفون بوجود البلدية إلا في الإنتخابات لتمرير من يريدونه.
أخ وسيم أنا والحمد لله ليس لدي طموحات قيادية (وخاصة أنني أعتبر أن مستقباي العلمي أهم من تصدر العمل العام) ، وقد عملت بنشاط في البلدية الحالية (وخاصة في أول سنتين) لتنظيم أمور البلدية، ولكن الظاهر أن العقول لن تتغير. أتمنى في المرة القادمة ترشح أشخاص مناسبين وأنا أساعدهم بخبرتي المتواضعة سواء من المجلس أو خارجه.

---

أخي وسيم تقول ان الفكرة كانت في اجاد بديل من الصف الاسلامي ، وأنا برأيي أن الفكرة ما زالت موجوة ، وما زالت القلمون بحاجة لبديل عن الموجود .
وبعدن يا خيي ، أنا لما قلت فداء لأن بعرف شو تفكيروا ، وبعرف انو زلمة بقول الحق ... وهذا مجرد اقتراح .

ولكن المشكلة ، هي أنه في حال تواجد بديل اسلامي عن الموجودين حاليا ، فإن المنافسة التي ستكون بينهم ، قد تؤدي إلى أن يستلم البلدة أناس غير اسلاميون ، وهنا يجب قياس المسألة من قبل ، وتقدير أبعادها . وأنا برأيي أنه في حال استلم البلدية أناس غير اسلاميون ، فإن الفرق لن يكون كبيرا أبدا . بينما اذا استلم البلدية أناس اسلاميون آخرون وذو مبادئ ، فإن الفرق سيكون كبير .

السلام عليكم :).. كيفكم يا جماعة..

أخي وسيم حتى لا نتكلم بالعموميات... أنا لست هنا مدافعا عن البلدية ولا ذاماً لها..؟

ولكن ما الذي تراه من وجهة نظرك من إختلاف قد يقع على طريقة عمل البلدية (الإسلامية من وجهة نظرك وغير الإسلامية أو البلدية الحالية ؟؟).. يعني حتى نستطيع أن نفهم على بعض :)...

وفصل لنا ماذا تقصد (بذو مبادئ) من فضلك .. حتى يتسنى لنا ولك وللمتابعين هنا ممن يهمهم أن تبقى القرية تصبغها الصبغة الإسلامية.. ما هي المبادئ التي يجب أن تتوفر في المرشحين المُقبلين...؟..

ودائما أرجو من الإخوة الإنصاف في الحكم على التجارب وأن لا ينظروا بعين واحدة... فهذا ليس من مبادئنا...;)

أخوكم:rolleyes:

إذا بتريد يا وسيم غنوم لا تتهجم علينا البلدية لنا .......

أنا لما بوقل عن بلدية اسلامية ، ما قصدي انها تكون مشكلة من ملائكة لا يخطئون ، ولكن على الأقل يكون عندهم المبادئ والأخلاقيات الاسلامية المتعارف عليها بين الناس -عارف انو في ناس هلأ رح يحوروا الموضوع ويعملوا حالهم جايين من الصين ، وبدهم يسألوا شو الأخلاق الاسلامية المتعارف عليها ؟؟؟- .

وللأسف هذا ليس موجود عند كثير من أعضاء البلدية الحاليين وليس كلهم ، وفي القلمون من هو أولى منهم بهذا المنصب .

فحاجتها البلدية محتكرتها الجماعة الاسلامية ، ولو محتكرتها كما يجب ، ما حدا بيحكي ولا كلمة ، بس متل ما شايفين ................

ما حدا يفكر انو هلأ عم ففرق الصف الاسلامي و...... لأن عم قول انو البلدية محتكرتها فرقة معينة ، وعندها تجاوزات و..........
وبعدين تعوا تشوف مين قال انو البلدية اسلامية ، شو هو بس تقولوا انها اسلامية بتصير اسلامية -قولة الشيخ عمر- أنا شايفها وطنية وبس .
أصلا بين بعضنا ، أكتريت الجمعيات الاسلامية صارت جمعيات وطنية ، ولم يبقى لها من الاسلام الا الأسماء والوجاهات ، التي يتشاجرون عليها .

innou 3am tihki 3an albaladiyeh ma awal al shi lay koun fi baladiyeh tihtam bil nes w tzafit al toro2ot w ba3din hki kanna lezem tkoun islemiyeh willa la2

السلام عليكم ..:).. شلونكم يا جماعة...

