زواج المسيار

بسم الله و الحمد لله و الصلاة والسلام على رسول الله

بالماضي كنا نقول إذا واحد شطح قياسه شويه عامل متل "بطل دده"
أما الآن يبدو أن أبطال القلمون قد فاقوا بطل دده بستين بحصة.

* واحد بدو يفكر بزوجة تانية "و لم يخطب بعد" (بضم الياء و فتح الطاء)
و بدو الزوجة الأولى هي تفاتحو بالموضوع و تلح علي "و الله يخليك يا بعلي الحبيب يا سبع الليل منشاني تزوجلك بكم واحدة"

* و أخر يصور لنا أن عدم تقبل أهل القلمون للتعدد هو الذي يعيق تقدمها.

مستحلي واحد مقتدر و مقرش أن يندفع إندفاع من يصرف عليه والده أو من يا دوب عايش.

الزواج بواحدة هو الأصل و الإضافة لحاجة (للزوج . للمجتمع .....إلخ)

يا من تتطلع إلى التعدد و هذا حق لك من الله سبحانه ضمن شروط ضع نفسك مكان الزوجة الأولى و من ثم تحكم في شعور الغيرة الذي تعيبه عليها.

الرسول عليه الصلاة والسلام عدد و أزواجه رضين بأمر الله سبحانه و لكن الغيرة لم تنسلخ من قلوبهن.

يا من تريد الزواج بأخرى "خليك عكلامك بس يجي واحد يطلب بنتك أو أختك زوجة تانية يا بطل"

خلاصة لكلامي : التعدد رخصة من الله سبحانه و ليس أصلا ولا فرضا .

السلام عليكم .. .

جزاك الله خيرا أخي جابر على هذه المشاركة :)...

لا أحد يعيب على المرأة الغيرة، بالعكس هذا أمر فُطرت عليه، ولكن الله سبحانه كما فطر هذه المرأة على الغيرة فهو من أحل للرجل أن يُعدد ضمن شروط وضعها سبحانه ، ولو علم عدم صلاح هذا الأمر أو عدم إمكانية تطبيقه لما كان شرعه أصلا ، ولو كان هذا الأمر فيه الأذى للمرأة فيعني ذلك أن ديننا يشرع ما فيه أذى (لأكثر من نصف المُجتمع) ولا أظن ذلك بل إنه شُرع لأن فيه الخير لجنس النساء قبل الرجال، إذن هناك غيرة ولكن ضمن حدود وهي لا تمنع من تقبل المرأة وتأقلمها مع هذا الأمر، وأنا أحتار من تقبل الغرب للفاحشة وعدم تقبلنا العملي لأمر أحله الله من فوق سبع سماوات، وقد طُبق على ممر العصور والأزمان...

لا أدري ما المانع أن تكون أختي زوجة ثانية أو ابنتي زوجة ثانية، ما دامت قد اختارت ورضيت ورأت في ذلك سعادتها وراحتها النفسية ورأت فيمن اختارها وقبلت به ما تتمناه ...؟؟؟ أهناك مانع شرعي أو عملي؟...
أم أن هناك مقارنة من قريب أو بعيد بمن جاء إلى الرسول صلى الله عليه وسلم يطلب منه أن يسمح له بالزنى، فجاءه بأسلوب الحمية قائلاً أترضاه لأمك ولأختك ولأبنتك ...وهل يمكن أن نقارن الزنى بما شرعه الخالق؟؟ ... أعتقد جازماً أن لا ...

أم أن المانع الوحيد أننا زُرع في رؤوسنا خطأ هذا الأمر؟؟ وما زلنا لا نستطيع أن نستوعبه عمليا ولا حتى أن ننقاشه بطريقة هادئة وروح رياضية :)...


أعتقد أن هذا الموضوع قد أخذ نصيبه الوافي من النقاش... فهل لنا بأحد يجمع نقاط الخلاف ونقاط الإلتقاء بين المؤيدين والممانعين مع الأسباب لكل منهما ...؟؟؟

أخوكم:rolleyes:

أخ جابر ، السلام عليكم ، حتى انت صايير من فرقتهم ، يعني كنا شاديين ضهرنا فيك ومتأملين انو هلأ بيجي واحد بينصرنا ، فنحنا وجينا وعم نعلي راسنا جيت انت ودعستنا من جديد الله يسامحك .
المهم بدي أقول شغلة ، أنا لم أقل انو بدي اتزج اثنين أو ما شابه ، يعني يمكن واحدة وننستر ونضب ، أنا أتحدث عن مبدأ وعن فكرة أحلها الاسلام ولكن البعض يفهمها فهم خاطء .
كما أني أعتبر ، أن عدم تقبل أهل القلمون للتعد من الأسباب التي تعيق تقدمها بصراحة ، ولكن ليس السبب المباشر ، يعني هذا ان صح التعبير سبب ضمني ، يعني السبب الأساسي انهم ما مقتنعين انو الشرع هو الصح في كل أمور ، وانو ما فيهم يخدو من الدين يلي بدهم ياه ويتركوا يلي بدهم ياه ، وانو لازم يتحاكموا لشرع ربنا بكل صغيرة وكبيرة (فلا وربك لا يؤمنون حتى يحكموك فيما شجر بينهم ، ثم لا يجدوا في أنفسهم حرجا مما قضيت ويسلموا تسليما ) ، وان التعدد هو أمر أحله الله من فوق السماوات السبع وأننا بمخالفتنا أو محاربتنا أو ذمنا لهذا الأمر نكون نرتكب نعصية من المعاصي ، وتلك المعصية ليست بالصغيرة ولا بالهينة .

وانت يا هارد : اسا بترجع بتقلي اني شاييف بحالي على بنات الضيعة ، ولك يا عمي أنا شي مرّة قلت أو لمّحت إني أحسن من حدا ، القصة وما فيها يعني بين بعضنا ، اني بحب استفز بعض الناس لأن تفكيرهم ما بيعجبني لذلك بستخدم عبارات بتعصبهم ، بس ذلك لا يعني اني شايف بحالي أو أني ما بحترمهم ، ومن ثم يا خيي هارد أنا هنا أتحدث عن مبدء وليس عن حالتي أو حالة أي شخص ، يعني أتحدث بشكل عام ، وماذا في الأمر ان قلت أني ان لم أجد في القلمون من يفهم عليّ وعلى طريقة تفكيري بالناقص من كل بنات القلمون ساعتها ، وبخد من برّات الضيعة ، يعني أنا عارف حالي شو عم قول ... وما تفسرها انها شوفة حال أو تكبر أو ...... الله يسامحك ، هيأتك اساتك مصرّ على ادعائاتك .
أخ هارد ، أوخت أم سفيان : بس بدي اسأل سؤال ـ تعقيبا على ذكركم قصة سليمان وأنه كان له -عليه السلام- 99 زوجة ، وما ذكرتموه أن النبي صلى الله عليه وسلّم كان له تسعة أزواج ، أقول ان تخطي الأربعة عندهم هو لحالة خاصّة وليس لتطيب النفس ، الذي يحصل عند أربعة في أقى الحالات ،وما تواخذني رجعت لورا شوية ، بس هلأ خطرت على بالي الفكرة .
والسلام عليكم

أخي زيد ، اترك الموضوع ياخد أبعادوا ما بعرف ليش متأمل كتيير اننا رح نتوصل لوجهة نظر مشتركة ، بتصدق ما عم اقدر استوعب كيف انو انسانة متل ام سفيان يلي كنت انبسط بمواقفها وكتابتها -وما زلت ان شاء الله- تقول هذا الكلام ، وكذلك أخونا جابر ، وهارد ، والاخت ناديين ........ المسألة ليست مبهمة ولا شيء ولكن لا أدري لماذا يجعلونها مبهمة وويناقشون حول نفس الفكرة ، البعيدة عن الدين كل البعد

