الفتيات في شارع القلمون...

[Ola]

السلام عليكم و رحمة الله و بركاته

أحببت أن أطرح هذا الموضوع على جميع الإخوان و الأخوات في المنتدى

نرى اليوم الفتيات في الشارع القلموني يلبسن ثياب غير مقبولة في بلدتنا كوننا مسلمين فمن عليه اللوم يا ترى؟هل عليهن ,على أهلهم ,على الشباب القلموني الذكوري أم على أزواجهن (بالطبع إذا متزوجات)؟
أما أنا فأرى أن اللوم لا يقع كله على هؤلاء الفتيات بقدر ما يقع على الأهل أو الزوج أو الشباب . فالأهل أوالأزواج يقدرون أن يفرضوا على بناتهم أو زوجاتهم اللباس المحتشم سيما وأنهم هم من يشترون لها اللباس أو يدفعون ثمنه أما بالنسبة للشباب فيقع عليهم أيضا بعض من هذا اللوم لأنه لولا ملاحقتهم للبنات في الشارع وتلطيشهم لما كانت البنات تسعى للكزدار وإبراز المفاتن ..

أرجو من الجميع إبداء آرائهم .. وشكرا

[Nadine]

بسم الله الرحمن الرحيم

بارك الله بيكي اختي الفاضلة على هذا الموضوع المهم للغاية

ان لباس الفتاة أمر مهم جدا, لذلك فقد امر الاسلام بان تتخذ الفتاة لباسا معينا لا يصف ولا يشف ما تحته, ان اللباس الشرعي فرض على الفتاة حماية لها وحماية للمجتمع منها
فلا يفتن فيها الناس فتكون سببا في وقوعهم في المحظور وايضا تكون سببا في تهجم الناس عليها.

وانا اريد ان اسال كل فتاة:
لماذا تلبسين القصير والضيق?
هل تقصدين فتنة الناس?
الست مسلمة مؤمنة بالله متبعة لسنة رسوله صلى الله عليه وسلم?
لماذا تخالفين شرع الله اذا?
كل بنت تلبس قصيرا او ضيقا فهي تفعل ذلك لكي يراها الناس فيفتتنوا بها

الملابس هى التى تحدد اخلاق اي فتاه لنا , فالناس تحكم عليها بمظهرها الخارجى والذي من خلاله نحكم عليها اول مانراها , ولا نعلم شيئا عن جوهرها الدفين ماذا يكون ؟؟ فالظاهر لنا هو الخارجى , فاذا كانت ملابسها حسنه فيقال هذه فتاه ذات اخلاق وعائلتها احسنت تربيتها, واذا كان غير محتشم فالطبيعي ان يقول الناس ..... انها غير مؤدبه او مربيه كمايقال, فالملابس هي جزء من اخلاق الفتاه وحيائها .

انا اعتقد ان اللوم يقع على الاهل واكتر شي بيتاثروا البنات بهل المطربيات اللي بيشوفوهم على التلفاز وبرامج اكاديمية الشياطين وغيرها لذا ارى انو افضل شي يكون في رقابة على التلفاز من قبل الاهل كما وانو الام تنتبه شو عم تلبس بنتها وهل هاللباس بخالف شرع الله وكمان يا ريت الاخوات بالقلمون يتقربو من الفتيات اللي باول طلعتهم بيقدرو ياثروا عليهم ويحكوا معهم بامور الدين ويوعظوهم بس بطريقة بتحبب مش بتخوف او مش بتنفر.

[Luna]

بارك الله بك أختي علا على طرحك لهذا الموضوع المهم ..

وأنا بدوري أرى أن اللوم يقع بالدرجة الأولى على الأهل والأزواج .. فالأهل أو الأزواج هم عادة من يشترون الملابس لبناتهم .. وللأسف فإن بعض الأمهات يعتقدن أن التعري سيساعد في زواج بناتهن .. وللأسف أيضا فإن بعض الشباب الملتزمين يرتبطون بهؤلاء الفتيات بحجة أنهم سوف يكونون سببا بتحجيبهن وهدايتهن للحق .. والله أعلم
أما الشاب الذي يلحق البنات في الشارع فلست ألومه .. فال(حكي والفرجة ببلاش) !!

