مخاتير القلمون _ صراع هادئ

[عبد الله]

السلام عليكم
مع بدء ظهور ردات الفعل المؤيدة والمعارضة لترشيحات المجلس البلدي الجديد
لا يزال حتى الساعة يلف استحقاق مخاتير القلمون شئ من الغموض والهدوء العلني رغم أهمية هاذا الاستحقاق لجهة قيمته التي تتساوى في رتبتها وتأثيرها مع رتبة وتأثير رئاسة المجلس البلدي أو ربما قد تفوقه في حالات ومواقف وظروف

[عبد الله]

كما تعلمون فأهل القلمون ارتفع عددهم وبناء على ذلك أصبح من حقهم رفع عدد المختارين فيها لثلاثة وقد تم توكيل من يهتم لهذه القضية في الدوائر المختصة فلا أعلم ماذا حصل في هذا الشأن اذا الأخ د. وسيم عندوا أي شي عن الموضوع يفيدنا فيه ؟

[عبد الله]

أخي أبو خليل كان معروف في السابق أن الجماعة لم ولا تدخل بمنافسين في هذا الاستحقاق فما هو وضع الجماعة بالنسبة لمخاتير هذا العام ؟

[Amer-ol-tabche]

سمعنا إنو معركة المخترة أقوى من المعركة البلديه هالسنة

[Amer-ol-tabche]

إذا في أسماء مرشحين منا مشموله بالاستطلاع نرجو الافاده

[عمار الفلو]

سمعنا إنو معركة المخترة أقوى من المعركة البلديه هالسنة

عم تبلش تعمل دعاية لعمّك
بس معرفنا كنو العدد 2 او 3 ؟؟؟؟!!!!

[Amer-ol-tabche]

عم تبلش تعمل دعاية لعمّك
بس معرفنا كنو العدد 2 او 3 ؟؟؟؟!!!!

العمعوم ضامنها يا شريك ......
بس أكيد بدنا دعمكن

[وسيم أحمد الفلو]

نحنا المختار سموح عراسنا لإنو دايمن موجود بالقهوة وبيلبي الناس

متنسو تضيفوا عالإستطلاع رمزي رضا ومصطفى طحطح

[Amer-ol-tabche]

نحنا المختار سموح عراسنا لإنو دايمن موجود بالقهوة وبيلبي الناس

متنسو تضيفوا عالإستطلاع رمزي رضا ومصطفى طحطح

يسلم راسك أخ وسيم
بس ما عرفت كيف ضيف الأسماء الجديده

[مازن الطبشة]

العمعوم ضامنها يا شريك ......
بس أكيد بدنا دعمكم
ما تعتل هم يا اخ الدعم موجود

[عبد الله]

يا خال انتوا يلي عقلكن متحجر
يا خال ليه كترة الحكي
نلتقي في الثلاثين من الشهر الخامس

[عبد الله]

رغم المعانات التي عاناه من تعامل مع المختار سموح عبيد في او في أو في إلا أن الأخير يعلن بين الناس عن نيته للترشح للحقبة الجديده.
انا برأيي نرشح الأخ أمين أحمد أمين الحج محمد رشيد علي زياد.. على أولة أخونا فشلان ييييي يمكن يكون موظف دولة يعني ما بحقلوا يا خال محلولة بيستقيل لأن بتلبقلوا

[HARD]

سموح عبيد هو احسن واحد بيصلح ليكون مختار وهذا عن تجربه.

[HARD]

انا كنت مرتاح بالتعامل مع المختار سموح عبيد متى ما اطلبو كنت لاقيه وكانت المعاملة تاني يوم جاهزة واذا كان في وقت بيعملها بنفس اليوم، وكمان كان يقدم المشورة من دون ما تطلب وبينصحك اذا شافك عم تعمل شي غلط او مكلف على الفاضي .

سموح عبيد هو خيار ممتاز لهذا العمل .