Yé3ni zanni innou zawèje lmésyare, w ésmou mésyare mine almasire , byénfè3e ma3 yélli ktire biséfrou aw byéshtéghlou barra w baddoune yétzawwjou mine dday3a, fa7aykoune mésyare 7attè law sémmayna zawèje 3edaye, w zanni fi ktire bédday3a hayke wrodyine w ma 2a7léhoune, fa7èje néttéhémme ahle l2almoune innoune khashabiyyine w moutamatrisine waro2e ttakalide w kaza... Maw ize wé7éde sore ma3ou méshklé yén2éme 3ala koll l3èlème, ma3layshe shwayyéte 3adéle.
w ya rayte fi shi forum maféy ma3éréke jénibyyé w kalème w tébrire kalème
Khallina nrou2e

أخ الشامي وأخ وسيم أنتما الآن تمثلان الأقلية والمعارضة حازت على أغلب الأصوات
يا أخي استغربت أن واحدة كأم سفيان تتبنى وجهة نظر كهذه ألم تقرأ السيرة النبوية ألم تقرأ أن أمنا عائشة رضي الله عنها عندما علمت أن الرسول صلى الله عليه وسلم سيتزوج بأخرى ذهبت إليها وأشارت عليها أن تقول للرسول صلى الله عليه سلم "أعوذ بالله منك " وذلك عندما يحاول الرسول الدخول بها
وعنما فعلت ما نصحتها به عائشة أعرض عنها الرسول وأمرها بالذهاب إلى بيت أهلها
ألم تستغرب فعل أمنا عائشة وكيف تطلب مني أمرا زوجة الرسول حبكت حيلة لتدفعه عن نفسها هل كانت لتنكر أمرا شرعه الله
يعني كل هذه الأقوال التي تدورون حولها تفتقد للصحة الله سبحانه وتعالى عندما شرع التعدد أجاز للزوجة الطلاق إذا لم تطق رؤية زوجها مع امرأة أخرى أليس ذلك مراعاة لمشاعرها وهو أعلم بمن خلق وهو اللطيف الخبير
تريدون منا أن نتقبل أمرا ونسعى إليه بينما الله عز وجل لم يجبرنا عليه
ومن احتج بفعل الرسول عليه الصلاة والسلام بجوازه لأكثر من امرأة لإشباع رغباته فاحتجاجه باطل لأن الرسول قبل البعثة تزوج فقط بخديجة
أما بعد البعثة فكل نسائه كن ثيبات عدا عائشة ومنهن من كانت أكبر سنا منه فلو كان الغرض هو إشباع الغريزة لاختار فقط البكر لما فيها من ميزة على الثيب
فعندما أتى صحابي يستشير الرسول في أمر زواجه من امرأة ثيب قال له الرسول صلى الله عليه وسلم "ألا بكرا تلاعبها وتلاعبك"أو كما قال عليه الصلاة والسلام
وكذلك الصحابة كانت معظم زيجاتهم من نساء أرملات مات أزواجهن في الحروب
وتعيبون علي كلمة نزواتهم لأن شتان شتان ما بين التعدد سابقا والتعدد اليوم
فمن ينادي بالتعدد اليوم لا ينادي به إلا حبا لنفسه وإشباعا لغروره وأنانيته
أما يا أخ الشامي تسألني ما هو الذي يدفع المرأة لتقبيل الأرض التي يمشي عليها الرجل الأسباب كثيرة ولكني سأكتفي بسبب واحد لأنه يفي بالغرض
تعرف أن من النصائح التي يقدمها المشايخ للزوجة أن تنتقي ألكلمات الجميلة لتطرب به أذن الزوج وأن تحاول الإبتعاد عن كل كلمة يكرهها فبالله عليك عندما يعلم الرجل أن زوجته تغار عليه وتكره أن تسمعه يتكلم عن مسألة التعدد فما يكون منه إلا الزيادة وإتباع الكلمة بالأخرى فهل هو راعى مشاعر زوجته
الرسول صلى الله عليه وسلم أوقف قافلة بأكملها ليمسح دموع زوجته صفيه عنما بركت ناقتها وبالمقابل المنادون بالتعدد يلقون الخطابات غير مبالين بمشاعر نسائهن

نسيت أن أقول أن المعادلة التي كتبتها يا أخ وسيم خطأ ولوكنت سمعتها من مفسر فإنما هي مجرد اجتهاد من الشيخ وهذا الأمر ليس له علاقة بالتشريع إنما هو مرتبط بتكوين الإنسان ووجد أشخاص احتاجوا لأكثر من أربع

طيب اذا كانت القصة هيك يا أم سفيان ، أنا معك ولا يهمك ، بس بدي اسألك سؤال ، ليش ربنا توقف عند الرابعة يعني هل عبثا ؟ أم لحكمته ومعرفته بحاجات خلقه ؟ أرجوك يا أم سفيان لا تعقدي الأمور أكثر

السلام عليكم ورحمة الله..
هادى الموضوع حامي على المظبوط
أما بالنسبة للأخ وسيم غنوم فأظن أن عنده مفهوم خاطئ.. إن الله حين أباح للرجل الزواج بأربع، هذا لا يعني أبداً ان نفسه لا تتوق لأكثر من ذلك.. وليس شرطاً أن تكون هذه المعادلة صحيحة... وليس شرطاً أن تكون الحكمة في التشريع واضحة.. فهل شرع الله صلاة المغرب ثلاث ركعات لأننا لا نطيق أربعاً...
الحكمة التي يستبطها العلماء لا تكون بالضرورة هي السبب الرئيسي...
أما الأخت أم سفيان.. فلا حرج على اعتناقها هذا الرأي.. فهي امرأة وتغار... وهذا أمر طبيعي... ولكن لا يجب أن تطبق حالتها مع زوجها على أنها حكم عام... لا تنسوا يا جماعة.. أننا نتكلم عن حالة خاصة... والله لم يوجب التعدد، إنما أحل التعدد... فإن كانت المرأة لا ترى أن من الداعي أن يتزوج زوجها غيرها.. فهذا لا يعني أبداً أن أي رجل لا يجب أن يتزوج على زوجته..
هناك كثير من الرجال غير متفقين مع نسائهم ولم يعاشروهن منذ أكثر من سنة.. وهم لا يريدون الطلاق ربما بسبب الأولاد أو غير ذلك.. فهل هذا لا يجب أن يتزوج؟؟؟ أم يجب أن يدور على ...؟؟؟ إنما جعل التعدد حلاً لبعض المشاكل... فهل من الممكن يا أخت أم سفيان أن تعطينا سبباً واحداً يمكن من خلاله أن يكون التعدد مقبولاً... أم تقصدين أن الله شرع أمراً لا يجب أو لا يمكن أن يطبق... ولا داعي أصلاً لشرعه..
أخي الشامي.. شايفك كتير حامي... يا أخي قلن لأصحابك إنو الموضوع هون زواج المسيار... مش التعدد... أنا رأيي فتاح موضوع التعدد.. خلين يروحو عليه لهونيك...
أنا رأيي بالنسبة للتعدد... أنه حل لبعض الحالات الخاصة... وفي بعض هذه الحالات الخاصة هناك حالات خاصة أكثر، عندها يمكن للتعدد أن يكون مسياراً.. وإن كان ليس غريباً أن يكون الزواج الأول مسياراً... هذا متوقف على طبيعة الناس في البلاد واختلافهم واختلاف طباعهم وآرائهم...
يرضى عليكن.. أنا لا أريــــــــــــــــــــــــــــــــد التعــــــــــــــــــــــــــــــدد...
ما تعملولنا مشكلة... وتفهموها غلط....

أنا لا أعلم الحكمة من الوقوف عند الرقم أربعة وليس بالضروري معرفتها فهناك الكثيرمن الأمور لا نعلم الحكمة من ورائها فمثلا هل تعلم لماذا نصلي صلاة العصر أربع ركعات وليس اثنين أو ثلاث
واسمح لي أن أعلق على قصة أوردتها عن عمر بن الخطاب رضي الله عنه ولو بإمكانك إوراد مصدر هذه القصة لأني لم أسمعها من قبل
أولا فعل عمر بن الخطاب أو قوله ليس شرعا
حقيقة لم أستسغ هذه القصة إفرض أن رجلا فقيرا تزوج بامرأة فقلنا له كما قال عمر فتزوج بالثانية والثالثة والرابعة وبقي فقيرا فما الذي سنقوله له إذن أو أن فقيرا فتح الله عليه بزواجه من الأولى وقرأ القصة التي أوردتها فما الذي سوف يدور في ذهنه
ما أردت الإشارة إليه أن فعل عمر ليس شرعا ولا يستدل به لتأكيد وجوب التعدد

ههه... فزعان ماهيك؟؟؟ أنا اليوم بكون الخبر عندها.. ولا يهمك... هههه
بس على كل حال عجبني رأيك... مع إني كنت زعلان من المنتدى لأنو سكروها بوشي المرة الماضية... في موضوع الزواج على الموقع... الله وكيلك جابوني أرض أرض... فشلوني أكثر ماني فشلان..
يعني عملولي حليب النمل أسهل بكتير من الزواج.. أنا بكرة نازل إعمل عملية.. بدي ركب قفل على قلبي.. منشان ما حدا يقدر يفوت ويتربع فيه أبداً أبداً..

