عرض للطباعة
يعطيكم العافية يا صبايا ، كيف حالكم ، ما رح طول عليكم بعرف انكون مشغولين بالطبخ وهالمواضيع ، بس بدي اسألكم سؤال ، مين منكم بتقبل تكون الزوجة التانية ، يعني انها تتزوج شب متزوج ......؟؟؟ ليش آه ، وليش لأ ؟؟؟؟؟؟
يلا ورجونا رأييكم بكل صراحة ، وبكل جرأة ، وبكل حرية ...
أعلى فاطمة يا علي
السلام عليكم ورحمة الله وبركاته
محمد: قال لك خاص للصبايا :)
لماذا لم تسأل : هل تقبلين أن يتزوج زوجك زوجة ثانية؟؟
ربما وجدت من تقبل:rolleyes:
alla y5allik ya rayyis inta wa mawadi3ak
illa ma tla2ilik chi wa7da bti2bil, ma tiz3al
لحد هلأ اسا ما في ولا صبية قابلة انها تكون الزوجة الثانية ، طيب بس ما سمعنا ليش ؟؟
يعني أنا بدي افهم ، انو لما بقول النبي صلى الله عليه وسلّم : "إِذَا خَطَبَ إِلَيْكُمْ مَنْ تَرْضَوْنَ دِينَهُ وَخُلُقَهُ فَزَوِّجُوهُ إِلَّا تَفْعَلُوا تَكُنْ فِتْنَةٌ فِي الْأَرْضِ وَفَسَادٌ عَرِيضٌ" انو هون النبي صلى الله عليه وسلّم كان قصدو بس على الشب الأعزب أو بصير يكون نسي المتزوج ويقول "إلا أن يكون متزوجا " ؟؟؟
اليوم ما واحد علماني يفوت بدو يحكي عن التعدد وانو مش عدل و... ما كلياتكم بتقوموا عليه وبتغسلوه غسيل ، وبتجيبولوا أدلة من الكتاب والسنة كمان و...
طيب ليش هيك انتو ؟؟ بتحبوا اتنظروا وتعطوا دروس وبس ؟؟ اتفضلوا طبقوا ؟ أرجونا حبكم لرسول الله ؟ أرجونا حبكم للإسلام والدفاع عنه ؟؟؟
وصدقوني العلمانيين و... رح يضلوا يحكوا عن الاسلام ويطلعوا وينزلوا ويلفوا ويدوروا ، وصبية واحدة تقبل عن قناعة انها تكون زوجة ثانية او ثالثة أو حتى الرابعة ، هيدي الصبية وحدها بتسكتهم وبتلعب دور ألف خطيب وخطيبة ...
بعدين هاك اليوم السيد حميطون حكي عن سفر الشباب وكثرة الإناث في القلمون و... يعني يمكن انتي يصرلك رجال يخدك ، بس رفيقتك أكيد ما رح يصرلها ، اذا كل واحد ما رح يخد إلا واحدة ...
فأرجونا الحب في الله ، أرجونا قصص الصحابة يلي بتدروسها والحب بين المهاجرين والأنصار يلي كان اذا الواحد منهم عندو أرضين يعطي أخو في الله واحدة منهم ، واذا عندو بيتين يعطيه بيت منهم ، واذا عندو نسوانتين يعطيه نسوانة منهم ...
اتفضلوا ورجونا قبضاياتكم ، وهلأ بيضلكم ياها ، وما منخلي الشباب يخدو من برات القلمون ...
وانت يا حميطون من وين جايب هذه الجملة : (أعلى فاطمة يا علي) من مين سامعها من مرت الفضل هية وعم تسلق ولا من وفاء هية وعم اتعبي الخبزات ...
اذا بتسمحلي يا ريس جاوب ...بكتبلك رد اليوم بالليل اذا كان معي وقت....
ان شاء الله
و يا هلا بالريس
الموضوع لكل العالم ، بس الاستفتاء هو الخاص بالصبايا ، يعني فشلانة دخل حالوا هيك .
والمحقق كونان كمان .
