ما الفرق بين الحب و ..... ؟؟

ما الفرق بين الحب و التعاطف ...؟؟؟

أرجو المشاركة ......

الحب انك تلاقي صورة يلي بتحبوا دايما ادامك وما بتفارق عيونك ابدا وانك بتتمنى تقتل يلي بيزعل يلي بتحبوا وانك اذا بتشوف كل شيدمعة يلي بتحبوا بتحس قلبك حيوقف وبتتمنى تادملو معك ولو كان غالي عليك وما بتصدق تخلص درس او شغل لتبقى معو وتفرحو وانك تتمنى تموت قبلو و بتحس حالك مالك الدنيا لما بيضحكلك هيدا اقل شي بقدر قولو بس الحب اكبر من هيك بكتير
على فكرة انا حبيب البي يلي كل شي قلتو ما بيسوى نقطة من يلي بحسو طبعا بعد الله ورسوله هي اختي الصغيرة
اما التعاطف انا بتعاطف مع كل العالم

الحب هوّ لمّا بتنسى الدنية كلا بعينين حبيبك..هو الإحساس يلي بكملك..و بيكفيك..هو الشعور يلّي ما بيخليك تفكر بنفسك بسّ...هوّ البسط و المئت..هوّ الحبّ و الكره.. الغيرة و الإستملاك و الأهم هوّ الصراحة الإحترام التضحية التسامح و الصبر.......الخ...بإختصار ..الحبّ أحلى ما في الكون من شعور...
العاطفة..هي ببصاطة..شعور من المعزّة الكبيرة و الإمتنان..من طيبة الألب..بتولّد إحساس ثمّ تصرف..يدلّ ع العاطفة..و الأه إنو ما بيتشبّه بالحب أبدآ....(بسّ أحيان العاطفة بتكون وليدة الحبّ)...
يعتيك العافية ع هيك موضوع ديمآ بصير
سلاااام..
*جزاكم الله خيرا*

يا هلا بالست انجل......
اول ما نحط الموضوع فتت قلت بدي شارك........بس لأيت انو عم فوت بأمور فلسفية ما لها تطبيقات واقعية ......و كمان منا مربوطة بحياتنا....من شان هيكا ما شاركت ........
بس اليوم شوفت مشاركات بالموضوع ........ؤمت فتت و شوفت الست كوين و الست مايا مشاركين .........يا هلا فيكن ......
هلأ حسيت من خلال كلامون ......اني بشي غنية لشي مغني .......حسيت حالي عم اسمع شعر لشي واحد مغروم .......و هادي مشكلة ......انو تصوراتنا للحب و التعاطف تكون مستوحات من افكار و قيم الأغاني لي اغلبا فاسد.....و ما بعبر عن حءيءة الحب......
يعطيكن العافية .......
اخوكم دوكر المعوكر...........

السلام عليكم ,

الحب و التعاطف ..... بالطبع هناك فرق شاسع بين الإثنين .

عندما نحب شخصا ً , من المستحيل أن يشاركنا بحبه شخص آخر , أي أنه لا يمكن لقلوبنا أن تحب اكثر من فرد ٍ واحد في الوقت نفسه .

أما التعاطف , فهو شعور , يعكس مدى إحساسنا مع الغير , حين يتعرضون لمشاكل و أحداث أليمة .
فنقف لجانبهم , و قفة أخ يساند أخاه , يعينه بعد الله تعالى .

و فيما بعد , إن زالت المشكلة , أعني إن زال سبب تقربنا من الشخص الذي كان في محنة , سيختفي مبرر وجودنا معه , و ربما سننساه فيوقت لاحق و هنا أستثني طبعا ً الأصدقاء .
فنحن نتعاطف مثلا ً مع أطفال جياع فقراء , إلخ .... أي ليس بالضرورة أن نتعاطف مع المقربين فقط و عندما تحل مشكلتهم , لا بد أن يغيب التعاطف تطبيقا ً على أرض الواقع , لغياب سببه .


في فترة ٍ معينة ٍ , القلب قادر على أن يتعاطف مع كل من هو بحاجة ٍ للتعاطف , لكنه لن يحب سوى إنسان واحد .

مشكورين على ردودكم .... و الشكر الخاص للأخت باربي يلي ردة كتيير حلو ... سلام

يا هلا فيك اخ دوكر
حبيت قول انو انا مش مغرومة بحدا ولا شاعرة ولا بسمع اغاني انا بس كتبت شي بحسو تجاه اختي انا هيك حبيت اختي وهيك بحس تجاها وكتبت يلي بحسو . :1 (32):

يا هلا بالست مايا ......ما تواخزيني ......انا ما ءصدت انك بتسمعي اغاني......و انك مغرومة.......بس لي قصدتو انو في مفاهيم تانية للحب .......يعطيكن العافية ......اخوكم دوكر المعوكر..............

ولو ما في شي بس كان بدي قول اكيد في مفاهيم تانية للحب بس سبحان الله كل واحد بيعبر بطريقته
وانا هيك طلعت معي على كل حال اهلا فيك