دوكريات...

[دوكر]

سلام عليكم ......
يا هلا بالجميع.......
كيف الشباب ؟..... و الصبايا؟......

الموضوع عبارة عن شوية خواطر و افكار بتهف عبالي احيان و ما بلاقي انو فيني اعملا موضوع ....و بحب اطرحا عليكن و اسمع رأيكن و تعليقاتكم ........و نتشارك بتفكير حولون ......


طيب....ليش ت طويل عليكن .....ما في داعي ...ما في داعي للرسميات .......هههه.....
خلينا نبلش .......

اول دوكرية .......

قال رسول الله صلى الله عليه و سلم : { لا تدخلوا الجنة حتى تؤمنوا، ولا تؤمنوا حتى تحابوا. ألا أدلكم على شيء إذا فعلتموه تحاببتم؟ أفشوا السلام بينكم }
حديث متل العادة من احاديث الرسول صلى الله عليه و سلم لي علينا نطبقها ...و الحكي عن تطبيق الاحاديث و الآيات بحياتنا اليومية امر بعتقد انو لازم نكون فرغنا منو من زمان ....هادا قرآن ربنا و احاديث الرسول صلى الله عليه و سلم منا للقراءة و المطالعة و لا للحفظ بالدماغ بس......مع اهمية هل الشي.....بس هي للتطبيق.......
المهم.......يمكن تؤلولي انو هل الحديث كتير منا بطبقو.....و نحنا الحمد لله بس نشوف حدا بنسلم و بنتبسم بوجو.....و بنحاول نكسب الاجر و نمرق شي كلمة دعوية و ...و....
المهم انا منا هوني الفكرة ........الؤصة انو كتار منا مفكرين انو افشاء السلام هو قولة "سلام عليكم" ......قولة السلام عليكم هي جزء بسيط من افشاء السلام .......و لو كان المقصد من الحديث متل ما عم نفهمو نحنا كان فاي الرسول صلى الله عليه و سلم انو يقول قول السلام عليكم و رحمة الله .....
بس افشوا السلام فكرة واسعة .....بتشمل كل المعاني المرتبطة بشكل مباشر و غير مباشر بكلمة السلام......من السلام عدم الخيانة .....و من السلام عدم الطعن من الخلف.....و من افشاء السلام عدم التلون بين بعضنا كأخوة في الله بألوان و عدة وجوه........و من افشاء السلام اني ما احكي عليك بس تمشي........و من افشاء السلام اني احفظ سرك.....و ..... و....... يمكن تسألو حالك هل الزلمة من وين عم يربط هل الاشياء .....بس انا شايفون مرتبطين.........انا عطيت لواحد شي اسمو السلام شمعناتا؟......ما معناتا اني بأمنلو.....ما معناتا ......و ما معناتا ...........

يعطيكن العافية ......
اخوكم دوكر المعوكر.....................

[Nader 3:16]

اهلين بدوكر....يعني القضية الاولى يلي طرحتها هي احلى من الموضوع بحد ذاتو!!!...
يا عمي انتا بتفهمني عالطاير ما في كلام!!!!........
رح اختصر يلي ذكرتو و ءول..السلام هو اعطاء اخوك المسلم كامل حقوقه المفروضة عليك تجاهه و مع توخي الحذر في المعاملة في بعض الحالات!!!!!!

[حُسَينْ ... !]

حديث متل العادة من احاديث الرسول صلى الله عليه و سلم لي علينا نطبقها ...و الحكي عن تطبيق الاحاديث و الآيات بحياتنا اليومية امر بعتقد انو لازم نكون فرغنا منو من زمان ....هادا قرآن ربنا و احاديث الرسول صلى الله عليه و سلم منا للقراءة و المطالعة و لا للحفظ بالدماغ بس......مع اهمية هل الشي.....بس هي للتطبيق.......

احببت ان اعلق على كلامك يا اخ دوكر حول التطبيق و العمل بالآيات و الاحاديث بهذه الحسونية الطازجة ( لها قصة قصيرة حصلت قبل يوم و لكن لا يمكنني ذكرها هنا لأنها لن تفهم دون اسماء ... )

الحسونية الأولى

الى متى هذا التناقض بين كلامنا بالفصحى و كلامنا بالعامية
( و ما بعرف اذا الحكي عن المنابر غير عن الحكي من عن الارض هل اربع خمس درجات بتفرق؟ )

و الى متى هذا التناقض بين كلامنا بالعامية و الفصحى من جهة و عملنا و حياتنا اليومية من جهة اخرى؟

[دوكر]

يا هلا بالمعلم نادر و المعلم حسين.....
اول شغلة يسلمو للمعلم نادر ع هل المشاركة ....و ع هل الاختصار الموفء..........
و تاني شغلة ....حسونية حلوة .....بس كاتب انا الاولى يعني عندك سلسلة يا معلم حسون ؟؟......

و من جهة تانية حيبت وضح شغلة انو هل الفواكر الدوكرية هي مجموعة من الفواكر المستمدة من افكاري و افكار سامعا و افكار قرأتها ......هي مزيج من اشياء بنعيشا يومياً و كتار منا ما ب لاحظها .......

يعطيكن العافية ......
اخوكم دوكر المعوكر..............

[أيمن غ القلموني]

من السلام عدم الخيانة .....و من السلام عدم الطعن من الخلف........


و من افشاء السلام اني ما احكي عليك بس تمشي........و من افشاء السلام اني احفظ سرك.....و ..... و....... يمكن تسألو حالك هل الزلمة من وين عم يربط هل الاشياء .....بس انا شايفون مرتبطين.........انا عطيت لواحد شي اسمو السلام شمعناتا؟......ما معناتا اني بأمنلو.....ما معناتا ......و ما معناتا ...........

بارك الله بكم أخي دوكر على هالخواطرالدوكرية.

أخي ، لماذا السلام ، وماذا يريد الإسلام من السلام؟

1 بعث روح التواضع بين المسلمين

2 السلام هو بحد ذاته حث على الإلتزام بكافة العهود والمواثيق وعلى الأمانة والتضحية في سبيل الأخوة في الإسلام.

وهناك الكثير الكثير من الإفادات من هذا الحديث الشريف .

أما من معانى الأخوة:

أن يصبر الإخوة على أخطاء بعضهم ، فلن تجد شخصا كاملا :

كل بني آدم خطاء ، وخير الخطائين التوابون.

[دوكر]

يا هلا بالجميع.....
يا هلا بالمعم ايمن و يسلمو ع المشاركة.....

تاني دوكرية

" الصبر على الاخوان من دعوتنا "
بعتقد هل الكلمة ما في داعي للحكي حولا .....ما بظن اني ح لاقي اوضح منا ......او اني ح وضحا اكترمنا واضحا......
بس حبيت احكي كم كلمة طلعو معي وقت لي سمعت في هل الجملة .....لي بيرجع يعيد التفكير بهل الكلام و بحاول ينزلو ع ارض الواقع عنا ......بلاقي انو بيناتنا ما في ولا واحد بطبق هل الكلام الا من رحم ربي.......
بتلاقينا اذا واحد من الشباب الملتزمين حكي كلمة شوية دايقتنا بنقاطعو و منو بس هيكا بنشون حملة تبخيس شنيعة على الزلمة .....
هادي جهة من الصبر لي داخل بهل الكلام......
في جهة يمكن منا بعيدة كتير ......لها علاقة اكتر بالعمل الاسلامي كونو هل الجملة صادرة عن كبير من كبار الفكر و العمل الاسلامي .......ازا نحنا بالعمل الاسلامي ما صبرنا على اخوانا لي معنا مفتكرين فينا نصبر على العدوات الخارجية او على التديقات ......نحنا بين بعضنا شوف تعاملنا ايشوا.......محدا بيصبر على التاني ......
كل واحد منا جيا على اساس جاية يشتغل مع عالم معصومين متلو......اه لأنو كل واحد منا معتبر حالو معصوم .......كل واحد منا قال بيشتغل بس ت يلاقي في غلط بيحمل حالو و بيمشي.....بيعمل جمعية تانة ......منيح انو ما بخلو بالقانون كل واحد يعمل جمعية ......لازم خمسة ....لكن بدو يحاول يتفق هو و خمسة .........لو انون تاركينا كل واحد يعمل جمعية ههههه.....كانت القصة اسا احلى من هيكا.........الله يعين .......
اسا في كتير حكي حول هل الجملة ..... بس حابب نتشارك بالتفكير و الحوار ......
يعطيكن العافية .......
اخوكم دوكر المعوكر..................

