رِجعت المَرَا من السُوء
ف سألا جَوْزَا : " شو شجايبين معكون ؟ "
جاوبتو المرا : " و الله جايبين حُمْصَان إِلْوِين "
أصدا تؤل " أُمْصَان حِلْوِين "
عرض للطباعة
رِجعت المَرَا من السُوء
ف سألا جَوْزَا : " شو شجايبين معكون ؟ "
جاوبتو المرا : " و الله جايبين حُمْصَان إِلْوِين "
أصدا تؤل " أُمْصَان حِلْوِين "
والله يا أخ جابر مافي منّك.....يعني ما فتر تمّي من الضحك من أول مابلشت قراية.....مشكور جداً جداً جداً جداً جداً جداً....وأنا من عندي بقلكن هالقصّة:
مرّة كنت عم إسأل أحد أصحابي:"شو بتحب تشرب؟؟؟؟"
قام هالمعتّر جاوب:" حايلاّ، نيسكاشيه أو فاي"
المسكين قصدو يقول نيسكافيه أو شاي....
العيلة سهرت و طولت السهرة و وأت رن المنبه ع صلى الصبح آم الأب و فيئ مرتو و ولادو و فات ع الحمام تحتى يتوضا.
وأتل طلع من الحمام ما شاف حدا أم من فرشتو إسا ف رجع يفيؤن من جديد و وئف يصلي السُّنِة.
خلص السنة و إسا ما حدا تلحلح من الفرشة ف آل أولتو الشهيرة : " لتشوفوا نتيجة السَّفَر "
أصدوا يؤل " السَّهَر"
شافت المرا إرطيلة عم تمشي ع سأف المطبخ ف آلت لجوزا : " أتُلُه بُكرا بتفرخلنا ألف متلا "
جوزا ما كذب خبر ف آم جاب بشكير المطبخ ت يسفوآ فيي.
" البشكير ما بيموتا " آلتلو مرتو.
بعد ما سفأ البشكير عليا وأعت ع الأرض ف آم فعسا بالشحاطة.
المرا سألتو : " منا عنكبوت ؟ "
جاوبا الجوز : " ماتت و شبعت موت إسا بدا تموت "
إفتكرا سألتو : " منا عم تموت ؟ "
إتصل في صبحي ب الليل و ألَّو :
" صايِرْلي نَأْفِة دِيْن نَأْلِة جكاتات جلد أخر موضة بيطيروا العئل و سعرون لأطة
و ما معي سُيُولة.
بآ شو رأيك تنزل شريك معي ؟ "
ألو : " بدك الحئيأه فاجئتني ب الموضوع بدك تعطيني
فِكْرَة يومين ل مَهِّل."
ألَّو : " تكرم عينك مَهِّلْ أَدْ ما بَدَّك بس أعطيني خبر من كُل بُدْ هَاااا "
رجال هو و مرتو عم يكزدروا ب ال Mall
إسترعتلون إنتباهن رسمة حلوة كتير.
بعد ما صفنوا فيا شويه إطلع الرجال بمرتو و ألَّا :
" حدا بيؤلِك إلا فنانة الريش "
أصدو يؤل " ريشة الفنان "
هاد بزمناتو يعني قصدي من كم يوم كانت دانيه حدي وعم تلعب رين بنت خي وعم تغنيلا وكان بهيدا الوقت عم أذن بالجامع فا حتى سكت دانيه قلتلا ادنتي عم يأشهد:) هههههههههههه
المعنى للقول الصحيح اشهدتي عم بأذن
السلام عليكم ورحمة الله تعالى وبركاته
هاد يا سادة يا أكارم أخر محاضرة حضرتها بالجامعة هالأسبوع كان الدكتور عم يشرحلنا إنو الـ
Propagation time from high to low
ما ضروري يكون بيساوي الـ
Propagation time from how to ligh
:):):):)
بيوم من الإيام عيلة زارت عيلة تانية
ف أعدت المرا مع المرا
و الرجال مع الرجال
و الولاد أعدوا مع بعضن.
الرجال الضيف أعد يحكي عن إبنو إديش معزبو و مشيبلو شعر راسو. ما بيسمع الكلمة و بيعمل عكس هلي بدو ياه ت يئهرو و يأصرلو عمرو.
الرجال صاحب البيت ألَّو : " عم تعرج إدام مكرسح ... أبني إسا أضرب من إبنك "
" كيف يعني ؟ "
" إبني و لله الحمد ما بيتصرف أي تصرف ظغير كان ولا كبير أبل ما يستشيرني ... و بس يعرف ردي بيعمل عكسو تمام "
" يعني منشان هيكه ضارين صحبت بعضن ع الآخر "
" إن الطيور على أشكالها تقع "
" و أضرب من هيكه ( وافق طَبَقٌ شَنَّة) "
" إنت الساديئ ( وافق طَنٌ شَبَقَة) "
و لك يا عيني ع السكُافه و المسكفين
(وافق شَنٌ طَبَقَة)
اهلا و سهلا فيك أخي شادي فقوعة.
