عرض للطباعة
السلام عليكم
بحسب مصادر مضطلعة زارتنا اليوم فقد اضطلعنا على اليوميات الحافلة للسيد زاهر حليحل (الملقب بزوزو).
تتراوح أعمال زوزو بين النوم الطويل والجلوس الدائم على الكمبيوتر حيث أنه يتناول كل الوجبات وهو على الكمبيوتر، وحتى الشاي والمشروبات الساخنة فيتناولها على الكمبيوتر، وتوم المصادر المضطلعة بتزويده بكل احتياجاته وهو على الكمبيوتر.
حتى الحمام لا يزوره إلا في الحالات الطارئة. أما بقية الأوقات فهو يقضيها في فراش النوم.
هذا ملخص عن يوميات زوزو حفظه الله
زاهر أمير إبن أميرة... عنجد مو عم مزح...
اقتباس:
تتراوح أعمال زوزو بين النوم الطويل
إذا كان النوم الساعة 8 ونص عشية والفيئة الساعة 3 ونص ابل الصبح نوم طويل فهادي أصة عويصة !!! ... هاد الغالب .. وأيام بتمد السهرة فبنام تلت أربع ساعات بكير وبس :)
اقتباس:
والجلوس الدائم على الكمبيوتر
نسيِت تألك إنو حتى بس ما كون بالبيت بكون عالكمبيوترات كمان .. يا عند هاد عم زبطلو ياه أو عند هاد عم شفلو شبو يا عند هاداك عم اعلمو عشغلة !! ... وهلأ عندي موعد مع زلمة لهيك شي كمان !!! ... هههههههه
أما هادي فصحيحة تمام الصحة!!! ... حتى وئت بحضر ترويقتي بكير بعد طلوع الشمس باكلها أنا وعم اشتغل عالجهاز ... بس نسيت تألك إنو بيشغل الأناشيد كل يوم بكير وبيدء عالمزهر ... وتصديقا لكلامك أحني هلأ عم اتعشا وأنا وعم اكتب :)اقتباس:
حيث أنه يتناول كل الوجبات وهو على الكمبيوتر
إنو شو الواحد بيروح يشم هوا بالحمام يعني !!! ... أكيد بالحلالات الطارئة !!! :) ... وصحيح إنو بقية الأوقات في فراش النوم لأن إذا بتشوف غرفتي بتعرف إنو التختين اللي دايرين عبعض هنة مركز قيادة أهم العمليات الاستراتيجية والمشاريع اللي بتتم بالضيعة :) ... في تختين بغرفتي بنام عنص واحد منهم لأن الواحد ونص البقية مشغولين بحمل المعدات من طابعات وماسحات وأوراق وكتب وكاميرات وأقراص وووو ..اقتباس:
حتى الحمام لا يزوره إلا في الحالات الطارئة. أما بقية الأوقات فهو يقضيها في فراش النوم.
الهيئة يا أبو حسن بلا هالأمارة كان أحسنلنا !!! ... جرصتنا الأميرة !!! ... ههههههههه
اقتباس:
للسيد زاهر حليحل (الملقب بزوزو).
إسا في وسيم فلو وروعة فلو ورامي كشاش وأختي ومرت أخي بيعيطولي زوزو !!! .. انقرض هالاسم .... تقريبا !!! :)
وسوف يظل هذا الإسم موجوداً، وألله يعينا خالتي عهلمصيبة إلي عندا.اقتباس:
إسا في وسيم فلو وروعة فلو ورامي كشاش وأختي ومرت أخي بيعيطولي زوزو !!! .. انقرض هالاسم .... تقريبا !!!
له يا أخ وسيم هذا المعلم زاهر أحد أهم كوادر آل حليحل عنا ......
كل مرة بتتهجم علي .....
هلأ هو صحيح أنه ما بيفيق كتير ............... بس معليش
هلأ هو صحيح أنه ما بيقوم عن الكمبيوتر .... بس معليش
هلأ هو صحيح أنه ما بياكل إلا عالكمبيوتر ... بس معليش (ليش هو بياكل لو ما أمه بتلحقو ......)
بس بيدل المعلم زاهر ....
والله يا حج محمد أنا ما هاجمتو، أنا عملتلو موضوع لإنو ظاهرة بحد ذاتها تستحق الدرس والتأمل.
غريب زوزو، بدك شي 3 أو 4 دكتوراه تتفهم طريقة عيشو.
نسيت كما شغلة إنو بيدل حامل مسبحة وماشي، متل مشايخ الصوفية بعكار أو الضنية
بحس بينو وبين صلاح (أخي) في نقاط مشتركه، شرئيك وسيم ؟
تنين فلاسفة و عالقين تربيايه بالمجتمع.
اقتباس:
المشاركة الأصلية كتبت بواسطة وسيم أحمد الفلو
ايّااااااااااك يا سيد وسيم فلو تجيب سيرة مشايخ الصوفية بالعاطل...خصوصاً مشايخ الطريقة النقشبندية و الطريقة اللجناوية التي ننتسب اليها.
ولو بعتلي كل العيلة الكتاب لن يتمّ اعادته الا من خلال مفاوضات غير مباشرة بين اللجنة و بين حضرتك.
وللأسف منا فاضيين بهل الايام....ولكن ستبدي لك الأيام.
عشتم و عاشت اللجنة .
اقتباس:
المشاركة الأصلية كتبت بواسطة هشام الفلو
هاد السنة الماضية يا هشام كان صلاح يعلم الغروب التاني بمادة من المواد اللي كنت ادرسها فكان واحد من أصحابي بالجامعة تلميذو ... بيجي لعندي بيوم من الأيام بيسألني :
الدكتور الفلو بيأربك شي ؟؟ .. يا زلمة كأنو ياك ... شكلو متلك ... وبيحكي متلك .. وحركاتو متلك !!! :)
ووئت عادتني أختك أسماء سنة 2004 بعد العملية ... أول ما شافتني آلتلي كأنك أخي صلاح!!! .. كان وئتها صرلو فترة طويلة منو جاية علبنان !!! ... وأنا كان صرلي اشهر ما طالع لبرا !!
فشكلو الملاحظة فيها شي من الصحة !!! :)
إي يا هشام : أسطل من بعضن
يا هلا بالجميع......
هههههههههه....و لا أطر الندى ......شو هل التسريبات ؟.....
شكلو في عميل مزدوج عم ينقل الاخبار للمعلم وسيم...........
بس يا أطر ...هادا منو شغل ....وين صارت حياتك .....يعني انتا بالضيعة .....
شايف انا بعد ما تعرفت على المنتدى .......كنت ضلي على الأنترنت......كون ...بس حابب اسمع كلمة بالألموني....بس بعدين ....الواحد بدو يشوف حياتو .....
و كمان بس كون بالضيعة متلك ....الكمبيوتر ما بشوفو ......بريح عيونو بزواءيء الضيعة ......
يعطيكم العافية ......
اخوكم دوكر المعوكر...........
اقتباس:
المشاركة الأصلية كتبت بواسطة وسيم أحمد الفلو
ما يسمعك تلميذ من تلاميذك أو تلاميذو لصلاح ليصيبو جلطة !!!
:1 (36):
ومنوا السكرتير تبعك بلا زغرو !!!!!!!!!؟؟؟؟؟؟؟؟؟