إغلاق مصلى العلوم ( بداعي الترميم ) دعاية انتخابية جديدة

كما عودتنا بعض التيارات في الجامعة اللبنانية بالعمل على شراء الأصوات عن طريق المنح الجامعية وتوزيع الكورات على الطلاب مجانا وانفاق آلاف الدولارات على الجامعات فقط للدعاية الإنتخابية ... كما حصل في السنة الفائتة
قرر إحدى التيارات في الجامعة الطلب من الأخوة في رابطة الطلاب المسلمين باغلاق مصلى العلوم بداعي الترميم والتجديد ولكن الأخوة في الرابطة جزاهم الله خيرا رفضوا الفكرة في أول الأمر وكانت حجتهم أن المصلى في حالة جيدة لا بأس بها والأمر الأهم أنه لا يمكن غلق المصلى من غير بديل لأن الطلاب والطالبات يحرمون من صلاة الفرض والكل يعلم أن الوقت قصير لا يستحمل تأجيل الصلاة وخاصة على الطالبات من حيث الوضوء وقاموا بعرض بديل عليهم وهو ترميم المصلى في وقت الصيف المقبل بحيث يكون عدد الطلاب قليل ولا يهم تسكير المصلى وغير ذلك ... ولكن هذا التيار أصر على ذلك ولو لم يوجد بديلا عن ذلك وهدد بفتح الموضوع مع المدير والضغط على الأخوة لكي يتم العمل بالمصلى ... وأكيد الكل يعلم لماذا هذا العمل الذي يقوم به هذا الفريق وهو المصلحة الانتخابية ( أخدو كول بعض إلغاء الانتخابات ) فما كان من الأخوة في الرابطة الا أن قاموا بالموافقة ولكن شرط مهلة لتأمين البديل وبعض رفض المدير باعطائهم إحدى الغرف لتجهيزها قام الأخوة بشراء لوائح بلاستيك ونصبوا مصلى في الملعب بشكل جيد للأخوة والأخوات بارك الله بهم وجزاهم الله عنا كل خير ...

من زمن ما طليت علينا
أهلا وسهلا

ترميم المصلى........... وراء الكواليس
عندما بدأ الحوار مع الإخوة في شباب العزم حول الكيفية والآلية التي سيجري حسبها ترميم المصلى ، كان الحديث أنّ العملية تحتاج لشهر و أنَّ العمل سيكون بجد و بسرعة و .... إلخ
قلنا " في رابطة الطلاب المسلمين" : نحن نوافق بل و نُسَرّ و نساهم إن لزم الأمر لكن هناك نقاط ثلاث يجب أن نتفق عليها أولاً " و الأوله شرط ! آخره سلامة ! "
1- نريد تأمين البديل أولاً !! قالوا :" يا شباب ليش هيك عم تعقدوها !!"
هل تأمين البديل قبل البدء بالعمل تعطيل ؟؟ و وضع عراقيل ؟؟
بعد الأخذ و الرد ، اقعتنوا أنَّ علينا معاً أن نؤمن البديل أولاً " و كلام الليل يمحوه النهار "
ثانياً : المصلى خارج الحسابات السياسية ! بمعنى لا نقبل وضع أي شارة لأيٍّ كان على المصلى !! " لا تم ترميم و لا تم توسيع و لا أي شي .."
قالوا: طيب ما لازم الناس يعرفوا مين لي عم يشتغل ؟؟
قلنا : هذه الجامعة أمامكم " عبّوها يافطات و ملصقات و عملوا حفل إفتتاح إذا بدكن ! بس أي شارة على المصلى أو في محيطه بعد الإنتهاء من العمل ممنوع !!! "
بعد الأخذ و الرَّد اقتنعوا ،
و العبارة التي كانت سبب اقتناعهم هي : " يا أخ إنت هللأ بتحط تم ترميم من قبل شباب العزم ! بيرجع بييجي المستقبل بيلبس حجر ! و بيشيل إسمك و بيجط تيار المستقبل ! و برجع أنا كرابطة بعمل شي شغلة و بشيل إسم التيار و بحط إسمي و هكذا دواليك ! و متى نخلص ! و هل تستطيع منع ذلك ؟؟؟؟"
اقتنعوا و الحمد لله
ثالثاً: إسم المصلى ممنوع يتغير ! أيضاً بتعليل كالسابق أنّ اسم المصلى سيكون مادة لكل من يضع " قشة " وصلنا لنقطة التوافق

و كنا نظن أننا نحاور رجالاً يقفون عند ما يقولون ! و يحترمون قولهم !!