أخي وسيم هذا أنا أول واحد من الصين رح ارجع اسألك ... شو المبادئ والأخلاق المطلوبة تكون متوفرة بأعضاء البلدية الحالية أو المُقبلة...

أخي اعتبرني بدي قدم على البلدية وبدي أعرف ان المبادئ والأخلاق اللي انت عم تحكي عنها متوفرة فيني أو لأ :) خدني على أد عقلي...

أخي شلح الكلام بدون ذكر تعليل ولا بدائل لا بيقدم ...بالعكس بيأخر...

الحوار والنقاش والنقد البناء أكيد مش المقصود فيه شلح الكلام والتهجم على من تحمل المسؤولية .. ومن يتحمل المسؤولية لا بد أن يقع في الخطأ...

أخوكم:rolleyes:

أول شي ، فادي شكرا لك على المرور من هنا .

زيد ، أنا لما قلت انو بدو يطلعلي ناس من الصين ، كان قصدي عليك بالدرجة الأولة ، وما خاب ظني .

زيد ، انو انت ما عارف شو المبادئ والأخلاق المتعارف عليها بقا ؟؟؟؟؟؟؟؟؟؟؟
أو لقللك أنا بدي اسألك ، في مبادئ وأخلاق متعارف عليها ، ولا ما في ؟؟؟؟؟؟؟؟

يعني يا زيد ، ما حدا بيقيم حالوا ، يلي لازم يترشح ، لازم يروح لعند ناس من كافة شرائح المجتمع ويسألهم شو رأييون فيه ، واذا بينصحوه يترشح أو لأ .

زيد :
الكذب من المبادئ المتعارف عليها ؟؟؟؟؟؟
الغش من المبادئ المتعارف عليها ؟؟؟؟؟؟؟
الواسطة لــ من المبادئ المتعارف عليها ؟؟؟؟؟؟؟
الإهمال من المبادئ المتعارف عليها ؟؟؟؟؟؟؟
اتباع الفتن من المبادئ المتعارف عليها ؟؟؟؟؟؟؟

زيد ، حاج اتدافع عن البلدية لأنها جماعة اسلامية

يا أخ وسيم الناس بالقلمون ما بتعجبن إلا هالصفات وإذا فكر الواحد يكون صادق ويراعي ربو بينزلوا فيه دعاوي
أخي وسيم الفلو إذا كان كل واحد عرف أخطاء البلدية تنحى عن منصبو كيف متوقعين إنو أوضاع البلدية تتغير

الله يبارك فيكي يا أم سفيان ،

ما كل الناس بحبوا الغلط يا أختي ، الناس عم يسبوا على الاسلام بسبب البلدية .
يلي بحبوا الغلط هنة يلي عم يستفادو منو ، يعني اذا شي أستاذ بدو ينقل على القلمون بيستفاد من الغش هون وبيدافع عنو أو إذا .................... .

على كل الله يبارك فيكي لأن ما عملتي متل زيد ، لأنو هو عم يدافع عن البلدية لأنهم جماعة اسلامية وبس .

كما أني أعتبر الأخ وسيم فلو من الطيبين في البلدية ، ولا أعتقد أنه كان محق حين اعتبر أن مستقبله العلمي أهم من استلام المناصب و................ فالمناصب يجب أن يستلمها أناس متعلمون مثله ، كما أني أحسبه صاحب خلق عظيم ، ولا أزكي على الله أحد .

السلام عليكم :)...

الله يسامحك خيي وسيم ... مقبولة منك.. لوووووول..

أخوكم:rolleyes:

حقك علينا ، يا خيي
ما تكون زعلت ها

السلام عليكم ورحمته وبركاته .هلك كل واحد حكي وقال شو مابدو .بس عملتو متل الفشلان والقاسي حكيتو وحكيتو وحكيتو ولك سلم تمكون والله يبارك فكن .بس ماوصلنا لحل ولا لإقتراحات .أعتقد أنو البلديه مش ممكن فعل فيها شي لأنها قد أفلست أو بدا أو عم أو سوف فكل يلي كانو مفتكرين أنو هلك بدن يعملو ويعمرو و يحسنو قد نامو .فخلينا نرجع من جديد ونعمرها بعيد عن ألأحذاب والمحسوبيات .ونستفاد من هل الشباب المفكر النشيط .ونبعد عنا الغش وأهم شي الحسد هيدي أكبر مشكل عنا بالضيعه الحسد الحسد الحسد الحسد

