ما هو " الحب " في زماننا ؟!!!!

يا هلا بالست باربي......
و يا هلا بالست ام السعد.......
حبيت ارجع شارك بالموضوع......الحب كلمة لها معاني راءية كتير بس للأسف كتير من الناس استخدموا و عم يستخدموا بغير محلا.......و كتير من العالم....عم يحاول يوصلو لمصالحون تحت هل الشعار......و كتير من العالم كمان عم يكون فهم قاصر لهل الكلمة و المعاني و الأشياء لي بتحملا ف عم تكون تصرفاتون بهل الناحية نوع من نزع صيط الحب........
الست باربي اختصرت الحب بكلمات.....ؤلت ازا الواحد بحس بألبو بش اتجاه شخص تاني شبسمو هادا........
انا معك يا ست ام السعد بكلامك ......بس انتي عم تحكي من خلال لي عم تشوفاي.......معك حء تؤلي هيكا........واءعنا صعب.....بس الكلام ما فينا نعممو.....و نؤل كل الحب هيكا.........في كتير امثلة لحب ما فاي شي من الأشياء لي زكرتيا.........

يعطيكن العافية ......
اخوكم دوكر المعوكر..............

merci 3ala ra2yak , li2anou fi mn lsa7 , aham shi lwe7ed

mayenfi 3atoul bira2you metel ma2alet
( أم سعد) .....
akid ma3 e7tirami la ra2ya
bas kamena , l we7d mafi yed7ak 3ala nafsou w y2oul mafi 7ob , li2an l 7ob mawjoud bi kol alb .....ma3 enou fi ktir sarou mabyi3tou hal kelmeh 7a2a w byitsarfou ghalat ta7et shi3ar l 7ob .....so mishen hek 7abet ellak thx li2an ra2yak sa7i7 , w ana kont 7ebeh wade7la l fekra la
( أم سعد) ....
w aham, shi ykoun lwe7ed 3atoul 3am yra2eb tasaroufetou mishen tkoun a2rab shi la sa7 w b3ideh 3an li byighdeb allah
thx again

اقتباس:

---

المشاركة الأصلية كتبت بواسطة ام السعد

حتى اللي بيتجوزوا عن حب اساليهم وهني بيخبروك بعد يومين من الزواج بيقولك الزوج طلع كلو كذب بكذب وبيصير بدو يطلع ع غيرها وقبل الزواج بيكون العاشق الولهان وهي العاشقة المتيمه .

---

فلتسمح لي الأخت ام السعد أن أعارض كلامها تماما وذلك استنادا للمثل القائل "سآل مجرب ولا تسأل حكيم" فقد ارتبطت بعد علاقة حب مستميتة إلا أني وجدت بعد الزواج أن ما أشعر به (شعور متبادل) تجاه زوجتي حفظها الله هو أكبر من أن يعبّر عنه بكلمة حب لأنه أصبح أكبر وأسمى من ذلك وصار شعورا لا أجد ما أسميه به وربما كل المشاكل التي أواجهها في هذا المنتدى هي بسبب حبّي لزوجتي إذ أن السبب في مشاكلي هو ثورتي بجنون في وجه مشاركة لأحد الأعضاء تكلم فيها عن بناتنا وثرت بوجهه بكل زخم ، فالحب الصادق هو من أسمى معاني الحب ويتبلور طبعا بالزواج ويستمر بالنمو ليصبح شيئا أعظم من أن يسمّى حبّ.