اسا لحد هلأ نسبة المعارضة الحقيقية 100 %
انا اخترت بقبل لسبب انو يمكن انا حبيتو بدون ما اعرف انو مزوج ويمكن اوصل لدرجة مابقدر اتخلى عنو فا بقبل اني اتزوجو المهم يكون حدي
انا إذا انا كنت الزوجي الاولى وقرر يتزوج علي فا بفضل الطلاق وماتكون وحدي تانيه من بعدي
أكيد عم تقولو شو هل الانتقاد بي الجوابين
لان بي نظري لو انا الاولى مابحبو يتزوح عليا ولو انا التانيه ومرتو الاولى بدا تبقا معو بدا طلقوا هيدا شيء بيرجعلا
العصفورة قالتلي ...
راجع معلوماتك منيح يا حبوب ... أنا متأكد مية بالمية انك صوتت يا حبوب
بس يا ست نارة كيف بتكوني حبيتي شخص و مانك عارفة عنو شي و يلي هو الأهم انو متزوج فيعني بكون غشك لما جرب يتقرب منك و ما قلك انو مزوج! فهل يا ترى بعد ما تعرفي حقيقة زواجو بتبقي معو؟ و كيف بتقبلي تنزلي ع ضرة و ما بتقبلي ضرة عليك؟ منك ملاحظة انو في تناقض بحكيك؟
بتمنى على المشرف انو يلغي الاستفتاء تبع هذا الموضوع ، ويستبدلوا باستفتاء آخر من نفس النوع مع اضافة سؤال الأخت روعة فلو .
كما اني بتمنى على الذكور ، وعلى الست فشلانة عدم المشاركة في التصويت ، بدنا نتيجة حقيقية .
وبتمنى على كل من شارك بالاستفتاء أول مرّة يرجع يشارك مرّة تانية ، إلا الذكور .
اول شي بدي اتشكر الريس عالموضوع الرائع.
تاني شي, انا ما بقبل اتزوج شخص متزوج, مجرد التفكير بالموضوع بعصبني, ما بقدر اتحمل حدا يشاركني بالشخص يللي بحبو.
بس يمكن أنا لو كنت بعمر أكبر و مني مرتبطة كان الموضوع تغير بس بالمبدأ انا وقت بحب بحب من قلبي و ما بقدر شوف حبيبي مع حدا غيري.
اقتباس:
المشاركة الأصلية كتبت بواسطة الريس
لحقت وغيرت السؤال ، الزوجه التانيه إسما ضره
تاني شي عيشه هي لبتعبي خبز ون وفاء بتوصلن
عن مسور بن مخرمة قال إنه سمع رسول الله وهو على المنبر يقول: إن بني هشام بن المغيرة استأذنوني أن ينكحوا ابنتهم علي بن أبي طالب فلا آذن لهم ثن لا آذن لهم إلا أن يحب ابن أبي طالب أن يطلق ابنتي وينكح ابنتهم فإنما ابتني بضعة مني يريبني ما رابها ويؤذيني ما آذاها. رواه مسلم[164] .
للأسف ما لقيتو عالإنترنت بس حدا يسأل الشيخ طارق زيدان
ليك اخ فشلانة اثبت بقا على اسم واحد:!!!!!
السلام عليكم
لم يسمح لي الإستفتاء بالمشاركة مرة أخرى :confused:
أنا سمعت في محاضرة أن رسول الله صلى الله عليه وسلم خاف على فاطمة رضي الله عنها أن تعير بنت أبي جهل المؤمنة بأبيها الكافر بسبب غيرة النساء فخاف على دينها أن تفتن به وقال صلى الله عليه وسلم ما قال.
فاستنتجت أن الزواج من الثانية إذا جلب على المرأة الأولى فساداً في دينها كان الأولى تركه.( ومانني عم إفتي)
في هذه أخالفك تماماًاقتباس:
المشاركة الأصلية كتبت بواسطة nara
أنا لا أقبل أن أكون زوجة ثانية لأني سأجلب الحزن للأولى مهما كانت راضية فضلاً عن أني لا أرضى أن أتزوج سراً طبعاً.(اللهم إلا إذا كان عمر بن الخطاب):)
أما إذا أراد زوجي مصراً ان يتزوج وكان لا يزال حسن التعامل معي فلن أحطم حياتي وحياة عائلتي من أجل حلال أقره الله تعالى في كتابه على أن أعلم بكل شيء يدور من حولي (يعني كل شيء بالعلن).
أما إذا أراد زوجي مصراً ان يتزوج وكان لا يزال حسن التعامل معي فلن أحطم حياتي وحياة عائلتي من أجل حلال أقره الله تعالى في كتابه على أن أعلم بكل شيء يدور من حولي (يعني كل شيء بالعلن).