المصلى البديل
بعد حوار مع المدير و بناءً على طلبه
أُجْرِيَ بحثٌ ميداني على القاعات من باب البحث عن البديل
و كان الطرح المتوفر أن تكون القاعة " 17" هي البديل بما أنَّها مستخدمة حالياً كمستودع للكراسي و ليس أسهل من نقل الكراسي لمكان آخر ريثما ينتهي العمل في المصلى
تقدنا بطلب خطي من المدير باستخدام القاعة المذكورة كمصلى بديل
فرفض !! لماذا ؟؟؟ " الجواب معروف و لا حاجة لنَخُطَّه هنا"
نحن نبحث عن البديل
و الإخوة في شباب العزم وقوفاً منهم عند ما قالوه
و احتراماً منهم للكلمة التي أعطونا إياها
" جابوا الضو الأخضر "
باشروا العمل في المصلى و لا بديل نهار الإثنين
يوم السبت التالي وُجِدَ البديل الحالي بفضل من الله و مِنَّة
بانتظار ما ستؤول إليه الأمور

هو البديل يؤدي دوره هذه الأيام, ومشكلة الوضوء هي القائمة لأن مغاسل دورات المياه في الجامعة مكشوفة على الساحة, أظن أن الأخوات يستطعن الذهاب إلى مركز الرابطة ان اقتضى الأمر
إلى أن تحل المسألة في وقت قريب ان شاء الله
لكن المصلى كان يلعب دوراً أساسياً ك "منامة" (لما بتكون كتير عم تفهم بالمحاضرة)و ك "ملجأ من البرد"(كان في دفّايات دائماً شغالات)
إن شاء الله تنتهي أعمال الترميم قبل صقيع القبة

اقتباس:

---

المشاركة الأصلية كتبت بواسطة روعة

هو البديل يؤدي دوره هذه الأيام,

---

اقتباس:

---

المشاركة الأصلية كتبت بواسطة روعة

ومشكلة الوضوء هي القائمة لأن مغاسل دورات المياه في الجامعة مكشوفة على الساحة, أظن أن الأخوات يستطعن الذهاب إلى مركز الرابطة ان اقتضى الأمر
إلى أن تحل المسألة في وقت قريب ان شاء الله
لكن المصلى كان يلعب دوراً أساسياً ك "منامة" (لما بتكون كتير عم تفهم بالمحاضرة)و ك "ملجأ من البرد"(كان في دفّايات دائماً شغالات)
إن شاء الله تنتهي أعمال الترميم قبل صقيع القبة

---

المفروض انّ هذه المشكلة تمّ حلها اليوم. والله اعلم...لأنو انا نزلت من الجامعة ابل ما يبلش الأخ ابو رجاء الشغل فيّا..
و الحمد لله المصلى الحالي تقريباً ماشي حالو بالنسبة لنا.

شو هاد ؟؟؟ صورة شو هيدي ؟؟؟ وين الlegende ؟؟؟

اقتباس:

---

المشاركة الأصلية كتبت بواسطة hadid

شو هاد ؟؟؟ صورة شو هيدي ؟؟؟ وين الlegende ؟؟؟

---

هذه صورة للمصلى البديل الذي اقامه الشباب على باب الكفتيريا المنشودة :) !

بارك الله بك أخ محمد بس مشتاقين

السلام عليكم

للحقيقة أنا ما أزال مستغرباً أن شخصاً أراد ترميم مصلى أن يكون غير مهتم بصلاة الناس، أو أنه أقامه لغايات إنتخابية.

لماذا دائماً نحن نعتبر أعمالنا لغايات ربانية وأعمال غيرنا لغايات إنتخابية؟

أليس لدينا أي عمل لغايات إنتخابية؟!!!!!