[عبد الله]

سموح بيغلط كتير يا خال كل معاملاتي عندوا كانت تطلع غلط وبالسرايا كانوا يبهدلوني بسببوا
يا خال سموح ما بينجح وما بدنا اياه ينجح بعدين قاعد عطول بالقهوة استحليت شوفوا بالجامع مع هالشنطة وبعدين لنفرض احدى النساء بدها معاملة بتروح على القهوة ! يا خال سموح ما بدنا اياه ما بيعرف يشتغل

[Amer-ol-tabche]

سموح بيغلط كتير يا خال كل معاملاتي عندوا كانت تطلع غلط وبالسرايا كانوا يبهدلوني بسببوا
يا خال سموح ما بينجح وما بدنا اياه ينجح بعدين قاعد عطول بالقهوة استحليت شوفوا بالجامع مع هالشنطة وبعدين لنفرض احدى النساء بدها معاملة بتروح على القهوة ! يا خال سموح ما بدنا اياه ما بيعرف يشتغل

أنا ما عرفت بإسم مين عم تحكي وقت قلت ما بدنا .. هيئتك مو بس

ضالع بتشكل اللوائح البلديه كمان ضليع بالمخترة ،، الله يزيدك من فضلو


ا بالنسبه للنسوان،، أنا إذا بدا تعمل إخراج قيد أختي أو أمي منا صعبه روح اعملها ياه ،، ويلي مقطوعة منا صعبه تقصدو بالبيت ...


يا خال

[وسيم أحمد الفلو]

أخ عامر، سوف أطلب من الأخ الشامي القيام بذلك التعديل


أما بالنسبة للأخ عبد الله، فأنا قمت بالعديد من المعاملات عند الأخ سموح، ولم يحصل خطأ في أي معاملة، ومن الخطأ الحكم على شخص من تجربة واحدة.

أن تقول أنك مع المختار سموح عبيد، لا يعني أنك ضد الحاج علي الظنط أو غيره.

بس للحقيقة عيب هذه الحملة على المختار سموح عبيد من ناحية تواجده في القهوة، وعدم قدرة وصول النساء عليه، كأن المختار سموح لا يهمه مشاعر النساء والأخوات في القلمون.

كما قال الأخ عامر، هناك عدة طرق للإتصال بالأخ سموح من قبل النساء، ولا أعتقد انه كان يقبل أن تمتهن كرامة أي امرأة.

ومن ثم ففي القلمون هناك مختارين، ويمكن لمن لا يحب المجيء إلى القهوة التوجه للأخ علي الظنط، ولكن هناك أغلبية من الناس ترتاح أكثر للقاء المختار بالقهوة أكثر من المسجد مثلاً.

على كل حال الإنتخابات المختارية ليست بأهمية الإنتخابات البلدية، لأن المختار دوره محصور بأمور معينة، ونحن نتمنى للجميع التوفيق، ولكن لا يجب إستخدام حجج غير مقبولة للطعن بالمختار سموح حفظه الله.

[عبد الله]

يا خال د. وسيم جمعوا بمعيتكن الموضوع مع الآخر في استحقاق 2010
يا خال من فترة اشتغلتلكن تيصيروا 3 مخاتير وما تابعت النتيجة بسبب انشغالي يمكن د. وسيم يكون صار الوا خبر ؟
يا خال انتوا بتحكوا من عصبية قبلية وهاد مرفوض شرعا احكوا من منطق وانا لست ضد سموح حفظه الله لكن خلص أخدنا قرار بتنحيته ان شاء الله اذا كان موجود في المنافسة من هو أفضل
يا خال نمرة موبايل ما عندوا

[عمار الفلو]

سموح بيغلط كتير يا خال كل معاملاتي عندوا كانت تطلع غلط وبالسرايا كانوا يبهدلوني بسببوا
يا خال سموح ما بينجح وما بدنا اياه ينجح بعدين قاعد عطول بالقهوة استحليت شوفوا بالجامع مع هالشنطة وبعدين لنفرض احدى النساء بدها معاملة بتروح على القهوة ! يا خال سموح ما بدنا اياه ما بيعرف يشتغل

يا خال وانا عن تجربه بألك سموح مانوا أهلها قاعد طول الوقت بالقهوة ياخال والنسوان شو بتعمول بتنزل كما عالقهوة يا خال استحليت شوفو بالجامع مع الشنطة
يا خال ما بتزبط سموح ما بدنا اياه ينجح ونقطة على السطر وهادي مسكة للشوارب .
يا خال برأيي علي الظنط ومرتوا أنسب شي والحج ادها وادود

و النسوان وين بيشوفو الحج علي, بالجامع مثلا.
و اذا واحد مبيصلي كمان مبيلاقي و الحج علي بيسافر اكتر من شهر بالسنة منشان الحج و العمرة.

