أول شي مبروك لتثبيت الموضوع
تاني شي أنا أعطيت صوتي للأخ زاهر لأن ما شاء الله عم يدفع منيح
عم نمزح
تالت شي ما كان لازم ينحصر بثلاث أشخاص أو لاء
عرض للطباعة
أول شي مبروك لتثبيت الموضوع
تاني شي أنا أعطيت صوتي للأخ زاهر لأن ما شاء الله عم يدفع منيح
عم نمزح
تالت شي ما كان لازم ينحصر بثلاث أشخاص أو لاء
السلام عليكم
شكرا لتثبيت الموضوع وعنجد بعتذر عن التقصير السبب بقيت الإجازة نايمه أكتر وقتي والسبب الإرهاق أكتر من العادي بالشغل وماكانت قادره كتير افتح الانترنت
معكون حق الموضوع مالازم ينحصر بتلات أعضاء إن شاء الله تعالى اللقب الجاي بيتعدل كل شي
بس هلأ بدنا همتكون بالتصويت وين الأعضاء وين الحماس
وعنجد بتشكر كل من شارك بالموضوع وشكر طبعا خاص للأخ حسين يلي ساعدني بالموضوع
وتثبيتو
حبينا نطرح على الأعضاء المرشحين للقب "شعلة المنتدى" عدة أسئله
وكان الرد من الأخ قطر الندى (الزاهر) مايلي
الأخ زاهر أنت من الأعضاء يلي أسماءون كانو بالمرحلة الأولى بالتصويت تعيين الألقاب لمن يستحق اللقب
عنا مجموعة أسئله حابين نطرح عليك وإن شاء الله من بعد الإجابه راح ننقلا على الموضوع
1- هل تستحق تكون شعلة المنتدى ولماذا؟
2- كنت بتفضل تكون مرشح لي لقب تاني وإذا كان اي شو هوي؟
3-شو أكتر مواضيعك الناجحه يلي أحرزت نجاح من قبل الأعضاء
4-إذا ما فذت بلقب شعلة المنتدى مين برأيك من الأعضاء يلي بيستاهلو هل لقب
وشكرا
الجواب:
وعليكم السلام ورحمة الله وبركاته
بداية أبارك لكِ-أختي الكريمة- ولمن يساعد في إتمام الموضوع ......وفعلا هو من المواضيع الجميلة والمشجعة
أما بالنسبة للأسئلة :
فهل أستحق لقب شعلة المنتدى؟؟ ومن باعتقادي يستحقة إذا لم أفز به؟؟
برأيي - وبكل تواضع- نعم أستحقه ولا أحد غيري يستحقه أبدا!!!............:)..........عم نمزح ولو!!!.........المهم..........برأيي لقب شعلة المنتدى لا يمنح لشخص واحد..........فليس يمقدور شخص واحد أن يعيد النور للمنتدى بعد أن تستبد الظلمة به..........بل بتظافر جهود المبادرين من الأعضاء الأكارم يعود النور للمنتدى ولساحاته ومواضيعه.......وبجديتهم في الحوار وبفهمهم للهدف الحقيقي الذي ولد المنتدى لأجله........ولعلمهم حقيقة أننا إذا استغلينا المنتدى بما هو مفيد لعمت الفائدة على الأعضاء والزوار وأهل القلمون بشكل عام...........فنحن كلنا من أهل القلمون وبصلاحنا وتثقفنا وتعلمنا بتسما الألمون -وأهلها- للي كنا منتمناه ومنسعالو
بناء عليه فإن الذي يستحق اللقب هم الأعضاء الجديون المبادرون أصحاب المواضيع الهادفة والمشاركات المؤدبة .....فمبارك عليكم اللقب جميعا - صحيح صوتت لحالي بس لو أن الخيار كان مفتوح للتصويت لأكثر من شخص واحد لصوتت لدوكر من بين الأسماء الطروحة كذلك!!!!.........فهو يستحق لقب شعلة المنتدى وبجدارة!!!
هل كنت أفضل أن أكون مرشح للقب آخر؟؟
والله يا أختي الكريمة قمت بإلقاء نظرة على الألقاب المطروحة......لكن لم أجد منها ما أستحق أن أحمله........فهناك في المنتدى من هو أجدر مني لكل واحد منهم!!!