ما في حدا يخبرنا شو عاد صار مع الاخوة بالعلوم و شو هية اخر التطورات؟

السلام عليكم
ما لازم الواحد يشكك بنية حدا ........ شفت خطأ بالعمل قول ..... هلأ مثلا إذا ما خلصو الشغل حكي علين ......
ليش الحكي يلي طلع عالمجمع يلي بالقلمون يلي كمان في جامع ...... مو نفس الشي أنه منشان الانتخاب ......
يا زلمة إذا الواحد بدك تشكك بكل أعمالو أنها من شان الانتخاب شكك أد ما بدك ......
بس ليش بس عم نخصص الجامع والمصلى ؟؟؟!!!
الجواب : لأن نحنا مقصرين تجاه الجامع والمصلى ....

"وَإِن تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لَا يَكُونُوا أَمْثَالَكُمْ "
بقا ليش مستغربين ؟؟!
متل ما حزب الله استلم المقاومة بعد أن تركها المسلمون ........
الأحزاب يلي عم تحكوا عليها ربنا سلمها الأعمال الخيرية بعد أن تركناها وتركها المسلمون ........
بقا شرأيكم ......... نحكي ولا نشتغل ........؟؟؟؟!!
خطوة تشكيل مصلى كتير حلوة ....... الله يبارك بالشباب ..... عأبال ما يصطلح المسؤولين عن هالشباب...
الله يبارك بالجميع

وهذه الآية كاملة لمن أراد أن يتفكر بها ويعرف السبب أكثر ........

قال تعالى : "هَاأَنْتُمْ هَؤُلاءِ تُدْعَوْنَ لِتُنفِقُوا فِي سَبِيلِ اللَّهِ فَمِنْكُمْ مَنْ يَبْخَلُ وَمَنْ يَبْخَلْ فَإِنَّمَا يَبْخَلُ عَنْ نَفْسِهِ وَاللَّهُ الْغَنِيُّ وَأَنْتُمُ الْفُقَرَاءُ وَإِنْ تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لا يَكُونُوا أَمْثَالَكُمْ "

بارك الله بك زيدان .... مشاركه مميزه

يا أخي العزيز نحن لا نحكم على نوايا أحد نحن نتكلم عن أمر حصل يعني الشباب طلبوا منهم تأجيل الموضوع للصيف ليش مارضوا وغير ذلك من الأفكار التي طرحت عليهم ...
هل الأخوات مثلا مضطرين ترك محاضراتهم أو التأخير عليها ليذهبوا الى مصلى الرابطة لكي يصلوا وانتم أدرى كم هو بعيد مصلى الرابطة عن كلية العلوم وخاصة اذا كان الجو ماطر. وبعدين المصلى ليس للصلاة كان فقط بل كذلك للراحة من عناء الحصص أو من الطقس البارد والقارس ...
يعني يا أخي الدكتور ويا أخي زيدان بارك الله بكم على تعليقكم وجعلكم دائما ممن يؤدون النصائح لاخوانهم .

أرجو منك تغيير التوقيع لتكملة النقاش .........

عفكرة كان في فكرة لترميم المصلى من قبل شباب من الرابطة ......
بس بتعرفو " عأد بساطك مد اجريك " .......
و بتعرفو أنو اجرين العزم أكبر من اجرينا ........ هههههههههه .............
كمان البساط تبعن أكبر من بساطنا ........
بقا لو مشي ترميم المسجد من قبل ثلة من الشباب ما رح يكون متل ما أعتبره بناء مصلى جديد من قبل جمعية ......

عذراً إن أقحمت نفسي في هذا الحوار إنما هي بعض تساؤلات حبذا لو يجيبني أحد عليها
1- من قال أن رابطة الطلاب المسلمين تقول أن لا أحد يعمل مخلصاً لله غيرها ؟
2- من قال أصلاً أن رابطة الطلاب المسلمين تزعم أن عملها خالص لوجه الله ، هذا مما لا يعلمه إلا الله ، بل نحن ندعوه سبحانه أن يجعل أعمالنا خالصة لوجهه الكريم
3- هذا الذي جاء ليرمم المصلى فقيل له : تمهَّل حتى نؤمن البديل ، فاتَّهمنا بالتَّعطيل بُغية تحقيق مكاسب إنتخابية على حد زعمه ، ماذا نقول له ؟؟
4- هذا الذي جاء يُطالِبُ الرابطة و مجلس الطلبة بلافتات شُكر و امتنان ، فلما قيل له " هذا ما عزمنا عليه ، لكن بعد الإنتهاء من عملية الترميم ، فغضب و " أخد على خاطره " لمن يعمل هذا !؟؟
5- ...........؟؟؟
6- ............؟؟؟
و الباقي أدهى و أمَرّ

