رد: هل الناس من خارج القلمون تستطيع أن تدخل الى المنتدى
ليست المشكلة أن يشاركوا أو لا ، لكن المشكلة أن لا يكون هناك عدد محدد للمشاركات اليومية .
الحل ربما يكمن في تحديد عدد المشاركات اليومية المسموحة .
رد: هل الناس من خارج القلمون تستطيع أن تدخل الى المنتدى
كل واحد عم يحكي بموضوع شكل. وموضوع الأخ نزيه نسيوه !
إذا كلام الأخ نادر رصاصة طائشة فكلام الأخ هشام يرتقي لمستوى النووي الطائش :)
والأخ ايمن عم يطبق خاص على عام.
رد: هل الناس من خارج القلمون تستطيع أن تدخل الى المنتدى
ليش مين الّك انو بالأوّل ما اعترضنا وءت كانت فلانة وفلانة يسفءوا باليوم 500 موضوع بالمنتدى العام؟؟
وكانو يلي عم يعملوا هيك من القلمون...
بالنسبة انو منتدى القلمون تابع لتيار فكري معين..!!...اي فكرة المنتدى عندها طابع اسلامي لأنو القائمين عليه يحملون هالفكر و هم من قام بتصميم الموقع و المنتدى. ولو كانوا الزعران مثلاً هنّ يلي صمموا الموقع رح يكون فاي ما يؤيد سياستهم و توجهاتهم.
بعدين شي مرّة شفت الادارة مثلاً حزفت شي موضوع لمعتوق او لفلان و علتان لما حكي عن القومية مثلاً..عن العلمانية ...
اغلب يلي بشاركوا عندهم توجه اسلامي ..ولذلك كانوا يناقشوا الأفكار من منظورهم الفكري يلي ماشيين فيه.
فإذا كان كلامي رصاصة طائشة.انت كلامك صاروخ نووي طائش.
ولو اصلاً المنتدى اخد المنحى المرسوم له...ما في داعي الغريب يفوت يؤرا لأنو ما رح يهمو الأمر.
وانا برجع بأكد اني ضد الغير قلموني يفوت..لأنو متل ما قال الاخ نزيه. ما في داعي ننشر غسيلنا ادام العالم.
يعني بس بضربلك مثل: بالاول لما طرحو ؤصة فيديوهات عالبلوتوث بالضيعة.....تخيل انو الخبر كان واصل عبيروت !!!.
فتأمل يرعاك الله.
رد: هل الناس من خارج القلمون تستطيع أن تدخل الى المنتدى
لماذا أطبق خاص على عام ؟؟؟؟
لم أفهم .
الفكرة أنه ليس من المعقول أن ترى أن إحدى الساحات الجديدة أصبحت تعج بالمشاركات التي تفوق بعض الساحات التي هي أقدم منها .
المنتدى عام وليس خاص بمواضيع معينة ، لذلك اقترحت أن يكون هناك تحديد لعدد المشاركات اليومية لمن يكتب فوق 40 مشاركة .
رد: هل الناس من خارج القلمون تستطيع أن تدخل الى المنتدى
اقتباس:
المشاركة الأصلية كتبت بواسطة أيمن غنوم
ليست المشكلة أن يشاركوا أو لا ، لكن المشكلة أن لا يكون هناك عدد محدد للمشاركات اليومية .
الحل ربما يكمن في تحديد عدد المشاركات اليومية المسموحة .
متل ما قلك زاهر انت عم تطبق نظرية خاص على عام.
مشكلتنا ليست ساحة الأنساب!!!..
بالعكس ما في احلى منها ازا كانت تهتم ببحث الجذور القلمونية البحتة.(ولا مانع من مساعدة ناس من خارج البلدة اذا استدعى الأمر, يعني الضرورة القصوى).
مشكلتنا انو قد يأتي يوم على المنتدى ننسى انّه للقلمون.........!!!!!!!
يا عمّي ليش عم نوجّع راسنا.
تفضّل يا زيد حكينا كيف وليش فكّرت تعمل المنتدى؟
رد: هل الناس من خارج القلمون تستطيع أن تدخل الى المنتدى
اقتباس:
المشاركة الأصلية كتبت بواسطة nader 3:16
بالعكس ما في احلى منها ازا كانت تهتم ببحث الجذور القلمونية البحتة.(ولا مانع من مساعدة ناس من خارج البلدة اذا استدعى الأمر, يعني الضرورة القصوى).