[الزاهر]

والله يا أخي العزيز دوكر لي خواطر أحب أن أشاركك إياها لكن المشكلة أني ليس باستطاعتي التعميم كما تفعل وسيظهر فورا من كلامي من المقصود بالفعل أو الكلام !!!

بركا منتواصل تحت الهوا ومنشوف الحل!!!

[دوكر]

يا هلا بالمعلم زاهر.......
مية اهلا و سهلا ......يا معلم اهلا فيك و بالخواطر لي حاملنا هيا........
فوت لكن تحت الهوا ت نشوف شبدنا نعمل .....
يعطيك العافية .....
اخوكم دوكر المعوكر...........

[مصطفى معتوق]

اخي وحبيبي دوكر ...



يا ريت بتعتمد اللغة الفصحة بدوكرياتك

سلام

[دوكر]

يا هلا بالمعلم معتوق......
بتعرف اني كنت عم فكر بهل خطوة......بس حسيتا خطيرة.....هههههههه.....يعني مني حابب اتكلف كتير بالحكي......حابب حكي الناس باللغة و اللهجة لي بفكر فيا......بس عم شوف انو احيان لازم نستخدم الفصحى.....
تكرم عينك يا معتوق و عين كل الشباب الطيبة.....
يعطيكن العافية.....
اخوكم دوكر المعوكر.......

[دوكر]

يا هلا بالشباب و الصبايا ......
كيفكن ..؟......
هلأ اليوم يمكن تستغربو اكتر مني انو كيف هل الزلمة عم يحكي بالفصحى.......بس كوني المعلم معتوق قال حكي بالفصحى ؤلت ت جرب .........ف ما تتفاجؤ........ههههه

تالت دوكرية

" لا يوجد إنسان وسع الحق كله إلا الرسول صلى الله عليه و سلم "

جملة أو ربما يكننا أن نعتبرها من اكبر القواعد ...و لكن غفل عنها كثير منا ....لم نعد نؤمن في قراره أنفسنا بهذا القاعدة ....أصبح الكثير منا يتعالى على هذا الكلام ظناً منه أنه وصل الحق ببضع متون أتمها في زاوية المسجد أو في رحاب بعض الجامعات و المعاهد ...لو أنا آمنا بهذا القاعدة الإيمان اللازم .....و عرفنا معانيها ....و بدا تأثيرها على سلوكياتنا و أخلاقيتنا لما كنا وصلنا إلى ما وصلنا إليه ......ما أحوجنا في هذه الأيام إلى فهم و وعي مثل هذه القواعد ....و أظن أن الإيمان بها من صميم عقيدتنا ......و العمل بها من صميم فكرنا......

لو بنينا حياتنا على مثل هذه القاعدة لعرفنا معنى الحوار الحقيقي ....و معنى سماع آراء الناس....لن اطيل الكلام حولها فلا أظن انه يوجد أوضح منها كلاماً و ليست بحاجة إلى أي تفسيرات .....


ناطرين نسمع منكن يا شباب و يا صبايا.....
يعطيكن العافية ......
اخوكم دوكر المعوكر.......

[AbouRajaa]

أستميحك عذراً أخي دوكر بأن يكون عنوان هذه المداخلة
" رابع دوكرية"
" أوصيكم ونفسي أولاً بتقوى الله عزّ و جلّ "

الذي أنا بصدد تسطيره هنا ، هو في الواقع حوارٌ داخلي أواجهه في كل يوم جمعة .
تدخل المسجد لتصلي صلاة الظهر .. تنتظر الخطيب الذي يتأخر كالعادة مع أنه هو الذي يخبر الناس عن فضل الإسراع في الدخول إلى المسجد عموماً و في يوم الجمعة خصوصاً ، لكن كالعادة لا تملك إلا الإنتظار ...
يبدأ الخطيب بعد البسملة و الحمدلة ، فإذا به يبدأ في كل مرة بقوله :" أوصيكم و نفسي أولاً بتقوى الله عزّ و جلّ "
لكنه لم يدخل يوماً في الخطوات العملية، فيعلم الناس كيفية السير في سبيل الوصول إلى تقوى الله عزّ و جلّ ، فأسأل نفسي هل هؤلاء المصلين جميعهم يعرف ما عليه فعله حتى يصِلَ إلى تقوى الله ؟ لكثرة ما راودني هذا السؤال ، طرحتُهُ على رجل كبير السّنّ يناهز الرابعة و الستين من العمر ، فقال : منذ أن كنت أصغر منك و حتى الآن سمعت في هذا المسجد لأكثر من مئة خطيب و كلهم يوصينا بهذه الوصية ، لكن حتى الآن لم أسمع لأحد من الخطباء يُعلمنا كيفية العمل بهذه الوصية !!"

فتأمل !

[AbouRajaa]

" خامس دوكرية "

" لمنْ يتَوَجَّهُ الخُطَباءُ بحديثهم يومَ الجُمُعة ؟ "

تَدْخُلُ يومَ الجُمُعةِ المَسْجِدَ و أنتَ مُتَوَجِّهٌ بِكُلِّيَتِكَ إلى الله ، تدخُلُهُ مُخْلِصَ النِّية ، تَدْخُلُهُ و يسبِقُكَ تَشَوُّكَ لسماعِ كلامٍ يُقَرِّبُكَ من رَبِّكْ ، كلامُ يُعَرِّفُكَ معايِبَ نفسكْ ، أو تنْتَظِرُ أن تَسْمَعَ ما يُعَرِّفُكَ على نبيِّكَ و فضائلِهِ فَيُنَمّي حُبَّهُ في قلبِكْ .......... أو على الأقل يُبَيِّنَ الأحداثَ الجارية على ضوء تعاليمِ الدين ، فتصيرَ بذلكَ الصورة جلِيَّةً للقاصي و الدّاني ، حتى لا يكون قولنا مخالفاً لديننا و تعاليمه ....
فإذا بالخطيبِ يُتْحِفكَ بخُطْبَةٍ لم تكُ في الحسبانْ ، فتراهُ إذا ما أراد التطَرُّقَ للأحداثِ الرّاهنة ، إنما يُعيدُ كلامَ رجُلِ سياسة حرفيّاً أو بالمعنى ، أو يدعو له و يُسَيِّرُ لأجلِهِ الأمة جمعاء .. أما أن يقيسَ أقوال و أفعال و مواقف هذا أو ذاك في ميزان الشريعة ! فهذه بدعة و الحمد لله الذي عافا خطباءنا من البدع ........ و للحديث تتمة إن شاء الله .

[AbouRajaa]

أحِبُّ أن أقرأ تعليقاً للأخ دوكر قبل المتابعة إذا أمكن !؟

[دوكر]

يا هلا بالمعلم ابو الرجاء........
و الله انا إريت دوكرياتك اول ما حطيطون بس ما ءدرت رد لأني كنت مشغول كتير........
ما شاء الله كتير مهمين.......و ع فكرة كان عندي شي ءريب عليون الله يبارك فيك .........كان صار بدنا موضوع اسمو ابو رجاءيات ههههههه........
هلأ بالنسبة للقضايا لي حكيت فيا ......فيني نحطون تحت فكرة واحدة لي هيا .....انو المنبر ما عاد عم يقوم بدورو .........
المنبر ما عاد بيحكي بشي بفيد العامة .......خطبة الجمعة كانو يحرضو فيا الجيوش......كان لها تأثيرا بحياة المسلمين .......و لي هوا دور الجامع......دور المسجد .......انطلاقة حياة المسلم من المسجد .......
و انتا عطيتنا مثالين يا معلم ابو الرجاء عن المشكلة لي عم نواجها .....عن الشرخ لي بين المسلمين و المنبر.......بتلاءي الامام فايت و فتح هل الورءة و بلش يحكيلنا اشياء ......شي سامعين فاي و شي ما بعمرنا سامعينو و في اممة بتلاءاي ناءل مأطع من فتح الباري .....و مأطع من سير اعلام النبلاء......و مأطع من فقه السنة .......و مأطع من هوني و من هونيكا......و بيسفؤن متل ما هنا بلا ما يفكر .......الله يعين .......

