لا ولو ما بينهان عليي ابدا,اقتباس:
المشاركة الأصلية كتبت بواسطة NARA
وبعدان بما انو رح طول شوي بالقصة الحاية , يمكن للثلاثاء حتى حطا, رح نحط كمالة هالقصة ونطركن يومين تلاتة لنبدا بقصة جديدة
عرض للطباعة
لا ولو ما بينهان عليي ابدا,اقتباس:
المشاركة الأصلية كتبت بواسطة NARA
وبعدان بما انو رح طول شوي بالقصة الحاية , يمكن للثلاثاء حتى حطا, رح نحط كمالة هالقصة ونطركن يومين تلاتة لنبدا بقصة جديدة
اييييه بعد ما زعل ابو حمدان
راح قعد على القهوة
بالقهوة بيحضا بصاحبو.
سألو صاحبو: شو حكايتك يا أبو حمدان ليش زعلان ؟؟
قام حكالو قصتو مع مرتو من أولا لأخرا
وقال: مرتي راح تجنّني ما عما تفهم علي،
وما عما تعرف إنه ما معي جبلها أكتر من صحن الحمص،
شلون اشتريلا بيت وما بعرف كيف بدي اعمل معها.
قالو صاحبو: هاي بسيطة يا أبو حمدان
أجت بوقتها والشغلة صارت وصارت،
فيه دار فاضي ما حدا عما يسترجي يسكن فيا
لأنو ساكنينا الجان،
وعما يطلع فيها عفريت بيتلبس بالواحد وما بيتركو
لحتى يجن ويسوح بالدنيا،
روح خود مرتك عليها بيطفشها الجني وبترتاح منا.
قالو أبو حمدان: والله جبتها،
وأخد منو العنوان والمفتاح وراح لعند أم حمدان.
قالا: ياللا يا أم حمدان هاي لقيتلك دار جديدي،
قومي احملي الأغراض والحقيني بسرعة.
فرحت أم حمدان وصارت ترقص وودّعت جيرانا: بخاطركن زورونا راح نشتقلكم ونشوفكن بخير.
دوروا عالدار لحتى لاقوها دخلوا عليا
طلعت قايمي قاعدي الوسخ طامرها.
قال أبو حمدان لمرتو: أدخلي أنتي اغسلي الدار وجهزيها ولما تخلصي تعزيل، وتنظيف برجع لعندك.
قالتلو أم حمدان: بالسلامة الله معك يا رجال ولا يهمك أنا ساعتين وبخليها عما تضوي ضوي.
راح أبو حمدان وهو عما يقول بنفسو: إن شاء الله برجع بلاقي الجنّي متلبسك وأخدك على جهنم.
قامت أم حمدان ما نها كسلاني
صارت تنظف وتشطف وتنفض فرش البيت والأرض والحيطان
من الوسخ والتراب،
ما لقت شي تنفض فيه الغبرا شلحت باستها،
وصارت تنفض فيها،
ما شافت إلاّ العفريت نط بوجها
قالتلو: جيت والله جابك أنا عما دور على حدا يساعدني
أبو حمدان كسلان راح وتركني لحالي،
وما في غيرك يساعدني حتى خلّص قبل ما يرجع أبو حمدان.
وشقّت باستها وناولتو طرف منها،
وقالتلو: ياللا يا شوف همتك نضف معي؛
وصار هو حيط، وهي حيط لحتى نضفوها عالآخر
وصارت تضوي وتلمع متل المراي.
فكّر العفريت بنفسو: والله هالمرا بسيطة ودرويشة وعالبركة،
وأحسن من كل اللي سكنوا بهالدار من قبل،
قام جاب جرّة دهب وقاللا: خدي يا أم حمدان اشتري اللي بدك إياه
وكل شيء بيلزملك وبيخطر على بالك وتركها واختفى...
أم حمدان أخدت الدهبات
ونزلت عالسوق واشترت عفش جديد للبيت،
ودهنت البيت كلو وصلّحتو واشترت حلق وجوز مباريم،
ولحمي وهبرة وجرن كبي وقعدت صارت تعمل كبي،
وبعد ما خلصت قعدت عالشباك تستنى جية أبو حمدان .
أبو حمدان قال لحالو: راح روح شوف شو صار بهالمرا لسة عايشة وإلاّ ماتت وخلصت منها.
وصل أبو حمدان لعند البيت ما عرفو،
صار يدور على البيت ويروح ويجي من قدامو،
لحتى شافتو أم حمدان من الشباك.
