يمنع دخول المراهقات
مرحبا ، كيفكون يا جماعة .
أول شي أحسن شغلة عملناها اننا كحشنا المراهقات من هون لأن الموضوع خاص فيون وما لازم يكونوا عم يناقشوا معنا ، وان كنت أنا معتقد انو هلأ بصيرو نكاية يفوتوا ، بس يلا شو بدي فيهم ، أنا عملت يلي عليي .
المهم هلأ خلونا انفوت بالموضوع دغري وما نلف وندور كتيير .
بهل الإيام كلنا عارفين انو البنت صايرة بتبلغ عبكير يعني بحدود العشرة أو التسعة بتكون بالغة ، وبالمناطق الحارة البنت بتبلغ قبل .
اليوم البنت يلي عم تبلغ ، ما عم يكون عندها لا خبرة ولا شي ، وعم تنعكس سلبا على شخصيتها وخاصة انو مرحلة المراهقة مرحلة حساسة جدا جدا ، فهي انتقال من مرحلة الطفولة إلى المرحلة الأمومة ، يعني البنت يلي بتتحول من بوبية إلى امرأة قادرة تبظ ولاد و... في هذه المرحلة البنت بصير عندها تغيرات جسدية وخلقية و..... يعني صدرها بيكبر وحوضها وبتظهر معالم الأنوثة في كل جسمها حتى على وجهها .
ولكن يلي بدنا نحكي عنو انو كيف الأم لازم تتعامل مع بنتها .
في بنات بتجيهم الدورة الشهرية لأول مرّة واهلهم ما فاتيحين الموضوع معهم بنوب ، يعني بكونوا معيشيهم على قال الله وقال رسول الله ، ومفكرين حالهم عم يربوا تربية اسلامية هلأ .
من فترة قرأت عن فتاة راحت مع اهلها على الحج -مدري العمرة- فطافت وهي حائض مالها تخبر أخوها وأبوها ، وفي منهم بضلهم يصلوا لأن ما لهم عين يخبروا اهلهم ، وفي واحدة فكرت انو هذا الدم يلي عم يجري من بين اجرها ناتج عن جرح .. ففاتت على الحمام وصارت تدلق موية على حالها ، ضلتها بالحمام مدري اديش ، وما لها عين تخبر اهلها .
لازم نكون واعيين ، ولازم نعرف نتعامل مع المراهقة ، لازم نوعيها من قبل ، عيب علينا انو الواحدة توصل لمرحلة الحيض وما بتعرف شو معنى حيض ، ولأيش هذا ، وشو الأحكام الفقهية والطبية لهذا الأمر ، يعني أنا شب وبعرفهم فمن باب أولى انها تكون البنت بتعرفهم ، يعني منحكي شوية عن التغيرات داخل الرحم ، وانو ما قبل الحيض بكون الرحم في فترة جهوزية للحمل ، ومنحكي عن البويضة وانها بتنزل مرّة كل شهر ، وانو بتضلها عايشة 24 ساعة قبل ما تنزل وتروح على البحر ، وانو البنت بترتفع حرارتها أثناء فترة الحيض و.... يعني في كتيير شغلات ، ان شاء الله اذا فضيت بكرا بالصيف منشرحهم بطريقة علمية مع الصور -صورة رسم من داخل الرحم وليست من خارجوا ، لأن صرت حافظ الناس كيف بتفكر ، هلأ بقوموا وبقولوا هادا فاسق عم ينشر الرذيلة وأخلاق القلمون ما بتسمح انو ينفتح هيك مواضيع- .
المهم لحد هلأ ، قلنا انو لازم الأم أو المعلمة أو الشيخة أو يلي بدو ما بهمني مين ما كان يكون ، بهمني انو البنت تعرف ، لازم البنت تعرف شو يعني بلوغ وشو يعني حيض وكيف بجيبوا ولاد و...