نسأل الله أن يستر على بنات وشباب المسلمين .. وأن يهدينا جميعا للحق .. آمييين

[الزاهر]

آسف لأنو ما عندي تعليق على الموضوع حاليا....بسبب ضيق الوقت ......لكن ألم يطرح من قبل.....ممكن اختلفت التسمية لكن الموضوع ذاته تقريبا.....فلماذا تكرار الموضوع ذاته في مشاركة أخرى؟!

عفوا على الازعاج......السلام عليكم

[Software]

السلام عليكم و رحمة الله و بركاته

أحببت أن أطرح هذا الموضوع على جميع الإخوان و الأخوات في المنتدى

نرى اليوم الفتيات في الشارع القلموني يلبسن ثياب غير مقبولة في بلدتنا كوننا مسلمين فمن عليه اللوم يا ترى؟هل عليهن ,على أهلهم ,على الشباب القلموني الذكوري أم على أزواجهن (بالطبع إذا متزوجات)؟
أما أنا فأرى أن اللوم لا يقع كله على هؤلاء الفتيات بقدر ما يقع على الأهل أو الزوج أو الشباب . فالأهل أوالأزواج يقدرون أن يفرضوا على بناتهم أو زوجاتهم اللباس المحتشم سيما وأنهم هم من يشترون لها اللباس أو يدفعون ثمنه أما بالنسبة للشباب فيقع عليهم أيضا بعض من هذا اللوم لأنه لولا ملاحقتهم للبنات في الشارع وتلطيشهم لما كانت البنات تسعى للكزدار وإبراز المفاتن ..

أرجو من الجميع إبداء آرائهم .. وشكرا

لك يا هلا أخيرا إجا مين يفشللي خلقي رح علق يإختصار وحمل المسؤولية أولا للبنت تانيا للأهل فالبنت فيا تفرض لبسها على أهلها و أوعااااااااااااا تفكري الشب مسؤول عن الموضوع لأنو الله عز وجل بيقول للبنت تنضرب عحالها تنستر لأنو بيعرف تبارك وتعالى إنو إذا ما انسترت بتكون عرضة لكذا وكذا من الشباب فإذا هي عارفة هالشي ومستمرة في بتكون هي بدها هيك ويللي بتكون بدها هيك بتكون هيك هيك وأنا مع أنو الشب يلحق و يتطلع و يسمّعها حكي كمان ولو ما منيح لأنها بتستاهل إذا هي ما سألانة عن علرضها تسدّو إذا شب تحركش فيها وإذا البنت بتفكر حالها كلاسّ وياي إذا تظنطرت فهي غلطانة كتير لأنو أنا مني وعليي بس شوف وحدة مظنطرة فقيمتها عندي متل هيفا وهبي وفهمكم كفاية ، منحكي بالموضوع لاحقا لأنو أجو الشباب بدي روح بس لحظة وحياة الله أنو اللي باسطني بجدّة رغم الشوب والرطوبة والغربة إنو كل البنات مسترين من فوق لتحت ، ويا ريت كل الشباب بيفكروا متلي كان كل المظنطرات بينضبو ببيوتهن وبيعنّسوا وهيك بيتربو البقايا منهن ، ولنا تكملة انشالله لأن هلق شحطوني عن الكرسي

[الشامي]

السلام عليكم... كيفكم يا جماعة

الله يبارك فيكم جميعا على المشاركة، أخي الحبيب (سوفتوار) فقط لو تغير أسلوبك في التعبير ، فالحق لا يُدعى إليه إلا بالحق، والسُنة لا يُحثّ على فعلها إلا بالسنة وبأسلوب حامل لواء السنة حبيبنا رسول الله صلى الله عليه وسلم(أي بالحكمة والموعظة الحسنة)...(ولو كنت فظاً غليظ القلب لانفضوا من حولك)...

وأنا على يقين أنك ستتقبل هذه النصيحة وتسعى إلى تغيير أسلوبك في المشاركات اللاحقة...

أخوكم

[Luna]

بارك الله بك أخي الشامي .. هذا ما كتبته أنا للأخ محمد (software) بموضوع آخر .. وأسأل الله أن يهديه للصواب وأن يهدينا جميعا للحق .. إنه على كل شيء قدير
أخي محمد (... أدع الى سبيل ربك بالحكمة والموعظة الحسنة ) .. و " لا تغرنك المظاهر " ..

