عرض للطباعة
اصحا بالك ترد على هارد ، بيخربلك بيتك وبجرصك ، وبيكحشوك اهلها عن الدرج ، وبتروح البنت بتقول لرفيقاتها انو اهلها كحشوك ، وبيقولوا بدورهم لرفقاتهم وبتصير كل مانك مارق بالطريق بيضحكوا عليك البنات ، وبغمزوا بعضهم عليك ، فتركها وأو طول بالك متل ما قلتلك ....
سلام
بتعرف يا عديل إنو ماخطرلي إنك إنت إلي كاتب هالرسالة.
لو ممرتي وأختي روعة قالولي ، مكنت إنتبهت.
ليك يا عديل ماحدا بياخد من بيت كسن وبعيدا مرة تانية.
سلام
دخلك يا عديل بدي منك شوية توضيح... ما بياخد واحدة تانية ليش؟ لأنو اكتفى.... ولا لأنو بيندم على الزواج....؟؟؟؟؟
:d :d :d :d
whats wrong with beit kassan ya akh wassim?????اقتباس:
المشاركة الأصلية كتبت بواسطة وسيم أحمد الفلو
والله يا عديل بتركلك حرية الإختيار بين الجوابين.
أما بالنسبة للأخت نادين فأنا عمبحكي عن الفرع التاني من بيت كسن، وعل كل ما حددت موقفي سلباً أو إيجاباً.
شو صار بموضوع الزواج عبر الموقع ، يعني ليش خجتوا القصة دعيس معيس ، هل حسم الموضوع وما هي النتيجة الأخيرة التي توصلتم لها ، ستعجلوا لأن في ناس ناطرة .
دخلك ناوي تتني الهيئة وواقف بالصف يا بعدي؟!!كنو صحي؟!! وابو جاد كمان؟!1 لك شو عامتكون مرت عمكون ولى نور؟!!والله انا بعرفا لمنى منيحة مع صهورتا!!ليش عم تبادوا هيك يا لؤمة؟!!هههههه هلء بفرجيكون ازا ما بخلي الخبرية توصل لام محمد وبنتا..او بقولك رح خليا توصل لابنا حمودة بركى بينزل عليكون اهل فنيدق بالبيك اب بينزلوا قافلة بالربوشة والمعادير وبدعوسوكون :p
مين قلك يا حبيبي بدنا نعيدا مرة تانية .... هيئتك ما فهمت شي من حكينا...
قلنا إنو إلي بياخد من بيت كسن (بالإضافة إنو مرت عمو من بيت نور) مبيرجع بعيدا.
وبالنسبة لفنيدق ، فأهل فنيدق إهلنا وإخواننا ومنعرف منون أمتر مبيعرف محمد.
salam, l7a2i2a ana hala2 2rit el mawdou3 ma3 enou sarlou zamen ma7tout bas maba3ref lesh hal jimle yemkin maktir fhimta aw yimkin el ased ger : (مع أنه هناك أجيال بدأت تولد في الغربة وتترعرع هناك )... makel el ajyel yali btoulad bel gerbe w bit3ish barra mitel ba3ed, li2an fi wled 3eishin berrat baladon w mhazbin aktar min yali 3eishin bi baladon , min hek ana radet 3a hal mawdou3 bas nshala tifhamou ana shou asdi bi yali katabtou !!!....
ولله يا اخت rola حسب ما فهمت كلامك ليس له علاقة بوضعية الجملة ، الجملة وضعت ليفهم منها انه يوجد كتير عالم واجيال :) خارج البلدة، لماذا لا يكون هناك موقع على الانترنت ليعرف الاشخاص على بعض لهدف نبيل ،
وليس له علاقة بالتحليل التي ذكرته .
كانت على راس لساني هالإجابة.. يالله نصيبك تخطب قبلي... بس كان لازم تقرصني.. لأنو المشهور عنا بالضيعة.. إذا اثنين حكو نفس الكلمة مع بعضن،، يلي بيقرص التاني قبل بيخطب قبل....
يا محتال عم تشجعني.. وإنت راكض تخطب قبلي؟؟؟؟؟ :d
يا أخت رولا... معليش.. المرة الجاية.. قرأي الموضوع أحسن من هيك... لا تفهمي علينا غلط... ترى المواضيع حامية كتير هون.. يعني هالمرة إجت سليمة... مرة تانية تفهمي غلط... بتجيبينا أرض أرض... يستر عرضك تأني إنت وعم تقرأي...:d :d
salam,, hahaha nshala lmarra il jeye walla ana ktir sorry ma2rit el mawdou3 yimkin mni7 yemkin fhimit kamen 3'alat li2an walla maktir bi2ra il arabi mni7 bas ra7 jareb teni marra i2ra a7san nshala I'm Verry Sorry:D :)
wala yhemmek ya sitt rola... haha haha haha
ok ya fishlen bas li m7ayarni ana leh 7atet hal isem :D
سلام اختي rola انا صري سنه عم حاول ان اعرف او اتعرف على خي فشلان ، وعندما اعرف السبب لاسمه سوف ابعثه .....