صاحت عليه ما عرفا،
دخل لعندا ولما عرفا صاح: ولك هاي إنت يا أم حمدان والله صايرا مرا جديدة شو عما تسوي هون وين صار بيتنا ؟
قالتلو: ولك هادا بيتنا يا أبو حمدان شو ما عرفتو؟
أنا من ساعة خلّصت تعزيل وظبّط البيت عالآخر،
وهاي لبستلك حلق ومباريم وعملتلك كبي،
وقاعدي عما إستناك حتى ناكل سوا.
فرح أبو حمدان وقعد مع أم حمدان يأكلوا كبي،
وعاشو بهنا وسرور وتوتي توتي خلصت الحدوتي .
ههههههههههههههه مع إنا القصه خرافيه بس بضحك
شكرا كتير أخت نادين عم نعذيك معنا وبي نق عليكي على كفاية القصص
يا مية اهلا وسهلا بالست نارةاقتباس:
المشاركة الأصلية كتبت بواسطة NARA
في واحد عندو مرا ما بتفهم عليه،
أي واحد بيقدر يضحك عليها ويخلصها اغراضها,
اجا ليوم قص فيه صوفات الغنم وضبهن بالخيشي وراح عالرعيي.
ووصاها قبل ما يطلع: يا مرا أوعا تبيعي الصوفات لحتى ارجع من الرعيي.
والله هو قفا ضهرو من هون واندق الباب من هون،
وإذ واحد عما يصيح: اللي عندو صوف مقصوص للبيع.
فتحت المرا الباب وسألتو: شو عرفك أنو عنا صوف بدنا نبيعو،
شو واجهت جوزي شي وهو رايح على الرعيي.
والله هادا فكر شوي وقال بنفسو: اوف هاي عز الطلب،
نعم واجهت جوزك بالطريق وبعتني حتى حمّل الصوفات .
دخل لحتى يزين قالها أنو ما معو وزن،
قالتلو: ليك نحنا عنا ميزان بس بدنا وزنة رطل.
قلها: أنا معير أجري رطل وصار يحط رجلو بكفة والمرا تحط الصوف بالكفي المقابلي،
وما تتحرك الكفة وضلت تحط لحتى ما عادت تشوفوا
فتسألوا: شو صار الوزن ؟
يقلا: لسه.
وهي تحط صوف لحتى ما عاد يقدر يرفع أجرو.
وبهالشكل زان كل الصوفات،
وعباهن بالخيشي.
قالتلوا المرا: لا تفكرني غبيي ما بتطلع من هون قبل ما تدفع حق الصوفات.
قلها: تكرمي ما بطلع إلا ما أعطيك شي ما بيقدر يطلع بلاها الجمال من هون لباب الدار.
وقام ناولها المسلي وأخد الصوفات وفكحا وطلع عما يركض.
رجع جوزها المغرب ولاقا الدار فاضيي ومافي صوف.
صاح فيا: يا فلاني وين الصوف ؟
فحكتلو القصة
وقالتلو: بس ما خليتو يطلع من هون لحتى اعطاني حقن هالمسلي،
وقلي ما بيطلع بلاها الجمال من هون لباب الدار.
صفن الزلمي وحط ايدو على خدو
وقال: شوفي يا مرا انا ما رح طلقك ورايح دور بهالبلاد،
فإذا لقيت متلك خليتك وإن ما لقيت متلك ضليت مطلقك وانت من طريق وأنا من طريق.
ايه خلاص بكفي هالقد , منكفي مرة تانية, تابعونا
شكرا كتيرررررررررررررررر بس. يارتني طالبه شي 1000000 دولا
ياريت في طريقه تانيه بدال مانثبت الموضوع نحبس نادين حتى تكفينا كل القصص يلي عندا وما تتركنا هيكي محرقصين ههههههه:1 (11):
مبروووووك على تثبيت الموضوع
السلام عليكم :)... كيفكم يا جماعة
الله يبارك فيكي أختنا نادين على هذه القصص الهادفة :)... والمعروضة بطريقة مميزة..
وهذا المنتدى والموقع الذي جمع أهل القرية من كل أطراف المعمورة وأدى إلى تعارفنا جميعا على مائدة من التآخي والتآلف حتى أصبح يحس أحدنا بفرح وحزن الآخر أغلى من المليون دولار وأكيد الست نارا توافقني الرأي...