وفي متل عامي بيقول ( ياما تحت اللفة قرون ملتفة .. أنا بحكي عن الهنود السيخ ) .. وفهمك كفاية

وسلامتكم

[Software]

شكرا للأخوة الشامي ولونا على النصيحة بس أنا ما بقدر عهالأسلوب لأني بكون عم أحكين قلب محروق وغيران عالمصلحة وغيري ما فارقة معو العامة فبيفور دمي وما بتحمل الشواز الكبير وكمان شغلة يا أخي الشامي كيف بدك تحكي معهن من منطق السنة والدين؟ أولا لو عندهن دين عنجد ما بيلبسوا هيك وتاني شي إذا بتحكيهن بالدين بيقولوا "ديمودا" فاحترنا يا قرعة من وين بدنا نبوسك ............. ولنا تتمة انشالله بس هلق بدعيكن للمشاركة بالموضوع الجديد "اختر زوجتك" اللي رح حطوا بعد شوي في قسم شقائق الرجال وأتمنى من المشرف تثبيته ، بدنا دعمة من الشامي الله يبارك فيه ويا اخي إذا ما عجبكم الموضوع ما تثبتوا ما مشكلة بس انشالله رح يعجبكم. سلام

[ساميا]

السلام عليكم ورحمة الله تعالى وبركاته
الكلام في مثل هذه الأمور له شان وأي شأن!
لا يمكن أن نختزل المسألة بهذه البساطة، ولا يكفي إلقاء اللوم أو إكتشاف على من يقع في هذه الحالة من التردي الواضح في مستوى لباس الفتاة المسلمة عندنا...
والمتبرجات أقسام:

• فمنهنن المتدينات -بزعمهن- ولكن بدون حجاب ....
• ومنهن غير المقتنعة بالحجاب لكن لا تجرؤ على المجاهرة برأيها..
• ومنهن المترددة في إتخاذ الخطوة الجريئة بإلتزامها بالحجاب رغم إقتناعها به..
• ومنهن غير المقتنعة بفرضية الحجاب والمجاهرة برأيها والمدافعة عنه بغير وجه حق..

وللأسف كل هذه الأنواع وأكثر تنتشر في بلدتنا...
وفي هذه العجالة سأتحدث عن أول هذه الأقسام وهن المتدينات بلا حجاب، أو بتعبيرنا العصري اليوم:المحافظات!!!
فهل تدينهن صدق أم إدعاء؟؟؟
سلوكهن وتصرفاتهن تحمل في طياتها أموراً عبادية كثيرة، ترى إحداهن حريصة على أداء الصلوات الخمس في أوقاتها، وهي ملتزمة بأوامر الدين بشكل عام ومتحمسة له، لكن لسبب أو لآخر لم ترتد الحجاب ...
ربما -حسب رأيها- أن الحجاب يسبب لها عائقاً في حياتها المجتمعية أو في طموحاتها المستقبلية، أو ربما لم تدرك بعد أهمية المظهر الإسلامي للفتاة المسلمة، أو أنها قد صدمها سوء خلق إحدى المحجبات من حولها، أو أنها قد نشأت في بيت لم يجعل من الحجاب أولوية لدى الفتاة وترك لها حرية الإختيار عندما تكبر وتنصل الأهل من مسؤولياتهم المباشرة في هذا الجانب بل -على العكس- ساعدوا على إبتعاد إبنتهم وحيادها عن هذا الطريق!!!
وكل الحجج التي تسوقها المتدينة المتبرجة هي من مداخل الشيطان، وخاصة عندما تعقد مقارنة بينها وبين المتحجبة غير الملتزمة أخلاقياً...
ونحن لا ننكر أن هناك ظروفاً مجتمعية تقف أمام الحجاب ... ولكن لو علمت كل فتاة أن الحجاب فريضة وليس سنّة تكميلية وأن الحياء من الله تعالى يوجب طاعته وإجتناب معصيته لبدت أمامها هذه العوائق والأعذار واهية ...
والفتاة التي تعلم أن الله تعالى فرض الحجاب من فوق سماواته وهي لا ترتديه ثم تزعم أنها راضية عن نفسها لاأنها تؤدي بقية الفرائض، هي فتاة جاهلة تناقض نفسها بنفسها، وقد تقع في النفاق السلوكي الناجم عن الهوّة بين ما تؤمن به وواقعها كمتبرجة، وهي قد تأخرت في إتخاذ القرار الصحيح حتى ينسجم مظهرها مع مخبرها، إن كانت متدينة حقاً!!!!!!!!!!
وقبل أن أختم مشاركتي التي أعتذر عن الإطالة فيها، أود أن احمّل جزءاً من المسؤولية عن التبرج المشين من حولنا اليوم إلى بعض الملتزمات بالحجاب أنفسهن، واللواتي وللأسف أصبحن يقلدن المتبرجات بلباسهن، بل بعضهن تفوقن عليهن في إختيار الملابس الضيقة الفاضحة ولم يعد يميزهن عن المتبرجات سوى قطعة قماش تلف الرأس وإن كانت هي الأخرى مزركشة وفيها من كل أنواع الزينة الملفتة للنظر، بل ربما كانت أجمل وملفتة للنظر أكثر من الشعر المكشوف نفسه!!!
فيا ليت شعري من هي القدوة اليوم ولماذا إنعكست الأمور بهذا الشكل.. بدل أن تقتدي المتبرجة بالمحجبة يحدث العكس!! نسأل الله السلامة ... والحمد لله رب العالمين