اما انت من اول مشاركة اصبح لديك الفضول ....
فشلان ليس بالسهل .... هو نتيجة دراسة وفشل عميق :)
والله يا أخت Rola أنا مشهور بالفشل.. ولما فشلت في إني لاقي اسم يليق بي.. اخترت اسم فشلان.. يالله ما فيني اتأخر.. بدي روح على الرحلة اليوم..
دوووووووووع .. طالعين على التلج...
السلام عليكم ..
الله يبارك بالجميع .. :)
طيب يا ريت يا ست رولا بس تفضي ترجعي تقرأي الموضوع وتعطينا رأيك .. أكيد رأيك بيهمنا...
شو يا جماعة منعتبر انو ما في غير هالنقاط اللي ذُكرت بالمشاركات السابقة ؟؟...
يالله بدنا نبلششششششش
فشلان ناطر على نار ...
أخوكم:rolleyes:
شو خي فشلان نريد ان نعرف قصتك مع الفشل ؟
اخي ليك انتبه لكلماتك وتعابيرك و غير من الاسلوب بعد شوية لاني بعرف واحد بحكي متلك تمام يمكن خيك :)، وياشامي انا لم احد عن الموضوع لان قصة اخونا فشلان لها علاقة بالزواج ، اخي ياالله تكلم نحن بعون الله نرعاكم . بعدين يا فشلونه مع مين طالع على الثلج، ولله رح تخليني ارجع .........
هيك قصص وحكايات ما بتصير إلا مع فشلان... وفشلان وبس... الله وكيلكن ماني نايم الليل فزعان ما قوم اتأخر بالفيقة منشان روح على الرحلة...
رحنا وانتظرنا.... وانتظرنا.. وما حدا يجي... من هون لهون.. خفت لا يقوموا راحوا من دوني... دأدسنا بأبشنا.. تاري آل الرحلة يوم السبت مش يوم الخميس....
ما في مسبة ما سبيتا.. ما في كلمة ما قلتها.. ورجعت فشلان على البيت.. ونمت فقت العصر.. راح عليي صلاة الظهر...
كنت حردان ما بقى بدي روح على الرحلة.. وما بدي اطلع على المنتدى..
بس هلأ رجعت رقت...
عرفتي ليش اسمي فشلان يا ست رولا...
وصلتك الإجابة عملية...
بعدان أنا زعلان من يلي سمى حالو فشلان 2 أخونا زاهر الله يسامحك.. معقولة سامعني من يومين ما عم اسكت عن الرحلة يوم الخميس... ما بتعرف تتفصح وتقول إنو الرحلة يوم السبت.. يالله بسيطة... كل شي حمينا حالنا...
يا أستاذ فشلان ماني عارف ليش متخبي هالتخباية كلياتا... من شو فزعان... طلاع على الساحة... أنا رأي من رأي هارد.. إنو كل واحد يظهر نفسو.. ويحكي مثل الرجال... مش يتخبى منشان يحكي يلي بدو اياه...
بعدان إذا قدام الشباب هون ما إلك عين عم تظهر، كيف بدك تتزوج إنت.. وتوقف إدام عروستك... شو كمان بدك تتخبى وقتها؟؟؟!!!!
شو يا فشلون؟!!بلشت تحكىمتلى انا وسيم غنوم الظاهر؟!! شو لمست بايدك شى من كلامنا؟!! لاتكون طلعت ولى وعملوا فيك شى عملة!!ماكنت قبل عمتحكى هيك!! كنت بالاول متفاءل :p وشايفك صرت بقمة اليأس!!