نسأل الله أن يعيننا أن نرقى بمنتدانا وموقعنا وقريتنا إلى أعلى المراتب...
أخوكم:rolleyes:
شكرا لالك اخت نارة على طلبك من الادارة والمشرفين تثبيت الموضوع , وانا بدوري مش رح اتأخر عليكم بتقديم القصص الحلوة ان شاء الله.اقتباس:
المشاركة الأصلية كتبت بواسطة NARA
الله يبارك فيكم اخ عبد اللهاقتباس:
المشاركة الأصلية كتبت بواسطة عبد الله
وعليكم السلام,اقتباس:
المشاركة الأصلية كتبت بواسطة الشامي
اهلا بك اخ الشامي , وفيكم بارك الله.
مشكورين على التثبيت
نسأل الله أن يعيننا أن نرقى بمنتدانا وموقعنا وقريتنا إلى أعلى المراتب... امين
ايه وهلأ خلونا نكفي ونشوف شو عمل هالزلمة المعتر,
ضب بقجتو وزوادتو وركب الفرس وقبع فيا،
حتى وصل على ضيعة فيها ولد عم يصيح والعالم متجمعة حواليه.
سألن: شو في ؟
قالولوا: هادا ابن الأمير إيدوا دخلها بجرة الجوز،
وما عما يقدر يطالعها،
ناس بيقولوا: اقطعوا ايدوا.
وناس خايفين عالجرة ماتنكسر.
قام بعّد العالم من حواليه وقرب لعندو،
وقلوا: يا عمو يا صغير افاح إيدك وفضي الجوزات اللي بإيدك،
قام الولد تركن من إيدوا فطلعت فاضيي من الجرة متل ما دخلت.
طار عقلن الناس وفكروه صاحب كرامي وصاروا ما يعرفوا شو بدن يجازوه ويعطوه، وصاروا ويرموا عليه من المجوهرات والدهب شي كتير.
لمن وحملن عالفرس وراح وقف عند النهر لتشرب الفرس،
فلاقى كل هالنسوان متجمعة عما تغسل،
وشافو معو هالدهب
سألوا: منين هالدهب ؟،
قلن: جاي أعور الدجال على الضيعة وأهل الضيعة لما سمعوا فيه اعطوني كلشي عندن من الدهب فشو عندكن هاتو لخبيلكن اياه.
صارت كل وحدي من النسوان تشلح دهباتا وتناولو اياهن،
لحتى جمع كومات حملن على الفرس ورجع عالبيت مبسوط
وقالا لمرتو: يوه يا مرتي ، طلعتي أشوى من غيرك بكتير .
ورجع إلها بالغنيمي بدل صوف الغنمات ورضي بمرتو وعاش هو وإياها مبسوطين. وتوتي توتي خلصت الحدوتة
أكيد الجمعة الحلوة والألفه الطيبه أغنى من مال دنيا كلاااااا بس عم نمزحاقتباس:
المشاركة الأصلية كتبت بواسطة الشامي
اليوم رح احكيلكن قصة جديدة,
قصة عن رجال بخيل كتير ,
يللا تعلموا يا رجال انكن ما تكونو بخلا ابدا,
كان في أديم الزمان,
كان في زلمي اسمو أبو كاترينا
وكان غني كتير لكنو بخيل كتير,
في يوم من أحد الأيام اشتهت مرتو أكلة كبّي،
فطلبت منو يجبلا رطل لحمي حتى تعمل كبّي،
وبقت تلحّ عليه كتير حتى وافق معا وراح عالسوق
وجابلها رطل هبرة،
وقعدت المرا مانا كسلاني
وصارت تدق اللحمي بالجرن وتعمل كبي,
ولما صارت تشوي قعد جنبها
وصار يعدّ اقراص الكبي
حتى انتهت عد مية واربع اقراص كبي،
فعطاها قرصين تاكلن وأكل هو قرصين وخبا الباقين،
وقالا: يا ويلك وظلام ليلك يامرا إن رجعت ولقيت قرص واحد ناقص من الاقراص بطلقك وبروح بنام بالجباني .
هو طلع من البيت
وهي اجت شحّادي عجوز لعند مرتو
عما تشحد أكل,
فاعتذرت منا المرا لأنو جوزها ما بيسمحلا تشحّد أكل لحدا,
ترجتها وصارت تبكي وتشكيلا جوعا وقرف عيشها،
حتى حنّ قلب المرا عليها,
فأمت اعطتها قرص كبّي.
