ولاااااااااااااااااااااااااععععععععع ، ولا وينكم ، وين رحتو ، منتدى طويل عريض ، ما حدا بيعرف كيف بشلوطوا راس ، العتى ، شي هالنسوان هدال ، خلص يا شباب ما لكم الا برّات القلمون ، يلي بيخد من القلمون بعيش بلا راس -يعني بلا ما يكل راس-
عرض للطباعة
ولاااااااااااااااااااااااااععععععععع ، ولا وينكم ، وين رحتو ، منتدى طويل عريض ، ما حدا بيعرف كيف بشلوطوا راس ، العتى ، شي هالنسوان هدال ، خلص يا شباب ما لكم الا برّات القلمون ، يلي بيخد من القلمون بعيش بلا راس -يعني بلا ما يكل راس-
خيي أنا بألك كيف....بس على مسؤوليتك!!!!
بتجيب خاروف.....وبتجيب فراعة.....بتحط الخاروف على الطاولة......وبتعلي الفراعة.....(متل بـ توم وجيري) وبتأطعلو راسو
بعدين......بتكبلو الجسم كلو......وبتحط الراس بالطنجرة.....وبتضلك تغلي فيه لحد ما يدوب بالمي......وإذا نشفو المويات أبل معليش فيك تزيد شوية.....وبس يدوب على الآخر.....بتسكبو بألب أداح....
وبعد ما يفترو......بتحطهم بالتلاجة وبتعملهم بوظة....
وبس يجمدو منيييييييح ......بتعزم كل رفاقك.....على البوظة أكيد....وبتأدملهم ياه.....وهيك هنه وعم ياكلوه بيتشلوطو تشلوط!!!!!!
منيح هيك......شايف......نسوان هالأيام ما بيعرفو يطبخو......نحنا اللي منعرف نطبخ!!!!
ولك يقصف خملكم ، عأيش عاملين حالكم بنات ، وبدهم يتزوجوا قال ويفتحوا بيوت ويبزروا و...... واسا ما في ولا واحدة فيون بتعرف تعمل عكوب ، ولك شي هالجرصة هذي ، خلص يا شباب مالكم الا برات القلمون ، والله برّات القلمون في كل بنت بتخد العقل ، أخلاق ودين وجمال وثقافة وكل شي بيتمناه قلبكم ......
أنا ما دخلني ، أنا لقيت يلي بدي ياه ، بنت بتخد ضبنات العقل من عكار ، ودعولنا تتيسر ، وعنجد يا شباب مش عم امزح ، شيلو فكرة القلمون من راسكم على الآخر ، بنات القلمون شاطرين ، يروحوا يكزروا بعد العشا ويطصهصنوا بالطرقات ويطأو حنك ، ويألفوا مواضيع ، وما في واحدة منهم بتعرف تشعل كبريتة .
وما حدا يضحك على حالوا ويقول بتبقى تتعلم ، اصحا بالكم تنغروا بالشكل وتفكروا انو الشكل البراني بخبي على شغلات تانية ، أبدا أبدا ، برات القلمون في أشكال أحلى ، وبيعرفوا يعملوا كل شي . وبعدين يلي عم يتزوجوا عم يديروها على البيض المقلي أو الأكل الجاهز أو اذا اهلهم بيبعتولهم شي من طبخهم .
شو ياريس
حابب تجرب مرة ثانية من برات القلمون
ما اخذت درس من اول مرة
ولا بتحب ذكرك :rolleyes:
eh wala mashkour ya 3amer 3al 2iktirah lazem titawar w lazem ykoun fi kol yaoum 2akleh li2anou 2al migtirbin ma 3indon kibra w mashkourin kolkon
اقتباس:
المشاركة الأصلية كتبت بواسطة فرع المعلومات
أول مرّة كانت حالة خاصة ، ومشكلتي ما كانت مع البنت بنوب ، كنا متفقين مع بعضنا ومن أحلى ما يكون ، بس اهلها مصيبة ، ما بقدر انسجم معهم أبدا أبدا ، وهي اختارت اهلها ، فقلتلها الله معك .
أما ست الكلّ الحالية ، من أول يومين سألتها عن اهلها واذا كانو نيقة ، فقالتي أنا عندي حياتي الخاصة وما بسمح لاهلي انهم ينغصوا عليها أبدا أو يتدخلوا بشكل غير مبرر ، الله وكيلك كنت حابب بوسها بين عينيها ، بس بتعرف الوضع ، يعني الخطيبة "شمّ ولا تدوق" ، الله يعينا يا عمي .