الامام لازم يحسب انو هو عم يحكي عوام منو طلاب عالم.......

و المشكلة التانية لي طرحتا انو في امم متخصصين بالسياسة .....هههههه....بتلاقاي طالع يرد على البيان لي اصدرو فلان الفلاني ........ولك شبدك من هل الشغلة ......مني عم ؤل انو ما لازم يكون لنا فكرة سياسة ....بس منا تابعين لحدا ....عنا فكرتنا السياسية المستقلة .......و هادي مشكلة بحد زاتا بيطلع منا مواضيع كتيرة ..........
ما بدي طول عليكن.......
يعطيك العافية معلم ابو الرجاء........و بدنا نسمع من بءية الاعضاء.......وين الشباب و الصبايا......
اخوكم دوكر المعوكر........

[Nader 3:16]

بذكر انو الاخ الريس طرح بالاول شي من هالحكي بعنوان منابر القلمون لكن الموضوع لم يأخذ حجمه.
المهم متل ما ءلتو.....يعني ما حدا صار عم يحس بخطبة الجمعة و بدورها و بمعانيها و افكارها...لأنو مواضيعها منا عم تكون عصرية اذا بدنا نءول....ومتل ما قال دوكر يعني فاي عالم ما بتصلي غير الجمعة و ما عندها معلومات بالدين فأنا بدي خاطب الناس على قدر عقولهم.....

وللأسف احياناً عم تكون الخطبة مسيسة يمكن عنا بالقلمون هالشغلات منا كتير واضحة بما معنى انو الشيخ لا يعبر عن وجهة سياسية معينة ولكن ببعض المناطق واولها عندكم ببنين يا ابو رجاء على ما اعتقد عم تكون رد على بيانات لمصلحة اشخاص و تيارات معينة. ما حدا ءال انو ما لازم يكون عنا وعي سياسي بس لازم يكون من منظور اسلامي و ليس من منظور علماني ...يعني خود هالكم دولار وطلاع حكاي كذا و كذا.

انا برأيي لازم يكون فاي تخطيط و تنظيم و دراسة للمادة يلي بدها تنعطا بالخطبة و اهم شيء لازم كل جمعة يتغير الخطيب منشان العالم ما تضجر و كل ساعة تسمع اسلوب جديد.....!!!!.....

و يا اخ دوكر تروك الصبايا بشغلهم صرلهم من اول الصيفية عم يخططوا للقاء الاعضاء و عمؤتمرات و لقاءات و اسا ما زبط معهم. و لك دووووووووووووووووووووع....

[دوكر]

يا هلا بالمعلم نادر.......
يا معلم معك حق نحنا دينا دين شامل فاي سياسة و فاي كشلشي ليش ت روح انا أيبل شبدو فلان العلاتاني لأ،و ابن فلان الفلاني و احكي بلسانو عندي ع المنبر.........
و من شان الصبايا .....ازا مشغولين خليون يكملو شغلون ....ما بدنا نلهيون......ههههه....
يعطيك العافية ......
اخوكم دوكر المعوكر.................

[lina k]

سلام,بداية أشكر الأخ"دوكر" على هذه الدوكريات الجميلة والمهمة.وأعتقد أنّ هذه الدوكريات يجب أن تكون مبادئنا في الحياة.وإسمحوا لي بتعليق بسيط على قصة "المنبر" فأنا لا يمكنني أن أفهم كيف يبيع الإنسان مبادئه وضميره؟كيف يمكن لشخص التفوّه بأشياء غير مقتنع بها فقط لأنه حصل على مبلغ من المال؟بالنسبة لي,أعتقد أنّ صاحب المنبر لديه مسؤولية كبيرة إتجاه الناس حيث يجب عليه حثّهم وإرشادهم إلى الطريق السليم من خلال إسماعهم المبادئ الإسلامية البحتة والبعيدة كلّ البعد عن الفساد السياسي.ويجب علينا جميعا التفكير 100 مرة قبل التفوّه بأيّ كلمة ممكن أن تؤدي إلى الفتنة أو تشتيت في العقول.فالمنبر هو وسيلة لإيصال الحقّ والصواب والفكر السليم.
أرجو تقبّل مروري.......
بارك الله بكم........

[الزاهر]

كل ما هو بعد هذا السطر كلام عام ولا يُقصد منه أحد أو حالة قائمة أو ما شاكل ذلك!!!

هذه أم المشاكل ... بكل بساطة !!!

يقول الرسول الأكرم صلى الله عليه وسلم
«إذا وسِّد الأمر لغير أهله فانتظر الساعة»
رواه البخاري

ويقول شيخ الإسلام ابن تيمية رحمه الله: إنما يفسد الدنيا ثلاثة أنصاف: نصف فقيه، نصف طبيب،نصف نحوي.

فنصف الفقيه يفسد الدين، ونصف الطبيب يفسد الأبدان، ونصف النحوي يفسد اللسان...!

ويقول صلى الله عليه وسلم

سيأتي على الناس سنوات خداعات يصدق فيها الكاذب ويكذب فيها الصادق ويؤتمن فيها الخائن ويخون فيها الأمين وينطق فيها الرويبضة قيل‌:‌ وما الرويبضة ‌؟‌ قال‌:‌ الرجل التافه يتكلم في أمر العامة .‌..!






ويقول الشاعر سمير إسماعيل العمري في قصيدته "حكم الرويبضة"

على رويدكِ يا من تمسـكين يدي *** كُفِّي الدموعَ وصُوني النفس بالجلَدِ
هلْ تعــذليَن فؤادي غير مُدرِكةٍ *** هذا الحنينَ الذي يلتاعُ في كبِـدي
لو كانَ في قَدَري أنْ لا أكونَ أنا *** لكنتِ أنتِ رحيق العمـرِ والعَضُدِ
لكنَّني رجـلٌ يسـعى إلى هدفٍ *** سعي الغريبِ عن الأوطانِ للبلـدِ
إنـِّي أسـافرُ نحوَ المجـدِ مجتهداً *** رغم الصعاب فهل يُقضى لمجتهـدِ
هـذا الزمانُ زمانٌ ليس يُنصـفنا *** نحنُ الرجالُ أُولي الأخلاق والرَشدِ
هذا الزمانُ وصـوتُ الحقِّ منهزمٌ *** أمَّا الفسادُ فيدوي فيـهِ كالرَعِـدِ
هذا الزمانُ كلَيـْلٍ مُظلِـمٍ نحسٍ *** يغشى العيونَ فما ينفكُّ كالزبَـدِ
خنافسُ الأرض تجـري في أعِنَّتِها *** وسـابحُ الخيل مربوطٌ إلى الوتـدِ
وأكرمُ الأُسْدِ محبـوسٌ ومُضطهدٌ *** وأحقرُ الدودِ يسعى غير مضطهـدِ
وأتفهُ الناس يقضي في مصالحهمْ *** حكمَ الرويبضـةِ المذكورِ في السنَدِ (أي الحديث السابق)
فكم شجاعٍ أضـاع الناسُ هيبتَهُ *** وكمْ جبانٍ مُهـابٍ هيبـةَ الأسَدِ
وكم فصيحٍ أمات الجهلُ حُجَّتَهُ *** وكم صفيقٍ لهُ الأسـماعُ في رَغَدِ
وكم كريمٍ غدا في غير موضعـهِ *** وكم وضيعٍ غدا في أرفعِ الجُــدَدِ
دار الزمان على الإنسان وانقلبَتْ ***كلُّ الموازين واختلَّـتْ بمُســتندِ
أمَّا الذيـن كتـاب الله منهجهمْ *** فهُمْ منـابرُ إشــعاعٍ بلا مَـدَدِ
ما ضرَّهم أبداً إسفاف من سفهوا *** أو ضرَّهم أبداً عقلٌ بدون يــدِ
هم الكرام وإنْ ضِيمُوا وإنْ ظُلِموا *** رغم الصِغارِ ورغمَ الحقدِ للأبـدِ

[AbouRajaa]

هي فعلاً تحت عنوان واحد
" دور المنابر "
و قدْ وُفِّقتَ فعلاً في توصيل الفكرة الرئيسة .
أما بالنسبة للأخ زاهر فلا أستطيع إلا أن أسامحك
فقد كان ما تفضلت به هو ما كنت أنوى تسطيره بعد
" دور المنابر"
بارك الله بكم جميعاً و جمعنا و إياكم في جنات النعيم المقيم.