ما هي أكثر مواضيعي نجاحا؟؟
مممممم..........إذا أخذنا عدد المشاهدات كمعيار فإن موضوع "مقابلات مع الأعضاء" (الذي كان بالتعاون مع الأخ مصطفى معتوق) يحتل المرتبة الأولى بـ 6383 مشاهدة يتلوه موضوع "صورة وقضية" الذي نال 2795 مشاهدة.......ثم "أسماء للمواليد الجدد!!!" الذي نال 2240 مشاهدة......أما إذا اعتبرنا المعيار هو عدد المشاركات في الموضوع فيكون "أسماء للمواليد الجدد!!!" في الصدارة مع 509 مشاركات يتلوه "مقابلات مع الأعضاء" ومع 228 مشاركات ثم صورة وقضية ومع 176 مشاركات
(حتى يوم الأحد 20/4/2008 الساعة 15:00 بتوقيت القلمون)
أعود وأجدد شكري لكل ما ساهم في إنجاح هذا الموضوع ولكل من ساهم في تطوير المنتدى وإغنائه بالمواضع الهادفة والسلام عليكم ورحمة الله وبركاته
ونحنا بدورنا منتشكرك على الأجوبه الصريحه والرائعه:)
السلام عليكم
الأخ دوكر أنت من الأعضاء يلي أسماءون كانو بالمرحلة الأولى بالتصويت تعيين الألقاب لمن يستحق اللقب
عنا مجموعة أسئله حابين نطرح عليك وإن شاء الله من بعد الإجابه راح ننقلا على الموضوع
1- هل تستحق تكون شعلة المنتدى ولماذا؟
2- كنت بتفضل تكون مرشح لي لقب تاني وإذا كان نعم شو هوي لقب...؟
3-شو أكتر مواضيعك الناجحه يلي أحرزت نجاح من قبل الأعضاء
4-إذا ما فزت بلقب شعلة المنتدى مين برأيك من الأعضاء يلي بيستاهلو هل لقب
وشكرا
الجواب:
يا هلا بالست نارا.......
موضوعك كتير مميز .....
طيب ح جاوب ع الأسئلة ........
1-لأ ما بظن اني بستحء هل اللقب لأنو في شباب و صبايا عندن مشاركات اهم و اكتر مني..........
2-هلأ انا لي بدي جاوب عن هيكا سؤال؟...........هههههههههه.....
3-يا ست نارا .....اسئلة صعبة كتير......الموضوع لي لأتو عطي مفعول شوية بين الأعضاء
هو "x...." (واحنا بدورنا حابين نساعدك حتى تكفي موضوعك يلي بلشتو) و كنت بتمنى كملو بس مني عم لاقي الوءت......
4-المعلم أطر اد هل اللقب......
و بتشكركون كتير ع هل المءابلة ....ههههه......
يعطيكي العافية ......
اخوكم دوكر المعوكر........
شكراكتير أخ دوكر على أجوبتك الصريحه
بعدنا ناطرين رد الأخ الريس وإن شاء الله بصير عندو وقت وبيفتح الانترنت وبجاوبنا
وبحب أتشكر الأخ حسين على المجهود الرائع يلي عم يقوم فيه لإنجاح الفكرة
وإن شاء الله تعالى اليوم تعلن النتائج ومنبلش تصويت جديد للقب تاني وأكيد الفائز راح ينال اللقب بنفس اليوم يوم إعلان النتائج
بنهاية المرحلة الأولى من الترشيح بحب هني الاخ زاهر يلي حصل على 10 أصوات مقابل 5 أصوات للأخ دوكر وصوت 1 للأخ الريس
ألف مبروك للأخ زاهر لقب شعلة المنتدى, أكيد هيدا شيء مابيعني إنو الأخ دوكر الأخ الريس غير مهمين هني من الأعضاء يلي حبيناهون ومازلنا مننطر مواضيعون ومشاركاتون
اللقب التاني هوي شاعر المنتدى اخترنا 6 أصوات والأخ حسين إن شاء الله راح يقوم بتعديل الخيارات ونبلش تصويت وأسئله الأعضاء عن رأيون باللقب
ألف مبروك لزاهر لقب شعلة المنتدى
ألف مبروك للأخ زاهر اللقب الجديد
و بلش التصويت للقب الجديد
شاعر المنتدى
و انا اول واحد صوت
صوتت للأخت زمردة لما في شعرها من ابداع و محاكات للواقع الذي نعيشوه
أصوت للأخت لينا كركر ، مع توجيه التحية للأخت زمردة .
مممم..