لما رجع أبو كاترينا أول شغلي عملها فات عدّ أقراص الكبّي,
فوجدن ناقصين قرص قام غضب واحمرت عيونو على مرتو،
وحاولت مرتو تحكيلو القصة ما سمع منها،
وصار يصيح ويولول وحلف عليها بالطلاق،
وقام لم تيابو وأموالو وراح عالجباني،
لقى فيها قبر فاضي طب ونام فيه .
بدكن تعرفوا الكمالة, لازم تنطروا للمرة الجاية لان لازم اوم اطبخ هلأ.
ماتقتل البخيل إلا يدين الكريم ، كانوا يقولوها زمان عشان يحس البخيل بمدى البخل اللي فيه وعشان يحس و ببخله و يستحي على حالو و يحاول يتخلص من العادة السيئة تعيتو ، بس الظاهر ان البخلاء في الزمن يلي نحنا فيه ما بيستحوا.لو تسأل اي بنت مثلا في عمر الزواج عن مواصفات فتى الأحلام راح تذكر لك مليون صفة بدا تكون بي فتى الأحلام ،يعني يكون وسيم و طيب القلب ( مو عبدالمجيد عبدالله ) و رومانسي و ذوق . هذا كله مقابل صفة وحده بس ما بدون هي تكون بي فتى الأحلام الا وهي البخل..يعني ممكن ان البنت تضحي بأي صفة من اللي ذكرناها بس انو ما يكون بخيل. وطبعا اغلب الناس اكيد مرت عليهم حالات في حياتهم و شافوا فيها ناس بخلاء بجميع الأنواع و الصفات. عندي بي البنك كان عندي عميل راس ماله يا ناس اكثر من خمسمائة مليون درهم ، وولادو اكبرهم رجل امن في احدى الشركات الخاصة واعتقد ان راتبو مابتجاوز ثلاثة الاف وابنو التاني بيشتغل موظف استقبال في احدى المستوصفات. بالله عليكم شو بتتوقعوا ان هالأولاد شو انطباعون عن ابوهم؟؟
في قديم الزمن اشتهر العرب بالكرم و من أشهر الأمثلة القديمة شفنا كيف ان نبينا و سيدنا محمد عليه افضل الصلاة والسلام أخا بين المهاجرين و الأنصار بعد الهجرة الى المدينة المنورة، و عرفنا كيف اهل المدينة كانوا في غاية الكرم مع اخوانهم المهاجرين و حيث قام الانصار بتقسيم اموالهم مع اخوانهم المهاجرين. وكلنا نشوف هيدي الأيام شخص يكون غني غناء فاحش و نلاقي خيو من لحمه و دمه في البيت يلي حدو لا يملك قوت يومه و تمنعه عفه النفس عن مد يده لأقرب الناس له. مني تحية الى كل شخص يسأل عن احوال اخوانه و جيرانه و اقربائه و أسأل الله العلي القدير ان يزيده غنى فوق غناه.
ويالله ست نادين كفايه القصه وين:(
يا هلا بالست نارة ومشكورة على الاضافة,
اما بالنسبة لكمالة القصة,
فاليوم رح نعرف شو عمل ابو كاترينا,
بعد كام يوم إجا أبو مرتو ليزورن
طلعتلو بنتو،
سلم عليها وقعد يسألا عن جوزا
صارت تبكي وحكتلو قصتا معو،
فكر أبوها شوي والاّ: الله يكون بعونك يا بنتي
على هالعيشي اصبري علي شوي
راح حللك مشكلتك مع جوزك أبو كاترينا.
لما حلّ الليل راح لعند قريبو
واتفق معو يعملو مقلب مع أبو كاترينا
وراحو اتنيناتن عالمقبرا ووقف كل واحد جهة،
وصاح أبوها بصوت قوي وغليظ: اسمعوا ياميتين
بيقول لكم عزرائيل انهدم حيط بجهنم,
بدكن تقوموا كلكن لتعمروه.
جاوبو قريبو بصوت أغمق: نحنا متنا وفنينا
وما بقي حدا في حيل هلق إلاّ البخيل أبو كاترينا.
رد الأب: معناتا ما في غير أبو كاترينا
يشتغل بعمارة الحيط أنا رايح خبر عزرايين وراجع.