[AbouRajaa]

هذه الدوكرية
هي فكرة لاحت لي و أنا أتصفح الموضوع غير أنها لم تأخذ حقها بعد،
إلى ذلك قررت طرحها ، عسى أحدُ الإخوة يطرها بشكل أفضل .
أخوكم أبورجاء.

[AbouRajaa]

الدوكرية السابعة
" إنفصام في الشخصية "

الفكرة التي أحاول تسليط الضوء عليها ، هي نوع من الإنفصام في الشخصية عند بعض الملتزمين، بمعنى أنك تراهُ في المسجد خاضعاً متذللاً ، و إذا لقيتهُ فتحدثتَ معهُ بأمورِ الدين، فهو العالم العلامة، أما إذا ما انفضَّ إلى عمله ، فتراهُ غشاشاً كذّاباً ....
هو رجل ملتزم ، خارج محيط العمل ، فإذا ما دخلتَ ميدان العمل فالشعار السائد " إذا لم تكن ذئباً ، أكلتكَ الذئاب" لماذا ؟ أولا يشمُلُ الإلتزام و سَعَتُهُ حياته العملية ؟ ؟ ؟
هذه الفكرة التي أردتُ التحدثَ عنها غير أني كما أسلفت لم أعطِ الفكرة حقها .

أخوكم أبو رجاء.

[Nader 3:16]

آخر ابو رجائية جلوة منك!!!...لووووووووول!!!...
و المشكلة انو هالفعل لا يقتصر بأذاه على صاحب العلاقة فقط و انما سيشمل كل من يصلي..و كثير ما نسمع جملة(كل يلي مربيين دءونهن كذابين)..هالجملة لم تأت من الفراغ و لكن هناك من يدعي الالتزام و لكن لا يوف بالعهد ويكذب و كذا و كذا!!!.....يعني الؤصة طويييييييييلة!!!.....
ولنا عودة بعد سماع رأي البقية.

[Nader 3:16]

يقول الله تعالى: (أفمن زين له سوء عمله فرءاه حسناً فإنّ الله يضل من يشاء و يهدي من يشاء).
آية مهمة اذ انّ قمة الضلال ان يصبح الانسان لا يميز بين الحق و الباطل. بل انه يفعل الباطل و يظنّ أنه الحق(فرءاه حسناً).
فيصبح الانسان تبعاً لأهوائه لا يدرك و لا يفقه شيئاً مما يعمله.
فنسأل الله تعالى ان لا يجعلنا ممن نزلت فيهم هذه الآية .



في كتيير عالم احياناً بيتصرف تصرف غلط و الناس بتلومو عهادا العمل و مع ذلك يصر عليه و بءلك هاد انا شايفو الصح!!!...ولا كيف يا اخي صح فلان و فلان بيعرفوا اكتر منك!!!؟؟؟ الا و ميبس راسو وما بدو يءتنع الا هو الصح!!!...يعني نءطة عالسطر و انتهى الكلام.
مصيبة يلي بفكر بهالطريءا لأنو يلي بكون هيكا منو مستعد يناءشك و لا مستعد يتراجع عن رأيو لأنو شايفو من منظورو انو هو الصح!!!..وهادا فكر خاطئ أكيد....والانسان لازم دائماً يسمع لغيرو لأنو في عالم ممكن يشوفوا عن خطأ بعمل معين انتا منك شايفو...و هيك المسلم بكمل اخوو المسلم ..و هادا هو مبدأ الاسلام الذي يدعو الى التناصح و الاستماع للغير..مو على المبدأ الشيطاني او سموه يلي بدكم ياه (انا يلي شايفو انو هالشي صح).....
ان شاء الله كون وفقت بتوصيل الفكرة لكم...
و تقبلوا مني هالندّورية....ههههه..
السلام عليكم.

[الزاهر]

....والانسان لازم دائماً يسمع لغيرو ...

وإنت لازم مؤ تستخدم هاللون نهائيا
هادا أنا شايفو الصح !!!
بيعمي يا زلمة !!
شمعجبك فيه !!
سماع مني !!

[الرجل المعتدل]

وإنت لازم مؤ تستخدم هاللون نهائيا
هادا أنا شايفو الصح !!!
بيعمي يا زلمة !!
شمعجبك فيه !!
سماع مني !!


و أنا كمان شايف متلك تمام

[محمد أحمد الفلو]

سأبدأ معكم بالمشاركة ببعض الأفكار لكن دون توسّع


كم تلقى في المسجد محاضرات ودروس خاصه لا تجد فيها الا جزءا يسيرا من شباب المسجد .... بينما يغادر جلهم المسجد على عجل وقت الدروس .... مش لأنو مشغول

واذا سألت واحدهم عن سبب عدم جلوسه في الدروس قال لك بأنه لا يستفيد من هذه الدروس ... فإذا طلبت منه ان يلقي هو درسا مفيدا أخبرك بأنه لا يستطيع

برأيي بأنه في هذه الحالات ... أضعف الايمان أن تشارك في الدرس حتى تساهم في انجاح هذه الدروس , وتكثّر سواد الحاضرين .... وتشجع اناسا ربما يتأثرون بك فيجلسون ويستفيدون حيث لا تسفيد انت .... أما أن تمر عليك السنون ولا تجلس في مجلس علم في المسجد فأنت مخطئ بالتأكيد في هذا الموقف

قال رسول الله صلى الله عليه وسلم ( الدنيا ملعونة ملعون ما فيها الا ذكر الله وما والاه وعالم ومتعلّم ) والعالم لا ريب بأن من أهم صفاته أن يعلّم الناس

[Nader 3:16]

اولاً...يا زاهر و يا معتدل كنت انتظر منكم تعليقاً على المشاركة وليس على الألوان.

بالنسبة للأخ حميطون أوافقه الرأي.
و المشكلة ان البعض لا يلائمه حضور درس لشيخ معين بسبب الشيخ نفسه و لإعتبارات خاصة.
و بالمقابل عندما يرى بقية الناس ان الدرس لا يحضره سوى قلة فسيكون دافع لهم لتركهم الحضور.

[الزاهر]

اولاً...يا زاهر و يا معتدل كنت انتظر منكم تعليقاً على المشاركة وليس على الألوان.

كيف أعلق على كلام تنقله عني ... وتقريبا حرفيا !!!

[دوكر]

اخر دوكرية كانت السابعة من المعلم ابو الرجاء.....اسما الرجاءية .......
ح انكمل ان شاء الله بالدوكرية الرابعة بهل الكم يوم ......من شان ما ننزع العد يا ابو الرجاء .......
بس بدنا همتكن و افكاركن......
يعطيكن العافية.....
اخوكم دوكر المعوكر.................

[AbouRajaa]

شو يا أخ
بَلَّشنا نقَسِّمْ شي دوكريات و شي أبو رجائيّات ؟؟
على كل حال ناطرين دوكريتك الجاي

[دوكر]

يا هلا بالجميع.......
يا ابو الرجاء ما تفهمني غلط.....يعني بس من شان العد ......ههههه...
المهم .........