السلام عليكم
الموضوع مضيعة للوقت واللي عم يتزوجوا وجها لوجه كتار يعني وما عم نلحق كتب كتابات تحتا نقترح فلسفة متل هاي الفلسفة
مسحت فينا الأرض يا زلمة... على مهلك شوية... ألوووووووووووووووو.... شو القصة... دغري هيك فرد ضربة.؟؟؟
هههههههههههههههههههههههههههههههههههههههههه
صلو على النبي يا شباب ولك دخلكن حدن شفلي الريس.إذا في شي أو صاير شي معو فخلينا نقوم بالواجب، أو شوبتقولو ،
والله مني عارف شو القصه بين فشلان و القاسي ولك كأنو في تار بين بعضن ،ولك شبكن طولو بالكن والدنيه مافيها شي ,ولك ياشباب دبرولنا عروس بس عندي شروط عاديه متل كل الشباب: تكون معها فلوس.
تكون موظفه شو وظيفه.
تكون معها جنسيه أجنبيه .
تكون فيها تسفرني معها .
ولك يا شباب هيدي بتكون لقطه ممممووووووووووو .شو يا أم سفيان ويا أخوات مش هيدي صار للأسف المطالب الدارجه و شو بدنا ببنات الضيعه ألله يوفقهن .
في العصر الذي نعيش فيه ارى انه من الاجدى لكم التكلم بما هو مفيد وما من شأنه رفعت الوطن والامة اما الحديث عن مراقبة من يتعرفون على بعضهم عبر الانترنت فأعتقد ان لا فائدة ترجى من ذالك لا سيما واننا نملك اليوم الصوت والصورة - ان كنتم لاتعلمون- مما جعل التعارف عبر الانترنت مثل التعارف وجها لوجه مع فارق بسيط انه يمتاز بنوع من الخصوصية دون الوقوع في الخلوة -والله اعلم- لذلك ارى انه من الاجدى الالتفات الى امور اكثر اهمية ولا سيما ان العدو اصبح في بغداد بعد القدس فالى متى ستبقون مهتمين بالقشور غافلين عن اللب ز دعونا نرك امر التعارف والزواج الى اصالة عاداتنا وتقاليدنا ولنسعى يدا" بيد لنبني وطنا" قويا" قادرا" على احتضان شبابه بدل دفعهم الى الهجرة والتفكيربكيفية تزويجهم من بنات الوطن
ملاحظة:
اذا اردت ان تقابل شابا" من القلمون فعليك اولا" ان تحصل على فيزا الى الشارقة
مصطفى معتوق
ابو ظبي
الله أكبر.. الله أكبر ... الله أكبر
لا فوض فوك يا اخي يا مصطفى معتوق...
بارك الله فيك على هذه الآراء الوطنية... وتحية إكبار وإجلال إلى القومية العربية....
بس نحنا يا حبيبي يمكن فهمتنا غلط... نحنا عم نحكي عن طريق منشان يلي مثل حالتك.. رياح تقعد مدري وين بآخر ما عمر الله... وحبيت تخطب.... شو بتعمل؟ بدل ما تضطر تنزل على الضيعة تا تدور على بنت الحلال... بتكون بنت الحلال ناطرة هون... على المنتدى.. مع إنو هية بالقلمون..
نفس الشي إذا حبيت تخطب شي واحدة من أستراليا... منسهل عليك من خلال المنتدى.. يعني هون مش المقصود ساحة تعارف....
بس على كل حال.. منرجع منقول.. بارك الله فيك على المشاركة.. وعلى طول خليك معنا...
صلو على النبي يا مشتركين
أنا أقترح من المشرف أن يكون هناك موقع للخطبه على هذا الموقع .
مثلاً كل أخ أو أخت يريد أن يدخل بمشروع الخطبه أن يسجل إسمه على الموقع ،ويكون المشرف يعلم إسمه الصحيح للتواصل معه ،أوالتواصل مع الأخت أو العكس ،ويكون هذا بكامل السريه التامه ، ما هو رأيكم يا أيها المشتركبن
على شو معجل يا اخ وسيم ,مانك شايف كيف عم يطلعوا عليك اصيات بالويب سايتاقتباس:
المشاركة الأصلية كتبت بواسطة وسيم غنوم
السلام عليكم .. كيفكم يا جماعة :)..
المشروع من الناحية التقنية قابل للتطبيق وبطريقة نراعي فيها الضوابط التي نريدها ليكون مقبولا من الناحية (القُروية) ..:)...
ولكن رأينا أن يتأخر التنفيذ بعض الوقت حتى تتكون الإدارة الخاصة بهذه الخدمة... فبارك الله بالجميع :)...
أرجو أن لا تخرج المشاركات عن العنوان الأساسي لأي سبب كان...