يمكن تستغرب مين أنا و لش خصيتك ب التأهيل و التسهيل.
معك حأ صحيح أنا ما بعرفك و منشان هيكا كتبت هالكم كلمه ب الأول ل حتى تعرف أيشي الأصا.
هادا يا سيدي باليومين الآخرانيين كنت عم شوف إسمك ب إستمرار ب المنتدى.
ف صرت إسأل نفسي :
" أَوْلكُن إبن مين بِيكون شادي فقوعة ؟! "
ما لأت حالي إلا و عم أُوْل :
" أَوْلكُن إبن مين بيكون فادي شؤعا ؟! "
سمعتني مرتي و آلتلي :
" لش عنا عيلة شؤعا ب الألمون ؟! "
بآ الله يرضى عليك ما تواخزنا.
واحد راكب ب السيارا هو و إبنوو.
شافوا واحد عم يُرْكُد.
الأب لْتَفَت صَبْ إبنوو و ألَّوو :
" مَو هَادَا خَالُوو لِ رفِيآَك ؟ "
رَد الإبن :
" لِّهْ ... خَال فْرِيأَي أَرْأَصْ مِنَّو ب كتير "
أَظْدُو يؤل :
" خَال رفِيأَي أَءْصَر مِنَّو "
عصرو عيدان والباص .........
باختصار جدا ..........
" دخلك الباص المشي ما راح .......... ؟؟؟؟؟؟؟؟؟؟؟؟!!!!!!!!"
إزا سمعتوا واحد عم يؤل لواحد تاني
" لا و الله مَنَك هَلِيل يا أخُو الديانِة عَم تأَرْوِل بأَلهِيام "
شبتؤلوا كان أظدوا يؤل
بتخيل كان عم يقول : و الله منك قليل يا أخو الديانة عم تهرول بهالإيام .
هههههههه
سلام
هاد بالزمانــــــات يا عم جابر أختي كانت عم تصوبن ببيت ستي الله يرحمها ويجعلها من أهل الجنة ... فبتجي لعندها واحدة من هالقريبات بتسألها كنها حافظة السورة الفلانية ... بتألها أف .. كيف لكن :) ... سمعيلي ياها لشوف ... اسمعي :
"كَنْوَنْتَ سعَنْتَ عَلَيْهِم فِي الأَنْطَانِيْن"
أولكم بأي سورة هالآية ؟؟!!
:)
هههههههههههههههههههههههههه
الله وكيلك يا أبو الزوز
ما لأيتلك تفسير ل هالآية السنسكريتية
" كَنْوَنْتَ سعَنْتَ عَلَيْهِم فِي الأَنْطَانِيْن "
إلا
" وَتَرَكْنَا عَلَيْهِمَا فِي الْآخِرِينَ "
الصافات (119)
و العَرَء عم يكُدْ مني ها
اقتباس:
المشاركة الأصلية كتبت بواسطة جابر دملوك
آل هادي كانت "غَيْرِ الْمَغْضُوبِ عَلَيْهِمْ وَلَا الضَّالِّينَ" يا شيخ.
:)
مبارح كنت عم إتصفح ب " إسلام آن لين "
ف حضيت ب موضوع إسمو ( إعادة تأهيل القرود في الهند )
كنت مستعجل شوية ما كان فيهي أؤرى ساعتا.
ف أمت نألت العنوان ع أساس بعدين بؤرا.
وأتل فضيت فتحت الدفتر هلي كاتب عليي عنوان الموضوع
ف لأيت حالي كاتب " إعادة تأهيل الهنود في القرد "
مرة كنت ماشي مع رفيئي بعز دين حشرة العالم بالضيعة. ما بدي أذكر إسمو بما إنو نبلينا فيي و صار أرايبنا و كان في آرمة عن الحج و كان بدي إتسائل عا رفيئي كالعادة فتحديتو يعرف يؤرا الآرمة . المهم إنو إريا و غلط بالتشكيل فصرت إتمسخرو و أول إنو ما بيعرف عربي,
عصب رفيئي كتييير و صرخ بين هالعالم:
أنا عارف إنو بدك ياني أؤرا بإجهاض و غنة
طبعا أصدو إدغام
تخيلوا كيف كان شكلنا بين العالم
ومتدايأ كيف بؤول ما بيعرف عربي