الانتخابات البلدية على الابواب

البلدية الى اين !!!!!
اولك مين بدو يربح؟؟
انا بقول رح بضل الحج
بس انا سمعت انوا!!!!
شو سمعت؟؟؟؟؟
انوا ما بئا رح يقدم الحج
طيب لكن مين بدو يربحها؟؟؟؟
و انا بقول كمان انوا رح يخصروا متل ما خصروا المرشح سامي درغام
طيب شو كان هدفهم من انزالوا على النيابة؟؟؟
آل لاصال الصوت المسلم للبرلمان
طيب اذا كان هيدا الهدف ليش ما انتخبوا الشهال؟؟؟؟؟؟
منوا مسلم يعني؟؟؟؟؟؟؟؟
او يمكن لانوا؟؟؟؟؟
لانوا شو؟؟؟؟
لانوا سلفي!!!!!!!
و لك يا حبيبي هن خربوا حالن و ما بئا عندهم شعبية متل الاول
اوف!!! طيب اولك ليش قلت شعبيتهم؟؟؟
و الله هيدا السؤال بدك تسؤلوا لا الهم
يمكن لانوا ما عرفوا يشتغلوا سياسة!!!!
بس ليك هن عندهم 412 صوت!!!!
هههههههههههههههههههههه وهيدا ما كلن جماعة ها
اولك بيطلعلن مختار بي هل اصوات ؟؟؟؟؟
و لك قول بيطلعلن عضوا بلدية !!!!!
وبدنا نشوف بعدها شو بيطلع بايدهم
اولتك خليهم ينبسطوا بي هل السنة الباقية !!!!
ههههههههههههههههههههههههههههه

حوار بناء وجميل وكله موضوعية

ولكن بين من ومن دار هذا الحوار

وهل هذا واقع أم أمنية

وإذا كان هذا واقع الحال

فأين الآخرين

احنا من أكتر من خمس سنين ما سمعنا صوت جرافة ولا شحن تابع للبلدية عم يقوم باصلاحات !!!!
طيب وين أموال البلدية ؟؟؟؟؟
والبرنامج يلي وضعوا الحج يلي على اساس العالم انتخبتوا من شانوا وينو؟؟؟؟؟
و لا بدن يقنعونا انوا مشاريع الحريري تابعة لأموال البلدية !!!!
طيب ما السفير الكويتي دفع مبلغ محرز وين راح؟؟؟؟؟
واذا موجود المبلغ شو ناطرين؟؟؟؟؟
بس السؤال الاحلى انوا شو عمل الحج من خمس سنين لا هلء؟؟؟؟
و السلام عليكم

اقتباس:

---

المشاركة الأصلية كتبت بواسطة عبد الله مغيط

طيب وين أموال البلدية ؟؟؟؟؟

---

هذا الكلام سمعناه كثيرا ....

أحية أموال البلدية :
[ مسودة موازنة البلدية لعام 2009]
[ ملخص عن قطع حساب البلدية للعام 2008]
[ تقرير ملخص عن مالية 2006]
[ بيان بمصارفات وواردات البلدية منذ تسلمها حتى 31-5-2006]

فليتفضل الصوت المنادي بالإصلاح بإعداد دراسة مفصلة حول هدر البلدية للأموال العامة وكيفية إدارة المداخيل والمستحقات والمصروفات بشكل سليم. لو فعل لأفاد وإلا فلا داعي لهذا الصوت الغير معتمد على حقائق بل على مشاعر وتصورات.

بغض النظر عن الاشخاص و عن الاعمال يلي تمّت بالسنوات الماضية!!!!.....
الطقم الحالي صار بالي و صار لازم تبديلو بطقم جديد قد يكون يحمل نفس الفكر لكن عندو طريقة تانية بالشغل ربّما....او عندو مشاريع جديدة ما شافت البلدية الحالية انو القلمون بحاجة لها.

وتاني شي يا ريت البلدية تحدد من هلء ازا هي جماعة اسلامية او تيار مستقبل......