عندي ملاحظتين :
اولا , وقت التصويت للقب الاول كان جدا قصير , يعني انا مثلا ما قدرت صوّت :(.. ( و شكرا على الحملة التي تمثلت بالمقابلات )
ثانياً, فوجئت بان اسمي من بين المرشحين للقب شاعر المنتدى !!... يعني شكرا للذي حط اسمي , بس انا ما خصني بالشعر و لا بستحقو ..و ظلم اني انحط مع من له باع في الشعر امثال فشلان و لينا و المهند .. و لذلك انا اسأل هنا فقط من اجل ان يتضح الموضوع : ما هي الية الترشيح و على اي اسس تتم ؟؟
و كمان على الاقل ابعتولنا شي رسالة خاصة تنعرف انكم رشحتونا , يعني على الاقل تانتخب حالي :):) من شان ما اطلع بلا اي صوت ... :)
و ياريت تحددوا مدة التصويت ..
مبارك لللأخ زاهر
شاعر المنتدى: انا اصوت للأخت لينا كركر
السلام عليكم جميعا
الله يبارك فيكم..........
سؤال؟؟.......هل ضروري اتبنا اللقب أم فيني ضل على "قطر الندى".........؟؟؟؟.............:)
طيب.......بالنسبة لشاعر المنتدى برأيي هو فشلان وبدون منازع!!!........
لكن مشكلو مدري شصاير معو منو عم يبين بئا............والمهند مشغول بالمسابقة الوظيفية.......
ويا شباب صوتو فوق بالاستفتاء منشان نهين عحالنا..........زبطنالكم ياه لأن!!!
مبارك للاخ زاهر لقب شعلة المنتدى
بالنسبة لشاعر المنتدى , منحتار يا ريت فينا نختار اكثر من عضو لان الكل بيستاهلوا
شو الأخ زاهر ما بدو اللقب ؟
فيك تترك قطر الندى وتحط بين قوسين شعلة المنتدى لأن مانا حلوة منك ما تحط اللقب.
أنا صوت لفشلان بس وينو مانو مبين ؟
السلام عليكم...اكيد بصوت للمهند و اكثر قصيدة اعجبتني له هي قصيدة البتراء التي حذفت...اماّ بالنسبة لفشلان و عمر ملاط يعني ما بعرف بحس انو اسلوبهم متقارب جداً و كأنو نفس شخص عم يكتب.
يا هلا بالجميع....
انا بصوت للست زمردة اكيد....
و كل الشباب و الصبايا خير و بركة....بس متل الست زمردة انا ما لأيت.....
يعطيكن العافية...
اخوكم دوكر المعوكر....
انا اصوت لأختي لينا كركر
أنا أصوت للأخ Ach
منحت صوتي للاخ فشلان ..
الحمد لله الكل لديهم الموهبة والجمالية بالتعبير ولكن افضل ان اختار من كان لديه المشاركات المتنوعة بالعناوين والاسلوب ..........وقد تم التصويت ....... وهو ليس فشلان.
التحدي صار كبير بين الأخ فشلان والأخت لينا وماشاء الله تعالى الاتنين بيستاهلو اللقب
يالله وين بقية الأعضاء بعد في مهلة 5 أيام :)
في عنا تعادل بين الأخ فشلان والأخت لينا المنافسه كبرت يالله ياأعضاء بلشو التصويت
لعيونك يا مهند زي مهية و لعيون الأرسنيك و نادر و اللجناوية
و متنسا يلي إتفئنا علي عشية
و أنا مبحب الفاهيتا..
بالنسبة الي فانا اصوت للاخ فشلان..حرام اذا ما صوتلوا بيموت قهرة..:)ما بيكفي صرلوا عم يتحركش فيي كزا شهر وانا مطنشو..هههههههه يلا راجعلك انشالله يا فشفوش بعد اسبوعين بالكتير باذن الله
لا اظن انه يوجد منازع للأخ فشلان في شعره
بكل الاعتزاز والتقدير نبارك للأخ فشلان النجاح بي لقب شاعر المنتدى
ويالله فتحنا باب المباركه
أنا بلش ألف مبروك أخ فشلان ناطرين منك كلمه:)
يا هلا بالجميع .....
اه ألف مبروك للمعلم فشلان الربح.......
و هي بوسة مني لاك .......
يعطيكن العافية ......
اخوكم دوكر المعوكر...............