وبعدين.....شصار بالموضوع......وينكن يا نسوان المنتدى؟؟؟؟؟
السلام عليكم
إذا بيسمحو الصبايا يكتبولنا وصفة للكنافة سهلة ولا تتطلب الكثير من الوقت
وشكراً سلفاً
والله إللي بيعتمد على فتيات القلمون بموت من جوعو ، معقولة ما حدا بيعرف وصفة الكنافة
كنافة بالقشطة
المقادير :
نص كيلو عجينة كنافة
علبة قشطة نستله
كوب زبدة مذوبة (130 غ
3 كوب حليب طازج
2 م طعام دقيق طحين
2 ملعقة طعام نشا
نصف كوب سكر
رشة ماء الورد + ماء الزهر
كوب جبن الموازريلا
كوب قطر
الطريقة
تمزج الحليب + دقيق طحين + نشاء + سكر بالطنجرة
يوضع المزيج على نار هادئة مع التحريك المستمر حتى يصير جامد
ثم يضاف عليه جبن الموازريلا ثم يسكب وهو ساخن في طبق حتى يبرد
تمزج علبة قشطة مع الخليط السابق لتصبح جاهزة للاستعمال.
تقطع خيوط الكنافة الى قطع صغيرة وترش عليها بماء الورد والزهر
تدهن صينية بقليل من الزبدة ويفرش فيها نصف خيوط الكنافة
وتوضع نصف في صينية التقديم
وتصب عليها نصف كمية الزبدة
ثم تصب عليها كريمة القشطة وتغطي بباقي خيوط الكنافة وتخبز
في فرن سابق التسخين على درجة حرارة لمدة 30 – 40 دقيقة
او حتى يصبح سطحها ذهبيا
يصب عليها القطر فور إخراجها من الفرن حتى تتشرب به
وترش بالفستق وتقدم ساخنة
اقتباس:
المشاركة الأصلية كتبت بواسطة Nadine
مشكورة كثير أخت نادين ، و ان شاء الله تزبط .
اقتباس:
المشاركة الأصلية كتبت بواسطة أيمن غنوم
اهلا بك اخ ايمن, ما خبرتنا شو مشي الحال؟؟
والله ما جربت لأن لم أجد عجينة الكنافة .
على كلٍ منّا مشكلة ، وشكراً مرّة ثانية.
يا ستات
حدن بيعرف يعمل كعكة شارلوت ؟؟؟
واذا موجودة ع المنتدى قبل يا ريت حدن يقلي وين
يا هلا بالجميع.....
ازا حدا في يعطينا كيف بنعمل كباب الحيلة .....
و كمان دلونا ع كعكت الشرلوت متل ما ؤل المعلم معتوق......
و يعطيكن العافية ........
اخوكمدوكر المعوكر......
اقتباس:
المشاركة الأصلية كتبت بواسطة دوكر
كباب الحيلة ............
ازا بدك ياها على الطريقة الرجالية متل ما كنت اعملها بالجبل مع الشباب خبرني حتى حطلك الوصفة
بس ازا بدك ياها عالطريقة النعم بدك تنطر الستات :)
يا هلا بالمعلم معتوق....
ههههه....ع الطريءة الرجالية كويس.....هادا المطلوب....هوا لو عطيونا ياها ع الطريءة المنعنعة كنت بدي طورا.....و بتصير ع الطريءة الرجالية ......
يعطيكن العافية .....
اخوكم دوكر المعوكر......
حبيبي دوكر
سجل عندك ....
كباب الحيلة على الطريقة الرجالية :
المقادير .
شوية برغل
شوية طحين
كم بصلة
زيت زيتون
كم حبة عدس
حامض مراكبي او زفير ( سرقة بيكون اطيب ههههههههههههه)
حطب ( كونو نحن كنا نعملها على الحطب بالجبل )
موية كافية للزوم ولعجينة كباب الحيلة
خبز وزيتون للزينة
طريقة التحضير .
ما في داعي تصول البرغل كونو بدك تعتبر حالك بالجبل . فخلطن دغري بالمويات مع غبرة طحين كرمال يعجنو وبس يصيرو هيكا متل العجينة بتريح الخليط شي ساعة .
بترجع يا بو الشريك بتبلش تكبتل العجينة كباتيل صغار
بتحض العدس على طرف الموئدة كرمال ينسلق نص سلئة تقريباً بترجع بتدلؤ الكباتيل فوق العدس المسلوق وبتتركن يغلو على الجمر .
بهالوقت بتقطع البصل يا شريك وازا امكن اوك تحمّرن شوية للبصلات مع الزيت بيكون احسن
بتعصر الحامض ( ملاحظة بتعصر الزفير برفق كرمال ما يمرمر ) وتدلق الحامض موق الخليط بالدست او الطنجرة او مجمع النيدو حسب بأيش عم تغليهن .
وبتتركن يغلو غلوة بترجع بتدلق البصلة فوقن وبتتركن يغلو وما تنسى رشة ملح حسب الرغبة
وصحتين وعافية مع الزيتون والخبز لمن يرغب
انا بصراحة كنت حبها سادة
يا هلا بالمعلم معتوق ....
يسلمو ع هل الخلطة السرية هادي....
و ناطرين نشوف خلطة الصبايا....
يعطيكن العافية ...
اخوكم دوكر المعوكر....