شو يا شامي... عاجبتك شي شامية؟؟؟؟ يرضى عليك لا تفتق الشباب على هالمواضيع... إنت صحيح متزوج مع وقف التنفيذ... بس عم تفتح بواب مغلقة على الشباب العزابة.. وعم يوقفو بصفك.. شو عم تساوي حزب على الموقع...

قلو لصاحبك وسيم غنوم، إنو الشيخ عمر معو حق.. يعني مش لأنو أربعة حلال معناها رح نقرف من الخامسة... بس لأنو ربنا هيك بدو... ونحنا منعرف إنو كل أمر من ربنا هو لحكمة إما ظاهرة إما خفية....

بعدان يا قاسي... اسمك مش لابقلك أبداً.. حاسك لين كتير.. يا أخي دافع عن رأيك بقوة... ليش تارك وسيم يجاوبك هيك... ردلو يا أخي ردلو... لا تسكتلو أبداً...

أنا رأيي المتواضع إنو الموضوع فاشل... لأنو ما حدا عم يعرف شو الموضوع: التعدد أم المسيار؟
بس عجبني الموضوع لأنو حامي كتير...
يالله شباب لا تسكتو أبداً....

السلام عليكم :)

كيف الشعب ...
والله يا شباب أنا لا حامي ولا شي ... صدقوني مطفي وبموي باردة بالقلموني يعني ... بس القصة غير هيك تمام ..

وأنا اللي عندي بهالموضوع حكيتو :) وبتصور الآن صار النقاش إتهامات متبادلة.. وكل واحد بيشد اللحاف صوبو ...

لن أزيد على ما قلته سابقا حتى أجد شيئا يحتاج إلى الزيادة في هذا الموضوع ...

أخوكم:rolleyes:

أخ عمر قلت في رد سابق أن التعدد يكون مقبولا في حالات عديدة منها يتزوج الرجل بأرملة صديقه أو أخيه إكراما له أو عقم المرأة مثلا أو مرضها مرضا عضالا يمنعها من إمتاع زوجها

هل بفهم من حكيك إنو لازم يكون التعدد بواحدة إما فوق الخمسين سنة.. أو ما بتنشاف؟؟؟؟
ساعتها مقبول؟؟؟؟ أو لما بتموت مرتو بحقلو التعدد؟؟؟

هيأتكون عجأتوها ، يعني ما عارف على مين بدي بلّش نازل على كل الجبهات .
على كل رح بلّش بأخونا عمر ملاط ، أول شغلة وجهة نظرك بموضوع الأربعة يعني مقبولة 50% يعني أنا اساتني بصراحة مقتنع برأيي ، بس ولكن صرت لا أعيب على الذي يخالفني في هذه المسألة ، بس بصراحة اساتها ما خارطة مشطي كتيير . وانتو كمان ما فيكم تقولوا انو هذا تفسير خاطء لأن مش أبو علي الزحلطاوي هو يلي مقلفو ، في علماء يقولون بهذا الكلام .

ومن ثم أريد أن أشير إلى أن الذي يدرس فقه الأحوال الشخصية ، يعرف أن حكم التعدد ليس مقتصر على الحلال فقط ، بل أحيانا يصل إلى الوجوب ، طبعا فيي حالات معينة...

ويا أخ عمر ، أنا أؤيد وجهة نظرك من أن أم سفيان تتبنى هذا الرأي من باب غيرتها . بس ما لازم يك يا أم سفيان ، يعني بصراحة -بلا أي مزح- ما عم تفوت القصة كلها براسي ، يعني كيف أم سفيان وهذا رأييها ، والله عجيبة ، الله يخليكي راجعي واقرأي وسألي وعملي يلي بدك ياه ، بس المهم ما تعقديلي راسي .

ان شاء الله سأبحث عن القصة يا أم سفيان ، ولكني سمعتها من أحد المشاييخ الثقات في القلمون عند جميع الأطراف والمعروف بعلمه الواسع ، وأعتقد أنه تعلم كيف يميز الحديث الصحيح من الضعيف ، ولكن على كل ان شاء الله سأبحث عنه فيما بعد ، الآن ليس معي أية وسائل للأسف .

ويا معلم فشلان أنا ما قلت انك رح تقرف الخامسة ، يعني في ناس ما بشبعهم الا أربعة ، ولكن الخامسة ما بتفظرهم ، يعني الأساس الشبع .

أم سفيان ، يرضى عليكي ، معليش سريها معي شوية ، وحاجتك معقدتيلي راسي ، أنا بدي أعرف انتي شو رأييك بالتعدد ، يعني ما تردي على أي مشاركة ، حكي رأيك من الأول ، مع التوضيح . يعني عائشة الله يرضا عنها ، كانت من باب الغيرة ، يعني ما وقفت بالساحات العامة وصارت تحرض الناس ، انو على التعدد ، يعني هذه قضية غيرة ، وانتي حقك اتغاري ، بس ما تجي تشرعي لغيرك ، وتحاربي المبدأ .
واذا الدين بدنا ناخدوا بالأكترية كمان ، والله مصيبة . عم الك مش هيدي أم سفيان ، أكيد في شي متغير ، أو أنا عني متغيرين ما بق أعرف اقرأ

يعني من كلامك يا أخ وسيم شكيت إنو في جنية عم تفوت بإسمي وتكتب مشاركات عني لا أعلم ما هو الخطأ في وجهة نظري
وأكرر وجهة نظري أني من البداية إلى النهاية إذا راجعت كلامي ستجد أن مشاركاتي كانت تبيانا لرأيي وليس تشريعا لأحد ولم آت بدليل واحد لا يستدل به
خذ مثلا مسالة الحجاب منهم من يقول وجوب غطاء الوجه ومنهم من يقول بعدم الوجوب وكل له أدلته وليس لأحد أن يعيب على أحد
نعود لمسألة التعدد سألخص ما كتبته وهو ما أؤمن به ومقتنعة به تماما
الأصل هو الزواج بامرأة واحدة والدليل على ذلك أن الله خلق آدم عليه السلام وخلق له حواء فقط كزوجة
معظم حالات التعدد اليوم نابعة من أنانية عند الزوج يعني متل ما بيقولوا بالمثل بدو يغير عضرسو يعني الواحد منكم لم ير أي بأس من تنازل المرأة عن بعض حقوقها لكن في المقابل هو يريد حقوقه كاملة وزيادة حبة سكر نبات
وقلت سابقا أن التعدد يأتي كحل لمشكلة كأن تكون الزوجة عقيم أو مريضة مرض مزمن أو ذكرت حالة كانت تحصل كثيرا مع الصحابة وهي الزواج بأرملة الصديق أو الأخ إكراما له وهذه كلها يا أخ فشلان لا تستدعي أن تكون الزوجة الثانية قبيحة أو كبيرة في السن فعندما يتزوج أرملة صديقة قد تكون ما زالت شابة وقد تكون ملكة جمال وكذلك عندما يتزوج زوجة ثانية لينجب منها أطفالا فبالتالي لن تكون قد بلغت سن اليأس وإلا كيف ستنجب له الأطفال وهكذا
وعندما طرحت مسألة زواج المسيار طرحتها في حالة استقرار الزواج الأول كي يعف امرأة عانس وهذا سبب نبيل ربما أتقبله أنا بينما لا تتقبل امرأة أخرى أن يتزوج زوجها بالعانس وليس بالضروري أن تكون العانس غير جميلة فهناك من العوانس من هن أجمل بكنير من أخريات متزوجات ولكن ضروري أن تكون كبيرة في السن وإلا لماذا سميت عانسا
يعني كل المشاركات التي تدعو للتعدد أصحابها يريدون إقرار الجميع بمسألة التعدد وكأنها هي الأصل ويريدون من الزوجة أن تقول لزوجها "تقبر عيوني شايفتلك أمورة صغيرة وبكرة إن شاء الله رح روح أخطبلك ياها" آآآآآآآآآآآآآآ لا وألف لا هذا الشيئ مرفوض ولم تفعله زوجات الرسول عليه الصلاة والسلام وبالتالي لن نفعله نحن كذلك ولا تحملونا ما لا طاقة لنا به
والسلام

