عرض للطباعة
ما بيحمل همك الا امك .
بتتمسكن حتى تتمكن .
مين رادك ريدو .
مين ما بيقلك تش ...بتقلو مش .
اللي بيتزوج امي بيقلو يا عمي .
يللي ما بيجي معك تعا معو.
متل الزيتون ما بيجي الا بالرص .
ما حك جلدك الا ظفرك .
الله يوم ما قسم العقول والارزاق , كل واحد رضي بعقلوا بس ما حدا رضي برزقته .سبحان الله
يللي ما بيجي معك تعا معو. متل الزيتون ما بيجي الا بالرص .
هادول كتير حلوين!!!!
يا هلا بالست ام السعد.....يمكن أربت اعرف شخصيتك...هههه.....انتي التيتا......انتي ستي.....مهيكا......خلص مفيكي تنكري .....ههههههه....يعطيكي العافية ع جمع هل امثلة ....اخوكم دوكر المعوكر....
و لك يا ستي يا دوكر كيف عرفتني ,انا صرلي فترة عم بتنكر , بس اكيد تذكرت الامثال اللي كنت قولك ياها وانت صغير ,
ولك فرطني من الضحك والله كبرت يا ستي وصرت شب وطالع ذكي لستك ام السعد .
يا هلا بستي ام السعد......
و ينوا عمي سعد؟ههههههههه......
ناطرينك و ناطرين الامثلة لي عندك
يعطيكي العافية..
اخوكم دوكر المعوكر...
الصديق وقت الضيق .
الروحة بايدنا ولكن الرجعة منا بايدنا .
الرفيق قبل الطريق .
الغربة كربه .
لكل بدايه نهاية .
ما توصي حريص .
الها تم يوكول ما الها تم يحكي .
لائيني وما تغديني .
منظر الاكل بيشبع .
العين بتشبع قبل التم .
اطرش اعمى اخرس .
ما في صداقة قبل عداوة .
ما غريب الا الشيطان .
كل شي ممنوع مرغوب .
كل شي مسروق اطيب .
كلام الليل تمحوه شمس النهار .
قال لفرعون مين فرعنك قلهم ما في حدا يردني .
مطرح ما يسري يمري .
شاف الموت بعينو.
ملبوس الهنا .
ما بيشخ ع اصبع مجروح .
الله لا يعوزنا لحدا .
ابن ابنك الك ابن بنتك لا .
بحصة بتسند خابية .
حطلو مية بحصة .
اللي سبق شم الحبق .
كل ديك ع مزبلتو صياح .
المال بيجر المال والقمل بيجر السيبان .
المنحوس منحوس ولو علقولو ع راسو فانوس .
النبي وصى ع سابع جار .
الميت كلب والجنازة حاميه .
اقتباس:
المشاركة الأصلية كتبت بواسطة ام السعد
وينك يا حميطون.............ههههههههههه
بس التاني شو معناتو؟؟؟؟
أعلى ما بيخيلك ....اركبه .
جهلة الاربعين ..الله يعين .
جازه و جوزتك ....حظ من وين بدي جبلك .
دود الخل منو و فيه .
زوان بلادك ولا قمح الصليب .
خلي العسل بجراره تتغلى اسعاره .
طبلي ت زمرلك .
شو معناتو هاد كمان؟؟؟اقتباس:
المشاركة الأصلية كتبت بواسطة ام السعد
الميت كلب والجنازة حاميه .
يعني الناس معجوئين بالجنازة كتير وعم بيصرخوا وعاملينها قصة والميت هو كلب .
ما بيشخ ع اصبع مجروح .
لا ادري اذا كان الكتابه خطأ ام تريد معناه
فمعناه انه البول الله يعزك ويعز السامعين بيعالج ولكن من بخله لا يقبل ان يفيد غيره حتى مع انه شيئ ليس له قيمه .
هذا المثل بيقولوه وقت اللي الشخص بيطلب من حدا طلب ولو صغير ولو كان الطلب مجاني ولا يقبل ان يخدم احد .
بان و عليك الامان .
الجوع كافر .
لحاق الكذاب ع باب الدار .
الخبر السيئ بيوصل بسرعة والخبر المنيح بيطول .
اللي بيته من ئزاز ما يراشق الناس بحجار .
الغالي بيرخصلك .
ما بيقفل القبر الا ع تلاته .
اخر العلاج الكي .
اذا كان حاكمك ظالمك اشكي ............................
اجرو و القبر ..............
عمر الشقي بقي .
اللي بعدهم نقاط ناقصين اللي بيعرفهم يكملهم .
