ما هو الشي الذي غير مجرى حياتك

يعيش الإنسان فترة من الزمن في ركود تام أو روتين قاتل
ولكن
فجأة
تظهر في حياته أمر أوشيء
يقلب حياته 180 درجة
يغير حياته ويجعل لحياته معنى وهدف ويقلب موازينه
ويجعله يعيش ويستمتع بكل لحظة في حياته وكأنها آخر لحظة في حياته يعيشها
بكل حب وبهجة وسعادة ومرح
و الآن ما هو الشي الذ ي غير حياتك ؟؟
هل هو كتاب قرأته
:
دورة حضرتها
:
معلم علمك
:
هل هي خطبة سمعتها
:
هل هي محاضرة
:
أوشخص قابلته
:
أو وفاة عزيز
:
أو فقد محب
:
أو بلاء إنسان
:
أم شريط سمعته
:
هل هو إنتقاد من شخص كان له بالغ الأثر في نفسك
:
أم نصيحة صديق محب
:
مالذي غير حياتك وجعل لحياتك معنى ...
:
ام مازالت حياتك كما هي راكده....
انتظر منكم احداث غيرت مجرى حياتكم وبكل مصداقيه

اولا" مشكور خيي عبدالله على موضوعك الحلو .......
بالنّسبة الي الشيء الّذي غيّر حياتي وقلبها فوقاني تحتاني هو فقدان محبّ ...... الله لا يفقدكن محبّ طول عمركن (مع انّو مستحيل عند الموت)....... دعولي انّي ارجع التقى بالحبيب المفقود....... سلام.

مشكور اخ عبد الله على الموضوع
انا يلي قلبلي حالي 180درجة هو كتاب قراته اسمه الخمر والنفوس كتير عجبني واثر فيني .

مشكورة الأخت مايا و الأخت ريندا ...و بتمنى من الباقيين التفاعل

موضوع رائع ، بارك الله بك أخ عبدالله.

كتير أشياء كان لها وقع في حياتي وأثرت فيني ، ولكن ما أثر في كثيرا وجعلني أجد ما أتمنى أو بالأحرى أعطاني دافعا قويا لتحقيق ما كنت أحلم به هو رحلة مع شخص معين:1 (86): وفي ظروف معينة .

والباقي شي خاص .:)

الشي يلي غير حياتي و جعل لها معنى أكتر من الأول , هو : 1_ وفاة عزيز
2_ شخص قابلته

مشكور على الموضوع , سلام ....

يا أهلا بالأخ أيمن ...مشكور عمرورك

أهلين بالأخت انجل ..مشكورة عمرورك الرائع

عَجْوِة زَيْتُون.

وفاة والدتي لرحمها الله تعالى

ههههههههه عجوة زيتون يا أخ جابر ...كيف يعني بلعتا قام تغيرت حياتك

الله يرحمها و يرحمنا خيي المرابط ..مشكور عمرورك

سلام...
أنا ما في شي غيَر مجرى حياتي يلي بيسمعك بيقول عم تحكي عن شي قنبلة نوويَة غيَرت مجرى التاريخ . سلام

و الله كتير صعب السؤال....

أنا و الله بإختصار يلي غيّر مجرى حياتي..

الغلط فالندم ف تأنييييب الضمير..موت أحبّاء ع ألبي..نصيحة أحبابي يلي ما بتخلص.. الفساد الساءد يلّي بخليك تهرب من هيك كفر..رؤية الملتزمين و النور ع وجنّ يلّي شجّعني إمتثل فيون..الإستطلاع ع الدين و التفكير بكل أخطاءي..
كل هذا ولّد عندي *الرغبة بالحجاب و الإتزام و التوبة* و دعاء لربّ العالمين بإنو يهديني و يأويني و يشجعني..و أكيد استجبلي دعاءي بليلة كنت وحدي..و متل كأن نزل عليّ الوحي و دبت فيني القوّة و توكلت ع ربّي..و لبست حجابي:)
و من بعد كل هل أحداس..تغيّر مجرى حياتي كليآ...(ما عندكن فكرة لأيا درجة) :) الحمد لله...

مشكوووور أخ abdullah :)

*جزاكم الله خيرا*

السفر والتعرف على معادن الناس وطرق تفكيرهم، قلب تفكيري، وغير من مجرى حياتي وقناعاتي ،ولكن ليس للافضل .........................................للاسف....

مشكور على الموضوع.