الله يبارك فيكي يا أم سفيان ، على هذا الكلام الشفاف ، سأرد عليكي غدا ان شاء الله لأن هلأ نعسان وبكرا عندي كم شغلة لازم اعملهم من بكيير يلا سلام دعيلنا ، يا أم سفيان أو يا جنيتها ، أي كانت يلي عم حكيها

salam ,, i still dont have arabic but i was reading in an article about zawaj al misyar,,,and here what they worte


د.علي القره داغي: فزواج المسيار -في اعتقادي- نكاح غير صحيح، وهذا ولذلك أن رأيت مكتوباً أن الشيخ ابن عثيمين فعلاً قد تراجع عن هذا النكاح، وقال بأنه كنت أفتي بجوازه، لكن وجدت أنه الآن على صورته الحقيقة فتراجع عن فتواه.

if someone likes to read the article ,,its from aljazeera website http://www.aljazeera.net/channel/arc...iveId=90777#L3

أخت أم سفيان.. بعد مراجعة الأقوال السابقة والمشاركات.. حبيت تشوفي بس شو كاتبة...
الأصل هو الزواج بامرأة واحدة والدليل على ذلك أن الله خلق آدم عليه السلام وخلق له حواء فقط كزوجة
وهذا الكلام مش صحيح لأنو فينا نقول مثلاً الأصل التعدد لأن النبي عليه الصلاة والسلام عدد.. ونحن من أمة المصطفى... وربما كان ذلك صالحاً في أيام آدم عليه السلام...
يعني ليش قستي على آدم عليه السلام وما قستي على النبي عليه الصلاة والسلام... هادي معليش اسمحيلي فيها مجرد استنتاج مش موفق... ساعتها كل واحد بيستنتج على ذوقو... عملتي مثل وسيم غنوم.. طلع معو إنو الرجال رح يستفرغ بس يشوف الخامسة.. لأنو ربنا أحل أربعة... هادي استنتاجات شخصية.. ولو كانت من العلماء.. فيجب أن تكون مدعمة بأحاديث أو آيات..

أخ عمر قلت في رد سابق أن التعدد يكون مقبولا في حالات عديدة منها يتزوجالرجل بأرملة صديقه أو أخيه إكراما له أو عقم المرأة مثلا أو مرضها مرضاعضالا يمنعها من إمتاع زوجها
ماني عارف ليش زعلتي كل هل أد على أرملة صديق زوجك وما زعلتي على زوجك نفسو... هلأ صار شعورك فيها أكثر من شعورك فيه... يمكن الزلمة عندو طاقة وما عم تكفيه واحدة... مش هادى يعني إنو زوجك منو منيح.. أو عينو لبرا... لأ.. بس يمكن ربنا عاطيه طاقة ما عم يقدر يصرفها كلها بواحدة... يمكن صحيح مريضة مرض يمنعها من إمتاع زوجها.. ويمكن بصحتها التامة ما عم تقدر تمتع زوجها... يعني نحنا هون بالبلاد الباردة نسبياً ما عنا هالمشكلة.. بس بالبلاد الحارة مثل الخليج وافريقيا.. بكون الواحد فيها بلا شي لاهب... وعندو طاقات وين بروح فيها..؟؟؟؟

معظم حالات التعدد اليوم نابعة من أنانية عند الزوج يعني متل ما بيقولوابالمثل بدو يغير عضرسو يعني الواحد منكم لم ير أي بأس من تنازل المرأة عنبعض حقوقها لكن في المقابل هو يريد حقوقه كاملة وزيادة حبة سكر نبات
هادي معليش اسمحيلي فيها.. ليش عطول الحق على الرجال.. وعند الرجال عطول الحق على المرة.... ليش إنتو البنات البراءة والعفة.. والرجال غير هيك.. هادي مش قوانين.. أحيان المرة معها حق.. أحيان ما معها حق... معليش خلينا نصور الرجال إنو الحمل الوديع.. وإنو هو حاسس في بنفسو شي لازم يصرفو... ومنشان الحلال والحرام.. اختار الطريق الصح.. وصارح مرتو الحبيبة بهالشي... يعني برجع وبقول من ناحية القصص فينا نصور القصة مثل ما بدنا.. ونبعتها لعند مخرج موهوب.. منشان نخلي الرجال الحمل الوديع.. وفينا نخلي المرة البعبع الكبير...
يا أختي ما كل الناس مثل بعضن.. في عالم مناح وفي عالم مش مناح.. نسوان ورجال..

وقلت سابقا أن التعدد يأتي كحل لمشكلة كأن تكون الزوجة عقيم أو مريضة مرضمزمن أو ذكرت حالة كانت تحصل كثيرا مع الصحابة وهي الزواج بأرملة الصديقأو الأخ إكراما له
ما بعرف ليش مستعدة تحطي التعدد حل لك مشاكل الدنيا، بس ما ممكن أبداً يكون حل لمشلكة الرجال... ليش ما فيكن تقتنعو إنو الرجال عندو مشاكل والتعدد ممكن يكون حل لها... ليش إكرام الصديق ولا إكرام الزوج..

يعني كل المشاركات التي تدعو للتعدد أصحابها يريدون إقرار الجميع بمسألةالتعدد وكأنها هي الأصل ويريدون من الزوجة أن تقول لزوجها "تقبر عيونيشايفتلك أمورة صغيرة وبكرة إن شاء الله رح روح أخطبلك ياها" آآآآآآآآآآآآآآ لا وألف لا هذا الشيئ مرفوض ولم تفعله زوجات الرسول عليهالصلاة والسلام وبالتالي لن نفعله نحن كذلك ولا تحملونا ما لا طاقة لنا به
معليش ما حدا قال إنو التعدد هو الأصل... ولا التفريد هو الأصل... إنما كل شخص نحكم عليه بحالته الخاصة... في ناس لازم يعددو وفي ناس معليش إذا عددو وفي ناس ما في داعي يعددو... وفي ناس اختارو بأنفسهم إنن يصيرو عانس... بقصد الرجال مش النسوان... وشافو إنو هادى الشيء المناسب... ما في أسهل منا، كل واحد إلو حكمو ورأيو... وفي حال كان لازم يصير التعدد، أكيد مش المرة رح تروح تخطبلو الأمورة الفرفورة الصغرورة... أكيد لازم يحسب لمرتو مائة حساب.. ويحاول قدر الامكان إنو ما يجرحلا غيرتها... معليش ما عطول تحطونا إنا أشرار، ومنحب نشوفكن عم تتعذبو.. أو إنو نجيب العروس الجديدة، ونوقفها جنبنا ونقول للقديمة : دوووووووووووووووووع.. يوع يوع يوع.. هادي احلى منك.. ويز ويز ويز......
ما حدا قال هيك.. يا أختي طلعي من الأفلام.. نحنا عم نحكي عن ناس فاهمين وواعيين وعن حالات حقيقية.. مش عم نحكي عن ناس عم يلعبو وكل يوم بغيرو زوجة.... هادى أكيد نحنا ما منوافق عليه... صحيح إنو أمر حلال.. وما فينا نمنعو.. بس عملو مش رح يكون مقبول....
والله أعلم وأحكم..
التعدد حلال، ونلجأ إليه عند الأسباب التي تدعو إليه.. وليس لعبة.. ولا حرؤصة للمرأة الأولى.. التعدد حل لبعض مشاكل الزوج أو المرأة... وفي حال حصل يجب على الرجل أن يزيد حرصه بنسبة ألف بالمئة حتى يحاول الوفاق... وأكيد مش ناطرين بإنو الزوجة الاولى والثانية يقعدو يلعبو شدة.. مع إنو ممكن تصير.. ولكن بنسبة 0.000001% ومش عيب إذا كانوا النسوان متفقين...