يعني ما صار إلا وانفتح هالموضوع... و ما صار إلا و حطيتي هالرأي.............
إلقي إذا بتلقي.............:D
:D :D السلام عليكم ورحمة الله
أنا بحب ذكر الاخوة هون انو هالموضوع سبق وانفتح تحت عنوان مشابه فياريت انو المشرفين ينقلوا الموضوع لهونيك حتى يكون وصلة جديدة منو لانو عم يتكرر ..ولست هنا في معرض ابداء رأيي في هذا الموضوع فانا سبق وأبديته وهو باختصار اننى اعارض الزاوج الثانيالا ان اضطر المسلم المتزوج للذهاب اليه اضطرا لاسباب وجيهة اهمها ان يستر على مسلمة بصفات عديدة"مطلقة مع اولادها_أرملة".. او تكون زوجته الاولى لا تلد البنين,مع تحقيق العدالة بين الزوجات في اى سبب
ادى الى زواج ثان او ثالث..والله اعلم ..اما الزواج الثاني او اكثر من غير اسباب قاهرة او مهمة ذات معنى فلا احبذه بالرغم من انه حلال...ما في احلى من راحة البال :D ..والرواءءءءءءءءءءءءءءء:D
أول شي بتشكر كل واحد عم يعطي الموضوع من وقتو ، وعم يشارك برأييو بكل صراحة ...
رح ابدأ بالأخ حميطون ، أنا لما كنت قايلك انو الحديث ما في منو ، لأن انت بالصيغة يلي حطيتو فيها ما كان موجود بس رجعت ظبطها ، أما صيغة "أعلى فاطمة يا علي ؟" فهذه ما في منها بنوب .
ثانيا بالنسبة للأخ وسيم ، ردك يا حبيب قلبي ممتاز وبصراحة وفرت عليي كتيير تأيبل ، يعني أنا هالحديث ما كان معي خبر فيه ، وكنت ناوي أيبل على شرحو وارجع رد ... بس الله يبارك فيك ، وأبل ما انسى قلّك ابقى طل صوبنا على بقية المواضيع ، يعني بقلك متل ما بتقول الست فيروز "زوروني كل سنة مرّة" .
بالنسبة للست ويشز ، أول شي بعتذر منها على الكلام وعلى البهدلات -هي فهمت عليي- وبقللك كنت مفكرة شاييفة بحالك ، بس ما هيأتك هيك بنوب ، المهم عم تقولي يا أختي انك ما بتخلي حدا يشاركك بيلي بتحبيه أبدا أبدا و.... طيب انت بنت متعلمة وبتفهمي ، كلنا عندنا مشاعر وأحاسيس و... بس الانسان المتعلم بفكر بعقلوا وبقيس الأمور وبحلل العواقب وما بيتسرع ... يعني هو الرجال مش لعبية منكبش فيها متل الأولاد وما بدنا انخلي حدا يدأ فيها غيرنا و... الرجال هو انسان عندو شعور ، وعندو متطلبات جسدية ، ولحتى يصرف هذه المتطلبات بالحلال ربنا عمل الزواج ، بس في ناس بيتزوجوا وما بتكفيهم الأولة ، ما بعرف مدى ثقافتكم الطبية بهذه الأمور ، بس الإنسان المطلع لازم يكون بيعرف هذه الشغلات ... ومشان هيك ربنا سمح للرجال انو يتزوج واحدة وتانية وتالتة ورابعة ، حسب متطلباتوا ......
أنا عارف انو الزواج من واحدة وبس ، هي الحالة الأفضل لأن الرجل بكون متفرغ لزوجته ولعائلته ولمتطلبات بيته ، وبعدين العلاقات الأسرية بتكون أفضل بكتيير ، بس في ناس ما بتكون القصة بقيدهم أبدا ، يعني اذا الواحد عندو شهوة قوية شو بيعمل ؟؟؟؟
وبالنسبة للمزنب ، أنا رأيي بيختلف عن رأييك كتيير ، وأنا مش مع انو البنت متل الشب ، لأن ما في شب طبيعي بالدنيا كلها بيطلع بالبنت متل ما بيطلع بالشب ، وبيحكي مع البنت متل ما بيحكي مع الشب ، وبحس لما بسلّم على بنت متل لما بسلّم على شب ، هذا أكيد بكون بو شي ، يعني يروح لعند الحكيم ويحكيلوا حالتوا وهو بيعطيه الدوا اللازم ، واحنا علينا اننا ندعيلوا الله يشفيه ، قولوا آمين .