ومن حقّ كل جهة تنزل عالبلدية ازا عندها مشروع اصلاحي و اسلامي واضح...

يعني نحن جربناكم سنوات و صار وءت غيركم يعرض حالو.....

وموعدنا يا sossi بالانتخابات و زيّ ما هي!!!...:p

نادر معو حق يا أخي ابو خليل
صرلكن 12 سنة خلينا نجرب غيركم
مع احترامي لك ولكل اعضاء البلدية
و انا بقولا و بدون حرج
انو انا قلت لا زاهر ما يرد على الموضوع قبلك
(ومن المعروف انوا زاهر مش محسوب على احد)
لأنوا انا بدي انت ترد علي يمكن اقتنع معك
مع اني بقول صعبة
بس ما حدا بيعرف
والسلام عليكم

و أنا أدعوك ابو خليل الى فتح ساحة حوار للرد على اسئلة الناس كاميرات ومصورين ومحاور وعادل والرئيس ومجموعة شباب عندهم تساؤلات حول البلدية والعمل البلدي وفيه يكون عم يدير الجلسة الدكتور وسيم الفلو
بحضور رئيس البلدية
فا شو رايك؟؟؟ ارجو الموافقة
والسلام عليكم

إخواني الأفاضل :

إن الكلام عن الجماعة وكأنها شيء مختلف عن المجتمع القلموني هذا غير صحيح ، فالجماعة جزء لا يتجزء من المجتمع وهي النسيج الأساسي له ، فلا تجد عائلة إلا وفيها فرد ملتزم بالجماعة أو مؤيد لها .
وخلال 12 سنة نستطيع أن نحصي كثيرا من الأخطاء التي وقعت بها البلدية ، لأنهم بشر ، ومن الطبيعي أن يقعوا بالخطأ وكلما كان هناك عمل كان هناك أخطاء أكثر .
ولكن ومن باب الإنصاف علينا أن ننظر إلى الأمر من جميع جوانبه أي ننظر إلى حسنات البلدية وسيئاتها ، وعلى اساسها يكون التقييم ، وبعدها نقف على رأي الجماعة ودورها في الأداء البلدي ، فلا يجوز أن نحمل الجماعة مسؤولية أمر ، هي لم تتدخل به أصلا ، وإنما تركت كامل الحرية للمجلس المنتحب .

أخي عبد الله : لا أمانع بل أرحب وأدعم أي أمر يقرب ويجمع ويزيل الشوائب ، فكل ما فيه مصلحة لهذه البلدة وللمسلمين فيها أساعد فيه ، وعلينا أن ننطلق دائما من حسن الظن بالآخرين ، فنحن مأمورين أن نفكر بالآخرين بالطريقة التي نريد أن يفكروا بها نحونا .

اقتباس:

---

المشاركة الأصلية كتبت بواسطة أبو خليل

إخواني الأفاضل :

إن الكلام عن الجماعة وكأنها شيء مختلف عن المجتمع القلموني هذا غير صحيح ، فالجماعة جزء لا يتجزء من المجتمع وهي النسيج الأساسي له ، فلا تجد عائلة إلا وفيها فرد ملتزم بالجماعة أو مؤيد لها .

---

هاد كان زمان

اقتباس:

---

المشاركة الأصلية كتبت بواسطة hadid

هاد كان زمان

---

زمان بمقاييسكم .... لكنه اليوم صباحا أو منذ لحظات بالمقياس الزمني للحركات والمجتمعات.

اخ sossi انا برأيي ينعمل مناظرة مباشرة لأنو الحكي عالمنتدى لم يعد ينفع هل انت موافق؟؟
منتصل بالهاشمي منخليه يحجزلنا عالمستقلة شي حلقة بعد التراويح؟؟؟؟؟
لأنو الانتخابات القادمة جداً مصيرية خصوصاً انو في كتير شباب يتمّ تجنيدها منذا الآن لمشروع معين...
فخذوا حذركم....

