أسماء ترد على ألسنة الكبير و الصغير
تنتهي ب (جي) مع أن جذر الإسم لا ينتهي ب (ج)
عرض للطباعة
أسماء ترد على ألسنة الكبير و الصغير
تنتهي ب (جي) مع أن جذر الإسم لا ينتهي ب (ج)
أَهْوَجَي : صاحب الأهوة أو هلي بيشتغل فِيَّا
دِكَّنْجَي : صاحب دكان
عَرْبَجَي : صاحب عرباية أو هلي بيشتغل ع عرباية
طِنْبِرْجَي : صاحب طنبر أو هلي بيشتغل ع طنبر
طِيَّرْجَي : سُوَّاء طيارة
سِكَّرْجَي : هلي بِيْكُع سِمْ الهَارَي
إِمَّرْجَي : هلي بيبيع مرتو و ولادو و بيمش ب التريئ إيد إدام و إيد ورا
جُمْرَكْجَي : هلي بيعبي جيبتو كيف من كان ب الحَلَام و ب الحَرَال
مِعْمَرْجَي : هلي بيعمرلك أَصِر إزا بدك و مو سئلان عن خريطة و لا رخصة
عَوَنْطَجَي . أَوَنْطَجَي . زِعْبَرْجَي . مِئْطَعْجَي.
الكل من نفس الفصيلة
كِزاب منافيئ ملاعبجي و ملَوْفَك
مِشْكَلْجَي : أبو عنتر
عَتَأْجَي : بيشيل المسامير من تمو و بيدوؤن ب صباطك
كِهْرَبْجَي : هلي بيركبلك الخطوط ب المألوب
بيخليك تجيب واحد دارس كهربا يركبلك هنه من دء و جديد
كِنْدَرْجَي : عتأجي ل الزنس اللتيف
مَكْوَجَي : هلي بيبزئلك ع تيابك هو عامل حالو عم يكويون
و بتلبسون غصبن عن دعس راسك
مَطْعَمْجَي : صاحب مطعم أم هلي بيشتغل ب المطعم
حَكْوَجَي : كتير الحكي
(و النسوان كانو هنه الأُوَل ب هالشغلة بس هلأ في كتير من الرجال فَيْزُو علَيُون)
دِيوَنْجَي : واحد بيلوت و بيعجن و بيحور و بيدور
و بيرجع ع نفس النؤطة هلي بلش منا
و خلص إزا فيك تخلص
حِلْوَنْجَي : هلي بيشوف الفارة عم تنطنط من
صدر المبرومه ب فستؤ ع صدر البئلاوه
و بيعمل حالو ما معو خبر
خُضَرْجَي : أبو مرزوء عم ينادي (أحمر يا ريان)
هُوبَرْجَي : عياط ع الفاضي
مِدْفَعْجَي : ضَرِّيب مدفع
جلُوءَعْجَي : سئيل و دمو تئيل
جَوْهَرْجَي : إزا باعك الأسوارة (عيار 24)
إزا إشتراها منك (عيار 18)
عَطَلْجَي
ما بيشتغل شي
فِنَّصْجَي : بشوف بحالو عالناس وعطول بخبرك إدَّيشو كْلاس
صِوْرَخجَي : بيقْصف صواريخ
غُولَرْجَي : حارس مرمى
لسن في كتير كتير من هالأسماء
مخربجي: ما بحط ايدو ع شغلة الا بيخربها.
متل مين يا نادر !!!! :):):)
من أول دئرة خربت الدنية !!!
اقتباس:
المشاركة الأصلية كتبت بواسطة nader 3:16
في سوريا عيلة : شربتجي .شو شغلتن هول ؟؟؟
فلسفسجي
شغل اهل امقاهي
فلسفسجي
مهنة كثير ممن لا مهنة لهم
الموكز الرئيسي : مقاهي القلمون
المؤهلات: شهادة حسن مص اركيلة
كِزْدَرْجَي : بيشتغل لدى شركة كَزْدِر !!
ملَاعِبْجَي : بيلعب ع الحبلين و كل يوم ب وِش
الله يبارك ب
حديد
أبي حذيفة
أبي رجا
الزاهر
النادر
و عبد الرحمن
و كل الأوادم
نسونجَي : رجال بدوخ بالنسوان
سِكرجي: ما بيفيق من السكرة ، كتير السُكر بتسكين السييييييييييييييين....
زوغلجي
لما بزوغل عليك بلعب الكلال.. وبدو يقنعك انو صاب الكلة وهو ما قرب صوبا
عربدجي: يلي بي عرب من الشي لغة إلى العربي...