بيت الفلو وين بيطلعو يا نادر ؟ و زاهر كمان ؟ ...
رد: هل الناس من خارج القلمون تستطيع أن تدخل الى المنتدى
من قال أن مشكلتنا هي ساحة الأنساب ؟؟؟
لم أقل ذلك ، بالعكس حلوة الأنساب بس متل ما بأولوا ، دلك كول قشطة بتئرفا .
ما اقترحته هو تنظيم الساحة وليس الغاءها .
رد: هل الناس من خارج القلمون تستطيع أن تدخل الى المنتدى
السلام عليكم انا بعتقد انو الموضوع موجه الى اناس محدودين انو المنتدى الو اكثر من شي عشر سنوات والان افتكرتو تطرحو هالموضوع او انو الاخ ايمن الو شي سنه او كثر امسجل بالمنتدى هل الناس من خارج القلمون تستطيع أن تدخل الى المنتدى, هذا السؤال لطالما أحببت ان أطرحه ولكن لضيق الوقت, لم استطع. الان وجدت الوقت لطرح الموضوع
رد: هل الناس من خارج القلمون تستطيع أن تدخل الى المنتدى
السلام عليكم ... كيفكم يا جماعة :)
أول ما أثار استغرابي موقف أخونا هشام المتهم (وباستمرار) لإدارة المنتدى بالتحيز و(الإلتزام) وبعد شوية منصير (ظلاميين متل أهل غزة :) ) وليس لدي رد سوى أن أطلب مراجعة مواضيع ومشاركات المنتدى بتنوعها ليعلم الجميع أن هذا المنتدى هو لكل أهل القرية بكل أطيافها وألوانها مهما اختلفت مشاربهم وتوجهاتهم ما دام النقاش ضمن الأدب والإحترام ... فخدنا بحنانك خيي هشام (قولة الريس خداج)
والمنتدى مفتوح ونحن نشجع من يخالفنا الرأي قبل من يوافقنا ليشارك ويعبر عن رأيه وصدرنا أوسع مما تتخيل ولنا في رسول الله أسوة حسنة ( وكلنا بالنهاية أبناء دين واحد وثقافة واحدة ) ولا نرضى أن يصبح الإلتزام تهمة تُرفع في وجهنا بل هو نعمة نشكر الله عليها ..
أما فيما يخص الموضوع الأصلي ، فرأي واضح أن أيا كان مرحب به في هذا الموقع وهذا المنتدى ما دام ملتزما بشروطه ... والحل برأي هو بتحديد المشاركات (والمشكلة الحاصلة في ساحة الأنساب حلها بضبط المواضيع وتحديد كميتها ليتمكن الأعضاء المهتمين من متابعتها وليس بإغلاق هذه الساحة أو أي من فروعها ، وأشكر هنا الجهد الذي يبذله أخونا فؤاد لإغنائها)... والأمر الآن بين يدي الإدارة تدرسه لتأخذ فيه ما تراه مناسبا بعد الإستخارة والإستشارة...
هذه هي وجهة نظري في الموضوع ، والأمر يجب أن يبقى ضمن حجمه الطبيعي، ولكل مشكلة حل ، ما دام همنا جميعا أن نرقى بموقعنا ومنتدانا وما يحتويه...
أخوكم:rolleyes:
رد: هل الناس من خارج القلمون تستطيع أن تدخل الى المنتدى
اقتباس:
المشاركة الأصلية كتبت بواسطة الشامي
السلام عليكم ... كيفكم يا جماعة :)
أخوكم:rolleyes:
عراسي يا أخ شامي
رد: هل الناس من خارج القلمون تستطيع أن تدخل الى المنتدى
والله وجعني راسي لما قريت الموضوع والردود يعني ما غلطت لما سميت حالي غريبة!!مع انو نصي قلموني وفي كتير من الاعضاء بيقربوني!!
يعني اوقات بنقول من باب المزاح انو في بالقلمون عنصريه ولكن ان يطرح الموضوع بهذه الطريقه ونسمع متل هكذا كلام في بعض الردود انه حقا لشيئ محزن!!
بدي قول انو كل حدا بيفتح الموقع معناها بيعنيلو وانا لو ما بيعنيلي الموقع ما بسل فيه اصلا النت مليااااااااااااااااااان مواقع وفيه اجمل المواقع والمواضيع ولكن هالموقع من ريحه الحبيبة الوالدة وين الغلط اذا سجلت فيه!!!