بس ما تفهم من حكيي انو بدي عمر جدار فاصل بين الشباب والبنات ... كل شي بحدود وكل شي بقدر .
وبالنسبة للست الروعة ، أنا بدي اسألها سؤال ، يعني لو علي رضي الله عنه كان بدو يتزوح غير بنت أبو جهل بتعتقدي النبي صلى الله عليه وسلّم كان رح يرفض ؟؟؟
الشغلة يلي لازم تفهموها هو انو النبي صلى الله عليه وسلّم ، لما رفض زواج عليي من بنت أبو جهل مش لأن الزواج من الثانية هو ظلم للأخرى ، وهو كان يرضى الظلم لنساء العالم ويرفضه عن ابنته ، القصة هي قصة أذية و....
يعني انتي اذا زوجك بدو يخدك واحدة في أذية بينك وبينها وعلقات من إيام الثانوية و... قليلوا بسيطة ولا يهمك يا ابن عمي ، انت انساها وأنا بدبرلك واحدة أحلى منها بألف مرّة ، انتي دبريلوا يا أختي ، نقي واحدة تكوني صحبة معها .
شو رأييك بهل الحل ؟؟؟؟
وبالنسبة للست نارا ، كيفي فيروز معك بهل الإيام ؟؟؟ ، تاني شي ردك جميل ويدل عن صدق في المشاعر ، وفي الحب ... ولكن هذا الحب ما عرفتي ترجمتيه منيح على أرض الواقع ، يعني ما ضروري كل واحد بيخد التانية يكون بطل يحب الأولة ، أبدا منو صحيح هالكلام ، وما ضروري انو يقلل من اهتماموا بالأولة ، بالعكس كل شي بضل متل ما كان بس بينقسم على اتنين ، أكيد المشاعر ما رح تنقسم يعني .
وبالنسبة للست عبير ، اسا ما سمعنا رأييك بشكل واضح ؟؟؟
أما المهند ، فلو حصة الأسد ، أول شي بدي اسألوا ، لبش بحب الخط الدافش ؟؟؟ يا خيي كوني ناعم كون سانبتيك ، كتوب بخط عادي !!!
بعدين انت يا أخي ، حطيت شروط للزواج من ثانية وحصرتوا بحالات معينة ، والحلات التي ذكرت ربما تكون element من ensemble فيه كتيير أسباب ، فيرضى عليك ما اتلخبط بهل الشغلة ؟؟؟
أما بالنسبة لتحبيذ الجواز من ثانية بدون أسباب قاهرة ، فأنا أيضا لا أحبذه لنفسي ، ولكن عندما أتكلم للناس فلا يمكنني أن أنشر ذوقي وما أحبذ وما لا أحبذ ، أنا هنا صاحب دعوة ، وصاحب قضية أريد إيصالها للمجتمع
، وطالما أن الأمر حلال فلن أتكلم عنه ، ولا داعي لأن أنهى الناس وأصرفهم عنه ، بل أشتغل بما هو أفضل ، فهناك الكثير الكثير لنوصله للمجتمع ...
طبعا لا اقبل ابدا زوجي يتزوج علي .
ليش ؟؟ لأن زوجي ملكي الي مش لغيري ((( وان شالله بس اتزوج زوجي مش رح يفكر يتزوج غيري ... بإذن الله ) مع انو رب العالمين حللها بس فيك تستغنى عن شي صار منك ومن دمك وانا بعتبر زوجي جزء مني ومن دمي وما بستغنى عنوا ابدا ..