لك يا عمي انتو ما عندكون شغل بهالدني الا الزواج؟!!!!! لك كل واحد يروح عبيتو يلا وحاج تعملولنا عجئة بالحارة تحت الشباك!! لك بدي نام!!! يلا فرقونا بريحة طيبة كل واحد لعند مرتو يلا !!:d واذا شي واحد ما عندو مراة يروح يلحقلو شي واحدة هلء وبعدين بيلحق التانية بس تموت اول واحدة!! او بس هو يموت منا فقع;) ..اهم شى ما حدا منكون يبقى هون عم يبربر تحت شباكى..تعبان وراجع من الشغل هلكان..يرضى عليكون لا تخلونى استعمل معكون اسلوب تاني ها!!! يعني سطل المي جنبي مطفحو عالشفة انا وناطر ما بدو غير اطرشكون فيه..يعنى بالرواء أحسنلى واحسلكون.. خلاص ام سفيان تكرم عينك قصتون عندى ولا يهمك ..ما رح خلي حدا منون ياخود واحدة تانية وعيونى مفتحة:d فيكى تخبري جمعية النسوان وتريحلون بالون:d زفيلون هالخبرية الحلوة وخودى البشارة..قوليلون المهند عطانى وعد ما يخلي حدا منون يتعدد ولا يتمسير..ويمكن كمان في بعض منون ما يخليه مزوج كمان :d سلام:)

أشكر الأخ المهند على رده الطريف فاهم القصة عالمظبوط
أكرر أن ما قلته كان وجهة نظري ولست نوال السعداوي أكتب المقالات لتحرير المرأة من عبودية التعدد
أنا بدأت الموضوع بزواج المسيار وكالعادة استطاع أخي الشامي تحويره للتعدد ما شاء الله عندو موهبة كبيرة بنكون عم نحكي بالبطيخ والبيتنجان منصير بالتعدد
وهو يذكرني بالألباني رحمه الله كان يفتي بعدم وجوب غطاء الوجه وكانت زوجته وبناته يغطين وجوههن والأخ الشامي صحيح أنه يحب النقاش في موضوع التعدد ولكنه أبعد ما يكون عنه وآخر واحد يفكر فيه وزوجته شايفها بالدنيا وما فيها ولا يقدر على زعلها ولكنه يحب المواضيع الساخنة حتى يتحرك شوي المنتدى موهيك خيي الشامي
وقبل ما أختم كلامي أقول للأخ فشلان أن المرأة لو رضت بزواج زوجها عن طيب خاطر وبدون أي تكدير أو زعل فهذا أكبر دليل أنها لا تحبه وتريد أن ترتاح منه بأي وسيلة
وفي الختام أهدي هذه القصيدة لجميع من شارك ومن يتابعنا في بلدتنا الحبيبة وبلاد الغربة ومبروك مقدما لجميع الراغبين في التعدد عدا أخي الشامي:)
وهذا رابط القصيدة والأفضل سماعها لأن الأبيات المكتوبة فيها الكثير من الأخطاء
http://www.nqeia.com/vb/showthread.php?t=44302

السلام عليكم ...

بتعرف يا مهند يعني ذكرتني بأيام كنا نلعب بالحارات ويكحشونا من محل لمحل، ويكون سطل المويه هو الحل الأخير اللي بدونو ما نهاجر لمحل تاني ... هههههههههه

أضحك الله سنك والله ...

أختي أم سفيان الله يبارك فيكي على هالموضوع ، الصراحة شيق وعمل شوية حركة بالمنتدى .. بتصور صار وقت فكرة تكون أعقد من هذه :)... فنحن بانتظارك...

أما ما قلتيه عن زوجتي فدعستي بنصها والله... ههههه
بس ليش باركتي للكل إلا أنا ... همممم

مش المهم يعدد ماديا، ولكن رأس التعدد أن تكون له زوجته كما يريدها ، فإن كانت كذلك فلن يفكر الرجل بالتعدد، فهي الزوجة التي تحرص على زوجها وتعمل بقول الرسول الكريم (إذا نظر إليها سرته ....) وهي الأم الفاضلة والأخت والصديقة والرفيقة والعشيقة وهلم جرااااااا... ألا ترين أن ذلك يفوق العدد 4 ؟؟ :) ، تكرم عينك يا فشلان هيك صار فيك تعددددددد بس مع نفس الواحدة ...يعني يس 10 بواحد...

ومنشان ما يزعلو النسوان وعلى راسهم أم سفيان، الزوج كمان لازم يكون فارس الأحلام(انتبه يا فشلان) والأخ والأم (عفوا قصدي الأب ) والصديق والزوج ووووووووووووووووووووووووووووو...

يعني بتصور هيك توصلنا لحكومة وحدة زوجية تؤمن بالتعدد مع الزوجة الواحدة والمسيار أيضا (واسألو مجرب فأنا أسييييييييييييييييير حتى أصل ... ) ..


وإلى أن يحين موعد التعدد، أطلب من الرجال أن يرصوا الصفوف ويجهزوا حالهم للجولات المقبلة ...

أخوكم:rolleyes:

ولله يا خي لم افهم عليك شي شو صابك عم تلخبط بالكلام :)
الواضح ان المعلم اخذ خبر :)

ولك أهلا بالصعب... انت اللي لازم تفهم ولو :)...

أخوكم:rolleyes:

السلام عليكم ، قبل ما اكتب الرد بدي استأذن من أخونا مهند عشان ما يطرشنا سطل موي ، يا خيي بتنزعلهم السيرفر كلوا ..............................
أم سفبان ، أنا لم أقل أن مشاركاتك كان تشريع ، ولكني أعتقد أن رأييك كان مخالف لمفهوم الشريعة ، يعني نحنا مبسوطين انو عنا ناس متلكم لحتا يرفعوا أقلامهم بوجه دعاة التحرر يلي بيحكوا هل الكلام ، مش يجوا معهم .

الأصل هو الزواج بامرأة واحدة والدليل على ذلك أن الله خلق آدم عليه السلام وخلق له حواء فقط كزوجة
أنا متفق معك على هذا الكلام .

معظم حالات التعدد اليوم نابعة من أنانية عند الزوج يعني متل ما بيقولوا بالمثل بدو يغير عضرسو يعني الواحد منكم لم ير أي بأس من تنازل المرأة عن بعض حقوقها لكن في المقابل هو يريد حقوقه كاملة وزيادة حبة سكر نبات
كلا يا أختي القصة ليست كذلك ، فالتعدد وخاصة في هذه الأيام مش أكلة حلاوة ، يعني يلي بدو يروح عن حالوا يغير على ضرصوا -بفتح الصاد مع الاعتزاز باللهجة القلمونية- ما بيتزوز على مرتو لأن بهذه لأيام ما بتجيب الا وجع الراس ، وحكي العالم ، يعني كل الناس بصيروا بيحكوا علي وأولهم الدينين ، للأسف .
ومن ثم فيما يخص الرجل القصة مش قصة حق أو غير حق ، القصة انو الزلمة أحيان بكون محتاج أكثر من واحدة ، يعني في خطر عليه من الحرام ، طيب شو بيعمل هذا ؟ يعني الرجال مش على زرار ، لكي يتمكن من برمجة حاجاته ، ما في ادامو حل غير انو يتزوج أخرى ، ولو في حل أنسب كان ربنا عز وجل قلنا عليه .