الدوكرية الرابعة

غذاء ......دواء.......و داء........

تقسيمات لبعض العلماء على النفسيات و الشخصيات البشرية ............
ربما يستغرب احدانا من مثل هذه التقسيمات ..........
و لكنها من اجمل التقسيمات برأي ........
الانسان الغذاء ......لا يمكنك الاستغناء عنه............ازا بيغيب عنك بتنتف حالك من الجوع......
الانسان الدواء......بتحاتجو بي بعض الاحيان ........بس يمكن احيان بنبسط انو منك عم تشوفو .......
الانسان الداْء............بتأيبل كيف بدك تهرب منو ............

ف الواحد منا يختار و يعرف حالو هو ايشوا........في احلى منا تكون غذاء ....مني م احكي بفكرة انو الناس تتهافت عليك .....و تكون انتا بينك و بين حالك كزاب....يعني صعبة الواحد من معاملتو الحسنة لي امرو فيا دينو يكون انسان غذاء؟ .....ما بظن........دينا امرنا نحسن للناس.......و من معاير حب رب العباد عز و جل للأنسان انه يقذف حبه في قلوب الناس...............
يعطيكن العافية .....
اخوكم دوكر المعوكر...............

[روعة]

حلوة
...
..
.

[أبو تراب]

الله يبارك فيكم اخي دوكر
يتمنى منك تكون دوكرتك الجاية عن غزة
http://forum.qalamoun.com/showthread.php?t=6870

[دوكر]

يا هلا بالمعلم ابو تراب ......
الله يبارك فيك ...
ان شاء الله بحاول تكون الدوكرية ع طلبك ......
و يا هلا بالست روعة ..........
منيا الحلوة ؟..............ههههههه.....
يسلمو ع المرقة الكريمة......
يا ريت يكون في تعليق موسع اكتر .....هههههههه.....
يعطيكن العافية ......
اخوكم دوكر المعوكر..............

[محمد أحمد الفلو]

سلام دوكر ول جميع
دوكريه جديده ...
في ناس بموقف منا بتشرحلك أيه أو حديث أحسن من كتير كتب و محاضرات ... و و
مثلاً ... ممكن تسمع شي ١٠٠ درس و تقرا ١٠٠ مطويه عن صلاة الفجر جماعة بالمسجد ... بس لما بتفيق شي يوم ع صبح وبكون برد أوي ودنيه طايفه ... وببلش بليس يوسوس لك ... إنو شتا وصلي بالبيت ... وبذكرك ب صلوا في رحالكم ... بتقوم إذا الله وفقك وجاهدت نفسك ورحت على جامع بالسيارة ومفكر حالك أنك حررت لأقصى ... بتوصل ع جامع بتلقي شيخ علي كسن بمحرابو ... وصل أبلك وعم يقرا قرآن .... بتصير أد الكمشه ... وبتبزق على حالك انو كيف إنت يلي لساتك شاب... وبيتك أارب كتير من بيتو عم تألل مروه ... وهو الله يطول بعمرو صار فوق ٨٠ وبيتو أبعد بيت بالموجودين بالجامع ... وجايه من أخر ضيعة مشي ....

هيك بتاخد درس عملي أنفع من 100 درس نظري

[دوكر]

يا هلا بالمعلم حميطون.....
عنجد حميطونية مؤثرة .....الواحد منا بيقرا شأفت مطوية و ببلش بدو ينظر و يقيم الناس.....بس بينسا انو لي إراي للتطبيق منو بس تنبسط بالقراءة....
يعطيك العافية.....
اخوكم دوكر المعوكر......

[دوكر]

يا هلا بالجميع ....
و الله العظيم اشتءتلكم من ألبي.....
و هي بوسة للشباب .......

الدوكرية الخامسة ...

صري قترة حابب حط هل الدوكرية .....من زمان من اول ما بلش الموضوع .....بس كل مرة بأجلا و بؤل جايا لها نهار .....خليا لوءتا.......جا و ءتا و اطع .......

{يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ} [البقرة : 183]

{كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ} [البقرة : 216]

هدولي أيتين بالقرآن ....القرآن لي صار كتير منا حافظينو .....او حافظين اغلبو ......بس للأسف.....بس بألب الذاكرة حاطينو ........ناسين انو هادا دستورنا .......انو هادا المنهج تبع حياتنا ........ رجعو عيدو ءرايت الايات .....و نتبهو على المحلات الملونة ......كتب عليكم هوني .....و كتب عليكم هونكا ......الفرق بكلمة واحدة بهل المقطع من الاياة .....الفرقة بالصيام و بالقتال.......مهيكا؟........بس لي نحنا عم نعيشو بإيمنا فرق شاسع ....بالحياة مع هل المعاني ........الفرق بالشغلة لي مأمورين فيا ........ بس التنين مأمورين فيون ......و متل ما بنلتزم كلنا بالصيام ......و لي بيترك يوم قصد بتعرفو ايشوا حكمو .....كمان الحكم بالآية التانية ....... ما بدي فوت بجدال فقهي........و لا بالتفاسير و فينا نأول و نلف و ندور على ايا آية ......بس بدي اسأل سؤال ؟ ......طيب .....الصيام لي كتوب علينا لو وقتو مهيكا......معناتا كمان القتال لي هوني بالآية لو وقتو ..........و ما بعرف كنو كمان بيطلع مع شي شيخ انو القتال بيلهي عن ذكر الله .....لأنو الحمد لله صاير عنا مشايخ فلتات بهل الزمن .....ما شاء الله......... بعتقد الفكرة خلصت و وصلت كمان......

[Mohammad]

بس افشوا السلام فكرة واسعة .....بتشمل كل المعاني المرتبطة بشكل مباشر و غير مباشر بكلمة السلام......من السلام عدم الخيانة .....و من السلام عدم الطعن من الخلف.....و من افشاء السلام عدم التلون بين بعضنا كأخوة في الله بألوان و عدة وجوه........و من افشاء السلام اني ما احكي عليك بس تمشي........و من افشاء السلام اني احفظ سرك.....و ..... و....... يمكن تسألو حالك هل الزلمة من وين عم يربط هل الاشياء .....بس انا شايفون مرتبطين.........انا عطيت لواحد شي اسمو السلام شمعناتا؟......ما معناتا اني بأمنلو.....ما معناتا ......و ما معناتا ...........

يعطيكن العافية ......
اخوكم دوكر المعوكر.....................شكرا ًللأخ دوكر على هذا الموضوع العظيم

السلام عليكم و رحمة الله و بركاته





إلقاء السلام على غير المسلم وزيارته

أولاً : لابد من معرفة التحية الإسلامية ودلالتها ( السلام عليكم) السلام اسم من أسماء الله الحسنى بمعنى السلامة، والله - جل وعلا - هو السلام ؛ لأنه سالم من كل عيب ونقص ، وله الكمال المطلق من كل وجه، فالسلام - سبحانه وتعالى - سلمت أفعاله من مخالفة الحكمة ، وسلمت صفاته من مشابهة صفات المخلوقين ، وسلمت حياته من نقص الموت والسَّنة والنوم ، وسلمت قدرته من قصور التعب والإعياء والعجز ، وعلى العموم فهو السالم من كل ما ينافي الكمال بأي وجه من الوجوه .

وقول المسلم ( السلام عليكم ) له عدة معان متقاربة ، فمنها أن السلام إخبار المسلِّم لأخيه المسلم بأنه سيكون سالماً من كل أذى أو مكروه يناله منه ، فهو إعلان للمسالمة والموادعة .

ومنها : أن السلام تذكير بالله السلام الذي سلم من المكروهات، وأمن من المحذورات، وأعطى الخيرات .

ومنها : أن السلام بشارة والمعنى أن المسلمين يبشر بعضهم بعضاً بالسلامة من الشرور وحصول الخير .

