عرض للطباعة
قولكن في منهم عناّ بالقلمون؟؟؟؟؟
السلام عليكم .. هلا بالشباب..:)
نعم الحجاب له مواصفات ذكرها العلماء ... إن توفرت فهو الحجاب المطلوب وان لم تتوفر فهو حجاب ناقص .. أما طريقة التصوير هذه فأظن أيضا أنه مبالغ فيها في الصورة التي علق عليها أخونا المحارب .. على كل حال أظن أن الأخوات يمكنهن المشاركة هنا .. فلن نتحدث عن حقوق الرجال ولا غسل الوجة ولا اليدين ولا الرجلين:)...
فلننتظر من يجمع لنا الضوابط التي وضعها العلماء ليكون الحجاب كما أراده الخالق سبحانه وتعالى..والتعليقات الأخرى من الإخوة والأخوات..
بوركتم
أخوكم:rolleyes:
فعلا الصور فيها مبالغة ، ولكن بالتخفيف ، لأن هيك حجابات للأسف ما بق في منهم بهيك إيام .
طلعوا على الجامعات ، بتلاقي الواحدة حاطة على راسها ، وآيدة واحد ، وسيغارا بتمها ، وتنورة للركبة ومأمشة حالها وماشية .
حوطها بالله .
وعلى فكرة أنا أؤيد النقاب بقوة وبالأخص في هذه الأيام ، أيام الفتن ......
ممكن تشرحلنا شو معنى عبارة
مأمشة حالها :D
لأ مو ممكن ، لأن رح يحذفها زيد
بدو يطلع معي كلام تقيل
أرجو ان يتمّ حذف هذا الموضوع نهائياً و كنت قد ذكرت ان هذا الموضوع منقول و ان شاء الله ما نغلط غلطة كبيرة متل هذه و السلام عليكم و استروا ما شفتم
لأ ما لازم ينحذف
لأن رح ارجع اطرحوا بطريقة أقوى ، ان شاء الله
ليش يا نادر ، صاروا صح يعني ؟؟؟؟؟؟؟؟؟؟
الغلط بضل غلط
اخي نادر من اي ناحية اقتنعت ان الموضوع كان طرحه غلط على حد تعبيرك
جزاك الله الف خير Nader316
مش كل وحدة غطت راسها قلنا عنها متحجبة ...
الحجاب له شروط ...لكن للأسف قليل اللي ملتزمين بشروطه ...
صرنا نشوف اشكال والوان ... كل يوم موضه جديده ...
لو الوحدة بس تستشعر انها في لبسها الحجاب طاعة لله ...
ما بتجري خلف كل هذه الموضه ...
مذهب الحنفية :
(1)يمكن للمرأة أن تكشف وجهها ولكن عند الفتنة وجب عليها تغطيته
(2)إنه يلزم تغطية الوجه عند الأجانب وإظهار الستر والعفاف، ولم يقيدوه بفتنة ولا غيرها
مذهب المالكية:
ملخص آراء المذهب :
(1)إن جسدها كله عورة إلا الوجه والكفين في الصلاة وخارجها عند أمن الفتنة، وأما إذا خيفت الفتنة فيجب سترهما، وبعضهم خصّ ذلك بالشابة الجميلة، وبعضهم قال: يجب على الرجل غض البصر.. وهذا كله عند المالكية مع غير الكافر والعبد الوغد
(2)إنه يجب ستر وجهها عند الأجانب مطلقاً
في مذهب الشافعية:
ملخص آراء المذهب :
(1)إذا خيفت الفتنة أو أمنت مع النظر بشهوة، فيجب على المرأة تغطية وجهها.
