(بعتزر ع العنوان..بسّ مشان يلفت نظر و مشان الإعلان مع إحترامي لكل شباب الضيعة)....


بسسسّ...
فيني إسألكون جميعآ وين دوركن لمّا بنت الألمون محتاجة لشبابا بهل شغلة!!!

ما فهمتو عليّ ما هيك؟؟؟؟

طيب رح فسّر..

لمّا منكون عم نكزدر يا بالضيعة يا ع طريء الجديدة..و الحمد لله الكل ماشي محترم و بأدبو...و في كتييير من الأصناف..شي نسوان شي ولاد شي صبايا شي شباب..من جميع الأجناس..
و بتمروء البنت شو ما كان عمرا..مزنطرة أو محجبة..و بيمروء وراها كل عادة سيارة غريبة..و فيا شباب..شي محترم بس الأكترية للأسف لأ..زعران
و بيبلشو يلطشو أو يلفو شي ألف مشوار ع البنت..يلّي منّا معبرتون..و مستحلية حدن ينتبهلون مشان يبهدلون و يوءفون عند حدّن..لأنّ ع أساس إنو البنت ما لازم ترد..مشان ما تعمل فضيحة و تدّلا محترمة و تستحمل و تطنّش و عم تبرم حولا مستحلية حدن ينتبه..و وينك من خوفا إزا حكيت و صار علءى يحكو ع البنت إنو كلّو منّا..و ويلك من إنو الحء علّيا إزا ما حكيت لحدا..و أكتر الأحيان بتبطل بدا تكزدر من ورا هيك عالم..
فهمتو عليّ؟؟؟

السؤال:
وين راحت نخوة هل شباب يلي كان عندون عرض بنت ضيعتون أهمّ شي؟؟؟

شو المفروض بنت ب هيك حالة دائمة تعمل؟؟؟كيف بتتصرف؟؟

شو ردّكن لمّا تعرفو إنا صارت معي..إنّي أكلت تلطيش للمرّة الألف..و أقرب الناس إلي كان شايف و ما تصرّف شي؟؟؟ وين النخوّة و الرجولة!!! متخيلين شعورنا كيف رح يكون؟؟؟

بتمنّا تناقشو و طعتو حلول و إقتراحات..و كل واحد أكيد عندو قصّة مشابهة يطرحا..شو ردكن يا شباب؟؟؟