فلتسمح لي أختي أم السعد أن أعارضها الرأي أنا أيضا. ومتل ما قال أخونا "إسأل مجرب ولا تسأل حكيم". أنا أيضا تزوجت عن حب, كانت في البداية مجرد إعجاب بريء ولكنني وقعت في الحب بجنون بعد الخطبة. وها أنا بعد سنوات مع شريك العمر, كل يوم يزداد حبه في قلبي أكثر وأكثر.
الحب بنظري أنا هو إحساس لا يوصف بالكلمات. الحب هو كل ما في القلب البشري من الرقة والحلاوة والعذوبة. ونحن حين نحب لا يكون لدينا تبرير أو سبب. يعني قد تسمعين إحداهن تقول "أحبه لأنه كريم وشهم" أو "أحبه لأنه حنون وطيب" أو "أحبه لأنه ذكي وجميل" إلى آخره من المواصفات. ولكن برأيي الشخصي أننا لا نحب لأي من هذه الأسباب, وإلا لكان الحب مشروطا والحب الحقيقي لا تحكمه شروط ومواصفات محددة.
أنا مثلا أختلف عن زوجي تقريبا بكل شيء.. إهتماماتنا, هواياتنا, نظرتنا في الحياة.. أنا وهو على النقيض في كل شيء إلا في الحب

والحب لا يعني أن الحياة ستكون خالية من المشاكل. لأنه حين يجرحنا الحبيب فإن الجرح يكون عميق جدا. والقلب يؤلم فعلا عندما لا تكونين على وفاق مع من تحبين.

الحب هو أن تعطي دون أن تنتظري المقابل
الحب أن تتقبلي الحبيب بكل حسناته وعيوبه
الحب لا يخضع لقوانين وأحكام
الحب لا يعرف الكبرياء والغرور
الحب أن نسامح ونغفر لمن نحب

الحب هو نعمة من الله لا يعرف قيمتها إلا من أنعم الله بها عليه\ها..
فالحمد لله..:1 (31):

الحب هو انك اتعيش حياتك بالقرب من يلي بتحبها ، تسمعلها ، ما تزعلها ، بتضل اتفكر فيها ، بتفوت على التخت الساعة 12 وما بتقدر تنام قبل شي تلت أربع ساعات ، بتفكر وتفكر فيها ، بجمالها بقلبها ، بكل كلمة سمعتها منها اليوم ، وشو بدك تقلها بكرا و....

ما بعرف كيف في ناس بتقول انو ما في حب ، ما بعرف هدال كيف بعيشوا ، بشو بفكروا ما بعرف .


أنا بالنسبة لي الحب هو كل شي بهل الدنيا ، وبعتبر انو الإنسان يلي ما بحب هو إنسان أخوت ومعتوه ، ومحروم من شغلات كتير حلوة .

أهلا وسهلا بالست ملاك ، كلامك جميل ، وصحيح حسب رأيي .


بس عندي سؤال للشباب ، أكيد كلياتكم مرقتو بمرحلة انو الواحد يحب أكتر من واحدة فشو عملتو ؟؟

أنا أكتر شغلة بتحرجني هي انو لما بنت بتفكر اني أنا بحبها ، وعم اتعامل معها منيح لأن بحبها ، وهو كل هيدا ما في منو ، محسوبكم بيتعامل منيح مع كل الناس الشباب والصبايا ، بس هيد البنت ما بعرف كيف فهمت اني معجب فيها وشكلها واعدة حالها ، بكرا الله يستر لما بصير وقت الجد وبدي اتزوج ، ما حابب زعل حدا ، وأكيد ما رح أخد تنين .

اقتباس:

---

المشاركة الأصلية كتبت بواسطة أبو الليل

الحب هو انك اتعيش حياتك بالقرب من يلي بتحبها ، تسمعلها ، ما تزعلها ، بتضل اتفكر فيها ، بتفوت على التخت الساعة 12 وما بتقدر تنام قبل شي تلت أربع ساعات ، بتفكر وتفكر فيها ، بجمالها بقلبها ، بكل كلمة سمعتها منها اليوم ، وشو بدك تقلها بكرا و....

ما بعرف كيف في ناس بتقول انو ما في حب ، ما بعرف هدال كيف بعيشوا ، بشو بفكروا ما بعرف .


أنا بالنسبة لي الحب هو كل شي بهل الدنيا ، وبعتبر انو الإنسان يلي ما بحب هو إنسان أخوت ومعتوه ، ومحروم من شغلات كتير حلوة .