السلام عليكم

أنا أرى أن يتم علاج هذا الموضوع بالتروي، والصبر. وبارك الله بكل من يقوم بمساع الخير سواء من الرابطة أو العزم أو التيار أو أي فريق

السلام عليكم ...
عذرا على تأخّري في الرّد، لكنّي كمسؤول في الكليّة وكمحيط بالموضوع من كافّة جوانبه أسمح لنفسي بالطلب من الإخوة بأن لا يتحدثوا بما لا يعلمون.. فعندما يأتي مسؤول شباب العزم في الكليّة ليطلب منّي رسميّا تعليق يافطة شكر لهم على إنجازهم هذا العمل وحين أقول له بأن نتروّى حتى يتمّ إنجازه يبدي امتعاضه الشديد.(لحدّيت هلأّ ما بيحكي معي)
أيها الإخوة إن الذي لا ينطلق من خلفيّة إسلاميّة والذي يجعل داخل تيّاره قطاعا يسمّيه قطاعا دينيّا لا يكون عمله خالصا لوجه الله، وأنا هنا لا أحكم على النوايا وإنما أتكلم من الواقع المعاش الذي أراه في كليّتي فكيف يمكن لمن لم يدخل المصلّى طيلة تواجده في الجامعة أن يغار على وضع المصلّى وعلى المصلّين بداخله؟؟؟؟؟ وتجدر الإشارة أن المشكلات التي يعاني منها المصلّى لم يصار إلى حلّها، ما تمّ ترميمه هو المظهر الخارجيّ فقط أمّا المشاكل الحقيقية كضغط المياه والنشش داخل المصلّى لم يلتفت إليها أحد...

يا أخ عمر روقلي بالك شوية

السلام عليكم و رحمة الله و بركاته،
أولا قال الأخ وسيم :" للحقيقة أنا ما أزال مستغرباً أن شخصاً أراد ترميم مصلى أن يكون غير مهتم بصلاة الناس"
أخي الكريم هذا عصام فارس قد شيد عددا من المساجد فهل تراه مهتماً بصلاة العباد ؟؟
أما شباب العزم فكما أشار الأخ عمر ، لا تزال المشكلات في المصلى هي هي ، مسألة ضخ المياه و مسألة النشش و .. ، أي لم يطرأ من الإصلاح شيء غير تغيير الواجهة ، فتأمل !
أما الإخوة في الرابطة فعلى الرغم من الخلاف الواقع بيني و بينهم، أقول " هني أصلح الموجود " و لك أبسط دليل :" من الذي افتتح المصلى في العلوم ؟؟" إنها الرابطة ، و هل رأيت يوماً و لو حتى ملصقاً واحداً يشير إلى أن الرابطة هي من افتتحه ؟ أم هل رأيتها تطلب شكراً على افتتاحه ؟؟ في حين هذا الذي جاء بقليل من الطلاء يطالب باللافتات و ما إلى هنالك ، فتأمل !
أما رأيي باختصار في شباب العزم و من شاكلهم ، " كل ما أسس بداعي السياسة ، لا يصُبُّ في مصلحة الأمة في شيء"
و هذا الكلام إنما أقوله و أنا الذي دخل مع شباب العزم فترة من الزمن كما حضرت عدة اجتماعات لهم و لتيار المستقبل و آنف أن أذكر ما رأيت منهم .... شعارهم " إفعل ما تريد ، المهم أن يُكتَبَ اسمُ الجمعية " فتأمل !
و السلام عليكم.

بسم الله الرحمن الرحيم
أنا رأي يا أخ عمر بما أنك صرت هون أنه نحول الموضوع إلى موضوع عمل ، مع النقاش .
مستعدين نحل المشاكل يلي واقع فيها المصلى ؟؟!!!
ليش ناطرين الياقيين تيبلشو تنحكي علين ؟؟!!
يلا إسا في نشش ، ومشكلت ماء الوضوء ....
ولا شو أنه بس هنا مغلطين ؟؟!!
و نحنا كمان عنا نقص ..... لو شاغلين منيح ما كان حدا بيطلعلوا محل بيننا ......
بس لازم كل الشباب يلي تدخلو بالقصة يشاركوا بحلها .....
يلا شوف السعر ونحنا ناطرين
والله يبارك بالجميع

