لماذا ترضى لنفسك أن تحب و أختك لا و ألف لا

الكثير من الشباب هذه الأيام يتعرف على فتاة ما يحبها و تحبه .. و لكن اذا صارت مصيبة و عرف هاد الشب انو أختو كمان بتحب ..يا لطيف بيشيل الدنيا و بيقعدها .. ..الله يستر عالجميع ..بس حبيت أعرف رأي كل واحد بي هل الموضوع....سلام

السلام عليكم ,

في كتير من هل العالم بي هل الايام , بس ما ضروري يكونو كلن متل بعض .

يعني مثلا ً في شباب , بتخاف على أختها , خصوصا ً اذا كانت بتعرف انو أختها منيحة و بسيطة , ف ميشان هيك بيفزع عليها من الشب يلي بتحبو , اذا جرحها أو كان عم يستغل طبية قلبها , و يضحك عليها بالأخير و يكون كذاب . و في حال حدا قلو شوف نفسك انتا كمان بتحب , بقول انو هوا واثق من نفسو انو مارح يخدع البنت يلي بحبها .
أو بيعارض انها تحب اذا كان بيعرف انو ما فيها تاخد الشب , لظروف كتيرة منها : بكير لسا حتى يأمن مستقبلو , أو بدو لأختو واحد أحسن .
و في نوع تاني , بيكون ما عندو ثقة بي أختو , يعني مش ح يكون مأمن عليها ميشان هيك بشدد عليها كتير , و بيعتبر انو مش مسموح لها تحب , و لو كان هوا بحب .لأنو مش قريب منها و ما بيوثق بإختيارها .
و في كمان شباب , بيعملو حالن بيغارو على إخواتن كتير , و ما بيخلوهن يطلو من الشباك , بس للأسف , بكونو من ورا ضهر أهلن , عاملين كل شي منو منيح مع بنات العالم .

بشكل عام , الشب شي طبيعي , يستغرب أو ما يتأبل فكرة , انو إختو تحكي مع حدا , قبل ما يكون في شي رسمي , لأن الشب من حقو يعمل هيك , لأن بحس انو مسؤول عن إختو , و لازم يوعيها من هل الشي . بس هادا طبعا ً ما بيعني انو يمنعها من شي , هوا يكون عم يعملو مع بنات العالم لأن الغلط , غلط عليها و عليه. و بالنهاية ما يحاول يمنعها تحب لأن اذا كانت ح تحب مش رح تنتظر رأيو أو رأي رأي حدا تاني اذا بدو يجي معها بالسيطرة و بأسلوب ما بينفع .
ميشان هيك لازم أولا ً يتقرب منها و يكون صديق معها لأن متل ما هوا بحس و بحب كمان هيه ذات الشي ,و كلنا ممكن نحب , و طالما كان قريب منها في يوجهها بطريقة , بتقنعها و بتبعدها عن الغلط .
بس انو يجي و يعاملها كأنها شي بلا إحساس بدو يفرض رأيو عليه , و يسطر عليها هيك , ف بكون كتير مغلط , و لو كانت نيتو يحميها بس لازم يعرف يتصرف و يحس معها مش دغري كن فيكون , و إلا ممكن يخسرها .

السلام عليكم ,
أنا بشكرك كتير يا أخت باربي على هذه المشاركة الرائعة...:1 (22):.....سلام

خي العميل يعني هيدا اللي بيكون هيك يعني بيرضاها على غيرو و ما بيرضاه على أختو هيدا بيكون إنسان مزدوج الشخصية و عندو نقص بالدين لأنو إلي ما بيرضى للأهلو ما بيرضى لبنات العالم و الأصل بالموضوع ميش لأنو أختو طيوبة و بيندحك عليها ما بيخليها لأ لازم يكون عنعقيدة و قناعة و غير هيك منكون كمان مغلبطين مش رح قولك إنو الشب الملتزم أوالبنت ملاك لأ يمكن تعجبو بنت أو يعجبا شب بس بالحلال و بس و غير هيك كلو بدنا نتحاسب عليه و الله يجيرنا من السيئات نحنا من عم نلحق سيئات بقى خلينا نلتزم أد مفينا عسى نكون من الذين يدخولون الجنةقولو آمين

وصلت فكرتك أخ مجاهد...يا أهلا .. سلام:1 (32):

أهلا و سهلا بالعميل منور المنتدى بطلاتك البهية :1 (32):

يا عمي شكلن هالشباب فارطين عالآخر يا خيي المجاهد ما حدا الو قلب حتى يشارك بي هل الموضوع....اي شو هالشباب هادي..لهيئة ما بقى في شباب....

اهلين بالعميل بس ما تقوم عميل ضد اللجنة الله يستر ساعتها...
دووووووووووووووع....

المهم بهنيك على هذا الطرح الجميل لهذا الموضوع المهم...
الفكرة انو متل ما ذكر barbie ..يعني الواحد احياناً بفكر حالو انو لما بحب انو هوا حريص عالبنت و بدو الخير لها بينما يعتقد ان غيره اذا احب اخته انو شي عيب و بفكر انو ينوي لها الشر..
و شغلة تانية انو اذا كا الواحد دين يعني بيتضايق اذا قالولو ولا ليك اختك عم تحكي مع مدري مين بينما قد يحسها عادية اذا هوا وءف مع بنت كونو هوا دين و نيته حسنة..

أشكرك يا نادر على هذه المشاركة....سلام

والله هاد السؤال صعب يا خي العميل يعني صعب نجاوبك عليه.....مشكور عالموضوع الحلو...

له يا ديموليشن مان له ...على كل حال مشكور

السلام عليكم ,

"الفكرة انو متل ما ذكر barbie "
لو سمحت يا نادر ,
بظن انو إسم Barbie مش لشب أكيد , يعني متل ما ذكرت Barbieمش ذكرBarbie !!!!!!!!

والله موضوع حساس وحلو يا |أخي ديموليشن مان...
عفواً قصدي العميل....:1 (1):