وقلت سابقا أن التعدد يأتي كحل لمشكلة كأن تكون الزوجة عقيم أو مريضة مرض مزمن أو ذكرت حالة كانت تحصل كثيرا مع الصحابة وهي الزواج بأرملة الصديق أو الأخ إكراما له وهذه كلها يا أخ فشلان لا تستدعي أن تكون الزوجة الثانية قبيحة أو كبيرة في السن فعندما يتزوج أرملة صديقة قد تكون ما زالت شابة وقد تكون ملكة جمال وكذلك عندما يتزوج زوجة ثانية لينجب منها أطفالا فبالتالي لن تكون قد بلغت سن اليأس وإلا كيف ستنجب له الأطفال وهكذا
يعني عم تخلطي كتيير يا أم سفيان ، من قال أن التعدد هو للحالات الذي ذكرت فقط ، بل يمكن لشخص أن تكون زوجته عقيما ولكنه يحبها وما في بعينو حدا ، فيكتفي بها ، ويمكن الزوجة تكون معبيتلوا البيت أولاد ، ولكنها لا تكفييه . يعني يا أم سفيان كتيير بسطي القصة وحصرتيها بحالات معينة ما أنزل الله بها من سلطان ، يعني لماذا تحصرين التعدد في هذه الحالات ، يعني الحالة الأهم لم تتعرضي لها وهي عدم الاكتفاء بواحدة ، ولكنك الله يسامحك عم تجعلي هل الحالة متل كأنها نزوة وطيشنة رجالية ........
أنا متفق معك على أن التعدد هو حالة خاصة ، ولكن ليست هذه هي الحالات فقط ، كما أنه يجوز للرجل أن يتزوج من جديد حتى ولو لم يكن محتاج لأخرى ، ولكن هذا أنا لا أستحسنه ولا أحبذه ، ومع ذلك لا أتكلم على من يفعل هذا الأمر ولأ أحارب هذا الفعل لأنه ضمن حدود الحلال .

وعندما طرحت مسألة زواج المسيار طرحتها في حالة استقرار الزواج الأول كي يعف امرأة عانس وهذا سبب نبيل ربما أتقبله أنا بينما لا تتقبل امرأة أخرى أن يتزوج زوجها بالعانس وليس بالضروري أن تكون العانس غير جميلة فهناك من العوانس من هن أجمل بكنير من أخريات متزوجات ولكن ضروري أن تكون كبيرة في السن وإلا لماذا سميت عانسا
يعني الفكرة أنا أؤيدك فيها يا أم سفيان ، ولكن لا يجب أن تعيبي على من يفعل ذلك طالما أنه لم يتجاوز حدود الحلال ، واذا كنت تعتبرين أن هذا النوع من الزواج حلال عليك أن تتقبلي رأيي من يقول بحليته أنت والأخت ناديين ، يعني يا أخت ناديين رأيي واحد ما بيحسم المسألة ، وبيسمحلنا انا نعملها قضيتنا ، لأن في كتير قضايا متفق على تحريمها وأنها من الكبائر ولكن الناس عم تعملها ، يعني ما تضيعوا وقتكم بهل الشغلات .

يعني كل المشاركات التي تدعو للتعدد أصحابها يريدون إقرار الجميع بمسألة التعدد وكأنها هي الأصل ويريدون من الزوجة أن تقول لزوجها "تقبر عيوني شايفتلك أمورة صغيرة وبكرة إن شاء الله رح روح أخطبلك ياها" آآآآآآآآآآآآآآ لا وألف لا هذا الشيئ مرفوض ولم تفعله زوجات الرسول عليه الصلاة والسلام وبالتالي لن نفعله نحن كذلك ولا تحملونا ما لا طاقة لنا به

يا أختي أنا لا أدعوا للتعدد ، ولكن أدعو لتقبله ، يعني يلي بدو يعدد يعدد ويلي ما بدو ما يعدد ، يعني أنا ما رح أعملها قضيتي واجي حكي البنات عن أن التعدد هو ظلم لهن وشارطوا على الرجال بالعقد من البداية و ............. لأن القضية تبقى حلال ، ولا أسمح لنفسي بالتحدث عن أمر أحله الله ، كما أني لا أريد من الزوجة أن تقول لزوجها كما قلتي ( "تقبر عيوني شايفتلك أمورة صغيرة وبكرة إن شاء الله رح روح أخطبلك ياها" ) لأن الزوجة أكيد عندها غيرة و ..... ولكن عليها أن تعلم أن زوجها اذا فعل ذلك ليس لكرهها ، أو رغبته في التجديد فقط ، ولكن لشهوة الرجل الزائدة ، وهذا أمر على الزوجة الأولى أن تتفهمه ، وأن تعي أن زوجها ليس قادرا على التحكم بحاجاته ومتطلباته بل هو انسان يجوع ويأكل ويتزوج ........ ،
وصحيح أن زوجات الرسول صلى الله عليهم وسلّم ، لم يفعلن هذا ، ولكن لم يتهجمن على شخصه ويقولون ، أنه أناني أو يريد اشباع نزواته ، أو يغير على ضرصو ، كما يحصل اليوم ........ يعني هي ما تطلبها ، فهي ليست مسؤولة عنه ، ولكن ما تعجقها وتفهم زوجها شوية


أخي فشلان ، الله يحي أصلك ، هيأتك صرت من فرقتنا ....................

ولماذا كل هذه الــــــلا ، يعني طالعة معك متل جنبلاط .

إن شاء الله ستكون مشاركتي هذه آخر مشاركة في هذا الموضوع حتى يتسنى لي المشاركة في مواضيع أخرى
أخي وسيم نحن هنا نتحاور في موضوع التعدد وفرق كبير بين بث وترويج الأفكار وبين الأخذ والعطا في موضوع ما
ما معنى هذا الكلام
قلت يعني نحنا مبسوطين انو عنا ناس متلكم لحتا يرفعوا أقلامهم بوجه دعاة التحرر يلي بيحكوا هل الكلام ، مش يجوا معهم .
يعني عحسب كلامك أنا مع مروجي دعاة التحرير أو أني موافقة لهم فيما يقولون عن مسألة التعدد
أنا عندما تكلمت عن موضوع الأنانية كان ذلك ردة فعل لما كتب من قبل الرجال
كلكم اتفقتم على أن المرأة لها أن تتنازل عن بعض حقوقها وهذا أمر مشروع لا غبار عليه ولكن لم تتوقفوا عند ذلك بل قلتم أن المرأة التي تتنازل عن بعض حقوقها يعني أنها تحب زوجها وفي المقابل الرجل إذا لم يأخذ حقوقه كاملة فلم لا يتزوج من امرأة ثانية يعني ألا ينبع عن هذا التفكير أنانية وأكرر كلمة التفكير فأنا لم أقل أن كل رجل يتزوج بامرأة ثانية أنه أناني ولكن أن أرضى لغيري التنازل ولا أرضاه لنفسي هنا تكمن الأنانية يعني مثل المثل "من بعد حماري ما ينبت حشيش"
وعندما أوردت الأمثال السابقة أنا لم أحصر التعدد على هذه الأمثال إنما قلت "كأن تكون ..." وهذا يدل على وجود أمثال أخرى لا يمكن حصرها
و من أحتج بشرعية الزواج بالثانية لإعفاف النفس يا إخوة عندما نريد التحدث في أمر ما الصحيح أن نتكلم في الحالة العادية ومن ثم نتطرأ للإستثناء أم أن جميع الرجال اليوم في قوة سليمان الواحد يصل اليوم لسن الثلاثين وهو لم يتزوج بالأولى وصابر ومحتسب فعندما يتزوج بالأولى لا يستطيع الصبر إذا كان هناك بعض التقصير شو هالكلام الي بيظنطر هاد
وأخيرا أقول أن المعددين اليوم هم من شوهوا صورة التعدد ولو كانوا عادلين لما وصلنا لما وصلنا إليه فيا أخي وسيم ما رأيك أن تحيي سنة حسنة وتتزوج اثنتين وعندما يرى أهل القلمون إنصافك لزوجاتك وعدلك بينهن يسيروا على خطاك "من جد عم إحكي"