لمّا سمع أبو كاترينا ها الكلام
قام ضب مالو وشمع الخيط
وهرب من المقبرة،
ورجع عالبيت وصالح مرتو
وعاهدا أنو يصير كريم من هون ورايح،
وقالاّ صارت الملائكي بالسما عما يحكوا عن بخلي.
وهيك صار أبو كاترينا كريم وصار يشتريلا لمرتو تياب
وأكل وبطل البخل وعاشو بالهناء والنعيم
وطيب الله عيش السامعين .
ان شاء الله تكون القصة عجبتكن ,
وانتطرونا مع قصة جديدة
شكرا لكمالة القصه
بس أنا مسافره نهار الخميس على لبنان من تاريخ 27-3 حتى 4-4 يعني ياريت ماتحطي قصص بغيابي مشان مايروح علي القصص وصير ضيع بليززززززززززززززززززززززززززززززز:1 (86):
ما تخافي اذا كمالة القصة أخدت 5 أيام فأكيد تتبلش قصة جديدة بتروحلا شي 8 أيام .
شكرا لكمالة القصة
اقتباس:
المشاركة الأصلية كتبت بواسطة NARA
ولا يهمك يا ست نارة , ما بقا ح ضيف قصص حتى ترجعي من لبنان, يللا ان شاء الله بتنبسطي بلبنان, وعقبالي بشي زيارة على لبنان ان شاء الله.
اهلا بك اخ عبد الله, الست نارة بتعرف ليش انا ما كملت القصة , واذا كمان انت بتحب تعرف واي عضو مش مشكل,اقتباس:
المشاركة الأصلية كتبت بواسطة عبد الله
الخمس ايام اللي مرؤو وما شاركت بالمنتدى كنت عم كزدر مع زوجي وبنتي لان كان زوجي عندو عطلة لمدة خمسة ايام.
إن شاء الله بتزوري لينان وبكون موجوده حتى اتعرف عليكي شخصياقتباس:
المشاركة الأصلية كتبت بواسطة Nadine
شكرا لكي اخت نادين عل الموضوع الجميل والقصص الحلوة
بدك تنطرينا 8 أيام بس مانو عدل هيك وأنا بحتج .
طيب كرمالي أنا مابتنطر راح صير ازعل منكاقتباس:
المشاركة الأصلية كتبت بواسطة عبد الله
له يا عمي عم أمزح.
شو يا نادين ناطرين بكرا الصبح قصة غير شكل ما هيك
اهلا بك اخ عامر , مشكور على المشاركة والتشجيعاقتباس:
المشاركة الأصلية كتبت بواسطة amer
تكرم ان شاء الله رح تكون من احلى القصص,اقتباس:
المشاركة الأصلية كتبت بواسطة عبد الله
له له ما فينا على زعل الست نارة .
الله يخليك يارباقتباس:
المشاركة الأصلية كتبت بواسطة Nadine
كرمال عبدالله مايزعل حطينا قصه اليوم كامله بس ياريت تحطيا هلأ لان اليوم مسافرة حتى اعرف كل نهاية القصه:) وشكرااااااااااااااااااااا
الله يسلمك اي والله رجعت نهار الجمعهاقتباس:
المشاركة الأصلية كتبت بواسطة Nadine
أكيد انبسطت تمنيناكي تكوني معنا
يالله ناطرين القصص الجديده
لازم تكون القصة هل المرة على الست نارة
لأن هية يلي كانت معطله الموضوع
وللا شو رأيكم يا أوادم ؟؟؟؟؟؟؟؟؟؟؟؟؟؟؟؟
وكمان منخفف ضغط على نادين
هلأ اذا ما كانت هل المرة على نارة طيب المرة يلي بعدها انشاء الله
ششششششششووووووووووووووووووووووووووووووووو رأيكم ؟؟؟؟؟
هههههههههه بخاف إذا كتبت القصه مشرفين يشيلو تثبيت عن الموضوع لأن مابعرف اكتب قصصاقتباس:
المشاركة الأصلية كتبت بواسطة عبد الله
الأفضل ينترك على نادين :)
كان يا ما كان في أديم الزمان،
وسالف العصر والأوان حتى كان،
كان في رجال فقيرَ الحال
بيشتغل إسكافي بدكان صغيري،
يادوب عما يقدر يطالع حق أكل وشرب لعيلتو،
وبيرجع آخر النهار اللي اشتغل فين بيشتري
شوية أكل بيطعمي مرتو واولادو وبيحمدو ربن
مبسوطين ورضيانين باللي الله قسملن إياه،
وعند المسا بالسهرا كان الإسكافي يجمع أولادو
ويحكيلن حكايات حلوي حتى يناموا …
في أحد الأيام إجت جارتن مرت التاجر الغني لزيارتن،
ولما فاتت عالبيت لقتو فاضي وما عندن شي،
فسألت جارتا عن أحوالا،
فصارت مرت الإسكافي تشكيلا القلّي وضيق الحال،
وأنو جوزا دوبو عما يأملن لقمة الأكل للأولاد .