انا معندي شي ضد الحج علي و لو كنت بالضيعة فاكيد بنتخبو بس عم قلك أخ عبد الله انو حججك منا سليمة.

[info]بس لهلء معرفنا العدد 2 او 3 ؟؟؟؟ [/info]

[عبد الله]

يا خال وانا عن تجربه بألك سموح مانوا أهلها قاعد طول الوقت بالقهوة ياخال والنسوان شو بتعمول بتنزل كما عالقهوة يا خال استحليت شوفو بالجامع مع الشنطة
يا خال ما بتزبط سموح ما بدنا اياه ينجح ونقطة على السطر وهادي مسكة للشوارب .
يا خال برأيي علي الظنط ومرتوا أنسب شي والحج ادها وادود

[HARD]

يا خال وانا عن تجربه بألك سموح مانوا أهلها قاعد طول الوقت بالقهوة ياخال والنسوان شو بتعمول بتنزل كما عالقهوة يا خال استحليت شوفو بالجامع مع الشنطة
يا خال ما بتزبط سموح ما بدنا اياه ينجح ونقطة على السطر وهادي مسكة للشوارب .
يا خال برأيي علي الظنط ومرتوا أنسب شي والحج ادها وادود

حبيبي الحج بيصلح على راسي ليش الحج واقف بوج سموح عبيد، التنين بيصلحو ، كبرعقلك يا خال.

بس حابب افهم ليش عم تحارب سموح عبيد ليش البحصه عالقة بزلاعيمك .

[عبد الله]

يا خال ما عم هاجموا ولا تكن صاحب جاهلية قبلية
يا خال كيف حزرت وين عالقه البحصه ؟

[HARD]

يا خال ما عم هاجموا ولا تكن صاحب جاهلية قبلية
يا خال كيف حزرت وين عالقه البحصه ؟

لا ماعم تحاربو مش واضح!!!!! ،

طيب فهمنا انو قلنا عن السيد سموح عبيد انو كويس من شهادات اكثر اهل القلمون وانت ساعتها وجهت الينا تهمة العصبية، طيب مكمان قلنا انو الحج علي الظنط كويس فاي تهمة رح توجها الينا ؟؟؟؟؟؟!!!!! كبرعقلك وخيط بغيرهل المسلة.

بالنسبه للبحصة والله يا خال انت بتعرف اكتر مني .

[محمد]

يا خال وانا عن تجربه بألك سموح مانوا أهلها قاعد طول الوقت بالقهوة ياخال والنسوان شو بتعمول بتنزل كما عالقهوة يا خال استحليت شوفو بالجامع مع الشنطة
يا خال ما بتزبط سموح ما بدنا اياه ينجح ونقطة على السطر وهادي مسكة للشوارب .
يا خال برأيي علي الظنط ومرتوا أنسب شي والحج ادها وادود

ليش المرة فيها تفوت عالجامع ؟!
بتبعت ابنها أو حدا لعند هاد متل ما بتبعت حدا لعند هاد
شايفك عالق وحدك بهالموضوع

[عبد الله]

يا خال انا قلت مرتوا لأن بقصد امرأة لأمور النساء بليز يا خال فهموا صح .

[محمد]

يا خال انا قلت مرتوا لأن بقصد امرأة لأمور النساء بليز يا خال فهموا صح .

