دندنات قلمونية

**جابر دملوك** · 14-07-2007, 12:35 AM

أُم عمَيش
أيشِك أيش ؟
شضايعلك ؟
إبرة و خيط.
إزا ما لأيتيلي ياهن
ما بعطيك و لا لُأمة و زيت.

**جابر دملوك** · 14-07-2007, 12:40 AM

منيمشة يا منيمشة
و حبتين عديسة
شبعتتلي معلمتي
بعتتلي خبز و بصل
و حلفتني بالشجر
و الشجر نؤش نؤش
مدي إيدك يا عروس
مشنشلة بالدهب و بالأروش

**جابر دملوك** · 14-07-2007, 12:41 AM

أُي بوي كب سكوي
إِيه بيه كُبُانيه

**جابر دملوك** · 14-07-2007, 12:43 AM

طاء طاء طائية
رن رن يا جرس
حول إركب ع الفرس

**محمد أحمد الفلو** · 14-07-2007, 12:44 AM

بكي بكي , راح يشتكي.
بوّز بوّز , ر اح يتزوج.

بس يا سيد جابر لو تبعت صورتك , حتى نعرف عنك.

**جابر دملوك** · 14-07-2007, 12:48 AM

أبو حشيش اليوم طفران
باع مرتو و إشترى دخان.

**جابر دملوك** · 14-07-2007, 12:50 AM

أم رعيدة و ارعيدي
خودي عنبر و اركودي
حُطاي تحت باطك
و سمعي (حذفت)

**جابر دملوك** · 14-07-2007, 12:56 AM

بكرى العيد بنعيد
بندبح بأرِة السيد
السيد ما عندو بأرة
بندبح بأرتا لخضرة

**جابر دملوك** · 14-07-2007, 12:59 AM

شتي شتي يا دنية ع الألمون ع المنية
شتي و زيدي و بيتنا حديدي
و رزءنا ع الله و شيخنا عبد الله

**ام السعد** · 22-12-2007, 01:48 AM

يا (شوقيه) الحندئة شعرها اشقر ومنئة واللي باسها بحبها واللي بغضها شو بيتلقى .

**ام السعد** · 22-12-2007, 01:49 AM

كتيبة اللوزونج
بالموز والاورونج
جافافون جافافون
اوجو مونج .
(نشيد ايام الكشافة ).

**ام السعد** · 22-12-2007, 02:01 AM

يا سلوى ليش عم تبكي .
وناسيه تكملتها

**ام السعد** · 22-12-2007, 02:03 AM

بسم الله وما شا الله والحارث هو الله يحرث (نبيلة )ان شا الله .

**ام السعد** · 22-12-2007, 02:05 AM

نامي يا ميمه تاتيجي الحمامة .
ولا اعرف ايضا تكملتها

**ام السعد** · 22-12-2007, 02:17 AM

توت توت ع بيروت
روحه ورجعه بخمس قروش.

**ام السعد** · 22-12-2007, 03:18 AM

تك تك تك ام سليمان
تك تك تك جوزك وين كان
تك تك تك كان بالحقله
تك تك تك عم بيبصبص ع النسوان

**ام السعد** · 22-12-2007, 03:19 AM

عمي بو مسعود
عيونو كبار وسود
بياكل ما بيشبع
عمي بو مسعود

**الزاهر** · 22-12-2007, 03:56 AM

ههههههههههههههههههه
ههههههههههههههه

حلو............يالله شدو الهمة..........واللي بيعرف يكفي الناقصات يا أهلا وسهلا!!!

**ام السعد** · 22-12-2007, 08:08 AM

يقال للنحلة كي تروح من المكان اللي عم بتحوم حوليه:
هبط بيتك ع ولادك .

**ام السعد** · 22-12-2007, 08:08 AM

هبله هبله هبلة مسكوها طبله .

**ام السعد** · 22-12-2007, 08:09 AM

(سلمى) زنبق (سراب) فل وعمتهم( جهينه) احلى الكل.