رجعت جارتن قلبا عما يوجعا على حالة جيرانا
وقامت حكت لجوزها عن حالة جيرانن الصعبي،
وانن فقيرين منتوفين عايفين حالن
وقالتلو: ينوبك أجر وثواب وزكاة اذا تعينن وتساعدن،
فحنّ قلب الغني على جيرانو
وأعطاها كيس دهب مليان تعطيه للجيران،
حتى يتفضّوا فيه ويقضوا حوايجن.
أخدت المرا كيس الدهب
وراحت لعند جارتها وأعطتا إياه عالسكت،
وقالتلا هادا أمانة من جوزي إلكن تتفضو فيه وتأمنوا حالكن.
أخدت الجارا الفقيرا الكيس
وشكرتا عليه لجارتا وحطت الكيس بالطاقة
ورجعت لشغلى، لحتى رجع جوزا الإسكافي
ناولتو مرتو الكيس
وقالتلو: هادا أمانة من جارنا إلك حتى تتفضا فيه.
أخد الاسكافي الكيس وفضاه عالأرض،
وإلاَّ طلع كومة دهب بين أيدين عما يلمع ووج
فطار عقلن وجن جنونن.
وقعدوا المرا والأولاد طول الليل يعدّوا الليرات
حتى تعبوا ونعسوا،
قال الإسكافي: اتركونا من العدّ اليوم،
وخلينا نفكر شو بدنا نعمل بالمصاري ؟
بلشت المرا تعد شو بدها
وشو حاجتها من التياب والأساور وأغراض للبيت،
والأولاد صاروا يعدوا كمان شو بدن تياب،
وأغراض كتيري وألعاب،
والأب بدو يشتري دكان كبيري
وعدة ومزرعة ودار كبيري
وكل هالشي بالمية ليرة،
وصاروا يتجادلوا ويتقاتلوا على المال.
قلن الإسكافي: اتركونا من المشترا هلأ
وبكرة منتفق عليه،
وشوفو هلأ وين بدنا نخبي المال ؟
حتى ما يسرقوا الحراميي،
فولاد الحرام كتير هالأيام،
قاموا علقوا من جديد
وصار كل واحد بدو يخبين بمكان،
واحد قال بالفرشي واحد بالطاقة،
وتاني بالخزوني مع البرغل
وغيرو بدو يحفرلن جورا ويطمرن تحت الأرض،
وعلقت بيناتن معركة حامية، لوش الصبح.
قامت المرا ولمّت أغراضا بدها تترك البيت
وتزعل عند أهلا،
والأولاد صاروا يتآمروا مع بعض
حتى يقتلوا أبوهن ليستولوا على المال
ويتقاسموه بيناتن،
وصار كل اتنين يتفقو مع بعض على الباقين وشغلي كبيري.
فكّر الإسكافي بهالمصيبي
اللي نزلت علين،
وخربت بيتن وحرمتن من السعادة والراحة والنوم والحكايات،
قام لم المال ورجعن عالكيس
وراح لعند جارن الغني،
وشلفلو الكيس
وقاللو: خود أمانتك عمي الله عن يغنينا عنك وعن مالك
اللي خرب بيتنا ونزع حياتنا.
ورجع إلى بيتو وصالح مرتو وأولادو مع بعضن،
وأعاد الأمور إلى مجاريا كما كانت،
ورجع يشتغل طول النهار ويرجع المسا يحكيلن حكايات حتى يناموا مبسوطين ويشوفوا أحلى المنامات
يعني شيء مستحيل
نادين خلصت القصه اليوم كامله هيدي بدا ذقفه كبيره
شكرااااااااااااااااااااااااااااااااااااااااااااااا ااااااااااااااااااااااااااااا
مشكورة يا اخت نادين على هالقصص الحلوة
ههههههههههههههه
مشكورة كتير اخت(نادين)اوّلا على الاقتراح الحلو بموضوع القصص و تانيا``على القصص زاتا .سلام