اقتباس:

---

المشاركة الأصلية كتبت بواسطة الزاهر

زمان بمقاييسكم .... لكنه اليوم صباحا أو منذ لحظات بالمقياس الزمني للحركات والمجتمعات.

---

ما فهمت ... يعني هلق إذا أعادو الإنتخابات النيابية بتختلف النتيجة ؟

ببساطة اذا وجد أشخاص خير من الحاليين فليكن ولكن اذا بدلتم السوء(بزعمكم) بأسوئ فهذه كارثة...و الكل يعلم حينها ماذا سيحصل...فكروا بعقولكم فالكل محاسب

من ناحيتي ما بحط بزمتي لا مين سيء ولا مين أسوأ وبتصور 99% لن أشارك بالإنتخابات

يعني يا أخ سوسي دائماً بتهاجموا الإسلاميين والجماعة تحديداً وتتهمونها بالفساد وعدم صدقيتها وما إلى ذلك. طيب ليش ما بتحكوا عن تيار المستقبل؟ هذا التيار إذا لا تسمع ما يحصل في داخله فأنت إذا أعمى ولا تريد أن تحاسب سوى فريق واحد !! تيار المستقبل يعاني من الرشاوي والمحسوبيات وسرقة الأموال وصرفها على المصالح الشخصية أكثر من أي حزب أوجمعية في لبنان، لأن هؤلاء الأشخاص راكضين ورا الحريري وعم ينهبوا منو كأنو نبع وهو منو حاسس عليهم وهو أصلا منو عارف إنو هيدول أشخاص بدن المنفعة المادية وفقط ومنن سإلانين عن القضية يلي ماشي فيها الحريري وهي فقط معرفة من قتل أباه. يعني إنتو يا أخي بدل ما توقفوا جمب الإسلاميين وتساندوهم وتنصحوهم بتقوموا عليهم وتطالبون بالغير إسلاميين لأنكم لا ترون سوى القناع الخارجي لهم.! وبعدين نحن يوم الإنتخابات نزلنا وانتخبنا الدكتور رامي درغام ( ليس سامي درغام )من دون أن نقبض مئات الدولارات ووقفنا مع المندوبين تحت أشعة الشمس ولا نبتغي سوى العمل لله تعالى،،، لا من أجل أن أقبض 100 أو 200 وفي النهاية هم لم يقبضوا أصلا وصار في مشاكل لعدم صدقيتهم. لا أحد يزايد علينا !!! صحيح أنو في أغلاط وأشياء غير مقبولة ولكن رغم كل شيء نتحمل ونحاول أن نصحح باختيار المرشح الإسلامي دائماً لأن هذا الصوت سوف نسأل عنه يوم القيامة لمن أعطيناه وإن لم يكن من الجماعة لأن الجماعة إذا رأت أن هناك مرشح إسلامي تريده الضيعة فستقف إلى جانبه وتدعمه.. كما أنني أيقنت يا عبد الله أن ال 412 صوت الذي حصل عليهم الدكتور بين لي أن هناك 412 شخص على مبدأ في هذه القرية ولا يساقون كالغنم كالباقين!!! تريد ان تعرف لماذا لم ننتخب الشهال؟؟ مش لأنه سلفي بل لأنه لا نعرف أي شيء عنو والسلفيون يحرمون الإنتخابات فكيف نزل؟؟ وضعه مشكوك! أما لماذا لم ننتخب شعبان؟؟ برأيي أنا لأنه محسوب عالمعارضة وموقف حركة التوحيد لا يشجعني أن أنتخبه في الوقت الحالي إلا إذا صحح مسيرته.. أخي سوسي مللنا من هذا الكلام وإذا لم تكن لديك أي خطة للإصلاح فلا تزايدوا علينا بل إنصحونا وادعو لنا لفعل الخير لا أن تدعوا علينا إذا لم يكن هناك شيء ليس على مزاجك.. والســلام