ولا اقبل ان اكون الزوجة الثانية :
اذا استغنى عن مرتوا الاولى رح يستغنى عني كمان
ويا مأمن للرجال متل المي بالغربال ( صح المتل ) هههههههه:d
أنا جوابي على هلموضوع هو السؤال التالي: هل يستطيع أي شاب في هذا المنتدى أن يقبل بأن يشاركه رجل ثاني بزوجته!!!! وماذا سيكون شعوره عندها.. لماذا تعتقدوا أن النساء يفكروا بطريقة مختلفة عنكم أيها الشباب؟؟؟
اولا بحب قولو للريس انو ما كنت ما بعرفك هالقد سنبتيك ..تقبر كزازى انت شو ناعم!!:p هالمرة رح اعملك يلى بدك اياه وهي كتبنالك بالخط الزغير !!يعنى بالعودة للموضوع انو فى اسباب كتيرة صحى كلامك انو فى اسباب كتيرة غير يلى ذكرتا انا .,وانا ما ذكرت الاسباب يلى حكيتا على سبيل الحصر وانما على سبيل المثال..وانا بيحقلى انى قول رايي لكل الناس وخصوصا ازا كان الموضوع الشرعى موضوع مباح وليس الزاما..يعنى من حقى قول رايي للملأ بكل صراحة ولا يعتبر رايي الزاما لهم بالعكس ممكن كتير ناس يشوفو غير هالراى هيدا ..يعنى حتى لو عم نناقش راى شرعى هالراى فى نظرات مختلفة ازا كان الباب فيه مفتوح لخيرة الاخذ به او عدمها.. وحتى لو كنت صاحب دعوة وقضية تريد ايصالها للناس ايها الريس فلا يعنى ذلك ان هذه القضية غير فابلة للنقاش!!..وانا هنا لا انهى الناس عن الزواج الاخر ولا اصرفهم عنه ولا هم اصلا ينتظرون على عتبة داري ما سأخرج به لهم من رؤى شرعية!!انما انا أحاول ان ارسم لمن اراد ذلك طريقا محددا حتى لا يتخبط فى امر هو بالاساس قد يكون بغنى عنه ان هو راى الطريق مفتوحا امامه وراى الابواب مشرعة فى هذا المضمار!! يعنى مثال"مع بعد الشبه طبعا" بسيط قد يكون عندك سيارة وفرحان ومبسوط فيا كتير,وحاسس انت انا كافيتك ووافيتك لكل مشاويرك..يعنى حتى لو كان معك مصارى واشتريت حدا تلات سيارات انت بالاساس بغنى عنون وبس هيك لحتى يقولو انو انت اشتريت تلات سيارات يعنى؟!!بتكون ضيعت وقتك ومالك عالفاضى لان انت كنت الاساس بغنى عنون..بالعكس بهالحالة صرت انت مضطر تعتل همون كلون سوى ووين بدك تصفون وكيف بدك تحميون من السرقة وكيف بدك تعملون صيانة وكيف وكيف مع العلم انو سيارتك الاولى كانت مريحتك من كل هالمعمعة!!بتمنى تكون وصلت الفكرة وبرجع بقول مع بعد الشبه بين المراة والسيارة لانو فى حال سيارة ورح يوجعك راسك كيف ازا كان هالشى عم تعملو مع مراة يلى هى لحم ودم وروح ومشاعر واحاسيس وغيرة ومتطلبات؟!! بظن وجعة الراس ساعتا رح تكون اكبر واكبر..من هيك انا قلت للضرورة فقطططططططططططططططط وليس للفنطزة يكون الزواج الثانى او اكثر!!والسلام:)
أختي دانيا ، بتمنى عليكي تقرأي المشاركات والردود يلي كانت قبل ردّك ... المهمّ انت عم تقولي انو زوجك ملك لإلك ومش لغيرك و... بس هذا كلام عاطفي تحمله أي فتاة ، بس انتي يا ستي مش أي فتاة ، وبدنا كلام علمي ...
انتي برأييك لو ربنا ما شرع الزواج إلا من واحدة شو كان صار ؟؟؟ اذا بدك الجواب شوفي شو عم يصير بمجتمعات المسيحين وأتباعهم يلي حرموا على حالهم التعدد ، بكون الواحد متزوج واحدة رسميا ، بس بالحقيقة بكون في شي 15 غيرها ، وهال15 غيرها ما لهم لا حقوق ولا شي ، وربنا بما انو بدو مصلحة الإنسان ، (يريد الله بكم اليسر ولا يريد بكم العسر) شرعلوا انو يتزوج واحدة أو تنين أو تلاتة أو أربعة ... وقلو كيف بدو يعدل بيناتهم ، أكيد الرجال إلا ما يحب واحدة أكثر من الأخرى ، ولكن هذا التمييز يجب أن يبقى في القلب وما لازم الزوجة تشعر فيه أبدا ، يعني الشرع حدد كل هالشغلات ، ما بعرف اذا آريين شي مرّة كتب فقه ، يعني في شي مثلا بفقه النكاح اسمو باب القسامة بيحكوا فيه العلماء عن كيفية تقسيم الليالي بين النساء ، كما انهم تكلمو عن حقوق كل واحدة فلا يعقل انو الزوجة الأولى يكون عندها بيت والتانية لأ ...