انما الاعمال بالنيات و انما لكل امرئ ما نوى

اقتباس:

---

أولا قال الأخ وسيم :" للحقيقة أنا ما أزال مستغرباً أن شخصاً أراد ترميم مصلى أن يكون غير مهتم بصلاة الناس"
أخي الكريم هذا عصام فارس قد شيد عددا من المساجد فهل تراه مهتماً بصلاة العباد ؟؟
أما شباب العزم فكما أشار الأخ عمر ، لا تزال المشكلات في المصلى هي هي ، مسألة ضخ المياه و مسألة النشش و .. ، أي لم يطرأ من الإصلاح شيء غير تغيير الواجهة ، فتأمل !
أما الإخوة في الرابطة فعلى الرغم من الخلاف الواقع بيني و بينهم، أقول " هني أصلح الموجود " و لك أبسط دليل :" من الذي افتتح المصلى في العلوم ؟؟" إنها الرابطة ، و هل رأيت يوماً و لو حتى ملصقاً واحداً يشير إلى أن الرابطة هي من افتتحه ؟ أم هل رأيتها تطلب شكراً على افتتاحه ؟؟ في حين هذا الذي جاء بقليل من الطلاء يطالب باللافتات و ما إلى هنالك ، فتأمل !
أما رأيي باختصار في شباب العزم و من شاكلهم ، " كل ما أسس بداعي السياسة ، لا يصُبُّ في مصلحة الأمة في شيء"
و هذا الكلام إنما أقوله و أنا الذي دخل مع شباب العزم فترة من الزمن كما حضرت عدة اجتماعات لهم و لتيار المستقبل و آنف أن أذكر ما رأيت منهم .... شعارهم " إفعل ما تريد ، المهم أن يُكتَبَ اسمُ الجمعية " فتأمل !
و السلام عليكم.

---

والله أنتم أدرى/ مع أنني لا أرى الفرق كثيراً.

مفي ورقة مصورة بالعلوم معليا إسم الشباب بالرابطة

أخي الفاضل الدكتور وسيم ،
لطالما رَدَّدنا قولَنا " المُصَلّى هوَ خارِج أي اعتبارات سياسية "
أما مسألة " مفي ورقة مصورة بالعلوم معليا إسم الشباب بالرابطة " فهي مسألة سجال أكاديمي بين القوى الطلابية ! و لا أظنُّ أحداً يرضى بإدخال المصلى هذه الزاوية الضيقة !!!

أنا علمت أنه تم افتتاح المصلى.


ما رأي الشباب بالمصلى الجديد؟ وهل هو متوافق مع طموحاتهم؟

دخلت مصلى الأخوات بالأمس

لاحظت أنهم زادوا مساحته , وتحسن مكان الوضوء كثيراً فلم يعد الوَضوء يغمر سجادات الصلاة, وتركوا مسافة بين الفاصل والسقف ليصل صوت الإمام في صلاة الجماعة.

بارك الله بجهود الجميع

طبعاً يجب وضع يافطة لتدل على طريق الوصول إلى باب الأخوات لأنها متاهة !

أفضل مما كان عليه بدرجات !!! بارك الله بكل من ساهم في هذا العمل وبكل من ساهم في الحفاظ عليه خالصا من الشوائب !!!

اقتباس:

---

المشاركة الأصلية كتبت بواسطة وسيم أحمد الفلو

ما رأي الشباب بالمصلى الجديد؟ وهل هو متوافق مع طموحاتهم؟

---

الحمد لله على إنجاز المصلى والشكر للعزم وللرابطة ولمن من ساهم في هذا العمل

الحمد لله .... الله يبارك بالجميع ....
بس يا زاهر بلا صور ما رح يمشي الحال .... إذا ممكن يعني .....

شرأيك تطلع تصور ؟؟ :)

أنا مؤ طالع عالجامعة ابل الامتحان ... بلشت العطلة !!