[روعة]

ولكن ما هو الحل
حل متكامل ننشده جميعاً

[ساميا]

أختي الحبيية روعة:
لست أنا من يدعي أنني قادرة على طرح الحل المناسب والمتكامل الذي تنشدين، وأرى أن هذا مسؤولية كل مسلم، سواء أكان متخصصاً أم فرداً عادياً!!
والحل حسب رأيي هو في كلمة واحدة: الدعوة ثم الدعوة ثم الدعوة!!! وتحت هذا العنوان الكبير يبرز دور الشباب المسلم (وطبعاً الشابات المسلمات)، فالشباب هم عماد الأمة وسر نهضتها ومبعث عزّتها وحضارتها...
ولا يمكن للشباب أن يقوموا بدورهم وينهضوا بمسؤولياتهم ويؤدوا رسالتهم... إلا بعد أن تكتمل شخصيتهم العلمية والدعوية والإجتماعية على حد سواء...
لا عذر لمتقاعس اليوم، فلنشمر ساعد الجدّ ولننفض عن كواهلنا غبار الفتن والخلافات والتشرذم، ولنحمل رسالة الإسلام الخالصة إلى من حولنا...
وفي مسيرتنا لا نغفل أموراً هامة لا نجاح لعمل بدونها، وعلى رأسها الإخلاص لله تعالى في النية والقول والعمل، وعلينا أن ندرك خطورة الأفكار المسمومة التي غزت عقول معظم التاس من حولنا وكذلك المفاهيم المغلوطة والخلط الواضح في تطبيق أوامرالدين، ولا ننسى أصحاب القدوة الذين نتأسى بفعالهم وعلى رأسهم محمد بن عبدالله صلوات الله وسلامه عليه ثم الصحابة الكرام ثم السلف الصالح هؤلاء الذين هداهم الله، فبهداهم يقتدي المسلم وبسيرتهم يتأسى الشباب وعلى طريقهم يسير الدعاة..
ثم الدعوة إلى الله تعالى فنّ له أصول، ومن معالم الأسلوب الأقوم في التأثير أن يكون فعل الداعية مطابقاً لقوله، وعلى الداعية كذلك دراسة البيئة التي يتم فيها تبليغ الدعوة حتى يحدث الناس على قدر عقولهم، وعليه كذلك أن ينطلق في عمله بعد تخطيط وبصيرة، فيبدأ مع الآخرين بالأهم فالمهم:بالعقيدة قبل العبادة، وبالعبادة قبل مناهج الحياة وبالكليات قبل الجزئيات...
ومن معالم الأسلوب الأقوم في الدعوة: الحكمة والموعظة الحسنة، فإن الهدف هو ترشيد الناس لسلوك طريق الخير وليس تعنيفهم أو تنفيرهم أو الإستهزاء بأفكارهم وقناعاتهم..
وأخيراً وليس آخراً الإيمان بالقضاء والقدر وأن ما أصابنا لم يكن ليخطئنا وما أخطأنا لم يكن ليصيبنا وأن التوفيق والهداية من الله تعالى وبذلك نتحرر من اليأس أو الخوف ونصبر على ما أصابنا ونرضى بما كتب الله تعالى لنا..
وليس كل ماذكرنا معناه أن يترك كل منا دراسته أو أي عمل يزاوله ويتفرغ للدعوة، لكن كل منا في موقعه قادر على الأمر بالمعروف والنهي عن المنكر...
كل منا لديها قريبة أو صديقة أو... قد قصرت في أمر دينها وحجابها، فلتعقد النية صادقة مخلصة أن تكون سبباً في ردها إلى دينها رداً جميلا ولتتذكر دائماً قول الصادق المصدوق عليه الصلاة والسلام:"من دعا إلى هدى كان له من الأجر مثل أجور من إتبعه لا ينقص من أجورهم شيئاً..." والحمد لله رب العالمين