---

شو أبو الليل شو قصتك؟ الهيقة غرقان لشوشتك عأولة ما بيأولوا هههه، ما خبرتنا مين هيدي أم الليل السعيدة الحظ؟ سمارة ؟ والله فيفي عبدو؟؟ لأن إذا هيدي عقليتك متل ماني شايف من مشاركاتك واهتماماتك والأغاني وتهجمك على الدينين فأكيد رح تاخد من هالأشكال ، يا هلا والله بأبو الليل, بس ما قلتيللي شو مطلعك بنص النهار؟ بحساب أبو الليل ؟؟ هههههه

ليس من هناك من مفهوم في الحب
وهل من صفات الحب تواجد المفهوم في عصرنا
هل في الحب بند بأن لانعرف أسماءنا
أونتجاهل أفعالنا ونرمي كل شيء ورائنا
هل للصدق والعفة والأخلاص والتضحية والوفاء بند من بنود الحب
أم شطبت بنودهم......؟؟
أم أصبح للغش والخداع اهم بنود الحب في عصرنا
لماذا لانعيد صياغة بنود الحب بأنفسنا

اقتباس:

---

المشاركة الأصلية كتبت بواسطة ام السعد

حتى اللي بيتجوزوا عن حب اساليهم وهني بيخبروك بعد يومين من الزواج بيقولك الزوج طلع كلو كذب بكذب وبيصير بدو يطلع ع غيرها وقبل الزواج بيكون العاشق الولهان وهي العاشقة المتيمه .

---

اقتباس:

---

المشاركة الأصلية كتبت بواسطة ام السعد

واساليها هي بتقولك يضرب الحب شو بيذل .يضرب الحب وساعتو .
كنت حمارة كنت هبله كنت حوله وين كان عقلي .؟؟؟؟؟؟؟
.

---

أنا متزوج وما بقول مثل ما عم تقولي...
والأمر الآخر... ليش حاطة على طول الحق على الرجال؟؟؟؟
هلأ هو صحيح إنو صارت الأغلبية مثل ما عم تقولي... بس هادا لسبب واحد.. وهو أسباب الحب

في هذه الأيام هناك أسباب كثيرة للحب... في شباب بحبو لأن البنت حلوة... أو لأن البنت بتظهر أكثر ما بتخفي.. أو لأنها مغرية... أو لأنو ما عندا مانع على شي...
وبالتالي من كان هذا هو سبب حبه... اعتاد عليه بعد الزواج... وصار بالفعل يريد المزيد...
والإنسان لا يمكن له أن يبقى على ما هو عليه... فبفطرته يحب المزيد...
فإن كان معه ألف ليرة يحب أن تصبح ألفين... وإن كانت لديه فتاة جميلة... يحب أن يحصل على أجمل... وإن كان موظفاً فهو يحب أن يكون مديراً أو مسؤولاً...
فإن كان مؤمناً؟؟؟؟ فهو يحب أن يزيد إيمانه أيضاً.... وهنا تكمن الغاية...
من كان حبه نابعاً من إيمانه.. فإنه يزيد مع الأيام كلما زاد ايمانه... فإيمانه يدفعه إلى زيادة حبه... وإن الرجل إن رآى في زوجته الصلاح والتقى... زادت رغبته فيها... وكلما أقدمت على طاعة... أفسح لها مكاناً جديداً في قلبه... ذلك أن حبه موصول بالله عز وجل...
وكلما زاد إيمان المرء كلما تحسنت معاملته مع الآخرين ومنها الأزواج.. وكلما تحسنت المعاملة كلما نما الحب وازداد... فالمؤمن لا يجرؤ على أذية أي شخص.. لا بالقول.. ولا بالفعل... ولا بالنظر... ولا بأي شيء... بل تراه يبحث جاهدا عن أفضل طريقة لمعاملة الناس لكي يبدو بمظهر الإنسان المحترم الصديق الوفي الصادق الأمين المساعد... إلى ما هنالك من صفات حسنة... وبالتالي ماذا يحصل مع المرء إذا تعاملت معه زوجته بهذه الطريقة؟؟؟؟ وماذا يحصل مع المرأة إذا عاملها زوجها بهذه الطريقة؟؟ والله إنه ليستحيي أن ينظر إلى غيرها إكراماً لها ولمعاملتها الحسنة...