مشكورين على مروركم ...و يلا يا قرايب يا هارد عملنا هالصورة

بس يا أخ bdullah ....ما شاركتنا إنت صاحب الموضوع...
شو يلي غيّر مجرى حياتك؟؟؟ إزا تغيّرت؟؟؟ و كلنل أكيد منعلرف إنّو إه!!!!!
ف ما بتحب تشاركنا؟؟؟
:)سلاااام

والله الموضوع خيي Abdullah كتير حلو و أنا مني و عليي في كتير شغلات غيرت مجرى حياتي ..و منها فقدان شخص عزيز ...و التعرف على شخص اخر قد حل مكانه و سكر الفراغ يلي تركو هاداك ...يعيني الشخص التاني غيرلي حياتي أكتر بكتير من الأول ...يعني فيني اعتبر انو الشخص الأول ما عمل شي ..سلام

غير حياتي مشيتي مع اهل القلمون

أهلين بالسجين و شكرا عمرورك...

له له ..الله يسامحك على عالجواب ...ولا يمكن قصدك للأحسن معناتو ..شكرا عمرورك

أول شي , يعطيك العافية عالموضوع...
ثانياً, بصراحة , آخر فترة(السنتين المضيو) مرأت بحالة من الخمول مانا طبيعية....كنت إستبيخ كل شي بالدنية....وكل شي ما أعطي ءيمة........وكنت هامل واجباتي الدينيّة والدنيويّة .....وما كنت حس بالغلط إلي أعملو ..بس أعرف إنو غلط ,,,وهيدا كان شي بيدايء كتير.... يعني حالة من الخمول مانا طبيعية لحدّيت مشوفت ملاك من السما ماشية عالأرض...يعني والله مافي أحلى من هيك,,,,,ياويلااااااااي جمال(رااائع,وجَ أبيض ملائكي بنئّط طهاره وبرائة ) ,أخلاء ولا أحلى من هيك, ودين عالؤوصول........فبصفاتا حمّستني حسّن صفاتي لكون بستاهلا(إن شاء الله) ....أو إستاهل واحدة متلا.....وبعد ما شفتا صار كلّ شي بالدنيه لو طعمة حلوة...وصرت أعطي ءيمة لكلّ شي ....وصرت إهتمّ بواجباتي الدينيّة والدنيويّة .....وأنا مدين لها بجزيل الشكر ....
والله يوفّءا كيف ما دارت وجّا

أهلين ب أبو الويس ...لك شو هالمرور هاد ...دوبني عالآخر

شو يا أخ عبدالله مين هالمرة آآآخد الموووضووووع
متقووووووول أنو منقووووووول
دوووووووووووع


شكرا على النقل على كل حال
وبالنسبة لي أكيييييد في كتير اشيا غيرت فيني منها دخولي الجااامعه
وخطوبتي
انقلبت 190 درجه
بس للأحسن او لأ ما بعرف
لازم يلي حولي يحكمو احسن

شكرا مرررة تانيه

مشكورة عمرورك أختي اليمامة ..

السلام عليكم ,
أمور عديدة , غيرت حياتي ........... منها تعرفي على زملاء , كان لهم أثر كبير في تغير نظرتي للحياة ( بارك الله بهم جميعا ً ) .
صدمات , ربما أخذت مني الكثير , لكنها و لله الحمد علمتني الأكثر .
بالإضافة , إلى دخولي منتدى القلمون , الذي فيه من الإفادة الشيء الكثير , من مختلف النواحي . ( الحمد لله ) .

مشكورة الأخت باربي عمرورك

الفراق..و ما ادراك ما الفراق؟؟
وقت تركنا انا و صاحبتي(الحبيبة) العلاقة بيناتنا تنتهي ,,لي من بعد انتهت الحياة...و بلش الضياع..
ان شاء الله خير ,,و نرجع لبعض..
مشكور اخ عبدالله ع الموضوع الحلو و المهم..

اقتباس:

---

الفراق..و ما ادراك ما الفراق؟؟

---

شو أخ هادي ....عم تألّف قرآن جديد؟؟؟؟؟ههههههههه

اقتباس:

---

وقت تركنا انا و صاحبتي(الحبيبة) العلاقة بيناتنا تنتهي ,,لي من بعد انتهت الحياة...و بلش الضياع..
ان شاء الله خير ,,و نرجع لبعض..

---

طوّل بالك شباك ؟؟؟؟؟ إن شا الله يا حبيبي بترجعو لبعضكن أو بتلائي أحسن منّا....بون شونص

لا ولووو....مكنت عارف,,بخخخ..
ميرسي خيي وسيم و الله يسمع منك..و انت ان شاء الله بتلتئى بلي عم تحكي عنا (كل هادى ,نفسي اعرف مين,,ههههه)

معرفتي بشخص يدعى عبد الله صهيون...الله يكتر من امثالو...

اقتباس:

---

المشاركة الأصلية كتبت بواسطة Barbie

بالإضافة , إلى دخولي منتدى القلمون , الذي فيه من الإفادة الشيء الكثير , من مختلف النواحي . ( الحمد لله ) .

---

آ والله هيدي نسيت أذكرا.....الله يبارك بالمنتدى وبالأعضاء والمشرفين والمراقبين و.....
وإلى الأمام إن شاء الله