[روعة]

لكم جمعت كلماتك من أفكار عظيمة
أرجوأن تقرأي موضوع دعوة الفتيات في القلمون في شؤون وشجون وتساعدينا في المشروع المطروح

[الريس]

أنا برأيي ، انو كل واحد قبل ما يحكي يشوف حالوا ، يعني ما بصير أنا كون ما بشيل السيغارا من تمي واجي بدي حكي الناس عن مضار التدخين لأن منطإيا رح يقولوا شوف حالك ، طيب انو احنا لما منقول للصبايا ، ما تمشوا بالشارع ، فليش منتوجه للمش محجبات ومننسى المحجبات ، انو المحجبات ما عم يكزروا بالطرقات ؟؟؟ ولا المحجبة بس يشفوها الشباب بصيروا يبزقوا وما بتفتنهم ، هل الفتنة مقتصرة على البنت المظلطة ؟؟؟

أنا بدي اعرف ليش منحب اللف والدوران ، مين أولى بالتصليح الأخوات المحجبات يلي بصلوا وبصوموا وبيقروا قرآن ، أم يلي ما عارفين كوعهم من بوعهم ؟؟؟؟؟

[الشامي]

السلام عليكم ... كيفكم يا جماعة..

يعني مع احترامي لرأيك يا ريس ... بس كيف يعني صارت المحجبة متل المزلطة والمزنطرة (بالطريق أكيد جوا مطلوب هالشي) متل اللي ماشية بأدب، وكيف اللي بتحكي بميوعة (برا البيت) متل اللي بتحكي بأدب .. وكيف وكيف وكيف...

يعني ماني عم استوعب الصراحة فإن عندك تفسير فهمني ......

أخوكم

[روعة]

كلنا عندنا من الأخطاء الكثير

هناك أمور ليس عليها إجماع بخطئها أو صوابها وتحتاج إلى نقاش ومنها التمشي للترويح عن النفس

ولكن

وإن كانت الفتاة ترتكب الخطاء لكنها تصلي
أل يجب أن تعلم أختاً لها كيفية الصلاة وحلاوتها؟؟؟

[saer]

hl2 houwa el mawdou3 mhem bass lich 3am no5daw bi hal salbiyehh heday!!!!!! lich mabetchufaw 2ele byit7ajbaw bi hal dayi3a tayigataw 2ele 3am ya3mlow w kamena 2ele betkoun lesbseh el dayi2 w m7ajbeh ,heday lich el 7ijab taba3aa
3a kol 7al nesbet el manoun m7ajbein bil dayi3a sa7i7 kbirehhh bass bidaloun a7sein min 2ele byide3o 2enoun 2oumet el 2eslam w ktarrrrrrrrrrrrrr bil 2almoun w bikafrou el 3elem bil niheyeh kol we7ed yichuf 7elaw w yizabet bi 3ayiltaw abel mayitala3 bil 3elemmmmmmmmmmmmmmmm

[فشلان]

الأخت المشرفة ساميا... كانت جملتك الأخيرة هي حرفياً ما قصدت من ساميا القلموني.. فلقد كنت شبيهة بمشاركات الأخ الفاضل أبو محمد القلموني... تتكلمي في جو من السمو والروحانية والأخلاق.