2))إذا أمنت الفتنة ولم يكن ثمة نظر إليها بشهوة، فهم على قولين: الأول: جواز الكشف والثاني: وجوب الستر أيضاً مع عدم الالتفات إلى تلك التفاصيل
في مذهب الحنابلة:
1))رأي الإمام أحمد الوارد عنة بدون أي خلاف في وجوب النقاب مع وجود أجانب ( ونقل أبو طالب - من أصحاب أحمد - عنه: "ظفرها عورة، فإذا خرجت، فلا يبين منها شيء ولا خفها، فإن الخف يصف القدم، وأحبّ إليّ أن تجعل لكمها زراً عند يدها لا يبين منها شيء
احنا شو يا جماعة :) على اي مذهب... بالقلمون لم اعد افهم :) ولكن يا شامي نحن عباد
moch met2akdeh bas be3te2ed bil almoun byemchou 3ala il mathhab al hanafi
عامة أهل القلمون يتبعون المذهب الشافعي ، وهذا المذهب نقله إليهم ، فضيلة الشيخ علي كسن -حفظه الله- ووالده ، وبعض المشاييخ الآخرين ، عليهم رحمة الله .
ولكن لا يهم على أي مذهب نحن ، فجميع المذاهب متفقة على وجوب الغطاء في حال وجود الفتنة ، ولكنهم اختلفوا في وجوب الغطاء في غير حال الفتنة .
ونحن الآن في زمن فتنة ، فانظروا ما أنتم فاعلون .
يا أخوات عليكم بالنقاب ، يا شباب عليكم بتنقيب أزواجكم ، يا آباء ويا أمهات عليكم بتنقيب بناتكم .
ما حدا يجيني من الصين هلأ ، ويقلي شو عرفك انو القلمون فيها فتنة ؟؟؟؟؟
اخي وسيم سوف اترك الكلام لزيد فهو من الصين :)
نعم ، معك حق ، هو كذلك
معليش اسمحولي هيأتني أنا من الصين
الذي يتتبع النساء لن ينظر إلى المحجبة سينظر إلى اللحم المكشوف كما قال أحد الشيوخ في أستراليا
فما الفتنة في فتاة تخرج بزيها الإسلامي غير متعطرة ولا متبرجة
وسيم انا كلامي ليس دعما لك ولكن انا اجد ان زيد لديه كلاما بهذا الخصوص ،
أول شي يا أم سفيان هيدي شغلتنا احنا الشباب ، يعني احنا منعرف بمين منطلع ، وأنا عم قللك انو الشباب بيطلعوا بالمحجبات كمان ، بل أحيانا تكون فتنة المحجبة أقوى من فتنة غيرها ، لأن الشب الملتزم ، بدو واحدة ملتزمة .
وبعدن ، أنا بدي اسألك ليش ما في شباب بيحكوا مع بنات محجبات ..............
يا أم سفيان ليش لحتا نلف وندور ، هيدا الحكي كنتي قولي للإمام الشافعي وأبو حنيفة والإمام مالك والإمام أحمد -رضي الله عنهم- ، يعني هنة ما كانوا عارفين بهل الحكي ، ولا كانوا مفكرين انو بزمن الفتنة ما في تظليط و................
اولا ما هو الجمال؟؟؟؟؟ وهل الفتاة المتحجبة ممكن ان تكون فتنة وكل انسان نظر الى واحدة دخل بحديث السهم ، وهل جمال الوجه يعتبر فتنة ؟ ماذا تقولين اختي ؟؟؟؟؟
يا قاسي ، في بعض الحالات ، يكون جمال الوجه فتنة أكثر من أي قطعة أخرى في الجسد .
يعني اذا كان الواحدة عندها وج من يلي بكحش القمر لحتا يقعد محلوا ، هيدي مين بيطلع بغير وجها ، اللهم الا الذين في قلوبهم مرض
كيف للشاب الملتزم أن يختار زوجته إذا كانت جميع النساء منقبات ولا بيروح على البيوت وهادي عجبتني وهادي ما عجبتني
النموذج الذي تتكلم عنه موجود في السعودية والفساد الموجود هناك أخطر من لبنان بكثير
الواحد منن إذا شاف دجاجة يفتن
سمعت الشيخ حسن أيوب رحمه الله حيا كان أو ميتا وكان يلقي محاضرة أمام النساء أن النقاب لمن كانت آية في الجمال ثم استدرك قائلا أن جميعكن ستقلن أن الشيخ يتكلم عني
وماذا تقول يا أخ وسيم من شخص يقول أنه عندما يرى امراة موشحة بالسواد لا يرى منها شيئ أنه يفتتن لأنه باعتقاده أنها لم تسترنفسها بهذا الشكل إلا لأنها فائقة الجمال هل نقول للمرأة حينها لا تخرجي من منزلك بتاتا حتى لا تفتني أحد ولماذا قيل إذن "قل للمؤمنين يغضوا من أبصارهم"
السلام عليكم :)...كيفكم يا جماعة...
