حكم...

**دوكر** · 24-10-2007, 05:35 PM

يا هلا بالشباب و الصبايا................السلام عليكم ............كيفكن................؟؟؟؟
صلو ع سيدنا محمد...............
متل عادتي مح إعمل مقدمة ......ح نفوت بالموضوع دوغري.........
الؤصة و ما فيا ......انو كونو المنتدى للحوار..............هيكا بؤلو.........
ف حبيت نفتح هل الموضوع .....لو هو ......و بإختصار.........
بنحط كل اسبوع حكمة او قول.........بنحاول كل واحد منا يعطي شوية مفاهيم و فوائد.......
يلا ح بليش.................

1............ليس المهم ان تقول كل ما تعرفه و لكن المهم ان تعرف كل ما تقوله...........

يلا ت نشوف .............

**سحر الشرق** · 24-10-2007, 05:50 PM

فكرة حلوة دوكر ومن عندي بقلك

لا تأسفن على غدر الزمان لطالما
رقصت على جثث الاسود كلاب
لا تحسبن برقصها تعلو على اسيادها
ستبقى الاسود اسود والكلاب كلاب

**wishes** · 24-10-2007, 06:51 PM

الأخلاق تصنع الرجل

**wishes** · 24-10-2007, 07:18 PM

من السهل أن تحب الناس ..
ولكن من الصعب أن تجبر الناس على حبك !

**wishes** · 24-10-2007, 07:23 PM

لو لم تكن الحياة صعبة لما خرجنا من بطون امهاتنا نبكي

**دوكر** · 24-10-2007, 07:35 PM

يا هلا بالست وشيز و الست سحر الشرأ..................
الحكم لي عطيطوا حلوة.......و معبرة.........يسلمو................
بس فكرة الموضوع .............انو نحط حكمة او أول كل اسبوع.......و نأشو.....و نتحاور حولو.......كل واحد يعطي الأفكار لي جاتو وإت إري الحكمة...................

**عمار الفلو** · 24-10-2007, 08:19 PM

إذا طعنت من الخلف , فاعلم أنك في المقدمة
حلوة مهيك ؟؟؟؟؟؟؟

**مصطفى معتوق** · 25-10-2007, 12:07 AM

وكل ابن انثى وان طالت سلامته = يوماً على الة حدباء محمول

**دوكر** · 25-10-2007, 12:33 AM

يا هلا بالمعلم عمار و المعلم معتوق.................
ولك الله يبارك فيكن ............بس بدنا حوار حول الحكمة لي طرحتا اول الشي ......
...........ليس المهم ان تقول كل ما تعرفه و لكن المهم ان تعرف كل ما تقوله...........

طيب ح بلش انا.......
اول ما إرت هل الحكمة......تخيلت واحد عم يحكي و يشوبر بإدي و يوعلأ ع الموضوع الفلاني و يحكي بالموضوع العلاني و يدخل بالسياسة و الرياضة و الأدب........
تخيلت واحد كل ما ينفتح إدامو موضوع بيحكي أول واحد....دائمن متصدر الأحديث......و اكتر الأحيان لي بشارك فيا بكون بالجلسة في افهم منو بي هل المجال......
متل واحد مهندس ؤعد بين أوبت دكاترة ألب ....و هو عم يحكي عن أمراض الألب.....يا خي من الأدب انو تترك الدكاترا يحكو بي هل المجال.....و تسمع منون كونون هنا اصحاب الشغلة......ولو كنت بتعرف.....ازا بدك تحكي لازم تسـازن منون.....
اومتل واحد ؤعد بي حلقة علم بالجامع مسلن.....مع شيخ من المشايخ......ؤم فات واحد عندو مسألة ......سأل الشيخ.....ؤم بجاوب هداكا.....هدي ما إسما إلت إحترام......
وءت إريت هل الحكمة......تزكرت أول الرسول عليه الصلاة و السلام بما معناه........فليقل خيرا او ليصمت......و كمان أولو صلى الله عليه و سلم بما معناه......أمسك عليك هذا.....و هل يكب الناس على وجوههم في النار الا حصائد السنتهم......
يا شباب و يا صبيا......الكلمة ابل ما طتلع من تمك انتا بتكون مالكا ......بس بس تطلع صارت هي لي مالكتك.....
خلونا نتعود نعد للمية ابل ما نحكي ايا كلمة.....
كترت الكلام .......ما بتجبلك احترام الناس......حتى لو حسك بتفهم.....
بس وءت بتحكي الشي اللازم هدا لي بخلي الناس تحترمك.....