سلام عليكم
اولا نبارك للأخ فشلان الفوز بلقب شاعر المنتدى
و النتائج كانت على النحو التالي
فشلان 18 صوت من اصل 44
لينا كركر 16 صوت
المهند 4 اصوات
زمردة 3 اصوات
عمر ملاط صوتين
و همسة صوت واحد
اما بالنسبة للتصويت هذه المرة تم تفعيل تعدد الخيارات جراء صعوبة الأختيار بين الأعضاء فكلهم من المتميزين ما شاء الله ( انا صوتت للكل:))
يا عمي منيح اللي فعلتو تعدد الإختيارات...........لأن عنجد كتير صعب الإختيار!!!...........:)
ما شاء الله كلهم مميزين...........لكن لنصوت لأكثرهم تميزا!!!!
مبارك للاخ فشلان في نجاحه بفشله,وانا اصوت للاخت نادين لاختيار كعضو المنتدى المميز ..بارك الله بالجميع والسلام
اخ الريس كان من الأعضاء يلي اختيرو على اللقب الأول وطبعا متل كل مره منطرح مجموع أسئله على الأعضاء ختى يجاوبونا والأخ الريس بسبب غيابو وإنشغالو ماقدر يجاوب بنفس الوقت وتلقيت رساله بأجوبتو مؤخرا وانا بتشكرو لاهتمامو
اقتباس:
المشاركة الأصلية كتبت بواسطة Nara
السلام عليكم
الأخ الريس ر أنت من الأعضاء يلي أسماءون كانو بالمرحلة الأولى بالتصويت تعيين الألقاب لمن يستحق اللقب
عنا مجموعة أسئله حابين نطرح عليك وإن شاء الله من بعد الإجابه راح ننقلا على الموضوع
1- هل تستحق تكون شعلة المنتدى ولماذا؟
2- كنت بتفضل تكون مرشح لي لقب تاني وإذا كان اي شو هوي؟
3-شو أكتر مواضيعك الناجحه يلي أحرزت نجاح من قبل الأعضاء
4-إذا ما فذت بلقب شعلة المنتدى مين برأيك من الأعضاء يلي بيستاهلو هل لقب
وشكرا
الله يجزيك الخير ويبارك فيكي يا أختي ويعطيكي ألف عافية
قبل ما بلش بالرد حابب باركلك بالحجاب ، وان شاء الله بكون خطوة أولى بيتبعها خطوات كتير ، وان شاء الله ما يكون الخطوة الأخيرة .
بعتذر لأن اتأخرت بالرد بس بصراحة اليوم لحتى قريت الرسالة .
أنا من ناحيتي ما بعتبري حالي بستاهل كون شعلة المنتدى ، لأن كل ألف سنة بطل مرّة ، والشعلة بتدل على النار يلي هي بتعني النشاط والحيوية ، يعني اذا بتشوفي بالألعاب الأولومبية بضلو مضوايين الشعلة لحد ما تخلص الدورة يعني أكتر من شهر تقريبا ، وكل هالشي بدل على انو ما في تقصير وفي نشاط دائم ، وأنا هالشي مش موجود عندي .
أنا من ناحيتي ، بفضل اتبعدوني عن كل هالطوشة ، لا ألقاب ولا شي .:)
بصراحة كنت اطرح الموضوع والتهي بالردود وما كنت اطلع على المواضيع اذا في ناس بتقراها ولا لأ ، بس بظن انو بشكل عام الناس كان تتفاعل .
مبروك للاخ فشلان اللقب ,اقتباس:
المشاركة الأصلية كتبت بواسطة المهند
وشكرا لك اخ المهند
ههههههههههههههههههههههه انا اخترت الكل
من خلال الاسماء الكمطروحة لم أجد انسب من دوكر لنيل هكذا لقب.
مع اني كنت سأرشح شخص من خارج هذه الدائرة.
الكل خير وبركة
بس ما شاء الله كنتوا حطوا المنتدى كلوا للتصويت عليه
شو بكن مكترين الأسماء هل المرة أو شووووووووووووووو
يالله يأعضاء الكرام في تعادل بالأصوات .قربت النتائج
نارا ، الله يعطيكي العافية على تعبك ونشاطك ، ومتل ما سبق وقلتلك ، أنا بصوت انو انتي بستحقي صاحبة لقب العضو المتميز بالموقع .
السلام عليكم ورحمة الله وبركاته
أنا صوتت لكل من الأخت نادين والأخت ساميا والأخ جابر