شو هالحكي ؟؟؟ أنا بستغرب

يعني لو الرابطة بهمها أمر المصلى " لوجه الله " كانت بترحب وبتساعد أي طرف بدو يوسع أو يرمم أو يلبس حجر سواءً كان لوجه الله أو لوجه أصوات الناخبين وسواءً كان بدو يكتب تم التوسيع من طرف العزم أو غير العزم .... وبعدين إذا إجا بعد العزم تيار المستقبل ولبس حجر وكتب إسمو ورجع إجا التيار الوطني الحر فرد سجاد وحط إسمو ورجعو الكتائب حطو منبر وكتبو إسمهن ليش الرابطة بتزعل ... مهيي لوجه الله بهمها أمر المصلى والمصلى تحسن

ويلي بيعتبر هالشي إنو شراء لأصوات الناخبين هيدا واحد غيران ونيتو سيئة وما فكر هيك إلا لأنو لو هوي بدو يرمم ما بيعملها إلا لوجه أصوات الناخبين ... يعني مجمع العزم اشترا أصوات الناخبين ؟؟ ولا مولد الكهربا يلي عم يشغل أضوية البلدية أثناء إنقطاع الكهرباء (وهيدا عمل كتير مهم لواحد متلي عنو ضعف بالرؤية يعني بالأول لما تنقطع الكهرباء كنت لاقي صعوبة كبيرة وأنا راجع عالبيت جزاهم الله عنا خيراً) شراء لأصوات الناخبين ؟؟؟ يمكن يكون هني بنيتهم هالشي ويمكن لأ بس بالأخير لم يشتر أصوات الناخبين لأنو إنت لما بتروح بتنتخب عندك الحرية إنك تنتخب مين ما بدك ،، والتيار منو لح يجبرك تصوتلو أبداً ،، والعزم وميقاتي والحريري منن محتاجين لا لبنان ولا أصوات الناخبين .. بس في أطراف تانية محتاجة لبنان وأصوات الناخبين .. ما بعرف إذا الكل بوافقني على هالنقطة ولا لأ

يعني بدال ما نستفاد نحنا من المعارك الإنتخابية بالأشياء يلي بتفيدنا وبتفيد أهلنا آخدينها غيرة وحكي عالغير ...

ولو كان الأمر هو لوجه أصوات الناخبين وين المشكلة ؟؟ يعني ما كان عمر بن الخطاب رضي الله عنه يعطي إبنو نقود على كل صلاة بصليها تحتا يشجعو ؟؟ إذا أصوات الناخبين عم تشجع على فعل الخير وين المشكلة ؟؟؟ يعني كل واحد قام بالعمل إن كان عبر تقديم المال أو المواد أو العمل الجسدي للترميم ولو كان بنية أصوات الناخبين ألا يؤجرون عليه ؟؟؟

أما إنو هني عارضو فكرة الإغلاق كرمال الترميم لأنو ما في بديل للمصلى فهيدا غذر أقبح من ذنب ... أنا مني فايت عالعلوم ولا مرة بحياتي بس متأكد إنو في ميت مليون محل ممكن يصلي الواحد في .. وتنضرب مثال نحنا منصلي داخل أي غرفة من دور على أي غرفة فارغة من بعد الكراسي والطاولات وإذا ما معنا مصليات منصلي عالأرض .. ولما ما منلاقي غرفة فارغة من صلي وين ما كان بشي كوريدور أو بشي ساحة على طرفها ومع العلم بكون عددنا كبير .. ومثال تاني الجامع الغربي ما تسكر ببعض الأوقات ولو إنها قليلة عند الترميم ؟ أنا متأكد إنو التلاميذ ما عندن مشكلة ولا حتى عندن مشكلة بالذهاب إلى أي مسجد في القبة لأداء الفريضة بس حضرة الرابطة بدها تشوه عمل الآخرين

الله يهديكن ويهدينا

سلام

هيك يا هادي حكيك منو دقيق كلو !!!
العلوم فيها مصليين .. واحد للشباب والآخر للأخوات .. وبدك يكون في محل للوضوء .. وحمامات العلوم شبابيكها مي محجرة كانت .. بالتالي صلو وين ما كان معناتا الأخوات عم تحرمهم من مكان للصلا ... ومكان للوضوء !!

صلو بأي جامع بالقبة .. معناتا عم تحرم اللي بدهم يصلو أقله من محاضرة يوميا لأن كتير من الدكاترة إذا بتتأخر عن محاضرتو 5 دقائق بيحرمك منها .. وأكبر فرصة بين محاضرة وتانية هي ربع ساعة !!!

