يا عمي لبنان لوين

والله عم إحكي والحسرة و الغيرة تتصبب مني رح إحكي عن الوضع بلبنان أنو والله الواحد منن كيف لو ألب يعمل هال الشي انا أقصد التفجيرات والله حرام يعني الواحد منن شو ذنبو يعني بدن لبنان يصير متل العراق و غيرها من البلدان إلي ما فيها أمان ولو بيصير والله عيب .
تصورو الواحد بالجيش و هو بيعيش من ورا الجيش جا من خدمتو ألع تيابو و أمو غسلتلو ياهن و نام بعد ما خلص لبس تياب الجيش بعد م فاء بكير و أُمو باستو و أُولتلو (إنتبه عا نفسك ) و راح نزل ع (طرابلس) و ناطر الباص بس منو عارف إنو أيادي الغصب و الضعف و الوحشية ناطرتو و بيطلع الإنفجار و راح هالإنسان آ راح شوؤف و الله عيب عنجد مناسف على هذا الوضع ........

اهلين بالارسنيك...بالفعل انو امر مزري....يعني الواحد موء لو الب يفشخ فشخة برات الالمون!!........
الله يسترنا!!....

و الله يا عمي شي كتير غريب... و المشكلة كل مرة بيعملوا هيك.... الله يسترنا و يبعدنا عن المشاكل و عن الفتنة.....

(يا عمي لبنان لوين؟؟؟؟) سألو .....
والله معكن حقّ بهيدا الحكي.......الكلّ آعد على أعصابو بهيدا البلد وفزعان على حالو (_مابدّي روح بهيدا الباص على الضّيعة ما يقوم مفخّخ!!!_ ولك يا خيي طلاع ويلّي كاتبو الله بدّو يصير..) .... الله يعينّا ويحمينا....مشكور يا زرنيخ....
سلام:(

السلام عليكم ورحمة الله وبركاته

معك حق بكلامك أخ Arsenic للآ سف صار لبنان بس للانفجارات والاغتيالات الله يستر .

حنون يا تلميذي حــــــنـــــــــون

لبنان أقوى وأءمن دولة بالعالم

يا هلا بالشباب كيفكن والله لبنان أمانة و لازم نحافظ علي ما هيك والله بستغرب كيف في بشر لهن الب يعمل هيك شي ( الله لا يسامحن ) بالبارد ؤلو فتح الإسلام إنن جايين يحاربو الكفر بس طلعو إنن مغلطين بعد م أتلو مدري ديش بس أكترن مسلمين والله شي بسم البدن طلعو هنى مغلطين بحساباتن والله شي محزن للغاية بس هادي الدنية شو بدنا نعمل............

لبنان

إن لمْ تتكاتفْ فيه القوى الإسلامية في الساحة السُّنّيّة ، فهو على نفس الطريقِ سائر !
مُسْلِمْ سُنّي ، مواطن درجة ثالثة ، رابعة ، .... مغلوبٌ على أمره !
و الحركات الإسلامية تغطُّ في سباتٍ عيمقٍ ، يمنعها من رؤية ما يجري على الساحة اللبنانية ، فتكمل الإقتتال و التجريح و .. و ..إلخ فيما بينها ! بأسُها بينها شديد ! أما مع الغير ، يسروا و لا تُعسّروا بشّروا و لا تُنفّروا !

اللهم إنا نسألك العفو و العافية في الدين و الدنيا .

والله الوضع محزن للغاية عنجد بس شو بدنا معمل....

و الله كان لازم يكون سؤالك الطائفة السنية لوين مش لبنان .... بس الحمد لله نحن مطمئنين لأن الرسول صلى الله عليه و سلم قد وعدنا بالنصر و أنه مهما تعددت الأديان و العلمانية و عبدة الشيطان و قويت و عظمت فهي لا تصمد أمام جندي من جنود الله و هذا وعد منزل من الله و الله لا يخلف وعده فاطمئنوا و لا تهنوا مهما حصل للأمة الإسلامية السنية و مما تتعرض له من إساءة إذ أنه بعد كل ليل مظلم تشرق بوادر النصر و تسطع و تنتشر...

نحنُ قومٌ أعزّنا الله بالإسلام !
و مصيرنا معروفٌ و واضحٌ للعيان !

فلمّا غاب ما كُنّا بهِ نسمو على البَشَرِ
رجعنا كالذي مُرمى على الأعتابِ في قهرِ

صَدَقْتَ - و الله - يا أبا الجود .

هي فعلاً أيّامُ حالكات ، و ليالٍ موحشات
يعيشها لبنان عموماً و الطائفة السُّنَية خصوصاً

أين المَفَرّْ ؟؟

" و منْ يَتَّقِ الله يجْعَلْ لهُ مَخْرَجا "