وصدقوني لو أن رجلاً تزوج ملكة جمال العالم... لنظر إلى غيرها بعد فترة قصيرة...
ولو أن مؤمنا تزوج فتاة مؤمنة عادية... وكانت علاقتها مبنية على الإيمان... لرأينا فيهم أروع أصناف الحب وأعلاه وأوفاه...
ربما يجدني البعض فيلسوفاً.... ولكن هذا ما تعلمته من حياتي الزوجية... وإن كنت كثير الخطأ... غير أني أعرف الصواب... وكل بني آدم خطاء وخير الخطائين التوابون...

shokran 3ala hal 7aki , li2anou we3i w mn ba3d 5ebra mishen hek akid sa7i7 w bl niheye kl we7ed 3endou tajroubtou l 5assa fi w kl esa gher 3an l tenyeh bas , bl natijeh l 7ob houwe shi 3anjad akbar mn enou l we7ed ye2der yousfou w mafi a7la menou iza ken byirdi allah akid

يعمّي الحب مش بس كلمة....الحب في شغلات كتير بتعقّد...خاصّةَ الحب الصادق....طبعاَ عم احكي عن يلي بحب ضمن الالزام بالحدود...وأحلا شي في هوا المشاكل البسيطة يلّي بعد ما تنحل بصير الحب مدوبل....و مش كل العالم قادرة تحب...لأن في كتير عالم معقدين و بيمشو بالطريق الغلط....الحب الحقيقي بيعطي راحة للنفس ما إلها بديل...وزيادة عن هيك، وقت بكون الشخص مكتفي من الحب، بلاقي كل الدنية بسيطة و ما الها طعمة بدون الحب...طبعاَ هاد رأيي من تجربتي.....أنا بقول مافي أحلا من الحب إذا كان الشخص الاخر عندو نفس المبادرة...وشكراً:1 (1)::1 (32):

اقتباس:

---

المشاركة الأصلية كتبت بواسطة X-Man

شو أبو الليل شو قصتك؟ الهيقة غرقان لشوشتك عأولة ما بيأولوا هههه، ما خبرتنا مين هيدي أم الليل السعيدة الحظ؟ سمارة ؟ والله فيفي عبدو؟؟ لأن إذا هيدي عقليتك متل ماني شايف من مشاركاتك واهتماماتك والأغاني وتهجمك على الدينين فأكيد رح تاخد من هالأشكال ، يا هلا والله بأبو الليل, بس ما قلتيللي شو مطلعك بنص النهار؟ بحساب أبو الليل ؟؟ هههههه

---

هيدي غرقان لشوشتك عجبتني منك ، وبقولها وبسمع الكل اني بحب بحب بحب ومش مستحي من حدا ومش خيفان من حدا لأن الحب مش عيب وأصلا هاك المرة في شيخ قال انو السماوات والأرض قاموا منشان الحب .

بس تاني شغلة يا حبيب قلبي ما حبيتها ، مين قللك اني أنا ضد الإسلام والمسلمين ، أنا من أول يوم فتت قلت اني بحترم كل الأديان وكل وجهات النظر وما اتعرضت لحدا بأي كلمة مش منيحة .

أنا برجع بقول اني مش ضد الإسلام ، وبما انك عم تسأل عن أم الليل مين يا حبيب قلبي رح قللك انو أم الليل هي بنت محجبة ومش لا فيفي عبدو ولا سمارة ، الحمد لله محجبة ، بس بتفهم عليي وبفهم عليها ، منمشور سوا ومنحكي لبعض همومنا ، وبالمناسبات منسهر سوا بالمطعم ، واسا من أول ما اتعرف عليها لهلأ ولا مرة نسيتني بعيد العشاق وأنا كمان ولا مرة نسيتها ، والفضل بيرجع لربنا سبحانه وتعالى .