السلام عليكم ورحمة الله...
يا ست أم سفيان.. كلامك في كتير من الصحة... من ناحية إنو الواقع إنو الواحد عم يتزوج بعد سن التلاتين... وهادى كلو بسبب الحالة المادية... بس ما بتصور إنو رح تسكتو أبداً إذا واحد ميسور تزوج أكثر من واحدة.. لأنو حاسس نفسو بحاجة لهالشيء... يا أختي إنت بنت.. ونحنا شباب... أنا أد ما كون بعرف، ما فيني أعرف حقيقة شعوركن... وبالتالي أد ما كنت بتعرفي ما رح تعرفي حقيقة شعور الرجال... إنتو البنات.. فيكن تصبرو على بعد الزوج سنة في الغربة... وما عندكن مشكلة.. أكتر الشي بتحنو من الناحية العاطفية.. لا غير... بس الشغلات التانية يلي الرجال بكون محروق منا.. ما بتخطر على بالكن.... بس خلي يكون متزوج بالغربة... آ والله يوم واحد ما رح تنطرو.. معليش.. ما في داعي تجاوبيني لأنو شو ما جاوبتي ما رح اقنع معك..
بعدان أنا بدي اسألك سؤال صريح جداً: أنا وماشي بالطريق واحدة وقفتني وأنا متزوج (يا ريت:d ) وقفتني الست وقالتي: أنا بدي اياك تتزوجني وأنا مستعدة أمن البيت، والنفقة.. وكل شي... بس إنت تزوجني...) وأنا حاسس إنو مرتي ما عم تكفيني.. يعني صحيح عم تسترني.. بس مش على الاخير... يعني إذا تزوجت التانية رح ارتاح نفسياً و غير نفسياً... ورح عف أكتر ماني عفيف... وبدل ما كون كل أسبوع حس بأحاسيس غلط، بصير مع اثنين بحس هالإحساس كل سنة.... بس شو بتقولو عني يا معشر النساء إذا تزوجتا.... مش رح تقولو يا عيب الشوم عليه.. مرتو مثل القمر... وهو عينو لبرا...
نحنا عم نحكي عن واقع... لما زوجك رح يفكر يتزوج عليكي... هالمثل والأخلاق والمكارم التي ذكرتيها رح تطير.. لأنو صار الموضوع عليكي.... وهادى شي طبيعي... مش عم عيبك فيه.. لأنك إنت بنت، وبتغاري.. وبتحبي إنو زوجك يكون لكي وحدك وحدك... وبعدكن بتتهمونا بالأنانية.. مع إنو إنتو بالحقيقة الأنانيين.. وبدكن الرجال لكن وبس... وبرجع بقول: الرجال يعيش 10 سنين بالغربة بتصبرو إذا مش متزوج.. بس إذا تزوج.. يوم واحد ما بيعاود فيكن تتحملو... صح ولا لأ..؟؟؟؟؟؟؟

معليش ردي عليي يا ست أم سفيان.. ورجعي حردي عن الموضوع..

ولله يا خي فشلان انت الان بلبنان او في بلد غربتك :) ؟
ليش يا اخي حكيك تغير كتير يعني من اول مشاركة لك حتى الان اصبح كلامك سخن كتير لا اعلم سبب انقلاب اسلوبك ،عايش الهم او احدهم لعبلك بتفكيرك :) ؟ ولله اياك تتعرف بالشامي اصحا بالك :) ساعتها مشكلة ... اخي احببت ان امازحك قليلا الاني احسست منك هما ً .....

والله يا قاسي.. لا بقى عم نعرف لبنان من بلاد الغربة...
ترى الواحد لما بكون بالمكان المراد.. وما عم يوصل للمراد.. أكيد فيك تقول إنو بالغربة....
والغريب برأيي لما الواحد بكون بعيد عن مرادو... سواء بالبلد يلي ولد فيه أو بغير مكان... والمقيم هو اللي وصل لمرادو... وأنا الحقيقة، ما وصلت لسا لمرادي... والشباب قطعوها بوشي.. ويأسوني من حالي... كنت عم فكر اطرح الفكرة على البابا من ناحية الخطبة... هلأ شلتها من راسي... من بس السبب هو الموقع.. بس كمان كل رفقاتي هون حتى ميأسيني.. ومفرجيني إنو الموضوع كتير صعب إنو يصير.. وإنو أهل البنت مش رح يقبلو فيني.... الله وكيلك ما لقيت غير مشاركاتك السابقة فيها بصيص أمل....
بس يالله... خليها على الله...
وأما بالنسبة لمشاركاتي هون فأنا بكره كتير إنو الواحد يحكي حكي مش قانع فيه.. أو مش رح يطبقو... أنا ما بقتنع أبدا إنو الست أم سفيان... إذا كانت متزوجة.. الله أعلم.. ممكن ترضى إنو زوجها يتزوج عليها ولو كان بأرملة صديقو... يلي زعلانة عليها... وما بتصور إنو في مرة ما عندها أنانية بزوجها.. لأنو بالفعل... اديش في رجال بعاد عن نسوانن ببلاد الغربة... ما في واحدة منن شكيت أكتر من إنو مشتاقتلو حبيبي... بس بتبقى بعيدة عنو ستمية سنة... أما لو كان متزوج ببلاد الغربة.. كانت تاني يوم سافرت لعندو....
ولا شايف شي تاني إنت؟؟؟؟
خليك معنا.... بصفنا يعني.. مع إنو نحنا مش بجبهة.. بس يعني...
هههه
هلأ.. كنت عم راجع مشاركاتك.. حاسس عليك.. إنك حابب تعرف مين أنا...
بس يالله خليها للزمن....

سؤال جميل يا أخ فشلان
قال الله تعالى "الرجال قوامون على النساء بما فضل الله بعضهم على بعض (وبما أنفقوا من أموالهم)"
وقال تعالى "للفقراء الذين أحصروا في سبيل الله لا يستطيعون ضربا في الأرض يحسبهم الجاهلون أغنياء"أغنياء من ماذا من "التعفف"
فالرجل الشهم برأيي لا يرضى للمرأة أن تصرف على نفسها ولو عرضت عليه ذلك
أما مسالة تقبل زوجته فسأعطيك سيناريوهين
السيناريو الأول الزوجة جالسة في البيت ويلها بدها تحفض الولد الصغير وويلها تشرح مسألة الرياضيات لإبنها الأكبر وويلها حاطة الأكلات على النار خايفة ما يحترقوا ويأتيها زوجها ويقول لها فتحوا ملاهي جديدة بالمينة بدي روح أنا وكم رفيق هلأ نجربهم شو بتقدر رح يكون ردها
والسيناريو الثاني زوجة معزومة عند رفيقتها أو رايحة تكزدر مع أختها ويقول لها زوجها رايح مع رفقاتي نشوف الملاهي اللي فاتحينا جديد ستقول له الله معك وإن شاء الله بتنبسط
وهكذا الأمر بالنسبة للتعدد عندما يكون الرجل مدلع المرأة ومعطيها كل حقوقها سيكون تقبلها أكبر ممن أهملها زوجها ويريد الزواج بأخرى ومع ذلك إحتمال كبير أنها لن توافق ولكن إذا أصر الرجل وتزوج ولم يرضخ لمحاولات الزوجة الأولى وبقي على إحسانه لها فأظنها إذا كانت تحبه سترضح للأمر الواقع وتتعود على حياتها الجديدة
ولها أيضا طلب الطلاق وهذا حقها فالله الذي أحل التعدد أحل للمرأة طلب الطلاق إذا لم لم تطق رؤيته مع امرأة أخرى وأرجو من المشايخ المتواجدين في الموقع أن يصححوا لي إذا كنت قد قلت أمرا مخالفا للشرع
أما يا أخ فشلان إذا كنت سأتقبل أن يتزوج زوجي بأرملة أم لا وأنا أوردت هذا المثل وليس بالضروري أن أطبقه فكما تعلم الكلام هين ولكن التطبيق صعب ويمكن الأمر يكون أهون إذا كانت هذه الأرملة صديقة لي وأحبها كثيرا ربما أوافق لحبي لها أما إذا كانت كما يقولون حية من تحت التبن فأكيد لن أفكر في الأمر

Salam
Omm Sofiyan Said
ربما أوافق لحبي لها أما إذا كانت كما يقولون حية من تحت التبن فأكيد لن أفكر في الأمر

By The way when someone tell you that your wife Is a "7ayya" in arabic (Raji3 Al Mo3jam) it means that she is so wise (7akimah) and so clever

Salam

أعجبني جوابك يا أم سفيان... أنا لم يكن هدفي أبداً أن أربح أو أخسر... إنما هدفي أن نصل في نقاشنا للواقع... ونخرج من الكلام المعسول والأخلاق الزائدة....
وقد أحسست ذلك منك في آخر مشاركة.. وبالتالي أنا أعتبر نفسي خرجت من الموضوع رابحاً...
لقد وصلنا إلى نقاط مشتركة جداً في الحديث...
كل حالة لها حكمها الخاص
مهما كانت الحالة خاصة فلن نصل إلى أن المرأة لن تغار... فهذه فطرة...
طريقة اختيار الرجل للمرأة الثانية.. لها تأثير كبير على ردة فعل الأولى...
الوضع الداخلي بين الرجل والمرأة له أيضاً تأثير كبير على ردة فعل الأولى..