ليش أنه سموح مانو متزوج ؟؟!!
بعيط لعامر ها

[أبا عبد الله]

ألسلام عليكم و رحمة الله و بركاته

أذا كنا حقيقا نحب الخير لهذه البلدة يجب علينا ان نكون جديين حين نطرح تساؤل او نسعى لايجاد حل وليكن الدافع في هذا و ذاك النصح و السعي لقلمون أفضل

ألأسماء ليست مهمة بقدرما تحمل وراءها من رجالات و عندما نضع ثقتنا بشخص ما و تخيب أمالنا فليست نهاية العالم فبالامكان اختيار شخص اخر ثم اخر الى حين ان نجد من تقر عيننا به

الشخص الذي نختاره هو واحد منا وضع نفسه أو اخترناه لهذا الامر فاما نعينه او نتركه فاذا اعناه فقد قمنا بواجبنا و اذا تركناه فقد خيبنا ظنه فينا

أخي الكريم اعن اخاك فهو بحاجة اليك بعد تكليفة اكثر بكثير من قبل تكليفه و لكن للأسف اننا ننسى و نتخلى عمن و ضعوا ثقتهم بنا و ظننا اننا بذلك قد جنبنا انفسنا الذلل باننا لم نشاركه الخطأ الذي ارتكبه ولكن الحقيقة اننا شركناه الأثم عندما تركنا نصحه و لم نعنه على الأمر الذي كلف به

و الله أعلم و الله من وراء القصد و هو الهادي الى سواء السبيل

أبا عبدالله

[وسيم أحمد الفلو]

حسب معلوماتي فإن الأمر لم يتم الموافقة عليه.

بالتوفيق لكل المرشحين لمنصب المختار، فمنهم الكثير ممن نحب ونحترم ولكن للأسف يجب علينا أن نختار إثنين.

[الأسمر]

يعني يا سيد عبد الله عن جد أمرك عجيب ... فايت ب100 لون و100 وش ... يعني وقت بتقول بدكم بسقطوه وبتحكي عنو كل الحكي اللي حكيتو ... شبتكون مانك عم تهاجمو ... بتكون عم تنتخبو؟؟... ولو في سبب مُقنع كان الواحد قال منا وفيا القصة ... بس هيك لله بالله ...

بعدين مينكم انتو بالله؟؟؟ أم كمان خفاش من خفافيش الليل ...؟؟ ما لازم تعلن عن نفسك؟؟؟
بس ما تتهمني اني أنا سموح أو بقربو لسموح!!!

شيل من تحت اسمك قساميون لأن أسلوبك عم يشوه صورة القسام وفلسطين حتى...

شي مُحزن ...

[الزاهر]

[caution]نرجو من الأعضاء الالتزام بالموضوع الأصلي والابتعاد عن التجريح حتى لا تلجأ الادارة للتصرف بالمشاركات![/caution]

[HARD]

[caution]نرجو من الأعضاء الالتزام بالموضوع الأصلي والابتعاد عن التجريح حتى لا تلجأ الادارة للتصرف بالمشاركات![/caution]

نطلب من الادارة عدم السماح للاسماء الوهمية بالمشاركة في اي موضوع بخص االانتخابات ان كان البلدية او المختارية .

[محمد]

[caution]نرجو من الأعضاء الالتزام بالموضوع الأصلي والابتعاد عن التجريح حتى لا تلجأ الادارة للتصرف بالمشاركات![/caution]

بدك تتركني علي يا زاهر لعبد الله شيل إيدك

[hunter_hunted]

أنا بصوت للحج علي والمختار سموح ...
الإثنين الله يعطين العافيه ،، كفو ووفو ...
بس ما راح شارك بالتصويت هلأ يمكن بعدين يصير الصوت لو قيمه اكتر

[عبد الله]

يا خال لحنا ما قلنا بدنا ننتخبوا ولكن أيضا لسنا نهاجمه انما ننقل صورة عن الواقع .

[HARD]

يا خال معقول نطالب بتغيير الحاج طلال حفظه الله ورعاه ولا نطالب بتغيير سموح حفظه الله مع أن طلال أجدر بالقاء .
ما اقتنعت بعدين يا خال انت بالدورة السابقة ما انتخبتوا الآن جاي تنتخبوا لأن صار عمك يا خال هاد المنطق خاطئ .
يا خال كرمال ما يزعلوا آل عبيد لأن ما الن شي بالبلدية اختارو غير سموح ومندرسلكن موضوعوا

السيد سموح عبيد مرشح اهل القلمون بكل اطيافها الكل بيرتاح بالتعامل معو منو مرشح بيت عبيد. ياعمي لازم تتحرر من التحجرالفكري انت الظاهر شب اول طلعتك وما الك تجارب بالحياة ولا تعاملات مع العالم بنصحك خود النصيحة من يلي الهم باع بهل الامور، لازم تشوف انو هون في اولويه للمصلحة العامة منو لمصلحتك الخاصه وابصر شو .....