السلام عليكم يا اجيال المستقبل :)
والله يا اخوة الحسد موجود في كل مكان وفي كل ارض فهل هو مرض ؟؟ و كيف علاجة ؟؟؟ اكيد علاجة باتباع الدين يا اخ فيصل، لو العالم عارفة ان الحسد حرام
عن النبي -صلى الله عليه وسلم- قال:

لا حسد إلا في اثنتين: رجل آتاه الله القرآن، فهو يتلوه آناء الليل، وآناء النهار، ورجل آتاه الله مالا، فهو ينفقه آناء الليل وآناء النهار .

الناس في القلمون بعيدة عن الدين وكما تكونوا ......يا زيد
في البدايه اخذنا الامر من ناحية اسلامية وحطينا كل الائحة ، طيب زيد على راسي وبعدين ..... اخي انا عندي تجربه مع البلدية ولا اريد ان احكم عليها الا من ضمن ما اعلم ، لا توتخذني طلع ما في بلدية طلع في محسوبية بس انت من هل العيلة الفلانية انت قوي مقاول او من اصحاب المال او سياسي على راسي طلبك مجاب اما اذا كنت غير هذا الله مع العبد الضعيف انا تعاملت مع اعضاء من البلدية ولله يشهد هم من افضل عالم تعاملت مع وسيم مع شادي مع وليد مع نسيم... ولكن اين المشكلة ؟؟؟؟ الاخ وسيم الفلو حلل المشكلة . ولكن هل من حل بالقريب العاجل ؟؟؟؟؟؟؟ لا اعتقد ،
وانا لا اوافق الاخ وسيم بما قاله عن الاخ زيد عن سبب دفاعه عن البلدية انا بعرف عالم كتير لا يحبون من ذكرتهم ولكن هم مع ... انا لا ادافع عن احد انا مني ناطر شئ منهم ولا من غيرهم انا لست واثق من عملهم ومن اولوياتهم ،

على فكرة بالاول ابو جاد فتح موضوع عن الاخوة ولكن الظاهر هو موضوع منو مثير لبعض العالم فيا اخي الشامي نشط هل الموضوع متل غير مواضيع يعني بعتلك شي بعوضة تقروص بالموضوع بركه العالم بتفوت و بتشارك . ولا تعب علي قصر مشاركاتي فأنا حر ولكن الظاهر لا تقرأ ما اكتب الا في مواضيع بتهمك .

يا أخي أنا لست في صدد حسد أعضاء البلدية على هذا المنصب العظيم الذي هم فيه ، ولست في صدد الترشح ولو بعد ألف سنة .
ولكن يا خيي ، احنا عم نحكي عن شي غلط وموجود .
يا خيي هارد ، أنا ما رح احكي عن أشخاص معينين ، بس بدي قللك ، انو ما كل ما شخص قللك "السلام عليكم ، والله يبارك فيك ، وتقبل الله و........" صار عندو أخلاق الاسلام ، وصار خرج يستلم القلمون ، والعمل فيها .

يا خيي هارد ، ليش احنا المسلمين هيك ، يعني الواحد بقول في مشكلة ، فبدل ما نلتهي كيف بدنا نعالجها ، منلتهي اذا في مشكلة ولا لأ ، وبالآخر بيطلعوا يلي عم يناقشوا معيطين على بعضهم وعالقين مع بعضهم .

يا خيي هارد ، حاجتنا نتخبا وراء اصبعنا .......................

نعم انا معك وانا اعتقد ان معظم اهل القلمون عايشين في بوتقة فكرية معينة يجب التحرر منها

صلو على النبي يا أيها المشتركين
السسب الذي قد أوصلنا إلى هذا المكان من الفشل هو ضعف إماننا بالله عزوجل ، وعدم الإمان بالتوكل عليه ، لأن الشخص منا تراه يريد الفرج للخروج من المسجد كي يتكلم على هذا و ذاك ،حتا أنه لا يسبح بعد الصلاة فهذه أشياء قديمه لا داعي لها ،و قد غيرنا أسماء الحرام مثل السرقه بالشطاره و الغش ب برآفو عليه و السرقه بأ بضاي و الربا بالفوائد ، والله هذه الأشيء هي باب لهلاكنا يجب ان ننتبه على حالنا و حال أولادنا