ولك يا أخي الكريم يا عالم!!! ليش ما عم تفهمو؟؟؟؟ليش كل واحد منكن عم يحكي عزوئو,صحيح إنكن يمكن عم تعطو رأيكن بالموضوع وأهلا وسهلا فيكن وين ما كنتو, والحمد لله إنكن عارفين إنو في مشكلة بدا حل, بس .......
قال تعالى:"لا يغيّر الله ما بقوم حتى يغيروا ما بأنفسهم..."
يعني من وجهة نظري في عالم حابين يكسروا راس عالم تانيين.(بس ما بيطلعلن)لو أد ما عملو...والله لو عم تكونوا عنا بالجامع وعم تشوفو نسبة المصليات والحمد لله ما كان حدا من الأوادم بيحكي, عم تكون مليانة السدّة, حتى ال8 ركع, وبعدين بيبلشو يخفو(أكيد صار وقت الكزدار ولازم يطلعو يفتحو الشارع ويرجعوا يسكرو) واليوم تحديدا كان مليان حتى بعد ال8 ركع.سبحان الله, العالم عنا بالقلمون متعودين وبيحبو هالبنات ينزلو عالجامع ف.........فبيسمعو كلام غير شكل(يللا الحمد طلعت من الشيخ بلاها اليوم النزلة), حتى بالعكس إنتو عم تكرهوّن بالجامع وبلّي بيصلوا وبالدقون وبالمتحجبات يعني بأسس الدين,فهل هذا خطأ عابر؟أم عقيدة راسخة؟؟؟؟؟نحنا تربينا عالنزلة عالجامع وتأكدو لو ما كان في الجامع كان سيعم الفسد أكتر, ومن منا يعلم بأن هذه الطريق تجلب الخير الكثير وتزيد من ميزان حسناته ثم يذهب من طريق أخرى؟؟قال تعالى:"ولو كنت أعلم الغيب لاستكثرت من الخير.."يعني شعاري بهالحياة إنو محل ما في عمل خيري أو دعوي أو...فإن شاء الله سأكون من أول المساهمين في فعله ونشره وتطبيقه, قال صلى الله عليه وسلم:"بلغوا عني ولو آية".يعني أحسن يروحو يكزدرو بالشارع؟ ولا يصلو ولنّو 8 ركع؟وإذا حدا بدو يقول شلازمتلن هالصلاة إذا راجعين يطلعو يكزدرو ويروحون؟إنتو جايين تحاسبوّن!!!!ولك خلو كل واحدة منن هية وربّا تصطفل, إذا بيطاوعا قلبا تروح الصلوات فهذه مختوم عقلبا, وبدل ما نسبّا ونسبّ يلي جابو والعيلة خلينا ندعيلا:الله يهديّا, ويهدينا معا كمان.... لأنو ما في حدن ما بيغلط,والدليل قول حبيبنا محمد عليه أفضل الصلاة والسلام:"كل ابن آدم خطّاء, وخير الخطائين التوابون".
بلا مؤاخذة وطول حديث,:rolleyes: إن شاء الله تتوصلو لحل يرضي الجميع, جزاكم الله كل خير ,كل من ساهم بوضع الأخشاب حتى نتمكن من أداء صلاة التراويح جماعة ونحن نستمع لأعذب الأصوات وأحنّها مع أفاضل شيوخنا الكرام, أنا أقول لكم:الله يزيد الحفظة ويجعلنا منن...والله يخليلنا الجامع الفوقوني,الله يألف بين قلوبكن جميعا...والنساء الكبار بالسن يعني, يلي ما صرتلن فرصة إنن يتعلمو كيف يقرأو القرآن صح, مع التجويد,بيقولو إنن بيروحو عالجامع ليسمعو كلام الله, وقد تركو مشاغل الدنيا كلها وما فيها...(عفكرة أنا مني عم قول أنو الجامع يصير garderie ولا قهوة لحتى الصغار والكبار ينزلو يتقّو حنك ويلهو المصلين,بل هذا إنما يدل على جهلهم بأحكام وأصول الدين, ولازم نعلمّن شلازم يعملو, ونحبب الإيمان لقلوبهم فيتهافتون على أداء العبادات)!وما بيطفو اللمبات قبل ما نطلع من الجامع!!!!يعني شأصدن؟؟؟والله أنا ما رح إتكنّس من الجامع لو أش ما صار,منو عناد ولا تجأير بالعكس أنا مخّي طري,يعني مستعدة جيب المصلاية وأوقف بحيلّا زاوية فيني إسمع فيّا صوت الإمام, أكيد بأدب وأحكام وأخلاق الدين...أنا مني مع فكرة يصلو البنات ورا الشباب مع إنو بعهد الرسول كانو يصلو, بس زمنّا تغير هلأ...
أعود لأقول أن المشكلة هي ليست كما ذكرت فقط, بل:لازم نحب بعضنا ونستر عيوب الآخرين,ونلجأ إلى الدعاء في كل الأوقات, فقد قال تعالى:قل ما يعبؤ بكم ربي لولا دعاؤكم"...
وعندها نحقق قول الحق تبارك وتعالى:" كنتم خير أمة أخرجت للناس تأمرون بالمعروف وتنهون عن المنكر..."
فعندما نحب للآخرين ما نحب لأنفسنا ونؤثر المصلحة العامة على المصلحة الشخصية وتبعاتها,قد ترتسم حينها بوادر لحل الأزمة...
والسلام على من اتبع الهدى...
ملاحظة: ما بقا حدا يكتب بالهندي يعني بالسنسكريتي(لغة الانترنت), العربي أفصح وأوضح, وشكرا".
وإذا شفنا مين أكتر واحد عم يشارك بهالموضوع بيطلع:HARD بس الظاهر منك هارد متل اسمك,ويعني بتوخد وبتعطي, وما بتكسر راس حدن(ما حدا يطبق باب الحارة هون, يعني ما هيك بيكون الواحد زكرت وأبضاي ولا شرأيكن؟؟؟)
سبحان ربك رب العزة عما يصفون, وسلام على المرسلين, والحمد لله رب العالمين.:)