عايز ومستغني .
ليش ما قلتلي من قبل .
بياكلوا وبينكروا متل القطط .
المرا بتتلوى متل الحرباية .
المرا بتتلون متل الحرباية .
سلاح المرأة دموعها .
اخر شيئ بموت بالمرا لسانها .
خير تعمل شرا تلقى .
اضحك قبل ما يغلى الضحك .
من طلب العلا سهر الليالي .
من جد وجد ... ومن زرع حصد .
الله يطولك يا روح .
لاتعايرني ولا أعايرك .
من الامثال الشعبية في القلمون :" تبقى بكليك ."
من الامثال الشعبية في القلمون :" البلى يسترك ستر ."
من الامثال الشعبية في القلمون :" قطع الموية من فوق / تحت الشير ."
"تبقى بكليك ." اخ مصطفى نرجو تفسير هذا المثل لاني لم افهمه .
ابن عمها بيحقلو ينزلها عن ضهرالحصان .
يا ستنا ام السعد .............اقتباس:
المشاركة الأصلية كتبت بواسطة ام السعد
لفظة بكليك هي من الالفاظ القديمة جداً في البلدة ويعود عهدها الى ايام ما كان البحر سليخ
قبل ميلاد الاخ جابر دملوك يعني ( بالمناسبة منوجهلو تحية )
اما البكليك( بفتح الباء وتسكين الكاف ) فهو نوع من انواع المحتالين ( حسب معلوماتي ) وازا حدن عندو شي مرجع تاني فيا ريت يخبرنا .
على سيرة التفسير لام السعد تذكرنا المثل الشعبي :
خلق ايام ما كان البحر سليخ
ان طلع لخالو يا زينة فعالو وان طلع لعمو احفر وطمو هههههههه
اقتباس:
المشاركة الأصلية كتبت بواسطة أم السعد
هاد اجا بالصميم!!!......لوووووووووول!!!
بمناسبة الحديث.....يقال بأن بنات أدم يتكلمون بما معدله 7 آلاف كلمة باليوم.....أما أبناء حواء فبالكاد يصلون إلى ألفي كلمة......وهاد حكي العلماء....مو حكيي أنا.......ولمزيد من المعلومات روحو لعند الدكتور أحمد الخطيب!!!
مفكر حالو رايح يحرر القدس .
قصدوا شريف .
سارح بارض الله الواسعة .
شكرا ع التفسير اخ مصطفى هاد المتل جايبو من كعب الدست ..
هاد المثل بدو كب عالبواءة.........هاداك اليوم سمعناها هادي من قريب!!!
لا شكر على واجباقتباس:
المشاركة الأصلية كتبت بواسطة ام السعد
من راقب الناس اصبح مشرفاً
نقلاً عن ام السعد
ههههههههههههههههههههههههههههههه
:1 (64):
اقتباس:
المشاركة الأصلية كتبت بواسطة ام السعد
والله ما بعرف......بركا حدا بيشرحلي كمان..........بس بعتقد من سياق الحديث وئتها شكلها بتعني شي مكان مشهور عنا عالشاطئ
اللفظ الصحيح هو البوءةاقتباس:
المشاركة الأصلية كتبت بواسطة Zaher Eddin
وليس البواءة
اما البوءة فهي المنطقة الشاطئية الممتدة من شماية الى بور سمير وهي مشهورة بقناة للصرف الصي تقع بمحاذات ردم بسيمة
وقد اشتهرت عبر التاريخ القلموني انها مكب للمهملات والفضلات والقاذورات
يا هلا بأبو صطيف..........عالعين والراس والله!!!!
من الاقوال القلمونية : اول ما تبان القمحة على اللمحة ارقعا .
كسدتو لي سوءي(سوقي ).
خلي اللي ما يشتري يتفرج .
قطعتولي برزقتي .
صار بدنا نحولها زجل ونطير باول مركبه ع زحل .
اسن في امثال كتير بس هاديك بتصير متل وصف دارج
وكلها عبارات من ايام ضرب المكنظمة
ولمن كان النفر يستعمل مارتينة
متل : شغلك خنفشاري
ورطة ما لها دبار
بس شو يعني مكنظمه ومارتينه .
اختي الكريمة :اقتباس:
المشاركة الأصلية كتبت بواسطة ام السعد
المكنظمة هي البندقية التركية التي تشاهدينها في المسلسلات السورية
اما المارتينة فهي ابنت عمها الانكليزية
واي كلمة ما بتعجبك خبريني عنها رقبتي سدادة