بدك تتسمخر اتسمخر ، بس بحبها ومش بإيدي ، وإذا بغيب عنها لحظة بتضل صورتها بخيالي ، يعني اتصور أنا وماشي بكون صافن وعم اتخيل صورتها ، وهي كمان نفس الشي .


فيرضى عليكون ما بق حدا يزايد علينا بالدين وبالحجاب ، البنت محجبة وعم اطيع ربنا .

يا عمي صار في شي 100 موضوع عن الحب... شو رأيكم تثبتوا عشي واحد لنعرف وين بدنا نرد.....

7ebeh bas 3ale2 3ali 2alou " abou leil " , ana ma3ak bi ray2ak 3an l 7ob , bas 7abet ellak enou iza li bi7ebou ba3d kenou byilta2ou law bi maken 3em ma3 ba3don bala maykoun fi shi rasmi , fa heda shi manou sa7 akid , w bi ma3na teni , mabzen enou byirdi rabna . bas akid iza ken fi shi rasmi fa ma7ada fi y3ale2 3al mawdou3 . w anyway law kenet 7abibtak m7ajbeh , allah yberek fiya bas l aham enou lwe7ed ykoun ad l 7ijeb , li2anou manou bas teghteye lal sha3er , houwe kl shi byedbot l bent w tasaroufeta ad mafiya tab3an ....sorry akid ma2azdi bi 7akyi 3ala 7abibtak coz maba3refa 7ata , bas 7abet wade7 hal ne2ta bl mawdou3

يا هلا بالجميع......
انا متابع المشاركات.....و النءاش حلو ما شاء الله....بس بتمنى من الست باربي تكتب بالأرحرف الربي لأنو مني عم أفهم شي الا بعد ما ؤرا شي خمس مرات........
يعطيكن العافية .......
اخوكم دوكر المعوكر............

اقتباس:

---

المشاركة الأصلية كتبت بواسطة rami

فلتسمح لي الأخت ام السعد أن أعارض كلامها تماما وذلك استنادا للمثل القائل "سآل مجرب ولا تسأل حكيم" فقد ارتبطت بعد علاقة حب مستميتة إلا أني وجدت بعد الزواج أن ما أشعر به (شعور متبادل) تجاه زوجتي حفظها الله هو أكبر من أن يعبّر عنه بكلمة حب لأنه أصبح أكبر وأسمى من ذلك وصار شعورا لا أجد ما أسميه به وربما كل المشاكل التي أواجهها في هذا المنتدى هي بسبب حبّي لزوجتي إذ أن السبب في مشاكلي هو ثورتي بجنون في وجه مشاركة لأحد الأعضاء تكلم فيها عن بناتنا وثرت بوجهه بكل زخم ، فالحب الصادق هو من أسمى معاني الحب ويتبلور طبعا بالزواج ويستمر بالنمو ليصبح شيئا أعظم من أن يسمّى حبّ.

---

ههههههههههههههههههههههههههههه

اقتباس:

---

المشاركة الأصلية كتبت بواسطة ام السعد

لا يوجد حب صادق هذه الايام كلو حب مصلحة بمصلحة . لا في حب طاهر ولا برئ .
في حب خبيث .حب فارغ . متل البالون ضغطة عليه بتفجرو .
واللي بحب عقلو صغير , كله وهم بوهم . واللي بيحب بصير مسير غير مٌخير وكانه روبوت الي .
بصير ما عندو لا عقل ولا فكر بصير اهبل .
لا في حٌب ولا بطيخ .
كلو ضحك ع الدقون . سالي الكل ؟؟؟
حتى اللي بيتجوزوا عن حب اساليهم وهني بيخبروك بعد يومين من الزواج بيقولك الزوج طلع كلو كذب بكذب وبيصير بدو يطلع ع غيرها وقبل الزواج بيكون العاشق الولهان وهي العاشقة المتيمه .
واساليها هي بتقولك يضرب الحب شو بيذل .يضرب الحب وساعتو .
كنت حمارة كنت هبله كنت حوله وين كان عقلي .؟؟؟؟؟؟؟
بس ما تقولي عني معقدي .من هالحكي بس هيدي الحقيقة .
واذا ما متت ما بتشوف اللي مات .