[ابوحذيفة]

يا معلم عبد الله بدي اسالك عن التعقيب اللي كاتبوا تحت اسمك ( قساميون ) وكانك بتحب المجاهدين على كل حال انا باكدلك انك من جملة الرويبضة اللي الله ايتلانا فيهم باخر الزمان واللي بحب المجاهدين فعلا لازم يكون عندو وفاء وخاصة للجيل اللي حمى عزة المسلمين بها الضيعة وبدي اسالك وين كنت لما كان سموح وغيرو من الشباب بالصف الاول بالمساجد بس متلو متل بقية الاخوة اللي منظركن بالجامع قرفنا عيشتنا وصارت الصلاة بالبرية احلى من الصلاة الى جانبكم وعلى كل يقية المخاتير مورمة ارجلهم من قيام الليل يعني قيس مظبوط لانو قياسك بدل على انو قياسك كتير ولادي

[أمين أحمد الحاج محمد]

هلق رجعنا لها الوجع الراس
مينو عبد الله لحتى عم ينحي وينتخب ويطلع وينزل
يحرق ديبا هالشغلة ما فلنالكن ما تعبروا كل واحد مجهول الهوية بها المواضيع
عشوية رح نفكروا شي ولي من الأولياء الصالحين يا خال ويا خال....
أنا أناشد جميع الإخوة أن لا يردوا على مقالات أي من المجهولين في هذه المواضيع بالذات
لأنهم وخصوصا عبد الله (القساميون) والقساميون منه براء يبثون الفتن ويشنون الحملات على الناس بدون وجه حق وما في غير ربك بيعرفلهن اتجاه وأو فكر...

[عبد الله]

يا خال عملنا طله على الضيعه وسمعنا الناس بتأول كتائب القسام عم تهاجم سموح عبيد أولكن طلع عميل ؟
والله يا خال أمركن غريب عجيب ولك طلعتوا اضرب من نسوان الفرن بلت الحكي
يا خال بدنا نحط النقط على الحروف
تنبلش بنقطة قساميون يا خال ما النا علاقة بالقساميون لا من قريب ولا من بعيد وجل ما في الأمر انا نتمنى ان نكون منهم فلا تخلطوا الحابل بالنابل وتدخلوهم في أمور تافهه

[عبد الله]

يا خال خلصنا من نقطة القساميون ؟ عيب ترجعولا ولاقوا حجة أقوى افضلكن .
نقطة الرويبضه يا سيد ابو حذيفة وما يتعلق بالفتن وبثها بين الناس يا مسيو أمين احمد الحج محمد أبو احمد منذ متى يا خال أصبح الحديث عن وقائع معروفه لدى الناس يندرج في هذا الاطار ألا ترى أن هجومك على الحاج طلال وباسم أولى بأن يندرج في هذا الإطار ناهيك عن الغيبة والنميمة

[عبد الله]

يا خال عندنا تحفظ لدى ادارة المنتدى على مداخلة المدعو ابو حذيفة ففيها تجريح للطائفة الملتزمة فأين هي الرقابة ؟
يا خال عودا على بدء فسموح عبيد نادر تواجده في المسجد وكثير التواجد في المقهى وهاذا مشهود لدى الناس وهاذا لا يعني أنه خرج من الملة لكنه أمر غير لائق بالمسلمين عيب قال تتخلص فتية الورق عيب
أما مسألة كان وكان فهاذا فعل ماض
لذلك يا خال نحن نفضل أخ آخر ملتزم على أن يكون سموح هو المختار الثاني
ولكن يا خال بما أنه حتى الساعة هذا الأخ الآخر غير متوفر سنطمأنكم أن الشخص الثاني الذي سننتخبه سيكون سموح ان شاء الله

[ابو ابراهيم]

محمد دحلان ما بيقبل يشغلك معو يللي مسميلي حالك عبد الله والله برئ من امثالك ومما تتقول به على الناس............... كفاك تصنيف للناس هيدا بصلي وهيدا ما بصلي............... الصلاة ليست معيار للمختار الجيد وغير الجيد..............هيدا تهويل فاضي وليس تصنيف وعيب الخوض بهيك مواضيع ...........