بس أنا سمعت إنو طلعلك كارت تشريج ألفا يا أخي نهار الإنتخابات ؟؟

اقتباس:

---

المشاركة الأصلية كتبت بواسطة hadid

بس أنا سمعت إنو طلعلك كارت تشريج ألفا يا أخي نهار الإنتخابات ؟؟

---

كارت التشريج مساعدة في أداء العمل وليس رشوة... هداك الله يا أخي

السلام عليكم
ليك مبارك حضرتك بتقاربو لأبو خليل؟؟؟
لأني حاسس انك من شيعة الجماعة ....
يا زلمة فيقوا بءا
!!!!!!!!!!!!!.............
ممكن تخسروا الانتخابات.....

اقتباس:

---

المشاركة الأصلية كتبت بواسطة المبارك

كارت التشريج مساعدة في أداء العمل وليس رشوة... هداك الله يا أخي

---

بس كارت التشريج إنت أخدتو من عند التيار مو من عند الجماعة ؟؟

اقتباس:

---

المشاركة الأصلية كتبت بواسطة nader 3:16

السلام عليكم
ليك مبارك حضرتك بتقاربو لأبو خليل؟؟؟
لأني حاسس انك من شيعة الجماعة ....
يا زلمة فيقوا بءا
!!!!!!!!!!!!!.............
ممكن تخسروا الانتخابات.....

---

نعم مستعدين أن نخسر في الإنتخابات ونحن نطالب بالحق والمجتمع الإسلامي،،، لا الفوز فيها وإعطاء الصوت لمن يضحك على العقول بمكاسب دنيوية ويجعل منكم أداة لتحقيق أهدافه ومآربه الشخصية يا أخ نادر!!

اقتباس:

---

المشاركة الأصلية كتبت بواسطة hadid

بس كارت التشريج إنت أخدتو من عند التيار مو من عند الجماعة ؟؟

---

أرجو أن تتحقق من كلامك قبل الإفتراء على الناس.. أرجو من الإدارة أن تتدخل في الموضوع وتنبه المشتركين من التحقق في الكلام قبل عرضه على المنتدى...

Mafini 2oktob bil 3arabi sem7ouna
Ljama3a stalmet 12 sene w ma tele3 min 2amra chi :
1- mal3ab l2a7deb sor makab zbele
2-torou2ot soret kola jouwar
3-...
4-...
...
Bi 12 sene 2iza badak techte8el sa7 fek te3mel dawlé

اقتباس:

---

المشاركة الأصلية كتبت بواسطة aboo 3omor

mafini 2oktob bil 3arabi sem7ouna
ljama3a stalmet 12 sene w ma tele3 min 2amra chi :
1- mal3ab l2a7deb sor makab zbele
2-torou2ot soret kola jouwar
3-...
4-...
...
Bi 12 sene 2iza badak techte8el sa7 fek te3mel dawlé

---

أخي أبوعمر،،، لبنان صرلو 19 سنة بعد الحرب الأهلية وإسا ما صار دولة ( كمان الحق عالجماعة؟ )،، بدك تعمل دولة بالقلمون ب 12 سنة؟؟ نحن نريد أن نحسن الوضع في القلمون ولكن ليس عن طريق تيارات علمانية قد تغير من ثقافة المجتمع القلموني الإسلامي.. جيب مجلس بلدي إسلامي من عندك وتعال إعمل أحسن دولة وإن كان من خارج الجماعة وسوف نكون معك إن شاء الله...

اقتباس:

---

المشاركة الأصلية كتبت بواسطة المبارك

أخي أبوعمر،،، لبنان صرلو 19 سنة بعد الحرب الأهلية وإسا ما صار دولة ( كمان الحق عالجماعة؟ )،، بدك تعمل دولة بالقلمون ب 12 سنة؟؟ نحن نريد أن نحسن الوضع في القلمون ولكن ليس عن طريق تيارات علمانية قد تغير من ثقافة المجتمع القلموني الإسلامي.. جيب مجلس بلدي إسلامي من عندك وتعال إعمل أحسن دولة وإن كان من خارج الجماعة وسوف نكون معك إن شاء الله...