المشكلة ما كانت بإنو العزم يذكرو إنهم زبطو بالمصلى .. بالعكس هاد من حقهم بس متل ما فهمت المشكلة كانت بالإخلال باتفاق جرى بين الأطراف الفاعلة بالكلية. راجع مشاركات الأخ عمر والأخ أبو رجاء في هذا الشأن.

صلو بأي غرفة ... لمعلوماتك السنة الماضية بعض الأحيان ما كان يطلعلنا غرفة نتعلم فيها لأن ما في ولا غرفة شاغرة !!! ... والمدير قدس الله سره كتير بيتفاعل مع الطلاب ومطالبهم الحمد لله !!!! ...


كمان ولمعلوماتك ... وئت مندوب الرابطة كان يغيب عن كذا محاضرة ليجمعلنا المسابقات القديمة ويأمنلنا كورات من هالدكاترة التعبانين ... كان بعض من الفاعلين من تبعون الجهات التانية ياخدو نتيجة هالشغل ويطبعو عليه اسمهم ويوزعوه.

ووئت ابل الانتخابات بأسبوعين بتلائي الجهات الفاعلة بالجامعة بلشت تشتغل ... وبس تخلص الانتخابات خلص ما كأنو في شي بوئت الرابطة من أول يوم بالعام لآخر لحظة فيه بتكون عم تشتغل عتأمين الكورات ومتابعة مصالح الطلاب ... بتعرف الفرق بين التنين ... وبتعرف ليش في "تحيز" عند فئة كبيرة من الطلاب للرابطة ...



هاد بشكل عام ..

اقتباس:

---

المشاركة الأصلية كتبت بواسطة hadid

شو هالحكي ؟؟؟ أنا بستغرب

يعني لو الرابطة بهمها أمر المصلى " لوجه الله " كانت بترحب وبتساعد أي طرف بدو يوسع أو يرمم أو يلبس حجر سواءً كان لوجه الله أو لوجه أصوات الناخبين وسواءً كان بدو يكتب تم التوسيع من طرف العزم أو غير العزم .... وبعدين إذا إجا بعد العزم تيار المستقبل ولبس حجر وكتب إسمو ورجع إجا التيار الوطني الحر فرد سجاد وحط إسمو ورجعو الكتائب حطو منبر وكتبو إسمهن ليش الرابطة بتزعل ... مهيي لوجه الله بهمها أمر المصلى والمصلى تحسن

ويلي بيعتبر هالشي إنو شراء لأصوات الناخبين هيدا واحد غيران ونيتو سيئة وما فكر هيك إلا لأنو لو هوي بدو يرمم ما بيعملها إلا لوجه أصوات الناخبين ... يعني مجمع العزم اشترا أصوات الناخبين ؟؟ ولا مولد الكهربا يلي عم يشغل أضوية البلدية أثناء إنقطاع الكهرباء (وهيدا عمل كتير مهم لواحد متلي عنو ضعف بالرؤية يعني بالأول لما تنقطع الكهرباء كنت لاقي صعوبة كبيرة وأنا راجع عالبيت جزاهم الله عنا خيراً) شراء لأصوات الناخبين ؟؟؟ يمكن يكون هني بنيتهم هالشي ويمكن لأ بس بالأخير لم يشتر أصوات الناخبين لأنو إنت لما بتروح بتنتخب عندك الحرية إنك تنتخب مين ما بدك ،، والتيار منو لح يجبرك تصوتلو أبداً ،، والعزم وميقاتي والحريري منن محتاجين لا لبنان ولا أصوات الناخبين .. بس في أطراف تانية محتاجة لبنان وأصوات الناخبين .. ما بعرف إذا الكل بوافقني على هالنقطة ولا لأ

يعني بدال ما نستفاد نحنا من المعارك الإنتخابية بالأشياء يلي بتفيدنا وبتفيد أهلنا آخدينها غيرة وحكي عالغير ...

