حكمة ناتجة عن خطبة فاشلة

[عبد الله]

كثيرة هي المواضيع التي تحدثت عن علاقة الشاب والفتاة في مرحلة الخطبة ومن كان السبب في افشالها أو إنجاحها أو.. أو..
لكن أحببت لو نستخلص الحكمة أو العبرة من كل تجربة خطبة حصلت مع أخ أو أخت لعلنا نضع اليد على الجرح أو على الأقل ليعلمها من سيأتي بعدنا لكي لا يقع فيها .

[عبد الله]

كمان في حال نجح هذا الموضوع لعلنا نجمع هذه الحكم في كتيب صغير .
بالنسبة للي ما بيعرفوا يستخلصوا الحكمة أو العبرة فليكتب القصة ولحنا منستخرج الحكمة منها.
رح نحكيهن بالقلموني وبعدين منعملن صياغة لغوية.
من باب التوضيح : مقترح هذا الموضوع هو أخ مسجل بالمنتدى بس كتبنا عنو بناء على طلبه ومن باب التمويه عليه.

[عبد الله]

الحكمة الأولى: وهي مستخرجة من التجربة الأولى للأخ الذي اقترح الموضوع
‏"‏ مانو كل ما اطلعت فيك البنت لدرجة إنو رح تآكلك بعينيها معناتا إنو بدا إياك ".
الحكمة الثانية: وهي من التجربة الثانية لنفس الأخ السابق
‏"‏ كل شب بيحكي مع بنت بدو يخطبها وبيستخدم أسلوب الصدق في حديثه معها بيكون شب جاهل وغبي وما بيفهم ".
الهيأة الشباب عانو كتير الله يسترنا ويستر علينا لأن قرب دورنا .
بانتظار مشاركات الأخوات والإخوة في المنتدى
يعني من تجاربكن أو تجارب أصدقائكم فما ما بأثر .

[مصطفى معتوق]

علاقتك بالبنت متل كمش العصفور ازا شديت عليها يتنفظر وازا رخيتلها بتطير من ايدك

[محمد أحمد الفلو]

الحكمة الأولى: وهي مستخرجة من التجربة الأولى للأخ الذي اقترح الموضوع
‏"‏ مانو كل ما اطلعت فيك البنت لدرجة إنو رح تآكلك بعينيها معناتا إنو بدا إياك ".

.

منو كل شب مشي بالشارع وتوهّم إنو كل البنات عم يوكلوه بعينيهن بيكونوا شايفينوا أصلا......

[عبد الله]

لو ما بعرف إنو حميطون شب كنت قلت يلي في مسلة بتنعرو .
على كل حال يا ابني هادا الشب ما قال كل البنات بيطلعو فيه ومانو عم يتوهم لأن صار شي رسمي بينو وبين البنت لكن لم يكتب له النجاح.

[محمد أحمد الفلو]

لو ما بعرف إنو حميطون شب كنت قلت يلي في مسلة بتنعرو .
على كل حال يا ابني هادا الشب ما قال كل البنات بيطلعو فيه ومانو عم يتوهم لأن صار شي رسمي بينو وبين البنت لكن لم يكتب له النجاح.

ليش مين قلّك إني عم رد عالشب أنا ؟؟؟
عم قول ملاحظه حسيت هوني محلا !!!!

[Nader 3:16]

حلو هالموضوع.
رح نراقب من بعيد و نكتسب خبرة منكم يا شباب..و يا بنات.
بس يا ريت تكون نصائح بطريقة حلوة..مو تفجير احقاد...

[عبد الله]

اذا أي حد من المشرفين رأى أي مشاركة تجرح بأخت أو أخ أو تدل على أحد فأرجو حذف الموضوع بالكامل

[Nader 3:16]

يا ريت الاخوة المجربين عنجد يحكولنا تجربتهم....نوطرينكم ها...!!!!....

[مصطفى معتوق]

هلق في ظاهرة عم تشتاح القلمون شوية شوية وهي انو ازا بنت تقدملها دكتور و راعي غنم مثلاً صايرة البنت عم تختار راعي الغنم ...........
وسمعت انو سبب هالاختيار انو راعي الغنم بتتحكم فيه البنت متل ما بدها بينما الدكتور صعبة شوية .