كيف المسؤولين بقرروا ؟

أول شي بتمنى على كل يلي بشاركو بهل الموضوع يشيلو المزح عجنب ، وخلونا نحكي عنجد هون .

أنا كنت قلت انو في عندي استفسارات حابب اسأل عنها ، ورح بلش بشغلة عم شوفها بالقلمون ووين مكان ، وهي انو كيف المسؤول بقرر ؟ الاسلام بيفرض عليه أو بحبذ أو ..... انو يسأل الناس ، وبأيش الواحد بيسأل الناس ؟

يعني أنا بشوف بالقلمون مثلا ، بيقعد رئيس البلدية مع كم واحد وبقرروا عن الناس وما بيسألوا حدا ، أنا ما عم قول بدي ديمقراطية ، يرضى عليكم فهموني ما حدا يقوم عليي فورا ، أنا عم قول انو ضمن الاسلام في شي بيفرض أو بحبذ على الرئيس يسأل الناس ؟ وفي حال هل الرئيس ما طبق هل الشي احنا شو منعمل ؟

من فترة طلعتلنا قصة المجمع قعدت البلدية وقررت عن الاهل ، انو حابيين يشلحو ولادهم بقاطع الدنيا ، ويدفعوا بالسنة 600 ألف أجار طريق على الراس الواحد ، وفي ناس عندهم راسين وتلاتة بالمجمع ، فهدال قصتهم قصة ......

أولكم ما كان لازم البلدية تسأل الناس قبل ، يعني كان فيهم يعملوا استفتاء ، أو يدو وراق مع التلاميذ يسألوا أهلهم ، ويسألو الأساتذة و..........

هل البلدية تتصرف بشكل صحيح ، أم أن الاسلام ينهى عن هذه التصرفات ؟؟؟؟؟
واحنا كيف فينا نغيير ؟؟؟؟؟؟؟؟؟؟؟؟؟

بتمنى انو اناقش الموضوع من جميع جوانبو ، وخلونا بالعموميات ، أنا حكيت عن المجمع كمثل ، مش لأن بدي ناقشو هون ، أنا بدي ناقش واسأل عن قصة كيفية اتخاذ القرارات ؟؟؟

والله يرضى عليكم ، ما بدي مزح هون .

شوف أخي الريس بالمختصر أنا مع أنو يصير في مناقشات واستفتاءات قبل اتخاذ اي قرار خاصة عصعيد الضيعة والبلدية وهالحكي لأن الضيعة إلنا كلنا مانا حكر عطرف معين.
وأنا كمان بدعيك إذا ما فيا سقلة ترد على موضوعي "بناتنا فلذات أكبادنا" بمنتدى "شقائق الرجال" إذا ما في مانع يعني بس أرجو أنك ترد بموضوعية ومتل ماني آيل ما تاخدها من الناحية الدينية خدها من الناحية الأخلاقية وإذا أنت بترضى ينحط بهالمواقف حدا بيخصك أو يهمك سواء أختك أو خطيبتك او مرتك او حدا بتعزّو ، مشكور يا ريس