ولو كان الأمر هو لوجه أصوات الناخبين وين المشكلة ؟؟ يعني ما كان عمر بن الخطاب رضي الله عنه يعطي إبنو نقود على كل صلاة بصليها تحتا يشجعو ؟؟ إذا أصوات الناخبين عم تشجع على فعل الخير وين المشكلة ؟؟؟ يعني كل واحد قام بالعمل إن كان عبر تقديم المال أو المواد أو العمل الجسدي للترميم ولو كان بنية أصوات الناخبين ألا يؤجرون عليه ؟؟؟

أما إنو هني عارضو فكرة الإغلاق كرمال الترميم لأنو ما في بديل للمصلى فهيدا غذر أقبح من ذنب ... أنا مني فايت عالعلوم ولا مرة بحياتي بس متأكد إنو في ميت مليون محل ممكن يصلي الواحد في .. وتنضرب مثال نحنا منصلي داخل أي غرفة من دور على أي غرفة فارغة من بعد الكراسي والطاولات وإذا ما معنا مصليات منصلي عالأرض .. ولما ما منلاقي غرفة فارغة من صلي وين ما كان بشي كوريدور أو بشي ساحة على طرفها ومع العلم بكون عددنا كبير .. ومثال تاني الجامع الغربي ما تسكر ببعض الأوقات ولو إنها قليلة عند الترميم ؟ أنا متأكد إنو التلاميذ ما عندن مشكلة ولا حتى عندن مشكلة بالذهاب إلى أي مسجد في القبة لأداء الفريضة بس حضرة الرابطة بدها تشوه عمل الآخرين

الله يهديكن ويهدينا

سلام

---

الله يبارك فيك لمن بدك تنتقد واحد لا تنتقدو لأنو انتقد لأن وقعت بنفس الجورة .......متل ما بيعمل فيني حسون أحيانا ..... بيبهدلك عن الشباب كلن ......
هل نحن متأكدون من أن الرابطة تبنت موقف الانتقاد ورفض ومحاربة هذا العمل ؟؟؟
أم أننا سمعنا هذا الانتقاد من بعض الشباب ؟؟!!
وبعدين أهل مكة أدرى بشعابها ...... يعني أنا واياكلا نشكك بمقدار الوعي الذي يمتلكه الشباب في الرابطة في الجامعات .... بقا تركلن هالشغلة الله يبارك فيك .... وإذا عندك كلمة منيحة قولها ... شي نصيحة حلوة .....
ومن شان ما تقول أنا انتقدتك لأنك انتقدت .... أنا حبيت وضحلك لأن بتعرف أنه أحبك في الله ... وانتقاد الأصدقاء بعضهم بعضا مهم لأنو بيصير اسمو نصيحة ... أما الكلام عن الأعمال هو الانتقاد يلي لا ينفع ...
تزريكة صغيرة .....
وسألي خوك المصلى يلي عندن بالجامعة ما بدو ترميم ؟؟!!!
أو خطيب الجمعة عم يكون صوتو عالي ؟؟!!!
متل هالمواضيع لازم نبحث ..... شو شرأيك ....

اقتباس:

---

يأمنلنا كورات من هالدكاترة التعبانين

---

كيف لا يكون الدكتور تعباناً يا سيد زاهر؟

اقتباس:

---

المشاركة الأصلية كتبت بواسطة وسيم أحمد الفلو

كيف لا يكون الدكتور تعباناً يا سيد زاهر؟

---

وئت ما بيكون متل "أ.... ش...." أو "فـ ... ..د..." أو "عـ.. عـ.. ..د.." أو "نـ... كـ...." اللي سبحان الله كانو يعلموني 5 مواد السنة الماضية !!!

في كتب ولا مفي كتب؟

إذا هيك بتمنى تنقل الكم مشاركة الإخرانية لموضوع منفصل.


فإذا بما إنو موجود كتب محفوظ فيها العلم نلغي الجامعات والمدارس ... ومنعطي الولد أول ما بيخلأ كلشي في كتب بالدنية ومنألو دبر راسك !! ...

ألم توجد الجامعات والمدارس لتسهل تلقي العلم على الناس ... ثم أوجد المعلمون ليبسطو الأمور والمفاهيم والأفكار للطلاب ... وليدلوهم على المراجع وليرشدوهم لما يلزمهم من علم ومعلومات في المجال المراد تحصيله بحسب الميول والتوجهات ؟؟ ...


بالتالي فالعملية التعلمية فيها قسمين ... قسم على المعلم وقسم على المتعلم ... والآخر متعلق ولاحق بجزء كبير منه بالأول ... ففساد الأول نتيجته حتمية على الثاني بالفساد أما فساد الثاني ليس بالضرورة أن يؤثر على الأول بشكل مباشر وعلى نفس المستوى.