ومن المعلوم أن التحية والسلام من خصائص الأمم والشعوب، فلكل أمة تحيتها القولية والفعلية، وهذه تحية المسلمين وهي جزء من هويتهم ومزيتهم التي يفترقون بها عن غيرهم .

وبالنسبة للسلام مع غير المسلمين فهناك حالات :
الأولى : ابتداء المسلم بالسلام، وهذا ورد النهي عنه في حديث أبي هريرة – رضي الله عنه - عن النبي - صلى الله عليه وسلم – قال : ( لا تبدأوا اليهود والنصارى بالسلام ) رواه مسلم .

والثانية : رد السلام إذا كان الابتداء من غير المسلم وهذا ورد فيه حديث عبد الله بن عمر في الصحيحين أن رسول الله – صلى الله عليه وسلم – قال : ( إذا سلم عليكم اليهود فإنما يقول أحدهم، السام عليك فقل : عليك ) والمراد السام عليك: أي الموت لك، ولذا يكتفي بالجواب بذلك، وفي رواية عائشة قالت : دخل رهط من اليهود على رسول الله - صلى الله عليه وسلم - فقالوا: السام عليك، ففهمتها فقالت: وعليكم السام واللعنة ، فقال لها رسول الله - صلى الله عليه وسلم - : مهلاً يا عائشة ؛ فإن الله يحب الرفق في الأمر كله ، فقالت: ألم تسمع ما قالوا ؟!، فقال لها : قد قلت لهم وعليك ) متفق عليه .

وفي حالة التأكد أن التحية التي قيلت هي السلام عليكم بلا شك فقد قال : ابن القيم : الذي تقتضيه الأدلة الشرعية وقواعد الشريعة أن يقال له وعليك السلام ؛ فإن هذا من باب العدل والله يأمر بالعدل والإحسان ، وقد قال تعالى :{ وإذا حييتم بتحية فحيوا بأحسن منها أو ردوها } فندب إلى الفضل وأوجب العدل ولا ينافي هذا شيئاً من الأحاديث ؛ فإنه – صلى الله عليه وسلم - إنما أمر بالاقتصار على قول الراد " وعليكم " بناء على السبب المذكور الذي كانوا يتعمدونه في تحيتهم ". فإذا زال السبب وقال الكتاب : السلام عليكم ورحمة الله فالعدل في التحية يقتضي أن يرد عليه نظير سلامه " .

وأما الزيارة ففيها تفصيل يمكن إيجازها في هذه الحالات :
الأولى : إن كان المقصود من الزيارة دعوته للإسلام ويرجو استحبابه فلا مانع ، بل يؤجر على ذلك ، وقد ثبت عن البخاري في صحيحه من حديث أنس – رضي الله عنه - أنه قال كان غلام يهودي يخدم النبي - صلى الله عليه وسلم - فمرض فأتاه النبي – صلى الله عليه وسلم - فعاده ، فقعد عند رأسه فقال له : أسلم ، فنظر إلى أبيه وهو عنده فقال له : أطع أبا القاسم ، فخرج النبي - صلى الله عليه وسلم - وهو يقول : الحمد الله الذي أنقذه بي من النار ) .

الثاني : إن كان هناك سبب معتاد متعارف عليه للزيارة فلا مانع ؛ فإن كان قريبه نصراني فله حق القرابة، ويدخل فيها الزيارة وكذا الجار فعموم الأمر بالإحسان إلى الجار تدخل فيه الزيارة ، ونحو ذلك من الأسباب المألوفة ، ويحسن أن ينوي دائماً أن تكون زيارته دعوة للإسلام ولو غير مباشرة ، وذلك بإظهار محاسن الإسلام وأخلاق المسلمين وحسن الصلة والتعامل ، ويحسن مع ذلك أن تكون الزيارة بقدر الحاجة ، وبما لا يقع فيه محرم أو تأثير سلبي برؤية المنكر وعدم الإنكار .

الثالثة :أن كانت الزيارة على سبيل التعظيم له ، وفيها إظهار منـزلة له أرفع من المسلم ، وأنه صاحب الفضل والمنة ، وكان إلى ذلك خشية الافتتان به والتأثر بأقواله وأفعاله ، فهذه الزيارة ممنوعة لمخالفتها القواعد الشرعية التي فيها فضيلة المسلم ورفعة مقامه ، وما ورد من النهي عن تهنئتهم في أعيادهم وغير ذلك ، مما يتضمن الإقرار بالباطل أو الافتتان به .

وبالجملة ماكان فيه مصلحة والمفسدة مأمونة فلا بأس بقدر ما تقع به المصلحة، ويكون فيه إظهار حسن تعامل المسلمين ووفائهم بالحقوق والواجبات الإنسانية ولا يخالطه تعظيم أو ترخص في الخلطة التي تؤدي إلى الوقوع في ارتكاب المحرمات .


دمت في حفظ الرحمن
تحياتيhttp://www.almeshkat.net/vb/archive/...p/t-38596.html

[Moon]

يعني الموضوع فعلا" ممتع من أول مشاركة للاّخر .... بإنتظار المزيد...

[دوكر]

يا هلا بالجميع.......

الدوكرية السادسة :

راقِبْ أفكارَكَ لأنها ستُصبِحُ أفعَالاً..
راقِبْ أفعالَكَ لأنها ستُصبِحُ عادات...
راقِبْ عاداتَكَ لأنها ستُصبِحُ طِباعاً...
راقِبْ طِباعَكَ لأنها ستُحدِّدُ مصِيرَكَ...


هل القول يمكن كتير منا سامع فاي ......و بالأول كان في معنا عضو بالمنتدى حسب ما بذكر كان حطت هل الجمل بتوقيعو .....

المهم.....

جمل يمكن الواحد بس يؤراهم .....بؤل شو هادا ما لهن معنى .....يمكن ...يمكن يحس هل التتابع لي فيون ما لو معنا ....و يمكن هو بحس كلشي ما لو معنى ....ما بعرف..... بس لي بعرفو انو هل الجمل لي بيطلع فيون و بمعن التطلع فيون ......بيطلع معو انو هنا الواقع..... و كل انسان منا عم يصير معو هيكا...... الانسان ......و حياتو اليومية ....تأريباً كلا نتاج هيكا شغلة .....بكون قاعد....بصير معو حدث معين .....بحط افكار براسو حول هل الاحدث......يمكن ما يتصرف شي..........بس تلاقياً بأول تكرر لهل الحدث بيتصرف.....بس من وين؟.....من الافكار لي حطا بأول مرة صار معو الحدث....هدا مثل يمكن وضح الفكرة ....و يمكن بعدا هههههههههه....
في كم فكرة كمان حابب ؤلون حول هل الجمل ....بس بننطر بركا حدا يؤلون من الشباب و الصبايا............
يعطيكم العافية ........

اخوكم دوكر المعوكر......................

[Abir]

إلي شرف التعليق الأول ..

بسم الله الرحمن الرحيم ..

أفكارك...أفعالك... عاداتك... طباعك.. مصيرك..

((راقب))

واقعية هالحكمة بتخوف..والأساس فيها كلمة راقب.. إنت المراقب (مع كسرة على القاف) والمراقب (مع فتحة على القاف)..

لحظة.. لنرجع للأول.. ما بدي اقفز للخلاصة قبل التحليل..

محاولة تحليل ( من أفكارك إلى أفعالك)::
ليست الحوادث هي التي تشكل حياتنا وتقرر نوعية مشاعرنا بل الطريقة التي نفسر بها تجارب حياتنا.أسئلتنا هي التي تحدد أفكارنا. لو سألتك: ما هو التفكير بالضبط؟!! إنه عملية طرح أسئلة والإجابة عليها.. وإذا أردنا أن نغير نوعية حياتنا فعلينا أن نغير الأسئلة التي اعتدنا عليها. علينا استبدال الأسئلة السلبية بالإيجابية منها. فما يغلب على تفكيرك سواءً عن قصد أو بدون قصد، ينعكس في صورة سلوك واقع. لذا.. فكر في السلامة بدلاً من الضرر والسعادة بدلاً من الشقاء والصحة بدلاً من المرض والإنجاز بدلاً من المماطلة.... إن الثورة الإيجابية تبدأ من النفس لتنتقل إلى محيطك الخارجي وبالتالي إلى أفعالك..