يعني بدي إفهم كيف عرفت يأ أبو الويس.. اني ساكن بالمنطقة الصينية بدبي.. مع اني ولا مرة خبرتك ... لووووووول...
على كل الله يبارك فيكم جميعا على المشاركة...
والظاهر انتقل الموضوع لجمال الوجه..الله يستر خيي القاسي ما نوصل لصابيع الرجلين وغسيلهم.. ساعتها نُتهم بتعدي الحدوودد... موووووو:)...
أخوكم:rolleyes:
أهلا بالشامي أيمتا وصلت
يا أختي هذه حالات خاصة ، يعني في زمن النبي صلى الله عليه وسلّم ، لماذا لم يكن الشباب يفكرون هذا التفكير ، ألم تكن النساء منقبات ؟؟؟؟؟؟؟؟؟
ومن ثم في كيفية اختيار الزوجة ، يعني في اختراع اسمو زوجة ، فيه الواحد يسأل والدتوا أو أختوا ، وبس يشفولوا حدا ، بجبيولو الصورة ، واذا عجبتوا بروح لعندهم على البيت ، لأن الرجال بحقلوا يشوف وجه خطيبتوا .
السلام عليكم .. ولك يا أم سفيان شو مسهرك لهلأ.. وينو أبو سفيان...الساعة عندكم 2 الصبح... يالله الله يتقبل منكم القيام والصيام...
أحسنتي أختي أم سفيان ... رأيك أعجبني... ولكن تقعد بالبيت وين المشكلة... خلليها تشوف حقووق زوجها موووو خيي وسيم...؟
أخوكم:rolleyes:
أكيد يا خيي الشامي -عفوا الصيني- ، أنا فين خالفك .
بس أنا مش مع أم سفيان في رأييها بالنقاب ، أنا شاييف انو واجب ، خلونا نستفتي فيها ، وشو بقولوا المشاييخ أنا بأمرهم .
شو الموضوع عم يغلي من دوني
أنا هلأ بس بدي جاوب على الأخ وسيم وعلى اقتراحو.....
أنا بشجعك كتير على إنو تسأل المشايخ على المنتدى..... أو كمان فيك تسأل الأخ القلموني....
بس بصير الأمر فيه شوية خطر... يعني في احتمال إنو يجيك الجواب لما بكون بطلت بتجيب ولاد... صحيح إنو بقولو الرجال بضل بجيب ولاد..... بس لا تخاف الجواب أكيد رح يجيك بعد ما تبطل تجيب ولاد
يا أخي اسآل مجرب ولا تسأل حكيم...
قال فتوى قال..
يا وسيم غنوم سألني أنا عن الحي الصيني.. أنا بزماني رحت على الصين.... وبعرف الصينيين والصينيات
أخوك الشامي يا حسرة... قاعد بالحي الصيني.. بتعرف شو يعني الحي الصيني؟؟
بالحي الصيني ما بتقدر تميز بين الشب والبنت، الله وكيلك، إلا بمنطقة واحدة وبس مش منطقتين!!!!!. لأنو كل المناطق الباقية متشابهة...
والله أخونا الشامي حالتو تعتير بالمرة..... فرجاء لا حدا يعتب عليه.....
يا قاسي -- يقصد صعب،-- في بعض الحالات ، يكون جمال الوجه فتنة أكثر من أي قطعة أخرى في الجسد .
يعني اذا كان الواحدة عندها وج من يلي بكحش القمر لحتا يقعد محلوا ، هيدي مين بيطلع بغير وجها ، اللهم الا الذين في قلوبهم مرض
__________________اقتباس عن وسيم غنوم
انت عم تخبرني :) المهم ا نا طرحت هذا لغيرك .