وبالنسبة للسيد سليم ، أكيد النسوان بفكروا بطريقة مختلفة عنا ، يعني كل شي بعرف نسوان وصبايا ولا بحياتي شفت واحدة بتفكر متل الرجال ، بعدين تعا لهو لشوف ، انت قلت انك دكتور "صح ولا لأ ؟؟؟" ، طيب ما بتعرف انو التعدد بيعمل مشاكل صحية كتيير لمرأة ، وبيعمل مشاكل في تحديد النسل و....؟؟؟
عم تسأل يا سيدنا الإكرام : "هل يستطيع أي شاب في هذا المنتدى أن يقبل بأن يشاركه رجل ثاني بزوجته!!!! وماذا سيكون شعوره عندها.. لماذا تعتقدوا أن النساء يفكروا بطريقة مختلفة عنكم أيها الشباب؟؟؟"
وأنا بقللك إن كنت مُسلم فأرضى ما رضيه لي ربي الذي يعلم ما خلق... وإن كنت غير مسلم فسأصل إلى ما وصل الغرب من العيش مع الحيوانات...
بالنسبة للمهند ، كلامك عسل يا أبو الشباب ، هلأ ظبطها معنا تمام .
ولو يا ريس انت بتمون و الشغلة ما بدا اعتذار سوء تفاهم بسيط و مشي الحال انا من ناحيتي ما عندي شي ضدك بالعكس عطول بقول إنو مواضيعك حلوة وواقعية.اقتباس:
المشاركة الأصلية كتبت بواسطة الريس
بالنسبة للزواج, انا وقت بحب بحب من قلبي و ما بقدر اتحمل شوف حبيبي مع وحدة غيري. و انا إذا حبيت زوجي اكيد ما رح خلي يكون محتاج شي و رح اعملو يللي بدو ياه و جرب قد ما فيني اسعدو و ما رح خلي يفكر بحدا غيري
انشالله
اقتباس:
المشاركة الأصلية كتبت بواسطة الريس
يا أخ ريس فهمتني خطأ. أنا مؤمن بالله وبالقران وكل ما تنزل على رسل الله وأعرف تماماُ ما ذكرته أنت هنا. الرد من طرفي كان من ناحية الشعور والاحاسيس عند المرأة والتشابه مع أحاسيس الرجل وليس من الناحية الفقهية أو الجنسية والبيولوجية. وهكذا لن تجد أي امرأة لا تفكر بهذه الطريقة تماماُ كما يفكر الرجل لو شاركه أي رجل اخر بزوجته.
انا بقبل كون الاولى وياخد عليي واحدة تانية بس التانية ما بظن لان البنت بيحقلها شرعا انها تختار زوجها والموافقة من شروط اتمام الزواج بس منو من الشرع اذا كانت متزوجة انها تطلب الطلاق لان زوجها بدو يتزوج واحدة تانية
وبالنهاية هلدنية كلها مجرد طريق ماشيين فيه كلنا وعايشين والهدف الاول والاخير لازم يكون رضى الله عز وجل
حقك تقبلي بيلي بدك ياه ، بس كمان (لا يؤمن أحدكم حتى يحب لأخيه ما يحب لنفسه) يعني يلي بتحبيه لحالك لازم تحبيه لغيرك ، اذا انتي ما بتحبي اتكوني الزوجة التانية بس بتقبلي بالأولة ، فكذلك ما لازم اتحبي هذا الشي لأخواتك .
iza zawjk byitzawaj 3layki rasso bitir howa w zorito !اقتباس:
المشاركة الأصلية كتبت بواسطة rawa
أول شي لهشام :) :) :)
تاني شي، أنا أكيد مبتزوج واحدة تانية والسؤال عندي منو مطروح أصلاً، وذلك للأسباب التالية:
الواحد بنق واحدة وغيرة واحدة منو مخلص فكيف بتنين...
محدا يتبرع ويروح يقول لمرتي لإنا بتعرف هالحكي.