بالطبع لم أقصد الإهانة.. أو الإساءة.. إنما قصدت المدح... فأنا أجد كلمات أبو محمد رائعة... وإن كان في بعض الأحيان توضع في غير مكانها.. ليس بسبب ضعف الكلمات.. وإنما بسبب قوة الكلمات على مستوى الناس الذين وجهت إليهم...

لا بد وأن تكوني ممن يستطيع التمييز بين الحقيقة والخيال.. بين الجد والهزل... وإن لكل مقام مقال.... ولا أعتقد أنه ينبغي أن يكون هذا المنتدى مكوناً من مجموعة من الناس من أصحاب المبادئ فقط... كل منهم يشكر زميله لإضافة المشاركة.. ويمدحها بما هي أهله بل ويزيد في الإطراء.. وكأننا في صف الروضة.. نضع الأصابع على الفم ونتكلم بهدوء حتى نحس بالسعادة تغمرنا ونحن نستمع إلى إطراء المعلمة...

هذا المنتدى.. ينبغي أن يحتوي على جميع أصناف الناس... منهم الناجح ومنهم الفاشل... ولإسمي سبب وغاية.. أما السبب فلا أظن أنه حبي للفشل.. وأما الغاية.. فليست حتى أرغب الناس بالفشل...

أما بالنسبة للتخفي.. فلا أظنه عيباً.. وإن كان البعض يرى ذلك... وليس كوني غير معروف شخصياً يدل على عدم وجودي أو على كوني شبحاً كما قال البعض... فأنا أعود وأكرر بأننا نتعرف بأناس كثيرين من خلال الإنترنت.. ونبني صداقات دون أن نتعرف من خلال المشاهدة...

هناك وسائل كثيرة للتعارف، منها العيون... وليست وحدها من يؤدي إلى المعرفة... فأنا أعرف كثيرين في المنتدى من خلال المشاركات والردور، ولا أعرفهم بعيني...

ليس عيباً أن أكون شخصاً معروفاً بالمشاركات والأفكار، مجهولاً للعيون... وإن كانت معرفة العيون رغبة يريدها المحبون والمبغضون... يريدها المحبون حتى يضيفوا إلى مشاعرهم إحساس السعادة بالنظر... ويريدها المبغضون حتى يزكوا حسدهم وأنانيتهم...

الأخت ساميا.. لك مني جزيل الشكر على حسن الفهم... وأسأل الله أن يجعل مشاركاتك في ميزان حسناتك...

أخوكم فشلان...

[فشلان]

بس خلص.. داب قلبي أن وكنت عم احكي بتهذيب هيك.. وبشفافية.. وهدوء.. ومحبة.. وأخلاق عالية... أعلى من حيط مدرسة المنار.. يلي كنا ننط عنو نحنا وهربانين...
فأعت ومت ودبت أنا وعم أكتب هيك مثل المهذبين... ما بقى فيني..........................

[Nader 3:16]

أوافق الأخ وسيم بما قال.....
واسعى اولاً لإصلاح نفسي المقصرة!!!!!
و الله المستعان......

[wishes]

أنا عن جد بحس إنوا ما فيا شي
يعني حرام إذا الواحدة رفهت شوي عن حالا بالكزار
خليا تكزر بالشارع أحسن ما تروح عمحلات تانية
بعدان نحنا عنا بالقلمون صار الكزار من العادات و يللي ما بتكزر بعتبرو إنا ما عندا رفقا او منا إجتماعية او............
و أخيرا" العيب بيللي عم يعمل عيب و الكزار على الأقل بنظري منو عيب.

[Nader 3:16]

يعني في عادة بالبنات ...انو بس الواحد يعطي فكرة عن شغلة دغري بقولوك كلام ما قلتو...

وين شفتي مكتوب انو الكزار حرام؟؟؟

وسيم عم يقول انو مو لازم البنت تكزدر بمكان مزدحم بالشباب!!!!!