يا الله ناطركن و ناطر مشاركاتن........
اخوكم دوكر المعوكر

**سحر الشرق** · 25-10-2007, 08:04 AM

معك حق يا دوكر لسانك حصانك ان خنته خانك وان صنته صانك وان كان الكلام من فضة فلسكوت من ذهب واهم شي انه الواحد يعمله بهلايام منو بس انه ما يحكي بشي ما بيفهم فيه بس كمان ان كان بيفهم ما يجادل جاهل لانه بيكون اجهل منه والاعتراف بالحق فضيله ومنو الغلط انه تكون ما بتعرف بس الغلط انك تكون ما بتعرف وعارف انك ما بتعرف وتجادل هيدي قمة الغباء

**مصطفى معتوق** · 25-10-2007, 02:28 PM

قل لي من تعاشر اقول لك من انت

**الريس** · 25-10-2007, 02:50 PM

بس عندي نصيحة ، بالنسبة لهل الموضوع ، أنا برأيي انو ما نعجقها بالحكم ، أنا برأيي انو كل شي أسبوع ينكتب حكمة وتتناقش ، ويلي بدي يحط حكمة يطول بالوا شي اسبوع مشان ما تصير القصة مخلوطة ، يعني أنا كنت فايت على الموضوع بس لما فتت شفتو مخبوص هالخبصة غيرت رأيي .

**wishes** · 25-10-2007, 02:56 PM

بتأمر يا ريس

**الريس** · 25-10-2007, 02:59 PM

لا يأمر عليك ظالم ، يا ست ويشز

**Abir** · 25-10-2007, 03:08 PM

بس بدي ضيف تعليق عالحكمة....

ليس المهم ان تقول كل ما تعرفه و لكن المهم ان تعرف كل ما تقول........... ولمن تقول...

لان ما في ابيخ من انك تكون عم تحكي و عارف شو عم تحكي بس عم تحكي للشخص الغلط... يا امّا مانو مهتم بكلامك........ يا امّا منّو فاهم عليك.....

**أيمن غ القلموني** · 25-10-2007, 03:26 PM

ليس المهم ان تقول كل ما تعرفه و لكن المهم ان تعرف كل ما تقول........... ولمن تقول... وكيف تقول...

الأهمّ هو كيفيّة القول

ma3 kamil imtinani lil a5 dawkar 3ala hal mawdou3 al 7elou

**Abir** · 25-10-2007, 03:29 PM

اهلين أيمن........

تكرم عينك.... ..رح نعدل القول........

ليس المهم ان تقول كل ما تعرفه و لكن المهم ان تعرف كل ما تقول........... ولمن تقول... وكيف تقول...

**أيمن غ القلموني** · 25-10-2007, 03:43 PM

ليس المهم ان تقول كل ما تعرفه و لكن المهم ان تعرف كل ما تقول........... ولمن تقول... وكيف تقول...

الله يوفق الجميع لقول الحقّ وفعل الخير

**دوكر** · 25-10-2007, 07:57 PM

يا هلا بالجميع.......
يا شباب روءو بالكن شوية..........و لك انا ؤلت بنحط حكم كل اسبوع و بنتحاور حولا و بنائشا .........منو بنحط مية حكمة بالنهار..........اوكاي؟؟؟؟؟؟؟
زعلتولي المعلم الريس.......تعا لهوني انا ناطر مشاركتاك يا ريس وين روحت........
و يا هلا بالست عبير .........إضافة حلوة و مفيدة......
و يا هلا بالمعلم ايمن.......كمان إضافة منيحا.................
يسلمو ..............و يعطيكن العافية..................