---

أختااااااااه.......
الحياة فيها الجيد والسيء......
عندما نرى منها الجانب الجيد المضيء..نفرح وننسى آلامنا...
وعندما نرى الجانب السيء المظلم......يجدر بنا ان نتذكر أن الله يبتلينا ليجزي الصابرين.....
....................
أختاه
الدنيا ما بتخلي من الحب....
واذا صادفنا يوما ما الخائن.....فلا يعني أن لا وجود للوفي.....

ربما سنستفيد من هذه الصدفة التي جمعتنا به...
(وعسى أن تكرهوا شيئا وهو خير لكم.........)

الحب دائما موجود..........
فلا تنسي الأم والأب والإخوة...........
وأهم شي لا تنسي حب الله لنا....

مع تحياتي

اقتباس:

---

المشاركة الأصلية كتبت بواسطة Barbie

Al salem 3alaykom , sma7ili bas l 7aki li elti manou sa7i7 sorry yemken heda ykoun ra2yek , bas malezem bnafs l wa2t tenfi shi esmou 7ob !!!!!! enou iza we7ed ken bi7es bi2albou shi tejeh sha5es teni , shou bikoun hal e7ses , ya3ni momken ykazeb ghayrou bas shi sar ma3ou w 7as fi so akid ma7a ykazbou !!!!!
yemken li manou mjareb aw mabadou yjarb li2an ded 3a2lou hal essas bi2oul hal 7aki , bas sad2ini l 7ob mawjoud w bari2 akid , w houwe shou3our akbar mn enou yenwasaf , w iza mafi 7ob ma7ada fi y3ish li2an kenou l 3elem mawtou ba3d mn zamen

---

فلّة.........
قصدي باربي.......( بس سوري مقاطعة أمريكا).......:1 (43):

عربي.......يا هوووووووووووووووووووو

عن جد بيوجع العيون هالكتيبي.(أو أنا بيوجعوني عيوني)....:(

المهم............
طرحك للموضوع كان رائع عن جد........

وبعتقد أنو الحب موجود دايمن ومش ممكن يختفي ....بس بيختلف
في ناااس شوهو...في ناس استغلوا...وصرنا بس نسمعل بهالكلمة دغري بنحسب العشاق والمغرووووووووومين......وقصص الحب يلي بنقريها أو بنسمع عنها.......
وبننسى أنو في حب الوالدين والرسول صلى الله عليه وسلم وحب الله.......

عارفة أنك بتقصدي غير شي.......ههههههههههههههه

المهم أما قصص الغرام والحب أن ما بعترف فيها....هي موجودة بس أنا ما بقبلها مع نفسي.....
يمكن حب شخص بيني وبين نفسي وما أقله ولا أكلمه أبداً(بس مستحيل بعرف حااااالي وأنتي عارفة كمااااااان)

هيدا الحب أنا مش ضدو...بس بدعي ربي اذا الشخص منيح يقربني منو(اكييييييد بالحلال).......
ومن ترك شيئا لله عوضه الله خيرا منه.......
هيدا دستوري بالحياة........