كمان فترة المراهقة عند البنت بكون فيها صفات خاصة بتفكير البنت ، يعني البنت بتكون صارت اتحب الاستقلالية عن اهلها ، وبكون صار عندها ميل صوب الشباب -وبالأخص الريس- ، وكلهم هيك المحجبات وغير المحجباب ، بس في منهم بيصبروا وفي منهم ما عندهم أي أخلاق تردعهم فبيعملوا علاقات مع الشباب ، وفي منهم بحبوا يحكوا بس ما لهم عين وبحاولوا انهم يحتكوا بالشباب من تحت لتحت يعني بطريقة غير مباشرة .
البنت بهذه المرحلة بكون عقلها صار كبير ، وصار قادرة تفكر وتحلل وتسنتج ، وصارة كيان مستقل في هذه الحياة ، ما بتقبل من أي حدا انو يفرض عليها رأيو أو يحتكر تفكيرها ، صارت ,واعية وبتعرف تفكر متلها متل أمها وأبوها ، بس مجتمعاتنا للأسف فيها نسبة تخلف كبيرة -ما حدا يفهم انو المجتمعات الغربية أحسن ويتهمني بالاستشراق و... معليش بس لأن سبق وصارت معي- ، البنت في هذا العمر لازم الأم والأب يتناقشوا معها ويحكوها بهدوء وحكمة ، وما حدا من الاهل يفكر حالوا انو في يفرض رأييو على بنتو ، لأن الا ما تختلي بين نفسها ، والا ما تشوف شباب بالمدرسة والجامعة و...... وعطول التشدد ما بوصل لمحل أبدا ، فكرتكم وصلوها برواق وحوار .
ولحتى تريحوا راسكم ربو بنتكم من هية وصغيرة ، علموها كل شي ، ما تتركوها لحتى توصل لأخطر مرحلة في حياتها -وهي فترة المراهقة ، وأنا بصدق أعتبرها أخطر مرحلة- وهيك بتكونوا خففتو نسبة الوقوع في الخطأ لحد كبيير ، وعلى كل اذا البنت وصلت لمرحلة المراهقة ، فزيدو رقابتكم عليها ، يعني هل اساها بتمشي مع رفقاتا يلي كانت بتحفظ معهم قرآن هية وصغيرة أو صارت بتمشي مع رفقا جداد ، هل صارت بطول على المراية قبل الطلعة من البيت ، هل بتقعد بأوضتها وحدها كتيير ، هل بتحكي على التلفون كتتيير ....... يعني ما بصير انو واحد يكون مربي دقن ولابس عباية وما بعرف أيش ، وبنتوا بتضلها نصف ساعة على المراية وهو ما معو خبر ، ما معقول انو البنت تأطع أشواط وأشواط ، والاهل اساهم مغروري ببنتهم يلي بتفتح الكتاب وبتعمل حالها عم تدرس ادامهم ، ويلي بتلبس تياب الصلاة وبتقوم تصلي بغرفتها ، يعني في بنات بتكون ما في شب ما حاكية معو ، وبالآخر تعا حكي أمها أو ابوها ، فبقولولك "لاه يا شيخ اذا بتريد ما منسمحلك ، بنتنا ، بتضلها اتصلي وبتصوم ، وبتقرا قرآن و..." ما معقول هالجحشنة يلي بعقول الناس .
اتصور هذا التناقد والانفصام يلي في مجتمعاتنا ، كيف منفسر لما منلاقي أم ملفلفة حالها تلفلف ومحجبة و... وماشية مع بنتها يلي تنورتها فوق الركبة 80 سم ، شو هالدين الأعوج هدا يليي عند هالناس هدال ؟؟؟
بتمنى على كل أم وأب ويلي بدو انو يعرف كيف يحكي مع البنت المراهقة ، تعاملوا معها على انها واعية وخدو وعطو وما تعطو وبس ، يعني ناقشوا ، وكلة هادي فلانة الصغرورة أو الأمورة أو الشطورة وكل هالصطلانت يلي كنت تقولا ياهم هي وصغيرة نسوهم .
رد مع اقتباس
lil rayess