**الزاهر** · 25-10-2007, 11:18 PM

أووووووووف.....فتحت المنتدى هاك الساع......طلع في 75 موضوع فيه مشاركات جديدة.......شو هاد......!!!!!!!

المهم......بس يصر الموضوع منظم يا دوكر.....رح يكون لي مشاركة إن شاء الله!!!!!
للأسف.....بسبب ضيق الوقت.......
رح ودعكم هلأ.....لأن يمكن ما بين إلا بالـ Weekends بئا!!!
سلام

**habouleh** · 26-10-2007, 03:04 PM

حكمة مهمة ليلي بيفهمها

لا تكون حمار و تقول خيار

**shanzimer6** · 06-11-2007, 02:12 PM

السلام عليكم:
" يلي عندو مال محيّرو, يشتري حمام ويطيّرو" :d

**الزاهر** · 06-11-2007, 06:39 PM

منيح اللي ذكرتوني بالموضوع!!!!
رح كفي جمع وتنظيم!!!!

**عمار الفلو** · 06-11-2007, 11:22 PM

تعلم شيئا من كل شيء
و عن هذا الشيء تعلم كل شيء

**دوكر** · 10-04-2008, 12:25 PM

يا هلا بالجميع...
ياولاي ...هل الموضوع أديم بلاواي....
كنت ع اساس يكون لو طريءة تانية بالتنظيم...و لي هيا...انو كل اسبوع بحط فاي حكمة او قول...و خلال الاسبوع بناءش كل واحد ايشيا المفاهيم و الاشياء لي طلعت بي بالاو هوا و اريا....

طيب لكن....ببلش؟...
اليوم ايش...الخميس...كل خميس ان شاء الله بحط حكمة جديدة...
قول هل الأسبوع....خلاي يكون حول توقيعي..."اذا طعنت من الخلف فأعلم انك في المقدمة"....

ايشيا الاشياء لي خطرك ع بالك انتا و عم تؤرا هل الكلمات...شحسيت حول شخصة لي ؤيلاو...حول المفاهيم لي بتحملا هل الجملة...و ....و....

يعطيكن العافية...
اخوكم دوكر المعوكر...

**яiиda** · 10-04-2008, 06:56 PM

... إذا طعنت من الخلف , فاعلم أنك في المقدمة ...
هيدا احلا الشّي مهيك؟؟؟؟؟

**أبو مريم** · 13-04-2008, 12:21 AM

وراء كل رجل عظيم امرأ

**Nader 3:16** · 15-04-2008, 12:09 AM

في مثل كتيير حلو بءول:

.....أن تصل متأخراً خير من ان لا تصل أبداً.....

و كمانا في واحد تاني شبقول.....::::::::

......جميل ان يكون لك قلب انت صاحبه, ولكن الاجمل ان يكون لك صاحب انت قلبه.... (سرءتها من واحد عالمسنجر ...دوووووووووع يا م.إ)

**AbouRajaa** · 06-09-2008, 05:52 PM

إذا كثرت عيوبُكَ في البرايا

و سَرَّكَ أن يكونَ لها غطاءُ

تستَّر بالسخاءِ فكُلُّ عيبٍ

يُغَطّيهِ كما قيلَ السخاءُ

الإمام الشافعي رحمه الله .

**AbouRajaa** · 22-09-2008, 07:01 PM

يقول الإمام عليّ كرم الله وجهه

لا تٌفْشِ سِرَّكَ إلا إلَيْك **** فإنّ لكُلِّ نصيحٍ نصيحا

**AbouRajaa** · 22-09-2008, 07:05 PM

يقول الإمام الشافعي رحمه الله

إذا المرء أفشى سرّه بلسانه ، ولامَ عليهِ غيرهُ فهوَ أحمقُ

الموضوع: حكم...

أدوات الموضوع

عرض

حكم...

؟

دوكر

نسيم الأنس

نسيم الأنس

نسيم الأنس

ضوابط المشاركة