بعد ما فكرت غير بالشق الأول من أفكارك إلى أفعالك.. سو .. يتبع .. ان شاء الله..

بعدنا عن الموضوع الأساس شي ؟؟

[أبو الشوارب]

السلام عليكم.بارك الله بك يا اخي الدوكر على هذا الموضوع الشيّق و الذي يحتوي على الكثير من الافكار المفيدة ولكن اعذرني لأني لم اتمكن من التدقيق فيها لقصر الوقت و لكن كوّنت فكرة اولية عن معظم ما جاء في كتابات الاخوة الاعضاء وان شاء الله يكون لنا عودة للمشاركة و اتمنى ان لا تكون طويلة.السلام عليكم

[دوكر]

يا هلا بالمعلم ابو الشوارب......
ناطرينك ها..... ناطرين مشاركتك .....
و يا هلا بالست عبير......
اول شغلة بالنسبة للفكرة المطروحة .....صراحة ضعت بالكلام .....يمكن حسيتو شوية مبهم .....المهم بس الفكرة الرئيسية بعتقد اني وصلتلا لي هيا .......ليست الحوادث هي التي تشكل حياتنا وتقرر نوعية مشاعرنا بل الطريقة التي نفسر بها تجارب حياتنا....
طيب اما من جهة تانية .....ف ؤصة الحركات هينة منا صعبة ......و قرأت الرد ابل ما ينحذف.......و تعدلي بالمشاركة الحالية خخخخخخخخخ........يلا بلا فضايح .......
المهم الفكرة توصل مهيكا ؟.......
يعيطيكن العافية .....
اخوكم دوكر المعوكر.................

[Abir]

بصير معو حدث معين .....بحط افكار براسو حول هل الاحدث......يمكن ما يتصرف شي..........بس تلاقياً بأول تكرر لهل الحدث بيتصرف.....بس من وين؟.....من الافكار لي حطا بأول مرة صار معو الحدث

كنت عم فكر بهيدي الجملة .. ولقيت انو اذا كانت الافكار ايجابية من اي حدث حصل معنا بحياتنا بتنعكس على رد الفعل في الحدث الجاي.. ببساطة..

راقب أفكارك قبل أن تصبح أفعالا"...

[دوكر]

يا هلا بالست عبير....
توضحت الفكرة .....
و اهلا و سهلا فيك بالموضوع ....
الموضوع موضوعكم .....
يعطيكي العافية ......
اخوكم دوكر المعوكر..............

[دوكر]

يا هلا بالجميع ....
و الله اشتقنالكم ....
بس شبدنا نعمل هادي المشاغل ... و الدنيا ....
يلا شبدنا من هل الحكي ....... اللءوة فيكم بتسوى الدنيا و ما فيا ....

المهم ..........

اليوم الدوكرية السابعة .....

الدوكرية السابعة حبب احكي حول فنين نسيناهم .... و بطل حدا بيعرفون ..... و بطل حدا بيستخدمون .... كانو بالأول يتميز فيون الشخص يمكن ..... كان الواحد يعتز انو بيعرف بهل الفنين ......فإدناهم .....لأن هيا المجتمع بدو .... لأن هيكا نحنا عودنا حالنا .......
هل الفنين يمكن كل واحد لو محلات و طرق استخدامو ..... بس بدل لهن رابط بي بعضون ...... او واحد فن " الصمت " و تاني واحد فن " مابعرف " ......
يا عمي صرنا عايشين ع الحكي ..... عايشين ع القيل و القال .....عايشين ع اشياء في منا بيعتبرا حوار و التاني بقلك الإستزادة بالعلم و الفهم ...... كل كلمة بنسمعها يا بننقلا .....يا بنحكي فيها ...يا بناقش كل واحد بنشوفو فيا ......يا بندل نعيدا .....يحرأ اخت الشغلة ..... سكتة .... صمت ..... تخمير الفكرة بالراس ....تفكير ..... وين ؟؟ ... ما بعرف .... هيا استخدما الفن التاني .....كانو كبار العلماء يجاوب ب"مبعرف " و لا يلاقي حالو مستحي او مدايق ....هلأ اذا واحد كان عم يحكي حول التحول الفرولوزيكا للحديد المنجليقي الأسود .....بتلاقي بكل سهولة بنفوت بالموضوع ...... او عم يحكي عن اي مسألة ..... لازم يكون لنا كلمة خلال خمس دقايق من بداية الموضوع ....بتعرف رأينا لازم يكون واضح من اول ظهور المسألة لأن في عالم برقبتنا ...... و العالم كلو واقف على كلمتنا ...... طيب حدايجاوبني وين الإهانة و المذلة اذا الواحد سكت ..... او اذا سألو عن الشغلة و قلون ما بعرف ......
يييييييييي ..... زغر بعين العالم ...... او حسوني ما بفهم ....شفتو وين المشكلة ..... انو صرنا بنحسب حساب زيادة لحكي العالم ...... الواحد منا نسي انو في تنين قاعدين ع كتافينو و يا هادا بدو يأيد يا التاني ...... حط براسو العالم لي عم يسمعو شبدون يأيدوفكرة عنو ...... هادا مثل ع الربط بين الفنين .....
هلأ خلينا نحكي على فن الصمت لوحدو .....
ليش ت نحكي ؟....... بعتقد هوا بعبر عن حالو....... لي بدوق حلوة التفكير ع رواق .... و العيش مع حالو و افكارو ....و نوع من الصمت .... ما بعتقد فاي يعبر عنو بكلمات .....
بس خلينا ننتبه .... الصمت فاي يكون كتير احيان سلاح يقتلنا ...... يعزلنا عن العالم ..... و يخلينا نعيش بهالة من الأفكار المطعمة بفكرة مغلوطة اكتسبناها ...... ساعتا يمكن نوقع ......
يعطيكم العافية .....
اخوكم دوكر المعوكر ..............

[Nader 3:16]

يقول الرسول عليه الصلاة و السلام: (من كان يؤمن بالله و اليوم الآخر فليقل خيراً او ليصمت)

و قال كذلك: من حسن اسلام المرء تركه ما لا يعنيه.

وما عهدناك يا اخي الاّ بكتابة كل خير.جزاك الله خيراً على التذكرة.

[haitham]