[عبد الله]

يا خال الواضح انك بتفهم لاء معليش اسمحلي واقتبس أين الجملة التي صنفت فيها الناس اذا كانوا من المصلين أم لا ؟

[المبـــارك]

هلق رجعنا لها الوجع الراس
مينو عبد الله لحتى عم ينحي وينتخب ويطلع وينزل
يحرق ديبا هالشغلة ما فلنالكن ما تعبروا كل واحد مجهول الهوية بها المواضيع
عشوية رح نفكروا شي ولي من الأولياء الصالحين يا خال ويا خال....

أمين بدك قلك مين هو عبدالله (فتحاويون)؟؟؟؟؟

[وجدي عصام طوط]

ماهكذا يكون النقاش والحوار ولاينبغي بحال أن تستغل المساحة المتاحة للتعبير عن الرأي بهذه الطريقة .

نحن أبناء بلدة واحدة، مايجمعنا أكثر مما قد يفرقنا، والاستحقاق الانتخابي مهما استعرت حدته فإنه سينتهي ليلة إعلان النتائج ليقوم الخاسر بتهنئة أخيه الفائز ثم ينصرف الجميع لمزاولة حياتهم وكأن شيئاً لم يكن ، فالمسألة لاتستحق هذا التشنج في الآراء والتصلب في المواقف واستخدام التعابير الجارحة التي قد تبقي لها أثراً في النفس لفترات طويلة ونحن في غنىً عن التلفظ بها أو استخدامها بحق أحد من أهلنا.

لذا أرجو أن يتم التزام الشروط العامة للمنتدى وعدم التعريض بأي من الشخصيات وأن نحسن استخدام حريتنا في التعبير بشكل يعبر عن قيمنا وثقافتنا.

لكل شخص حريته التامة في مايراه مناسباً من أفكار وقناعات وخيارات يلتزمها، لكننا لم نكن لنسمح بحال من الأحوال أن يتم إساءة استخدام هذه الحرية التي نجلها ونقدرها.

أرجو أن يتم النقاش بعيداً عن تناول ذوات الأشخاص أو التعريض بهم فضلاً عن التعرض لهم بإساءة وأن نلتزم مع بعضنا البعض أدب الحوار والنقاش وأن ننصرف لمناقشة الأفكار والطروحات ومايرافق هذا الاستحقاق من أجواء وظروف وتحركات ونشاطات.

وألفت انتباه الجميع إلى أن أي تجاوز للشروط من شأنه أن يعرض صاحبه للإجراء الذي ترتأتيه الإدارة مناسباً، ونتمنى أن لانضطر لذلك ، واللبيب تكفيه الإشارة.

[HARD]

اخي وجدي شكرا لكم ، اخي لماذا السماح بمجهولين الهوية من الكتابة بهذه المواضيع، انه يتعرض للاشخاص في حين انه مجهول الهوية .
ان كان كلامه للصالح العام وهو للتقريب لا للتفريق، فليكشف عن قناعه الذي يرتديه، عندها نعلم ماموقعه وما غمق تفكيره الذي اختبرناه من مشاركاته السابقة.
اعود واطلب عدم السماح لمجهول الوجه من الكتابه بمواضيع تخص البلدية والمختاريه وذلك لنترك مجالا للرد على اي اتهام من صاحب العلاقة فلا درعلى مجهول .

وشكرا على صبركم .

[عبد الله]

أخي وجدي شكرا لكم. كيف تسمحون لمعلومي الهوية بالمشاركة في هذه المواضيع ألا تعلمون مدى الحقد المتولد من جراء مشاركة معلومي الهوية وخير دليل على ذلك الحقد والكره الباطني الخفي الذي نتج عن ومن مشاركات آل الحج محمد.
يا خال أنا لم أوجه اتهام لأحد وكل ما في الأمر اني قلت أننا لن ننتخب سموح لأسباب ذكرتها والناس تراها يوميا فأين الاتهام في أمر يعرفه الناس
اذا كان اسمي معلوم أو لا تفضل ورد على هذا الاتهام
يا خال انا اتهم سموح بأنه من رواد المقاهي وأنتظر منك الرد ؟