أخوكم:rolleyes:
ana bi nazari hal mawdu3 manu lazem shu ra7 ysa3dak il internet minshan titzawag ra7 nirga3 la2iyam makabil tarikh khalu 2umkun tna2ilkun 3arus ya 3ammi il zawag manu kilme bil tum inta 3am tkun ma3 shakhis tul hayatak lazem tifhamu lal shakhes tit3araf 3ala 3a2lu manu heik ana bil nisbi ili hayda ta2 hanak salam
السلام عليكم :)...
يعني أعجب ممن يشارك دون قراءة كافة المشاركات السابقة :)..
أعود لأكرر لن نفتح بيوتا للناس هنا على الموقع .. وإنما موقع الزواج مهمته هي الخطوة الأولى (المضبوطة بضوابط محددة) من خطوات التعارف التي تأتي بعدها الخطوات الكثيرة والمتبقية للتعارف المطلوب بين طالبي الزواج ، والأمر كما قال أخونا أبو جهل يحتاج إلى الكثير من التفكير والتريث والتفتيش والإستشارة والإستخارة حتى يقوم الإنسان بما يتوجب عليه من الأخذ بالأسباب وتبقى الخفايا على الله سبحانه والتوفيق منه وحده في هكذا أمور(بعد الأخذ بالأسباب)...
أخوكم:rolleyes:
ياريت انو تكون من الشروط انو ماينحط صور
ايعقل ان تتزوج امراه وتبقى صورتها فى الانترنت ييلعب بها كل انسان ويراها من هب ودب؟؟؟ احذروا هدا العبث بأعراض المسلمات
قال الله عز وجل وَأْتُوا الْبُيُوتَ مِنْ أَبْوَابِهَا وَاتَّقُوا اللَّهَ لَعَلَّكُمْ تُفْلِحُونَ (189)سوره البقره
ان الزوج مكتوب له زوجته من قبل ان يخلق الله الخلق يعنى سواء تم الزواج عن طريق الاهل او عن طريق الانترنت ما هى الا اسباب والله المستعان
اللهم ارزق فتيات المسلمين بالازواج *الصالحين وارزق شباب المسلمين بالزوجات الصالحات
الأخت نادين...
إنه لو تم وضع الصور على الإنترنت.. فإنها لن تكون معروضة للعلن.. ولن يتمكن الشاب من الوصول إلى الصورة إلا بعد مرحلة معينة من التقدم في الموضوع...
هل تظنين أننا سنفتح معرض صور؟؟؟؟؟ :mad: :mad:
ما في داعي تعصب او تضايق
انا ما حكيت شي بضايق بس المعروف يا اخ عمر عن مواقع الزواج انو بحطو صور منشان الواحد ينقي اللي بتجعبو, شو حلوة بعد ما يتعرفو ع بعضن يصير في يشوف صورتها وبعدين يقول ما بدي ياك اديش بتتحطم معنويات البنت
ان شاء الله ما تكون فهمتوني خطأ
nadin ma3leish shu huwe wa2ta byitzawaga mara7 ba2a yshufuwa il 3alam ?inty ma3 inek tkuni mazrube bil beit mahadan masmu7 yshufik aw titla3i bara? iza heik smahili 2illik inu inty illi m2asra bi ha2 halek thanks
انا ما قصدي انو ما حدا يشوفني, بس متل ما بتعرف انو اذا حطيت صورة على النت بيقدروا يتلاعبو فيها,
2ikhti Nadin Ili Bala 2akhla2 Wala Iza Shilty Surtik Wala Iza Hitaytiya Mabyimna3u Inu Ykun Hayawan So Lazim Il Insan Huwe Ydal Dakhilyan Mitil Mahuwe W Akid Il 2rab Minu Ra7 Ya3irfu Min Hayda W Mara7 Yridu 3ala Ta2 Hanak Wahad 2az3ar Habib Yil3ab
هيك لا مين شاف ولا مين دري بس عندي سؤوال شهر العسل وين على الويب cam يعني تحرؤص وبس بلاها لكن ما عجبتني لأ :p +:confused: =Internet Explorer Junior
السلام عليكم ورحمة الله وبركاته,
هذا الموضوع ليس بالسهل و أهميته تتمثل في اختلاف الاراء (من ناحية الدين, التقاليد, المجتمع,...) ولكن رأيت حوالي 8 صفحات من النقاش (لم أقرأهم بالكامل, كي أكون صريحا) ولم أستطيع أن أستخلص أي نتيجة من هذه المناقشات.
هل من الممكن على كل عضو أن يعطينا رأيه مختصرا ايجابا او سلبا والاسباب.
سلامات, نزيه خداّج ملاّط
بصراحة لم تعجبني الفكرة!!!!!!!!!!!!!!!!!!!!!! لأسباب خاصة