:)اقتباس:
المشاركة الأصلية كتبت بواسطة Hicham Al Falou
الله يستر
قال اذا زوجها بفكر يخد واحد تانية بدو يطيرلوا راسو ، أنا مني فاهم شي هالجهل هدا ، انو انت بتحب أختك أكتر من الله ، او بدك تقنعي انو ربنا بدو مصلحة الذكور بس .
العتا صحيح .
وبعدين انتي عم تضحكيلوا !!!
أحلى شي بالقلمون انو الواحدة بتحكي بالدين و... ويمكن ما يقوم واحد علماني يحكي عن التعدد بغسلو غسيل ، بس هنة معليش ، يعني صرنا متل بني اسرائيل بدهم يطبقوا الدين ، وبدهم يحرروا الأرض بس (اذهي أنت وربك فقاتلا) واحنا هيك مقتنعين انو الرجال بحقلوا يخد 4 و... بس يفرقنا ويروح يطبق دينو عغيرنا .
يا هلا بالريس ..........
عنجد كلامك درر..............مظبوط مية بالمية ..........نحنا هدي مشكلتنا شاطرين نؤرا و نعرف بس منا شاطرين نطبء شي...............
بيبأ الواحد منا دارسة دوكتورا بالشريعة .......بس كأنو الدين منو مارء من صوبو.........
و كنا نسمع الشباب هنا و عم يتفاصحو و يحكو............ليك هادا اديشوا فاسق منو مربي دأنو .......بعد كم يوم هدا لي حكي راح و أشط دأنو ..............
مستعيدن نوعد نحكي و نجادل بس تعا ع التطبيأ هههههههههههههههههه ..........فراطة.........
متل ما ؤلت يا ريس...........عاملين متل بني اسرائيل..................
يا زلمة ايشودا..........يعني في عالم بتسمع حكيون بس وين التطبأ....تاركينو للناس ......
الله يعن هل الامة كترو فيا الحكوجية.................
مبدي كون طلعت عن الموضوع................بس عندي كلمتين حول موضوع تعدد الزوجات..........
هدا حأ شرعي ........ربنا عطي للكل رجال من اداو......يعني كل رجال فاي يعدل بالمال و النفقة......و ما ح ؤعد احكيلكن عن هل الأشياء لأنو بتعرفون .............
و لي مبدو يتزوز مرا تانية هو حر ........محدا جا و فرض علي شي و لا حدا لحؤ بالأضيب............بس ما يجي و عنف ع لي بدو يتزوز مرا تانية...............
اخوكم دوكر المعوكر
ولك أهلا بالمعلم دوكر ، ولك ريتو يسلم تمك يا معوكر .
شكلون فاهمين هنة ، بس جحشة ولو طارت .
ta i7kik la sara7a, l3eb ma yalli min jaylek plz wo ma t3alimاقتباس:
المشاركة الأصلية كتبت بواسطة الريس
mafhom !
ردّ مفحم للصراحة
mani feyt nekich li2an bira2yi mafi majel nikach bil hal montada, fa akid ma hadafi if7imاقتباس:
المشاركة الأصلية كتبت بواسطة الريس
السلام عليكم و رحمة الله و بركاته.
أنا عالأكيد لا أوافق على تعدد الزوجات بس ما تفتكرو من كلامي إني عمخالف كلام الله معاذ الله بس لأنو هالشي بسبب كتير مشاكل بين المرأة و الرجال على ما أعتقد.بهيدي الإيام,الأخت بتغار من أختها,الكنة بتغار من أخت زوجها و....و...فما بالكن الضراير مع بعض.تفاديا للمشاكل و وجع الراس خليكن يا رجال ع وحدة و بس :) .ولسا في سبب أهم إنو المرأة كتير إنسانة ضعيفة عاطفيا فمرح تستحمل إنو حدا يشاركها بحبيبها زوجها.
معك حق أكيد بس كمان نسيتي تقولي أنو البنت كمان بتغار من مرت أخوها كتير منو شوي بقا شو حال إذا اتزوج أخوها أكتر من واحدة؟:D :eek: :pاقتباس:
المشاركة الأصلية كتبت بواسطة Ola
[quote=العكيد;25539]معك حق أكيد بس كمان نسيتي تقولي أنو البنت كمان بتغار من مرت أخوها كتير منو شوي بقا شو حال إذا اتزوج أخوها أكتر من واحدة؟
آه والله.كيف راحت هيدي من بالي و نسيت أكتبها.مشكور أخ العكيد.:) ;)