**ام السعد** · 22-12-2007, 08:10 AM

يا مرجحتي التيتي
متل ما رحتي
متل ما جيتي
رحت بلاد الشام
لاقطفلك ورد ورمان

**ام السعد** · 22-12-2007, 08:11 AM

جولي جولي يا عيني
ان كان فيها بحصة بلعيها
وان كان فيها رمله بزوئيها

**ام السعد** · 22-12-2007, 08:46 AM

نحن عنا سيارات
وجدو عندو حمار
بيركبنا خلفوا
بياخدنا مشوار
بوليس ياشروا
سيارات تزمرلو
Pa pa pa

**ام السعد** · 22-12-2007, 08:47 AM

الف وباء وبوباية
قلم رصاص ومحايه
انا بكتب ع اللوح
وانتو بتئروا ورايه

**Nadine** · 22-12-2007, 10:22 AM

وسوسية ع السوسية

يا ولاد انتبهو عليي

انتو عليكن السؤال

ونونا (بنتي يعني) جوابا عليي

اللي بيعذب امو

خبرنا شو بيصير في

يللي بعذب امو

الفارة شو بتزعل منو

بتفكر تمو جبنة

بتيجي بتاكللو تمو

**Nadine** · 22-12-2007, 10:24 AM

بتطلع بيعيني

بتسمع بديني

بشم الريحة بأنفي

بدوأ الطعمة بلساني

وبإيدي بكمش كمشة

هيدي حواسي الخمسة

**Nadine** · 22-12-2007, 10:26 AM

خرجيتي ست فرنغات

بشتري سكر نبات

بطعمي الماما والبابا

وما بطعميكن يا اولاد

**Nadine** · 22-12-2007, 10:28 AM

نونا يا نونا (لبنتي)

يسلمولي عيونا

ما حدا يحكي بقربي

احسن ما تفيق اللعبة

وتفتح عيونا

**ام السعد** · 22-12-2007, 07:13 PM

باي باي باي باي يا حلوين
غنينا وتسلينا وفرحنا كتير
ولعبنا ورحنا مشاوير
خلصت خلصت قصتنا
باي باي باي باي يا حلوين

**ام السعد** · 30-12-2007, 06:07 PM

اصابع البوبو يا خيار تسبح بالبركة يا خيار , الخيار ما في منو الخيار ,اللوبيا رخصة وطريه اللوبيا .

**جابر دملوك** · 17-02-2008, 08:09 PM

عَكَرا بَكَرا ألِّي عمي عُدِّي لعشرا
1 2 3 4 5 6 7 8 9 عشرا

**ابو عمر** · 23-02-2008, 04:25 PM

هرب هرب
كلب العرب
ولو ما منّي
ماكان هرب...هاهاها

**الزاهر** · 18-05-2008, 12:01 AM

صراحة..................أحلى شي اللي كتبتهم أختي أم نزيه...........مش كلاسيكيات!!!

**Nader 3:16** · 22-10-2008, 04:29 PM

كَانت الكركة بالكمرك.
كان كعب الكركة مفخوت.
لو كان كامل كمّلها.
كانت الكركة بتكوك.

ما حدا سامعها من ابلا؟؟؟ انا سامعها من ستّي...شو يا عم جابر؟؟؟

**جابر دملوك** · 23-10-2008, 10:41 PM

لا و الله يا أرايب مني سامعا أبل هلأ
و بدك الحئيأة ما عرفت أءراها و لا عرفت معناها.
و ع فكرة أي ست منون آيلتا :
ستك بهجات الله يرحما
ولا ستك نور الله يطول ب عمرا.
و بالمناسبة معك غلطة تلوين الله يسامحك في (ك) ب أول سطر ملونة غلط (الله يصلحك)

**Nader 3:16** · 23-10-2008, 10:47 PM

ستّي نور. معك حق بس ما قدرت عدّلها لأنو مفيني عدّل المشاركة بعد مرور اكتر من نص ساعة.
والمشكلة متلي متلك مني فاهم معناها بس بعرف قولها...

ههههههههه...سلام يا ؤرايب. ههههه
ولك دوووووووع.

**جابر دملوك** · 23-10-2008, 10:59 PM

هالمرة رح نمرئلك هييه بس تاني مرة الله يرض عليك بدي تفتح عينيك عشرا عشرا.
منا حلوه ب حأك بدك العالم يدحكوا علينا و يؤلوا هالصبي منو مربي تربايه منيحه.
روحوا تفرجوا ع خطو مفشكل و ما بيعرف يلون.
و تاني شي علامتك ب التلوين رح تنزل و يمكن تصؤط من وراها.
و يا هد دياري إزا بتصؤط من ورا علامة التلوين أو حتى ب تأكمل.
و آل أيش رايح ب أيلول يعيد مادة التلوين لأنو مأكمل فيا.

**T a c o** · 29-11-2008, 10:34 PM

هههههههههههههههههههههههههههههههههههههههههه ......... و اللللللله موضوع بجنننن ... الله يعطيكم العافية .... بالله يا أخ زاهر ما تؤؤؤؤؤؤؤؤؤل ....... سلام

الموضوع: دندنات قلمونية

أدوات الموضوع

عرض

العرض المتطور

دندنات قلمونية

ضوابط المشاركة