يعني بكندا عم يستقبلوكون ويعطوكون جنسيااااااااااات طيب يعني لو اجا لعندكون حدا بتدبحووو عن الباب يعني؟
رد: هل الناس من خارج القلمون تستطيع أن تدخل الى المنتدى
رد: هل الناس من خارج القلمون تستطيع أن تدخل الى المنتدى
للنكتة فقط ...
محسوبكم هون في بدمو من ميلة والدتو شوية من ددة شوية من النخلة شوية من طرابلس ولسا في شوية ما وصلتلها اسا وما عرفت من وين !
رد: هل الناس من خارج القلمون تستطيع أن تدخل الى المنتدى
في شغلة مهمة محدا حكي عنها و هي تعريف القلموني :
- هل الشغلة بالدم يعني انو يكون اهلو (او بس الاب متل بالجنسية عنّا) قلموني
- او يلي خلق بالقلمون و بيحس حالو مفي يعيش براتها
- او يلي بيحكي اللهجة القلمونية و مبيتخلها عنها
- او كل هادي الصفات مجتمعة
و اذا كان في مشكلة بمشاركة اللاقلموني ( لانو الغريب بتدل على البعد, اما اللاقلموني فمبعتقد ) بالمنتدى فلازم تكون بالمواضيع يلي مبتعني اهل القلمون, يعني المواضيع اللاقلمونية و منو الاشخاص.
بالنهاية في مشكلة (انا بشوفها هيك) بالمجتمع القلموني انو مجتمع منغلق و بيفتخر بهادا الشي. مع انو الاصل بالعالم التعارف و التواصل. و لمن بيعيش الواحد فترة برات القلمون بيعرف سلبيات هالافكار.
مشكلة انو تكون غلط, بس المشكلة الاكبر انو تكون غلط و تفكر حالك صح.
رد: هل الناس من خارج القلمون تستطيع أن تدخل الى المنتدى
السلام عليكم.
ما بعرف ليش في ناس حابة تتزاكى...ليك وانا جد خال عمي منو من القلمون و مدري ايش!!....
وما بعرف كمانا ليش في ناس معتبرين انو نحنا عم نناقش انو وين المشكلة ازا الغير قلموني فات شارك..
نحن مشكلتنا انو الاخوة عملوا منتدى خاص للقلامنة!!....وما في داعي الغير قلموني يفوت يشارك ولو بغير المواضيع الخاصة بالقلمون....
تخيلوا انو فتحنا منتدى خاص بالأطباء..وضمن المنتدى فتحنا ساحة اسلامية او ساحة عامة..هل بصير مين ما كان يفوت يشارك!!...خلص المندى خاص للأطباء ليش تيفوت غيرون؟
ونفس الشي الؤصة هوماي...الغير قلموني شو هدفو من الفوتة عالمنتدى؟
-المواضيع القلمونية لا تعنيه
-المواضيع الاسلامية والعامة فاي يشوفها بأي منتدى تاني.
فعطوني مبرر يسمح للغير قلموني يفوت عمنتدى خاص بالقلمون.
أمّا بالنسبة لتحديد من قلموني ومين لأ....ما في داعي خدا يتزاكى!.....
يلي ساكنين بالقلمون. او المغتربين..ويلي بتهمون القلمون....
وخلصت الحكاية....
وازا ما اقتنعتوا فينا نعمل المنتدى عام ...ما عندي مشكلة واهلا وسهلاً بالجميع.
ويا ريت ما حدا يفهم انها عصبية!!!!!....
وازا الغير قلموني حابب يتعرف عالقلمون....فتحوا شي ساحة للزوّار...يسمح لأي كان الدخول والمشاركة بتعليقات دون التسجيل الرسمي بالمنتدى.
وملاحظة: يا اخت الغريبة وكل الإخوة والاخوات الغير قلمونيين المتسجلين...انا مني عم كحش حدا...وما بعملها....
بس فات الوقت و هادا الموضوع كان لازم يتناقش من 3 سنوات.