منكفي بعدين ...ان شاء الله

[nana]

أنا عن جد بحس إنوا ما فيا شي
يعني حرام إذا الواحدة رفهت شوي عن حالا بالكزار
خليا تكزر بالشارع أحسن ما تروح عمحلات تانية
بعدان نحنا عنا بالقلمون صار الكزار من العادات و يللي ما بتكزر بعتبرو إنا ما عندا رفقا او منا إجتماعية او............
و أخيرا" العيب بيللي عم يعمل عيب و الكزار على الأقل بنظري منو عيب.

والله كلامك منطقي وأنا معكي 100 بي 100 وحاجي بقا يقلولنا حرام ولا حلال الغلط غلط وصح صح وكل إنسان بنام على جنب يلي بريحو

[محمد]

أنا عن جد بحس إنوا ما فيا شي
يعني حرام إذا الواحدة رفهت شوي عن حالا بالكزار
خليا تكزر بالشارع أحسن ما تروح عمحلات تانية
بعدان نحنا عنا بالقلمون صار الكزار من العادات و يللي ما بتكزر بعتبرو إنا ما عندا رفقا او منا إجتماعية او............
و أخيرا" العيب بيللي عم يعمل عيب و الكزار على الأقل بنظري منو عيب.

وهل الدين يعتمد على أحاسيس الناس ؟؟

[فشلان]

قلت وما زلت أقول دائما ، الحل يبدأ بإصلاح أنفسنا ، وهنا أعني بأنفسنا الأقرب فالأقرب إلى الإلتزام ، فقبل أن نصلح شارع العشاق وننصح بنت الص... وبنت .... و.. فلننصح الداعيات والملتزمات اللواتي يجبن شوارع القلمون ذهابا وإيابا يوميا في شارع يعج بالشباب ، ودون أي مبرر .

بعدك عايش؟؟؟؟؟ فكرتك انتقلت إلى الدار الآخرة....

[habouleh]

هههههههههههههههههههههههههههههههههههههههههههههههههه ههههههههههههه

بايخخخخخخخخخخخخخخخخخخخخخخخخخخخخخخخخخخخخخخخخخخخخخ

[Mahmoud.A]

tx a lot ya Miss wishes w ma twassi 7aris sajjalit ismik 3ala my notebook

[wishes]

مظبوط يللي عم تحكي يا نادر الشارع في شباب و بنات و بيصير فيه نظرات متبادلة بس النظرة الأولى منا حرام و انا هلأ عم إحكي عن حالي يعني لو مرأ من حدي leonardo di caprio ما بيعنيلي شي
يللي بدو يانا بيجي عالبيت ما بيلحقنا بالشارع

[Nader 3:16]

انت قلتي نظرات و النظرة الاولى مش حرام...............
فسّري اكتر!!!!!
ما اقتنعت بكلامك ارجو التوضيح!!!!

[Mahmoud.A]

Halla2 yalli byisma3ouk ya Mr Ma3tou2 bisad2ouk w bifakkrou innak ktirrrrrrrrrrr edamay. w ba3dein ya sitt wishes min yalli alllik innou mafi minnoun houn bi UAE?? walla mafi aktar minnoun w fi neis sara7a manna 3am tit2abba3 min hayk ma7alleit. walla l sit la2ilna wil fi3il la ghayirna.
walla ana minni w 3layay ba3rif akhle2ik ktir mni7 ya okhit wishes w b2oul ya rayit ktir kenou mitlik la2annik ktirrrrrrr mhazzbe.

[wishes]

شكرا" عال
compliment

والله المنتدى بلاك ما بسوى شي
ما تنسى تدعيلي بالعمرة

[محمد]

في كتير يأخذون الدين على محمل الأحاسيس متل قصة الكزدار .........
ليك كيف بيكون الدليل أنو الكزدار حلال :
يعني بيصير الواحدة تدل محبوسة بين أربع حيطان ؟؟؟!! والله بتموت !!!!!!
هادا لا يعتبر دليل بل شعور .......أنا لا أقول أنه حرام تطلع المرأة خارج المنزل ، ولكن أتكلم عن أسلوب خطأ بالإستدلال .
الدليل (وخاصة بالدين) يكون من قول الله عز وجل ورسوله صلى الله عليه وسلم ثم بعد ذلك أقوال العلماء .
أرجو أن لا يفهم الرد تهجم على أحد ولكن هذا الأسلوب من الأدلة انتشر كثيرا .