[عدل] آداب السلام

السلام من الأعمال المشروعة ، التي جاءت الأدلة والنصوص من الكتاب والسنة ببيان مشروعيتها واستحبابها ، وبالحث عليها . ومما يتعلق بها من الآداب :
1 : إفشاء السلام : فإن هذا مما أمر به الرسول ، فقد قال : " أفش السلام ، وأطعم الطعام ، وصل الأرحام ، وقم بالليل والناس نيام ، وادخل الجنة بسلام "
2 : أن يبدأ المرء من لقيه بالسلام : فإن هذا من حق المسلم على اخيه المسلم ، كما قال : " حق المسلم على المسلم ست : إذا لقيته فسلم عليه ....".
3 : الحرص على استعمال تحية الإسلام : وهي التحية التي شرعها الله لعباده ، والتي تعد شعارا للمسلمين ، وهي تحية الملائكة ، وتحية أهل الجنة ، وهي قول : السلام عليكم ورحمة الله وبركاته ، فإن النبي قال : " لما خلق الله آدم ، ونفخ فيه الروح عطس ، فقال : الحمد لله . فحمد الله بإذنه ، فقال له ربه : يرحمك الله ياآدم ! اذهب إلى أولئك الملائكة – إلى ملأ منهم جلوس – فقل : السلام عليكم . قالوا : وعليكم السلام ورحمة الله . ثم رجع إلى ربه . فقال : إن هذه تحيتك وتحية بنيك بينهم . . . ." .
4 : الحرص على إلقاء السلام كاملا : فإن ذلك أعظم للأجر ، وأكمل وأحسن ، وقد جاء رجل إلى النبي فقال : السلام عليكم . فقال النبي : " عشر " . وجاء آخر فقال السلام عليكم ورحمة الله . فقال النبي : " عشرون " . وجاء ثالث فقال السلام عليكم ورحمة الله وبركاته . فقال النبي : " ثلاثون " يقصد بذلك الحسنات ، فكلما كان السلام أكمل كلما كان الأجر أعظم .
5 : وجوب رد السلام لمن ألقي : فيجب على الإنسان إذا ألقي أن يرد السلام ، قال : " حق المسلم على المسلم خمس : رد السلام ، وعيادة المريض ، وإتباع الجنائز ، وإجابة الدعوة ، وتشميت العاطس " ويجزئ عن الجماعة الجالسين أن يرد أحدهم لقوله : " يجزئ عن الجماعة إذا مروا أن يسلم أحدهم، ويجزئ عن الجلوس أن يرد أحدهم " .
6 : رد التحية بأحسن منها أو ردها : وذلك لقول القرآن { وإذا حييتم بتحية فحيوا بأحسن منها أو ردوها }النساء : 86.
7 : اجتناب تحية الموتى : وهي أن يقال : عليك السلام يا فلان . بل يقول : السلام عليك . . . فإن النبي أتاه رجل فقال له : عليك السلام يا رسول الإسلام ! فقال له النبي : " لا تقل : عليك السلام . فإن عليك السلام تحية الموتى "
8 : عدم التشبه بغير المسلمين في تحيتهم : سواء كان التشبه بهم في حركاتهم ، أوفي ألفاظهم ، فإن مشابهتهم محرمة . وقد نهى عنها النبي حيث قال : " ليس منا من تشبه بغيرنا ، لا تشبهوا باليهود ولا بالنصارى.
9 : رد تحية غير المسلم بقول : وعليكم : فإن نفرا من اليهود مروا بالنبي فقالوا له : السام عليك . فقال لهم : " وعليكم . . ." وقال : " إن اليهود إذا سلم عليكم أحدهم فإنما يقول : السام عليكم . فقولوا : وعليكم " .
10 : يبدأ الصغير والقليل والراكب بالسلام : وهذا كله مما أرشدت إليه الأحاديث النبوية الصحيحة في هذا الباب ، فإذا تقابل رجل مع أكثر من رجل سلم عليهم . أو مجموعة مع مجموعة أكبر منهم فعلى المجموعة الأقل أن يبدؤا بالسلام . وإذا تقابل صغير مع كبير يبدأ الصغير بالسلام . وإذا تقابل راكب مع ماش يبدأ الراكب بالسلام ، ويبدأ الماشي بالسلام على القائم ، والقائم يسلم على القاعد ، وراكب السيارة أو الدراجة يبدأ بالسلام على الماشي أو القاعد ، وكل ذلك قد أمر به النبي ، حيث قال : " ليسلم الراكب على الراجل ، وليسلم الراجل على القاعد ، وليسلم الأقل على الأكثر ، فمن أجاب السلام فهو له ،ومن لم يجب فلا شئ عليه " وقال : " يسلم الصغير على الكبير ، والمار على القاعد ن والقليل على الكثير " وإذا مر رجل كبير بعدد من الصبيان سلم علبهم كما سيأتي في الأدب إن شاء الله ، وكذلك إذا كان الراكب كبيرا والماشي صغيرا سلم الراكب على الماشي . وإذا كان الماشي كبيرا والقاعد صغيرا سلم الماشي على القاعد .
11 : السلام عند مفارقة المجلس والخروج منه : وبض الناس يغفل عن هذا الأدب ، فإذا دخل المجلس سلم ، ثم إذا خرج لحاجة فإنه لا يسلم ، وهذا خلاف السنة ، فإن النبي قال : " إذا انتهى أحدكم إلى المجلس فليسلم ، فإذا أراد أن يقوم فليسلم ، فليست الأولى بأحق من الآخرة " وهكذا من باب أولى أن يعيد السلام إذا عاد إلى المجلس ثانية وإفشاء السلام يزيد المحبة كما سبق . خلافا لما يزعمه الجهال من أنه ينقصها ، فينبغي عدم إهمال هذا الأمر .
12 : التصافح مع السلام عند التقابل : وهذا من آداب السلام التي ندب إليها الإسلام ، فإذا لقي المؤمن أخاه المؤمن فينبغي له إضافة على السلام أن يأخذ بيده ، ويصافحه ، فإن فعل هذا فله اجر كبير ، وهو مما يقوي المودة بين المسلمين ، وقد قال : " ما من مسلمين يلتقيان فيتصافحان ، إلا غفر لهما قبل أن يفترقا " وقال : " إن المؤمن إذا لقي المؤمن فسلم عليه ، وأخذ بيده فصافحه ، تناثرت خطاياهما كما يتناثر ورق الشجر "
13 : إعادة السلام إذا حال حائل بين الشخصين : وهذه سنة عظيمة ، لا يفعلها كثير من الناس ، وهي إنه لو كان شخصان يمشيان ، ثم افترقا حول جدار ، أو شجرة ، أو عمود ، أو غيره ، ثم التقيا بعد أن يجتازا الحائل ، فينبغي لهما أن يتبادلا السلام ثانية ، وقد قال : " إذا اصطحب رجلان مسلمان ، فحال بينهما شجر أو حجر ، أو مدر ، فليسلم أحدهما على الآخر ، ويتبادلوا السلام " .
14 : إذا دخل المسجد لا يسلم حتى يصلي تحية المسجد : فإذا دخل المسجد ، وفيه ناس ، فإنه لا يسلم عليهم حتى يصلي تحية المسجد أولاََ كما يستفاد من حديث الرجل الذي صلى ركعتين ، ثم أتى النبي فسلم عليه.
15 : السلام قبل السؤال والكلام : فلا يبدأ الشخص بسؤال إنسان عن شئ ، أو بتكليمه إلا بعد أن يسلم أولاَ ، لقوله : " السلام قبل الكلام " .
16 : عدم السلام عند قضاء الحاجة : فلا ينبغي إلقاء السلام على إنسان جالس على بول أو غائط ، ولا يجوز لهذا أن يرد السلام ، فإن النبي سلم عليه رجل وهو يقضي حاجته ، فلم يرد عليه النبي ، وقال له : " إني كرهت أن أذكر الله عز وجل إلا على طهر ".
17 : إعادة السلام ثلاثا ، خصوصا إذا لم يسمع : فإن النبي : " كان إذا سلم سلم ثلاثا ، وإذا تكلم بكلمة أعادها ثلاثا " ولا سيما إذا سلم الشخص على آخر بعيد عنه لا يسمعه .
18 : خفض الصوت بالسلام إذا دخل على نائمين : فإن النبي كان يفعل ذلك ، حتى يسمع المستيقظين ، ولا يزعج النائمين ، فجاء أنه : " كان يدخل من الليل ، فيسلم تسليما لا يوقظ النائم ، ويسمع اليقظان ".
19 : إذا مر على مجلس فيه مسلمون ومشركون سلَم : وذلك تعظيما لحق الإسلام ، فإن النبي : " مر بمجلس فيه أخلاط من المسلمين واليهود فسلم عليهم ".
20 : التسليم إذا مر على الصبيان : فإن هذا مما يؤلف قلوبهم ، ويطيب نفوسهم ، فإن النبي : " مر على صبيان فسلم عليهم " .
21 : التسليم إذا مر على جمع نسوة : فإن النبي قد فعل ذلك ، كما في حديث أسماء بنت يزيد : - مر علينا النبي في جمع نسوة ، فسلم علينا.
22 : استحباب تبليغ السلام من شخص لآخر : فإن النبي قال لعائشة : " إن جبريل يقرأ عليك السلام " فقالت عائشة ا : و ورحمة الله .
منقول

[Nader 3:16]

شو يا اخ دوكر وين هالغيبة اشتقنالكم.