رد: هل الناس من خارج القلمون تستطيع أن تدخل الى المنتدى
يانادر مين كان يقول لابو رجاء يشارك ويعمل دعايه بكلية العلوم شو الي تغير
رد: هل الناس من خارج القلمون تستطيع أن تدخل الى المنتدى
اقتباس:
المشاركة الأصلية كتبت بواسطة sadik alkalamoun
يانادر مين كان يقول لابو رجاء يشارك ويعمل دعايه بكلية العلوم شو الي تغير
ماو هيك وبس ..كنت ادعو ناس حتى من غير لبنان يشاركوا...لكن هلء تغيرت قناعاتي وين المشكلة؟
رد: هل الناس من خارج القلمون تستطيع أن تدخل الى المنتدى
بسب العنصريه الزائده بالمنتدى اعلن انسحابي ويا ريت من الاداره الكريم شطب عضويتي وشكرا اتمنى لكم منتدى خالي من العنصريه
رد: هل الناس من خارج القلمون تستطيع أن تدخل الى المنتدى
اقتباس:
المشاركة الأصلية كتبت بواسطة akram
بسب العنصريه الزائده بالمنتدى اعلن انسحابي ويا ريت من الاداره الكريم شطب عضويتي وشكرا اتمنى لكم منتدى خالي من العنصريه
مع السلامة
سلم عأحمد وعلي وأديب وألن حابين نشوفن
رد: هل الناس من خارج القلمون تستطيع أن تدخل الى المنتدى
بداية، أهيب بجميع الأخوة القلمونيين الذين شاركوا أو يريدون المشاركة في هذا الموضوع أن ينطلقوا في مشاركاتهم من منطلق كونهم "أم الصبي"... أي أن يدلوا بآرائهم بمسؤلية وأن تكون هذه الآراء واعية وواسعة الأفق... فلا يليق بنا في عصر النت طرح آراء متحجرة ومتجاهلة للآخر...
لا شك، برأيي، أن بعض ما ذكره الأخوة وطالبوا به محق ويحتاج منا لوقفة... لكني أبشّر الأخوة أن معظم ما ذكر هنا تقوم الإدارة بمراجعته لاتخاذ قرار بشأنه حتى قبل طرحه في هذا الموضوع...
لذا احرصوا أخوتي على طرح ما لديكم برفق ورويّة آخذين بعين الإعتبار أن ما يُطرح هنا يقرؤه الناس في الشرق والغرب... فهو ليس كأحاديثكم في فرن الضيعة أو مناقشاتكم عند العين أو السمّاقة... فالمنتدى يجب أن يكون الواجهة الحضارية لقريتنا الذي يظهر رقيّنا وتحضّرنا وسعة أفقنا وثقافتنا الواعية... لا تحجرنا وتقوقعنا وعصبيتنا...
نحن نريد من خلال المنتدى سماع صوتكم ومعرفة آرائكم، وليس مطلوبا البتة أن تكون كل الآراء واحدة متشابهة، بل متعددة متنوعة وحتى متنافرة أحيانا، لتعكس التنوع الموجود في قريتنا... لكن ليتكم حين تطرحون هذه الآراء، تتوقفون مليا عند صياغتها، لتخرج في عبارات واعية ومسؤولة...
لن أقول وجهة نظري في ما طرح هنا، لأني سبق وقلتها للإدارة... وأتمنى أن تكون لكلماتي هذه صدى مقبولا لديكم...
رد: هل الناس من خارج القلمون تستطيع أن تدخل الى المنتدى
منتدى القلمون بطل في مواضيع ملفته لنظر لا ل إبن القلمون ولا ل الغريب..
فليش عم تنتفوا بعضكن...
أنا أعوذ بالله من كلمة انا ما بفوت إلا بهدف اقرأ أخبار القلمون وحتى لأخبار منشفه بالأيام...
وبالنسبه ل الغرب يلي أخد ع خاطرون بقول... منا شغله جديده إنو في انغلاق بلقلمون بس أكيد منو كل العالم هيك ،، ما بجوز ميشان كم رأي منغلق توخدو موقف من كل البلده ....
أما بالنسبه للإستفتاء ،، فأنا معندي مشكل إذا يلي بشرق كان قلموني أو لأ ،،، المهم يكون الموضوع يلي بيطرحو مفيد وبيستاهل إنو لواحد يعذب نفسو ويقراه...
بدي ضيف شغله منو مظبوط إنو إذا واحد أبو منو من القلمون منعتبرو غريب ،، أبسط مثل صديقي ضاهر وقت بدو فيه يكون قلموني ووأتى بدو بكون عوكوري... وفيه يغير جنسيتو بنفس الجلسه شي عشر مرات ...سألوا فيها حميطون... هههههه