يا أخ عمر ، عطي زيد كم تفاحة من عندك ، خلي أم سفيان تقتنع انو زيد مش بيحكي وبس ، خليها تقتنع انو بنفذ كمان .
ويا أخ هارد ، بعتذر منك لأني رديت ، وحق عليي يا خيي ، ما ق نعيدا .
بارك الله فيكم جميعاً و نرجو ان لا نخرج عن الموضوع الاصلي
يا إخوان بتسمحولي برأي...
أنا كل هالحكي مانو عاجبني... يعني أنا وأعوذ بالله من كلمة أنا... بشوف إنو الفتنة شغلة نسبية... يعني تخضع لنظرية أينشتاين..... (كرمال أخونا القلموني)
بقصد إنو كل واحد بينفتن بشي مختلف... يعني الله وكيلكم بكون قاعد مع شباب.. لما بتمرق يلي بحبها.. بتلاقيه قام القومة العجيبة.. وبلش يعمل شعر إنو طل القمر... وهي اللهم لا اعتراض ما بتنشاف.... مش ما بتنشاف.. يعني النفس بتقرف منها...
ومانو غريبة إنو يكون في كتير ناس بشوفو فشلانة إنها ما بتنشاف... وأنا عم تلعب بالشمس والقمر كول وبسكة...
صحيح إنو في شي متعارف عليه... بس بتضل القصة نسبية... آ والله في ناس... لما بيشوفو أصابيع الواحدة... بروحو فيها.... خوتان الله وكيلكم...
قولتك يا فشلان.. أنا لما رحت على الصين ضاقت خلاقي ... ما في شي حلو وبرد الروح...
بس في غيرنا مكيف بالصين :D:D:cool: !!!!
فشلان ، وأنا كمان بقول انو الفتنة نسبية ، بس وقت الاسلام بيحكم حكم ينطبق على جميع الناس ، يعني معقول يقول لوحدة انتي غطي وجك من فلان وشعرك من فلان و.....
يا فشلان ، انت قلت انو في شباب رفقاتك بحبوا الواحدة وبتكون هية ما بتنشاف ، فمشان هيك وبما أنو القصة نسبية -الدنيا أزواق- فلازم كل واحدة تغطي حالها ، واذا كان في زمن فتن مثل هذه الأيام ، تغطي وجها ، لأن الا ما يلتقى شب ينفتن فيها .
ويلي ما بتغطي وجها ، بتكون عارفة حالها انها مو حلووة .
آخر واحدة مزحة ، ما حدا يبلش فيني بالخبيط
أخي أنا ماني معك بهالشغلة... أنا هون بصف البنات...
يعني نحنا منرجع للحكم الشرعي بغطاء الوجه...
أما إذا بدنا نرجع للفتنة... فليش عم تطلب من البنات يغطو حالن.. طلب من الشباب ما يطلعو...
هو مجرد ما طرف يطبق ما رح يعاود في فتنة.. فليش إنت جيت ضد البنات.. أنا بجي كمان مع البنات.. ليش إنت معك حق وأنا لأ...
منشان هيك.. ما لازم يكون الأمر حسب رأيي ورأيك... لازم يكون حسب الشرع... وأنا الحقيقة ما بعرف تماماً رأي الشرع تماماً... بس متذكر إنو الجمهور بقول مش إلزامي الغطاء...
والله أعلم
يا خيي أنا موقفي هذا لم أطلقه من نقطة في الفضاء ، ولكن الأئمة الأربعة -رضوان الله عليهم- يعتبرون أن الغطاء واجب في حال الفتنة .
فالقضية لا تحسم بالنقاش بين وسيم وفشلان أو ........ ، القضية يحسمها العلماء والمشاييخ .
وينك يا شييخ عمر ؟؟؟؟؟
لاه لاه لاه يا نادر ما كنت مفكرك هيك ......... الهيئة امانك بلّش يضعف اذا انت عم تتراجع عن كلامك مين حيبقى معنا.
و شكرا يا اخي وسيم و اخي ربيع على هذه المبادرة الجميلة .......
بانتظار مواضيع ذات فعالية اقوى باذن الله
اخوكم مصطفى القص...:p :p :p