تقبلي مشاركتي
وبعتقد رح أرجع انشالله
:1 (32):

اقتباس:

---

المشاركة الأصلية كتبت بواسطة Barbie

في حياتنا , و في كل يوم ٍ , نسمع قصصا ً غريبة , صادقة , كاذبة , بريئة , ساذجة الخ
و لكل قصة ٍ , أبطالها و ضحاياها ..نستخلص من بعضها العبر, أو ....<O:p
و لكل ٍ منا رأي , يعكس شخصيته , و تفكيره و محيطه الذي يرسم له قصصا ً يعيشها , فان عاش في قصة أحب فيها , لماذا يلام من البعض ؟! و يسخر منه الاخرون !!!!!!!!!!!!!!!!!!!!!!!!!و يقولون له هذا مجرد كلام فارغ , ليس له أي وجود !!! و الحب هو في قصص الأحلام و ليس في زماننا <O:p
هذا ما أود أن أعرفه , و أعرف رأيكم به بمنتهى الصراحة . <O:p
فما هو موقفكم ازاء , ما يشعر به شخص ما تجاه الاخر . أقصد " مشاعر المحبة " و الحب الطاهر من قلب ٍ برئ.<O:p

---

الحب كلمة صغيرة ولكن معناها كبير بس للأسف مفي حب بهل أيام

كل شي بالحياة اسم ونصيب الا الحب كتلة من الأكازيب

الحمد لله واخيرا في حدا رأيو متل رأي . يا هلا باحلى عمورة .
حسيت ا نو الكلام اللي حكيتو غلط وما حدا تقبلو ليش ما بعرف .
كانه عن جد صار الحب هو الي طاغي والعشاق اللي ع الشوارع صارو قدوة للحب .غريبه والله .
ولكن فرحت ايضا انو في ناس بحبو ومنيحبو الحمد الله .
واللي فرحتلو اكتر كلام الاخ عمر عن حبه لزوجته .واعترافه ان بعض الاوقات بيغلط .
نيالها بهالزوج والله يحميكن لبعض .
واكيد ضحكتي بعبك كتير جرينا اجر زوجك لاعترف بحبو لالك .منيحة مو هيك .
شو صرولو زمان ما تنازل والك اياه .هههه هههههه.
شلوني معك يا زوجه الاخ عمر .

السلام عليكم ,
يعني ما بعرف ليش هل نظرة الغلط ؟!!!!!!!!!!! انو كيف يعني ما في حب ؟؟!!!!!!
طيب , مثلا ً , حدا من يلي بتعرفوهن اجى و ألكون انو هوا بحب , و عم يحكيلكون عن لي بحسو و يلي بصير معو , ف شو بدكن ترودو ؟!! بتقلولوا لأء حكيك منو صح !!!!! انو لواحد عم يحس شي كيف انتو بتنفو بكل هل بساطة ؟!!!!!
تاني شي يا أخت أم سعد , أنا لما طرحت الموضوع حكيت عن شعور الحب و يلي منحسو , أنا ما قلت انو تصرفات الأغلبيه بي هل ايام متل الحكي بالشارع و المشاوير , صح , بالعكس أنا ضد كل هل شي لأنو بيغضب الله , و بعدين الحب مانو مرتبط بكل هل حركات هو شعور بيخلق بقلب الواحد تجاه شخص تاني و أكيد ما بيكمل الا بس يكون شي متبادل و يصير ارتباط رسمي ......بس الغريب انكن انتي و أحلى عموره منكن مأمنين بوجود الحب أصلا ً!!!!!!!!
و أخر شي أكيد في عالم بي هل ايام شوهة صورة و مفهوم الحب من تصرفاتن الغلط , بس هادا ما بيعني انو الغلط صار نابع من شعور الحب, لأن لو هيك في كتير مثلا ً محجبات بي ايامنا , مبيعرفو شي عن أداب الحجاب و بكونولابسين الضيق و مجلوئين ( الله يهدينا جميعا ً) ساعتها منصير منقول الحجاب غلط ؟ أكيد لاء لأن الغلط من الناس منو من الحجاب , ف شوفو الموضوع من هل المنطلق .... و بس لواحد يقول بحب يعني بحب منو لعب ...( مع احترامي لكل الآراء أكيد )