---

يعني منفهم من كلامك يا مبارك...انو الجماعة ما رح تتحالف مع التيار بالانتخابات الجاية؟
وربما لن تقبل اصلاحات من التيار ان عرض المساعدة...
يا اخي حكولنا شو مشروعكم...يا زلمة في كتير عم يحكو عليكم ...وضحولنا فكرتكم!!!....

اقتباس:

---

المشاركة الأصلية كتبت بواسطة nader 3:16

يعني منفهم من كلامك يا مبارك...انو الجماعة ما رح تتحالف مع التيار بالانتخابات الجاية؟
وربما لن تقبل اصلاحات من التيار ان عرض المساعدة...
يا اخي حكولنا شو مشروعكم...يا زلمة في كتير عم يحكو عليكم ...وضحولنا فكرتكم!!!....

---

ندور هيدا السؤال وجهه لمسؤولي الجماعة يلي يمارسون السياسة وليس أنا يعني مثل أبو خليل وغيرهم...:) ولكن أنا كنت أتكلم عن الجماعة بصورة عامة ونظرتكم إليها..

عم يحصل حاليا محاولات انتاج لائحة شبابية اسلامية من أهم أهدافها ضرب الجماعة في الانتخابات البلدية ولكن للأسف هذا ضرب للساحة الاسلامية اكثر ما هو للجماعة.
بالاضافة الى عمل يقوم به بعض الشباب المسلم وهو تحريض الشباب الجديد وتحذيره من الجماعة عن طريق اختلاق قصص واخبار غير صحيحة وطبعا الشباب الجديد شو ما بتقللو بيسدق لأنه لا يعلم شئ عن هذه المشاكل.

الكل الآن يهاجم الجماعة رغم أنهم لا يعلمون شئ عن الجماعة لكن الأمر الآن مبرمج هكذا .
الجماعة قدمت في القلمون ما لم يقدمه أحد .
والنقاش الحاصل هنا يدل على أن المتحاورين يجهلون تماما الجماعة ومن هي وتاريخها .

اقتباس:

---

المشاركة الأصلية كتبت بواسطة المبارك

أخي أبوعمر،،، لبنان صرلو 19 سنة بعد الحرب الأهلية وإسا ما صار دولة ( كمان الحق عالجماعة؟ )،، بدك تعمل دولة بالقلمون ب 12 سنة؟؟ نحن نريد أن نحسن الوضع في القلمون ولكن ليس عن طريق تيارات علمانية قد تغير من ثقافة المجتمع القلموني الإسلامي.. جيب مجلس بلدي إسلامي من عندك وتعال إعمل أحسن دولة وإن كان من خارج الجماعة وسوف نكون معك إن شاء الله...

---

وهو كذلك بإذن الله

يا أخي كيف يمكن أن أعطي صوتي لبلدية جربناها 12 سنة حولت رائحة عطر الليمون إلى رائحة نتانة ؟
كيف يمكن أن أعطي صوتي لبلدية لم تفكر أصلاً بصحة أبناءها ولا يهمها أن تكون أعمدة التوتر العالي تبعد أمتار قليلة عن غرفة نومك ؟

اقتباس:

---

المشاركة الأصلية كتبت بواسطة عبد الله

الكل الآن يهاجم الجماعة رغم أنهم لا يعلمون شئ عن الجماعة لكن الأمر الآن مبرمج هكذا .
الجماعة قدمت في القلمون ما لم يقدمه أحد .
والنقاش الحاصل هنا يدل على أن المتحاورين يجهلون تماما الجماعة ومن هي وتاريخها .

---

يعني شو بهم أبناء الضيعة إذا الجماعة من زمان قدمت دماءها فداءً للقلمون واليوم هي ... و ... و ... ؟