ولكن ما نريده هو أن لا يحكم مباشرة على الرجل المعدد على أنه واطي... ولاحق نسوان... وخلص من دون ما ننظر إلى حالته وحالة زوجته الأولى...

أما من ناحية شهامة الرجل لأنه رضي بامرأة تصرف عليه... فأنا معك من ناحية أنه سيحس بنقص ونوع من الإهانة الداخلية... وهو الوضع في زواج المسيار... ولكن لا يعتبر ذلك مانعاً للزواج... إنما سيكون فقط باباً للمرأة الأولى لتعيره به وتنغص عليه عيشته... إذا بقينا في الواقع....
أنا من ناحيتي بعتقد إنو الموضوع أخذ أكثر من اللازم... وصار لازم تطلعيلنا بفكرة جديدة حامية مثل هادي.. لأنو الظاهر عندك أفكار مثيرة للنقاش الحاد والحامي... فناطرين منك موضوع جديد...
وإن شاء الله تكوني ما زعلتي منا نحنا الرجال... فما كان يحدث هو عبارة عن شد اللحاف... كل واحد بشدو صوبو...
ناطرين موضوع جديد...:d

خي فشلان هذه الابتسامة لك :) ،
اخي انا عم يعجبني تحليلك للكلام ولكن ما فيني كون معكم يعني خصوصا بهذا الموضوع يمكن لاني لم اتفقه بالدنيا بعد ، ولكن انا الاحظ منك تفقه عميق ، هل اللذي تقوله عن نفسك صحيح ام وميض وخيال ، يعني خي عفوا على هذا الاستفسار ، وانت غير مجبر ......

يا قاسي لا تقسى عليي.. أنا لو متفقه بالدنيا... كان رأيي غير هيك كتير وكنت وقفت مع الست أم سفيان من الأول.. لأنو مثل ما بقولو المتزوجين.. يلي بيعلق أول مرة.. ما بيعيدها تاني مرة...
ما سمعت شو كان تعليق الدكتور وسيم فلو؟؟؟

ولله سمعتو وانا محتار اين انت الان :)

أنا هون، إنت وين بس؟ الظاهر راسنا راكب كتير على بعضنا.. ولازم نتعرف مظبوط... شو رأيك؟؟

بسم الله و الحمد لله و الصلاة والسلام على رسول الله
أما بعد :

فبالرغم من أن الموضوع هو "زواج المسيار" و لكن قلب رأسا على عقب ليصبح عن التعدد و لكن لا بأس.

أقول و بالله أستعين :

أولا للأخ فشلان : الزواج بواحدة هو الأصل و كما أوردت الأخت الفاضلة أم سفيان أن آدم عليه السلام كان له زوجة واحدة و أولاده كذلك كان لكل ذكر بطن أنثى بطن أخر و تصور معي يا أخ فشلان لو أن أحد الذكور عدد في ذلك الوقت لبدأ التعنيس في الذكور مبكرا. و بالنسبة لشرع الرسول عليه الصلاة والسلام و شرع من قبله فالرسول لم يأت بالتعدد و لكن التعدد كان قبل مجيئه و لكنه جاء ليضع له حدا و هو الأربع.

ثانيا الأخ وسيم غنوم : بارك الله فيك أنك كنت تحسبني على خير و لن أخيب ظنك و لكن يا أخي شرع الله ليس مسرحا للتصويت و لكنه جملة أوامر و نواهي علينا الإذعان لها و لو لم تتقبلها نفوسنا في بعض الأحيان و أرجو منك و من الأخت أم سفيان أن لا تجعلوا لمسألة التعدد مؤيدين و معارضين فلا ينبغي أن يكون بين المؤمنين معارض له فهو شرع مثالي و جزء من دين كامل متكامل إرتضاه الله سبحانه و تعالى لنا فليس لنا أن نرفضه.
"و ما كان لمؤمن و لا مؤمنة إذا قضى الله و رسوله أمرا أن يكون لهم الخيرة من أمرهم. و من يعص الله و رسوله فقد ضل ضلالا مبينا"

و لا أظن أن الأخت أم سفيان و لا غيرها من نساء المسلمين ضد التعدد و لكن الوضع الأمثل لكل زوجة أن يكون زوجها لها وحدها.

فيا أخ وسيم أنا مع التعدد قلبا و قالبا و أتمنى أن أكون قادرا على أن أعدد حتى بأربع و لكن في الوقت نفسه أتمنى أن لا تدفعني الضرورة و لا تسوقني الحاجة إلية.

كلنا يعرف أن الوضع من سيئ إلى أسوأ فعدد النساء يتجاوز عدد الذكور (و لن أقول الرجال فالرجال شيئ و الذكور شيئ أخر. فالرجل هو الذي يسافر على رجلين و لا يخاف السباع و لا قطاع الطريق و ليس بالضرورة أن يكون ذكرا و كم من نساء فلسطين كن رجالأ) و العداد ماشي و سيأتي اليوم الذي يكون فيه عدد الذكور واحد على خمسين من عدد النساء و الله أعلم.

ملاحظة : هناك مثل متعارف عليه يقول : "Do not go for grocery shopping while you are hungry" لا تروح تتسوء غراض للطبخ إنت و جيعان لأنك بدك تشتري اللازم و المنو لازم و بس ترجع عالبيت و تاكلك شغلة رح تبلش تؤل ما كان لازم جيب هدي و ما كان لازم جيب هدي.

فيا أيها الأعزب أنت جائع فلأولى أن تأكل وجبة قبل أن تفكر في الوجبة التالية.

يا أخ و سيم لا تستعجل الأمور و لا تتبع نهج جدك "ألله يرحمو و يحسن إليه" في الإختصار و تصور القضية على أنها معمل صبيان في صيران الطويل و معمل بنات في المروش و كأن لا صلة أرحام و لا قرابة بينهم. فأنت الطارق للأبواب اليوم طالبا عروس سيطرق عليك الباب غدا لتعطي الطارق عروسا من عندك. "إن أحسنتم أحسنتم لأنفسكم و إن أسأتم فلها ..."
و إياك أن تكون من المطففين "الذين إذا إكتالوا على الناس يستوفون و إذا كالوهم أو وزنوهم يخسرون"

و ختاما : الموضوع أخذ أكثر مما كان يحتاج من الأخذ و الرد و كلنا متفقون على ضرورته و لكن نقاط الإختلاف هي كيفية تطبيقة.

مزح

* فالأمر لا يحتاج أكثر من دملوك مقتدر و يعدل بين الست حيص بيص و التانية.

* بما إنو الموضوع بلش بالمسيار و صار بالتعدد يمكن يجي وقت واحد يتزوج أربعة وكلن مسيار و هو يتفرغ للأركيلة.

اه انا كمان حابب اتعرف بس فزعان من الصدمة :) ههههههههههههه

السلام عليكم ..

الصراحة هذا هالفشلان ما يقدم على إنتخابات بالمنتدى بتصور بيطلع الأول بدون منازع ... يعني حاسك أنجح من كتييييييير زعماء ومشرفين بهالمنتدى (أمثالي يعني)، مش هيك خيي الصعب.. شو هالإسم يا رجل بيخللي الناجح يُحبط ويحس بالفشل...

ومنشان ما كون خرجت عن العنوان ويحذفلي المشرف مشاركتي، أدعوكم لقراءة المشاركات من أولها لآآآآآآآآآآآآآآآخرها...

أخوكم:rolleyes: