مشاركة النساء في المجلس البلدي

في كل مرة أنتقد على اسلوبي و لكن لا يهم
هنا اضع ردا علميا على الفتوى التي اطلقها القرضاوي هداه الله لأن الأخ وسيم فلو كثيرا ما يستشهد بكلام هذا الرجل حول جواز دخول المرأة في المجالس النيابية و مجلس الشعب و هي عبارة عن محاضرة على جزئين ينخل فيها الشيخ أبو قتادة فك الله أسره فتوى القرضاوي نخلا و يثبت للجميع ضلال هذا الرجل و جهله.لأصحاب النت البطيئ وضعت المحاضرة بشكل اوديو
1 video

http://ia340906.us.archive.org/3/ite...tada-1_64k.wmv

video 2
http://ia340906.us.archive.org/3/ite...tada-2_64k.wmv

audio 1

http://ia340906.us.archive.org/3/items/abu-qatada_osol-alfikh/abu-qatada-1_12k.rm

audio 2
http://ia340906.us.archive.org/3/items/abu-qatada_osol-alfikh/abu-qatada-2_16k.rm

أخي محمد أهلاً وسهلاً بك مرة أخرى في المنتدى وإن شاء الله تكون قد اجتزت امتحاناتك بنجاح.
أخي أنا عندما أوردت رد القرضاوي ، فذلك لا يعني أنني أتبنى هذا الرأي بالكامل.
أنا أصلاً لا أميل لدخول الرجل(وخاصة الدعاة) إلى المجالس النيابية فكيف بالمرأة.
لكن أنا أعتقد أن المجالس البلدية (وبحكم تجربتي) ليست من الولاية العامة، وتسطيع المرأة أن يكون لها دور فيها.
أخي ليكن بمعلومك أني لا أميل للكثير من آراء الشيخ القرضاوي حفظه الله ولكن هذا لا يمنع إيراد رأييه وخاصة إذا اقتنعت فيه.
من الهم جداّ التجرد عن شخص المتكلم والنظر في رأييه، وطبعاً أنا لا أوافق على نعت الشيخ القرضاوي بالضال.

الى الاخ محمد الحاج, اللينكات مش عم يشتغلوا , كنت حابه شوف المحاضرة.

video 1
http://www.mediafire.com/?ecmoymtmjtm
video 2
http://www.mediafire.com/?6b0jaybrgit

الصوت الاول للقرضاوي و الرد لإبن عثيمين
اسمع وقل لي ما تستنتج من كلام الشيخ القرضاوي و ابن عثيمين
http://www.mediafire.com/?9gl1mynmzjk

شو يا اخ محمد عندك الفاظ اكبر العلماء والمشايخ والمشهود لهم بالورع والصلاح لا يتلفظ بها ،اخي فأوصافك لهم لا تهم احد ولا تفيد احد يعني لا تقل اسمع و رد لي خبر عن ضلال القرضاوي
بل قل اسمع وقل لي ما تستنتج من كلام الشيخ القرضاوي
وبعدين على اساس اقتنعت مع الاخ وسيم بفكرته اى ان كل عالم له اغلاطه... . وانا اقول ان تحمسك الشديد وتضليل العالم من ناحية والتكفير من ناحية ثانية غير مبرر وليس منه نفع بل تضيع وقت على الانترنت اخي لا تر على بخشونة فأنا لا اتحمل زن كلامك قبل الكلام و انا كما تعلم لا اجد التعليق على كلامك لمجرد التعليق ولكن لصالحك كما اعتقد فابتسم لي عند الرد على وكن كما اعلمك .

هذا الموضوع جد مهم ، أشكر السيدة روعة على طرحها له ، لأن المرأة يجب أن تأخذ جميع حقوقها السياسية والدينية والاقتصادية و...... لماذا الإمامة حكر على الذكور ، ولما البلدية حكر على الذكور ، ما هي الميزات التي يمتلكونها وتجعلهم يتفوقون على الإناث .
سيدة روعة أنا عجبتني وجهة نظرك كتير ، ويبدو أني أتفق معك على كثير من الأمور ، فأطلب منكا الدعم في الموضوع (افتحوا عقولكم يا مسلمين)

هههههه
والله الان سوف تسمع من الاخت روعة كلام لا يعجبك انت مفكر ان المسلمين جهلة شو هل الاب الريس .

بل أنت الذي ستسمع كلام لا يعجبك ، لأنها فتاة تقول الحق ولا تهتم لأمثالك ، وأكبر دليل على ذلك ، أنظر كيف طرحت هذا الموضوع ، من كان يتوقع أن تطرح هكذا مواضيع بين الأصوليين ، وعلى كل يا سيدة روعة شكرا لكي على كل ما تبذلينه من جهد ، ونحن بحاجة لأمثالك كثيرا بين صفوف المسلمين ، لأنك تأثيرك عليهم كمسلمة تصلين معهم وتتكلمين باسم الدين ،أكثر بكثير من تأثير عليهم ، فأنا وللأسف يعتبرونني انسان مضلل .
أهلا وسهلا بكي يا روعة ، ومن هلأ وبالرايح ، ما حدا يجرب يمزح مع حلفائي ، يلا بدنا همتك ، بالمسيار انت وأم سفيان ، وبالبلدي ، وبموضوع افتحوا عقولكم يا مسلمين .

أنا أستنتج شيئاً واحداً.. أنك إنسان متتبع لعثرات الناس.. يعني بالعربي الفصيح.. سفيه... اسمحلي يا خالي جابر.. بس طلعت بسرعة مني...

إنت يا محمد الحج.. بتعرف شو معناة حرف لو؟
لو معناها حرف امتناع لامتناع... يعني من غير الممكن قطعياً أن يحدث الشرط ولا جوابه....
وإن كان من المستحسن قول ولله المثل الأعلى... في هكذا مواقف.. فقد جرت العادة على ذلك...

ما بعرف مين مركدك هيك وراء عثرات الناس... حل عنن يا أخي.. واشتغل بحالك....
ما فهمت أنا هلأ شو المقصود ولوين بدك توصل؟... الأخ وسيم أورد كلام الشيخ القرضاوي... انتبه على حالك يا وسيم.. صرت إنت ضال أكتر من القرضاوي.. لأنك عم تنشر الضلال في الأرض...
وهلأ شفت محمد الحج عم يحجزلكم انت والقرضاوي تيكت على النار... بس كان محتار وين بحطكن بأي درجة.. لأن في درجة أولى وتانية.. ما عرفت وين حجزلكم.. هلأ بس أعرف بخبرك.. لأنو بالدرجة الأولى بحقلك يا وسيم غراض أكتر... والقعدة أريح....

بس ليك.. إذا القرضاوي ذكر آية شي مرة على المنبر... منعمل فيها؟؟؟ ولا منتركها؟؟؟

الله يهديك يا محمد الحج... كبر عقلك.. واشتغل بحالك... بعدان القرضاوي مانو لا نبي ولا رسول ولا إله.. يالله ضللني شبهتو بإله.. يعني ممكن يكون غلط.. شو فيها يعني؟؟؟ ماني فاهم..

بعدان تعى لقلك.. هادي الطريقة بعرض الكلام.. والتكرار بهالطريقة الوقحة.. شو بتسميها.. ديانة. وإسلام... ولك آ والله ما الواحد يبلش فيك وبغيرك من يلي بتشد فين.. ما بخلص لحد يوم القيامة... بس نحنا منعرف إنو هادى مش شغلنا....

بعدان شو رح تألهو لابن العثيمين؟ ما بغلط هو.. لا أنا ولا إنت ولا القرضاوي ولا ابن العثيمين.. ما منحلم بالجنة إلا بعد رحمة ربنا... حلو عنا يووووووووووووووووووووه
شو هالأخلاق هادي يلي وصلنالها...
عم يكرر الكلام قال.. جعدنة هادي وقلة أدب.. يا مهذب إنت ويا لاحق غلطات الناس....

ولك يا شباب شوبكن ولك يا حج خير ليش نازل عم تكفر و طالع عم تكفر لوين رايح . يلي علمك هل حكي مألك شو مصير يلي عم يكفر و يزم بالعلماء .
يقول الله تعالى في حديثه القدسي :
إبن اَدم ،تفَرًغ لعبادتي أملأ صدرَك غنىً ، وأسُد َفقركَ ، وإن لا تفعل أملأ يديكَ شُغلا ً، ولم أَسُدَ فقرك "
صلو على النبي يا شباب ،ونتبهو عحالكم من هل حكي يلي مش إلو داعي، في عندكم قران وسنه وبسسسسسسسسسسسسسسس

السلام عليكم
وصل فيك الجهل يا فشلان لمرحلة كتير كبيرة و كمان الوقاحة لأن شكلو ما في غيرك وقح.
أنا نقلت كلام للتنبيه بس بدك مين يفهم.
أنا ما كان بدي رد بس لا بد من وضع حد للوقاحة و أنا ولله الحمد مش من النوع يللي بدو ينتصر لنفسو او يورجي عضلاتو لأن كزا مرة اعتذرت للي غلطت بحقو و إنتا منن يا فشلان.
بس عيب عليك هل الحكي
والصمت عن جاهل او احمق شرف...وفيه ايضا لصون العرض إصلاح
أما ترى الأسد تخشى و هي صامتة...والكلب يخزى لعمر الله نباح

وقد قال تعالى: من أجل ذلك كتبنا على بني إسرائيل أنه من قتل نفساً بغير نفس...
وقد ذهبنا أيضا إلى الجبل ذات مرة... فلو أن ذلك كان ينبغي تنبيه من كانوا فاصلين بين الناس
لم يعد منهم من يريد دوام النعمة في تواصل الناس.. بل هم في ذلك وضع مستقل.

فهمت عليي ولا برجع بعيد...

شو بتقربو للريس؟؟؟؟

يا حبيبي إذا أنا كلامي سميتو وقاحة؟ شو بتسمي هالطريقة بعرض كلام القرضاوي بطريقة أوقح من الوقاحة.. هادى شو بتسميه؟ وقال أيش عم يبرر لنفسو:

أنا نقلت كلام للتنبيه بس بدك مين يفهم.

إنو هادي الجملة بتبرر وضع السفاهات؟

طيب لكن ما في أسهل منها ضيف على مشاركتي هادي الجملة.. منشان ما تعاود وقحة: أنا نقلت كلام للتنبيه بس بدك مين يفهم...


أجلـّك (حذفت من قبل المشرف) ما بفهم... يا حبيبي انا ماني شايف في كلامي أي نوع من الوقاحة... وبتمنى عليك.. تورجيني وين الوقاحة.. لأني بعيدن عنك نظري ضعيف... الظاهر ما بشوف يلي إنت بتشوفو... معليش خدني على قد عقلي ودلني وين كانت الوقاحة....

يا حبيبي إذا ناطر إنو بيوم من الإيام توصل لشي من ركضك ورا عثرات الناس.. يلي إنت عم تشوفها عثرات بتكون كتير غلطان...

نصيحة من أخ لأخوه.... ترك هالأمور لله عز وجل.. واشتغل بشغلك..... قولة أم سفيان.. بس يسمعوك قلت لا إله.. بيركضو وبقولو كافر.. طيب ما تسمعو كفايتها.....

ماني فاهم شو جاك من ورا وضع هالمقطع الصوتي المقرف...؟؟؟ مفكرين حالكن عم تعملو مسرحية تمسخر لجورج بوش يعني؟
يالله زقفولو لمحمد الحج.. لأنو أثبت إنو القرضاوي ضال ومش بس هيك، بطريقة سخرية كمان..... لأ بدنا الزقفة أعلى.. يالله عيدوها.. الكل يزقف... واحد اثنين تلاتة... ولك دووووووووووووووووووووووع

بعدان إذا مانك مستعد تسمع كلام بطريقة ما بتعجبك.. ليش داير على حط الكلام يلي ما بيعجب حدا؟ احترم العلماء أحسنلك... وما في داعي تشتغل بوكالة سفر على جهنم والجنة...

اول شي واحد متلك سفيه ولا هادي مدح يا شاعر العصر
تاني شي اذا عاجبك كتير القرضاوي خليك وراه انا منو عاجبني لكثرة اخطاؤه,انت بتتبع اشخاص و لا دين؟؟؟؟؟؟
خلي الكل يزقفلك على قلة ادبك و اذا مفكر حالك شاطر بالكلام و شاعر فالشعراء يتبعهم الغاوون و هل يكب الناس على وجوههم في النار الا حصائد السنتهم.
انا نبهت من القرضاوي في هذه المسألة ووضعت المقطع الصوتي لبيان ما هو عليه و لم اقطع لأحد تذكرة لا الى الجنة و لا الى النار و لكن ان شاء الله سأقطع لسانك.
اردت فقط ان انبه ان لا قدسية لأحد,من أخطأ بينا خطأه بالدليل لذا لا تتكلم يا فاشل من عندك بل ضع دليلا.

يا حبيبي إنت في شغلة ما عم تفهمها... أنا ماني من النوع يلي بيدعو لشغلة وبيوقع فيها....
أنا مش جاية قيم القرضاوي... تركت هالأمور لحضرتك.....
أنا ماني راكض ورا القرضاوي... أنا عم احكي عن هالطريقة البشعة في سرد كلام القرضاوي.. كل هادى حتى نتبين إنو القرضاوي ضال.... يعني ما كان بتعرفو تذكرو الكلام مرة واحدة.؟؟؟؟؟ إلا عشر مرات.. شو قاعدين عم نغني هارد روك نحنا..؟؟؟؟ عم تعيد الكلمة مائة مرة؟؟؟؟ ما صدقت كيف لقطها يعني.....
بعدان اسمحلي فيها... أنا ما وصفتك بالسفيه... يا فهمان إنت... وأنا ما عندي القاعدة تبعيتك كل من تفوه بشيء خطأ صار ضالاً.. وبالتالي ليس كل من تفوه بالسفاهة سفيه.... كل إنسان يخطئ... بس إنت الظاهر شايف حالك عامل إنجاز بوضع هذا المشهد الكريكاتوري عن القرضاوي....

يكون بعلمك أنا لا بعرف عن أيش الموضوع ولا بدي أعرف... أنا كل يلي بعرفو إنك تمسخرت القرضاوي... بطريقة أبشع من البشعة....

بعدان مين قال إنو لما الشيخ ابن العثيمين بفسر كلام القرضاوي على إنو جعل المخلوق أعلى مرتبة من الخالق... يعني صح... هادى مع احترامي الكامل لجميع العلماء رأيه الشخصي... وما بعتقد كلام ابن عثيمين منزل... يعني إذا إنت أو الشيخ ابن عثيمين ما فهم المقصود من كلام القرضاوي أو فسره بطريقة غير التي قصدها القرضاوي.. هادى ما بيعني أبداً إنو صار القرضاوي ضال...

بعدان برجع بعيد وبكرر أنا ما عم احكي لا بالشرق ولا بالغرب.. أنا عم احكي عن شيء محدد... طريقة وضع الملف الصوتي.. طريقة وقحة.. لا تدل أبداً عن إنسان مسلم على خلق...
فلا تدخلي بسين وجيم.. وما بعرف شو كمان!!!!! أنا يكون بعلمك أكثر من نص فتاوى القرضاوي ما باخد فيها.... بس بحترمو وما بلطيلو لطي...

بعدان ما فهمت.. شو بدك.. هلأ منروح لعند القرضاوي ومنقولو أحط.. يالله إنت ما بقى في نفع منك... حكيت كلمة غلط.... لا بقى تفتح تمك....!!!!!
أعوذ بالله على هالحكي......

السلام عليكم كيف الشباب ولك وين رحتو، ولك شبكن ، ولك نتبهو هيد مش مزح ولا مهذله، هدولي علماء معليش دقيقه ارجو الرد على هل كم سؤال :
1 - هل القرداوي حافظ القرآن
2 - هل القرداوي نبي
3 - هل القرداوي أكبر منا بالعمر
4-هل لا يوجد غيره ، او واجب إتباعه ،وترك القرآن والسنه ،

يا حبيبي إنت في شغلة ما عم تفهمها... أنا ماني من النوع يلي بيدعو لشغلة وبيوقع فيها....
أنا مش جاية قيم القرضاوي... تركت هالأمور لحضرتك.....كل مسلم يجب عليه اظهار الحق و الدعوة له
أنا ماني راكض ورا القرضاوي... أنا عم احكي عن هالطريقة البشعة في سرد كلام القرضاوي وين الطريقة البشعة؟؟الم يضل في كلامه هذا؟؟اتنتصر للقرضاوي و لا تنتصر لله؟؟؟.. كل هادى حتى نتبين إنو القرضاوي ضال.... يعني ما كان بتعرفو تذكرو الكلام مرة واحدة.؟؟؟؟؟ إلا عشر مرات ..وين عشر مرات؟؟؟ شو قاعدين عم نغني هارد روك نحنا..؟؟؟؟ عم تعيد الكلمة مائة مرة؟؟؟؟ ما صدقت كيف لقطها يعني.....
بعدان اسمحلي فيها... أنا ما وصفتك بالسفيه...و لمين كاتب سفيه؟؟؟وعم تعتذر لخالك يا فهمان إنت... وأنا ما عندي القاعدة تبعيتك كل من تفوه بشيء خطأ صار ضالاً.. وبالتالي ليس كل من تفوه بالسفاهة سفيه.... كل إنسان يخطئ... بس إنت الظاهر شايف حالك عامل إنجاز بوضع هذا المشهد الكريكاتوري عن القرضاوي....

يكون بعلمك أنا لا بعرف عن أيش الموضوع ولا بدي أعرف... ان شاء الله عمرك ما عرفت انا حطيت المقطع للي عندو اهتمام أنا كل يلي بعرفو إنك تمسخرت القرضاوي... بطريقة أبشع من البشعة....بين يا فشلان وين البشاعة؟؟؟

بعدان مين قال إنو لما الشيخ ابن العثيمين بفسر كلام القرضاوي على إنو جعل المخلوق أعلى مرتبة من الخالق... يعني صح... هادى مع احترامي الكامل لجميع العلماء رأيه الشخصي... وما بعتقد كلام ابن عثيمين منزل...و يعني انت كلامك منزل ولا كلام القرضاوي يعني إذا إنت أو الشيخ ابن عثيمين ما فهم المقصود من كلام القرضاوي أو فسره بطريقة غير التي قصدها القرضاوي.. هادى ما بيعني أبداً إنو صار القرضاوي ضال...منك شايف غيرك بيفهم يا معلم؟؟!!

بعدان برجع بعيد وبكرر أنا ما عم احكي لا بالشرق ولا بالغرب.. أنا عم احكي عن شيء محدد... طريقة وضع الملف الصوتي.. طريقة وقحة.. لا تدل أبداً عن إنسان مسلم على خلق... واحد مثلك بلا اخلاق و لو انك رجال و مقتنع بالأفكار يللي بتكتبها ما بتتستر خلف اسم مجهول,الحمد لله انا معروف بالضيعة بأخلاقي بس انت يللي ما عندك اهتمام بالاسلام لأن المؤمنون نصحة و المنافقون غششة و لا أريد لأهل ضيعتي ان يضلوا السبيل
فلا تدخلي بسين وجيم.. وما بعرف شو كمان!!!!! أنا يكون بعلمك أكثر من نص فتاوى القرضاوي ما باخد فيها.... بس بحترمو وما بلطيلو لطي...هذا من النفاق لأنه يجب بيان الأخطاء التي يقوم بها العلماء حتى لا يقع فيها المسلمون

بعدان ما فهمت.. شو بدك.. هلأ منروح لعند القرضاوي ومنقولو أحط.. يالله إنت ما بقى في نفع منك... حكيت كلمة غلط.... لا بقى تفتح تمك....!!!!!لأ بس منبه المسلمين من أمثال هذه الفتاوى و منقول للقرضاوي اتق الله في المسلمين

والله ما باك شي أبداً بتعرف تلون صرت...

أما من ناحية إني وصفتك بالسفيه.. فطلع معك حق...
وأما من ناحية وين البشاعة يا فشلان... والله ما بعرف... طريقة تكرير كلام القرضاوي بهذه الطريقة شو بتسميها دلع؟؟؟؟؟؟ الظاهر طلع نظرك الخفيف مش نظري
وبرجع بقلك.. كلام ابن العثيمين تفسير لكلام القرضاوي ورأيه الشخصي ولا يمكن من خلاله الحكم على القرضاوي بالضلال.. يا أخي الضلال بتعرف شو معناها؟؟؟ يعني قطعتلو كرت بلانش على النار... وليش ما عندك احتمال لابن العثيمين أن يكون مخطئاً في فهمه لكلام القرضاوي... لأن الجملة التي ذكرها القرضاوي ليست ضلالاً يا أستاذ....

بعدان يا حبوب فهام
إنت مش حاطط فتوى للقرضاوي حتى ننبه المسلمين من هذه الفتوى كما تدعي... إنت حاطط كلام للقرضاوي ما خصو بشي من الموضوع نهائيا لتتهمه بالضلال... وبالتالي لا تأخذ بفتواه التي لم تأت لها على ذكر... وعم تنبه المسلمين إنو لا تسمعو لهذا الضال المضل.. لأنه قال كلمة بنظرك غلط...

أما ما وصفتني به من النفاق والغش.. فأشكرك عليه... وقد تبين حرصك على الدين.. لا تقوم حذيفة بن اليمان وعندك أسماء المنافقين؟؟ شفلي فشلان بيناتن؟
أنا حابب الناس تفوت تسمع المقطع الصوتي.. وتحكم بنفسها إن كان الملف عبارة عن سخرية أو لأ...
وهل يرون أن هذه الكلمة التي نطق بها القرضاوي ضلال؟ يعني لو تقول كان لازم يقولها بطريقة أحسن... ما كان لازم يستخدم هذه العبارة.... شي من هالحكي... معقولة.. دغري على النار.... منيح ما آخرتنا بإيدك...

الفتوى يا حبوب بالأوديو او الفيديو يللي حطيتو قبل بس حضرتك منك فاضي تطلع على شي
بعدين شو بتسمي الحكي يللي قالو القرضاوي على المنبر هذا كلام بيطلع من عالم؟؟؟؟
و الله شه بعد نائص زعلان اني قلت نفاق و غش ما انت قلت مسلم على خلق بعد شوية رح اطلع كافر عندك

يعني إنت بتشوف كلمة نفاق وغش عليي سهلة بس إني قلت أنا ما لازم يطلع هالكلام من مسلم على خلق... هون أنا كفرت بالله عز وجل...
والله قصتك قصة....

لا والله هالكلام ما بيطلع من عالم... بيطلع من الضالين.. المضلين.. وقود جهنم....

ومنيح بالنهاية فهمت عليي إني عم احكي عن مقطع المسخرة يلي حاطو مش عن الفتوى والمنخل نخل والجبلة وصبة الباطون.... إنت نمط من الناس الذين لا يعترفون بأحد آخر.. وعلى مبدأ بوش.. إذا لم تكن مثل رأينا فأنت على ضلال مبين... ما عندكم شي اسمو اختلاف... مش لأنك انت اقتنعت بكلام شيخك معناها كلام كل المشايخ الباقيين غلط... ربنا خلقلنا عقول مختلفة.. وكل واحدة بيقتنع بطريقة مختلفة.. ولهذا كان الاختلاف رحمة.. وأنت تصر على جعله نقمة....

والله ضجرتني منك الحقيقة... بالفعل ببصملك بالعشرة إنك على حق... والحق بينبع من عندك... وأنا أكيد ضميتني لزمرة الضالين المضلين حطب جهنم.. لأني أدافع عن الضلال.. وكل من يدافع عن الضلال ضال مضل وقود النار خالداً فيها.. وغضب الله عليه ولعنه وجعل مني القردة والخنازير.....

يرضى عليك خبرني أيمتى سوف يتم إعلان إهدار دمي لأني أدافع عن الضالين المضلين؟

يا حبوب و الله حيرتني معك عم تاخد دور السائل و المجيب و عم تستنتج اشياء انا ما قلتها
الاية الكريمة بتقول و ان اختلفتم في شيئ فردوه الى الله و الى الرسول ان كنتم مؤمنين.
الفتوى تبعت القرضاوي حللها جملة جملة الشيخ ابو قتادة من القران و السنة و اقوال العلماء السابقين و افعل الصحابة يعني بالدليل الشرعي مش من عند ابوه يا شاطر.
بعدين انت حر انا ما حكمت على حدن بالنار و انا عم وصل فكرة و حاجتك نفاق و تركيب و تلفيق حكي على لساني,شو فيها كلمة نخل الفتوى نخل يا شاعر المغرب لأن الحمد لله هلق صليتو.اه و الله شغله شه

ليك يرضى عليك.. في عندكم واسطات؟؟ يعني فيك تبقى تشقر علينا وتهربلنا شوية موية لعنا على النار؟؟؟؟؟؟؟؟؟؟؟؟؟؟؟

ولك دوووووووووووووووووووووووووووع

بعدان أنا قلتلو للقرضاوي يحط أدلة من القرآن أو السنة.. بس ما رضي إلا بدو يكتب من الإنجيل والتوراة... وشوية من الكتاب الأخضر... نصحتو ما ردي عليي شو بعمل أنا؟؟؟؟

اصلا انت ما فيك دم لحتى ينهدر و حاجتك مسخرة على الدين و العالم و كبار بقى اذا كنت منك من اد الحوار روح لعاب مع الولاد الصغار ما عندي وقت ضيعو معك

طيب أنا عم فكر إعمل شيخ.. منشان يصير فيك تتمسخرني... شو رأيك.. لأنو باين عليك ما بتحب المسخرة على العالم... بس على المشايخ معليش...

بعدان ما جاوبتني.. وإنت حد علمي بتعرف شوية بالإنجيل.. القرضاوي بيجيب دليلو من الإنجيل ولا من التوراة؟؟؟؟؟؟؟

انا اصلا ما اتمسخرت القرضاوي انا عم نبه المسلمين من اخطاؤو يللي وصلت في لحد انو يقول متل هذا الكلام و على المنبر.
يا حبوب اسمع المحاضرات يللي حطيتا تا تعرف من وين القرضاوي بيجيب الدليل تبعو بس اذا منك مستعد تكلف خاطرك و تسمعون ف الله يرضى عليك لا ترد لأن مني جايي لعب ولاد هون انا رح ناقش اللي بدو يفهم و عم يأيبل على الحق,انا مني عم اتعب و حط محاضرات و أيبل لحتى تقوللي مني فاضي و ما بيهمني.انا كل شي بحطو لأن حاسس انو مفيد مش بس لحتى ورجي عضلاتي متلك و العالم يقولوا مهضوم و حكيو حلو

بارك الله فيك.. عم تتعب والله... بس فيك تقلي اديش تعبت حتى لقيت هالمسرحية يلي حاططها عن كلام القرضاوي وعلى المنبر كمان؟؟؟؟

لأنو هادي بدها شغل منيح.. وبدك تكون خبير بالصوتيات حتى تعرف طريقة إخد الكلام وجيبو.. منشان تطلع بضحك... مثل ما عملتوها... يعني فيك تسأل أخونا زاهر... هو خبير صوتيات.. بيعرف يعملك هية أحلى من هيك.. بس ما بعتقد ممكن يساعدك بهيك عمل....

بعدان ليش مانك حابب تلعبني.. الله يخليك خلينا نلعب شوية وبعدان منفوت على النوم... منلعب دقين وبس..... الله يخليك.. إذا بتحب الله... أرجووووووووووووووووووكككككك

ولك دووووووووووووووووووووووووووووووع تعبان والله.. مع إنو أحيان بتحط شغلات مفيدة.. ما مننكر.. بس هالمرة خابصها على المظبوط. والمشكلة ما ممكن تتراجع... معقولة يا اخي إنت تكون مخطئ.. أعوذ بالله السميع العليم من الشيطان الرجيم... أستغفر الله.. أدعو الله وأنتم موقنون بالإجابة

انت عارف انو كذا مرة رجعت عن خطأ ارتكبته بس الظاهر انو انت يللي راسك يابس و متعصب لرأيك.يللا الله معك و بس تشوف المحاضرات رجاع كتوب احسن ما تكون من الذين يجادلون بغير علم
و الله شه

يالله من شان ما اكذب هيك بكونو خلصو الدقين... وصار لازم نوقف لعب اليوم.. وعم فكر قوم نام اليوم على بكير.... أحسن...
يالله بدك شي يا حبوب... تبقى فكر منيح كنو كان لازم تحط المقطع بهذه الطريقة؟ كنو كان لازم تحط المقطع بشكله الطبيعي؟ أو ما كان في داعي أصلا للمقطع؟؟؟

فكر منيح.. مع إني عارف إنو النتيجة بتعرفها إنت قبل ما تفكر.. بس يالله النصيحة بجمل...

بارك الله فيكم ، حوار مفيد وبناء


حوار اسلامي على المظبوط ، ذكرتوني بحوارات المساجد ، يلي هربت منها

الله يستر ما ينخسف المنتدى فينا

معليش فيني فوت على الخط معكن شوي
أخي محمد عندي سؤال ممكن؟

اخي محمد لا تجهد راسك وتعب تفكيرك بالرد على هذا الملتصق كن كالفطن المتغافل وحاور من هم اهل لهذا الحوار اي البقية .

أهلا وسهلاً أختي أم سفيان تفضلي البيت بيتك... ولو.. شرفتو والله...

أخي وسيم... معليش اسمحلي فيها.. إنت لازم تكون صرت بتعرف إنو أنا ما بحاور كل الناس بنفس الطريقة.. بس هالناس يلي كلامها منزل بحب بين لها إنو في غيرها....

وهادى صاحبنا يلي جاب منخل وبلش ينخل بالشيخ القرضاوي... جايب معو منخل مخزق شوية... يعني ما استخدم أسلوب مهذب...

يا أخي أنا عم حاول فهمو شغلة.. إنو أنا مش عم ناقش بالفتوى... لأنو هادى الموضوع مش بس القرضاوي نص العلماء بقولو فيه والنص التاني بقولو بعكسو.. يعني الموضوع موضوع خلاف.. صح؟؟ إنت بعرفك بتفهم وبتستوعب...

ليش هو حتى إذا اقتنع برأي النص التاني يطلع معو إنو النص الأول كلن ضالين....

ومش هيك وبس... حتى يبين إنو كلامو صحيح.. راح لازق ملف صوتي ما إلو علاقة بالموضوع عبارة عن جملة قالها القرضاوي.. ومبلش يعيدها ويكررها بطريقة سخرية... إنو هو شو... مسك على القرضاوي الضلال...

ماني فاهم لوين بدو يوصل؟ إنو إذا اعتبرنا إنو الجملة ما كان القرضاوي لازم يقولها... هل معناها إنو صار ضال وكل فتوى بقولها صارت بدها كب بأقرب سلة زبالة....

أنا سألتو بس ما رد... بكرة إذا شفنا القرضاوي وقلنا لا إله إلا الله منقولو كذاب إنت يا ضال مبلى في أكثر من واحد... أعوذ بالله على هالفكر المتحجر...

يعني لو تفرد القرضاوي بين كل علماء الأرض... لقلنا شذ القرضاوي بهذه الفتوى.. وخلص..
مش منقعد منقول شوفو هالضال.. ومنحجزلو كرت على النار دغري...

الظاهر أخونا محمد مانو عارف شو معناة ضال... مفكرها ورقة شدة يمكن.. أو حجر ضامة... أو يمكن بوظاية من عند بدور...

أنا عارف إني عم قلل حيا معو... بس حتى يحس إنو هو عم يقلل حيا على العلماء... وإذا هو ما بيعجبو رأي القرضاوي.. ما يعجبو..

ما كان في أحلى منها.. إنو يقول هادي مسألة خلافية وفيها آراء العلماء... ويحط الآراء المختلفة.. ويقول أنا برتاح لرأي أبو قتادة...
فيها شي هيك؟؟؟
يا أخي أنا كمان ارتحت لرأي أبو قتادة.... بدك أكتر من هيك؟؟؟؟؟؟ بس ما عملت مثل ما عمل؟؟؟
أرجو أن تكون قد استوعبت علي ما أريده.... وبرجع بعيد أن عارف عم قلل حيا بس حتى فرجيه إنو لما حدا بقلل حيا معو كيف بصير يتصرف ويطلع عن صوابو... ومنشان هيك لازم يتعلم إنو ما يقلل حيا على الناس الباقيين فكيف بالعلماء...

نحنا ناطرينك يا أم سفيان......

وأما بالنسبة لأخونا القاسي.... يا أخي منك السماح.... إنت لا بتهف مواشي.... ولا بكس... وأنت إمام العارفين وسيد العاشقين وأنا الجاهل... والله احترنا معك... يا أخي عفوا عفواً ومنك السماح وضياء وروعة ووفاء وماجدة وسميرة ونورة... ومين إسا بدك؟؟؟

ما بعرف ليش ماسكها عوجة بهالطريقة... يا أخي روح شوف الاستفتاء.... ما في غيرك بحط إني هجوتك.... والله قصة معك..

يا اخوتي شوفو الكذب على الناس انا لم اصوت ولن اصوت لهذا التصويت والمشرف فيه ان يعرف ، فلا تتلاعب بعقول الناس .

كلامك وليس شعرك في نفسى
ماكان شعرك ليبلغ نحري---- والسيف لنحرك قاطع

يا فشلان ، أنا مش متابع الحوار من الأول ، ومش حابب فوت فيه أبدا لأن هذا ليس حوارا هيدي علقة وبس .

يا اخوة ، الواحد وقت بيتحاور مع شخص بيكون عم يتحاور معو لحتى يوصلوا فكرة أو يخد منو فكرة ، وفي طرق معينة للحوار ، وفي أخلاق للحوار .

أما ما يحصل هنا ، فليس لا حوارا ولا من يحزنون ، هذه علقة بكل معنى الكلمة ، والقصة ما بدها كل هلأد .

أعلم يا فشلون أنك تعتبر ما يقوله الأخ محمد شنيع ، وأنت كذلك يا أخ محمد أعلم أنك تعتبر ما يقوله فشلون تهجما عليك .........
بس يا اخوة صدقوني الدنيا ما بتمشي هيك ، ما هكذا تورد الإبل يا إخوان ، هيدا مش حوار أبدا ، وبهل الطريقة ما حدا بيقنع التاني أبدا ، بهل الطريقة بتقسى القلوب ، ويتولد الحقد تجاه بعضنا -حتى لو بآخر الموضوع ضحكنا على حالنا وقلنا الله يبارك فيك و...- كل واحد منكم هدفو يوصل فكرتو للتاني ، خليكم متذكرين هل الشغلة ، وكل واحد يسأل حالوا ، هل كلامي يؤدي إلى توصيل فكرة ؟ أم يؤدي إلى فتنة بين الشباب ؟؟؟؟

يا أخي يالله.. واحد بقلي كذاب.. وواحد بقلي ضال.. ومنافق...
رح آخد جائزة نوبل للصفات السيئة....

مشكوريننننننننننننننننننننننن

ما فهمت عليك شو عم تحكي يا فشلان

بس أنا ما قلت عليك ضال

واذا انت فهمت عليي هيك ، بعتذر منك

له له يا خي إنت حبيبي والله.. أنا ما قصدي عليك.. بس محمد الحج وصفني بالنفاق والغش.. والقاسي عم يقسى عليي ووصفني بالكذاب.. وهيك

إنت على راسي معلمي...