[hunter_hunted]

بسم الله والصلات و السلام على رسول الله
لقد استفزني تناقض عبد الله الواضح في كلامه وتصريحاته فأحببت أن أسجل هذه المشاركة ، نرجو أنا ما نكون عام نتقل عليكن ..
أول شيء واضح من خلال مشاركات عبدالله أنه صاحب قضية ،، والدليل على ذلك أنه أول من بادر بفتح الموضوع ، وبدأ بالهجوم على المختار سموح
ما هي هذه القضية ؟؟؟ لنرى معاً ،، أول شي يمكن استنتاجه أن عبدالله هو منتحل صفة ، وصفة القساميون الذي انتحلها ليست عن طيب قلب، فهو يحاول أن يعطي صبغةً إسلامية لكلامه ، ولكن أنى له هذا ،، لقد فضح نفسه ومتل ما بيقولو ما زبطت معو ..
1) فهو قد كذب أكثر من مرة في هذا الموضوع ومن الكذبات التي انفضحت "يا خال نمرة موبايل ما عندوا" "اكيد اشتراه بعد ما سمعتوا حكي وطبيعي ما اعرف لأن بطلت اتعامل معوا "

انى لأهل المساجد والتقوى أن يتكلموا بالكذب على الناس ،،فالكذب ليس إلا أيةً من ايات المنافقين..
٢) لقد إعتمد أسلوب الفضيحة "يا خال انا اتهم سموح بأنه من رواد المقاهي وأنتظر منك الرد ؟" في نفس الوقت الذي ادعى فيه أنه يدعو إلى تطبيق شرع الله ونبذ العصبيات"يا خال انتوا بتحكوا من عصبية قبلية وهاد مرفوض شرعا احكوا من منطق" ،، فأين الشرع في هذا .. ان الذين يدعون إلى شرع الله لا يتتبعون عثرات الأخرين ،، وإذا أرادوا النصيحة فبالحكمة والموعظة الحسنة ،، وإلا فالسكوت أولى، وكلامك إن دل على شيء فهو دليل أنك لم تعش في جو اسلامي أبداً ، ولا تملك أدنى فكرة عن الشرع الذي تدعيه .
هاتين النقطتين كافيتان ولن اتوسع أكثر ..
أما بالنسبة للتناقضات والتكلم بغير علم فحدث ولا حرج،، لقد فتلنا راسنا .. ولكم نبذةً صغيرة .." لذلك يا خال نحن نفضل أخ آخر ملتزم على أن يكون سموح هو المختار الثاني " "ولكن يا خال بما أنه حتى الساعة هذا الأخ الآخر غير متوفر سنطمأنكم أن الشخص الثاني الذي سننتخبه سيكون سموح ان شاء الله " "يا خال سموح ما بينجح وما بدنا اياه ينجح""يا خال ما بتزبط سموح ما بدنا اياه ينجح ونقطة على السطر وهادي مسكة للشوارب " "نلتقي في الثلاثين من الشهر الخامس"
بعد هذا الطرح ليس صعباً أن نستنتج :
١) أخونا يريد إشاعة أن الإسلاميين لا يريدون المختار سموح .. لذلك حبب يعلقون مع بعضن ويقعد يتفرج ويضحك.. وهذا ما إشار هو إليه حين قال"يا خال عملنا طله على الضيعه وسمعنا الناس بتأول كتائب القسام عم تهاجم سموح عبيد "
٢) يريد أن يخلف بين المختار سموح والحاج علي بعد أن تبنى الحاج علي في مشاركته الأولى ،، وذلك ليتيح المجال للمرشح الخفي الذي يتبناه.. وذلك بعد أن تبين أن الأغلبية قد صوتت لإثنين معاً وأن أي حلف بين الحاج علي والمختار سموح سيضرب حظوظ مرشحه بصفر

وأخيراً أريد أن أقول لك يا عبدالله أن سموح قد إتخذ من المقهى مكتباً لخدمات الناس ،، وإن كان من قضية تطالب بها فهي أن يدفع سموح الأجرة لصاحب المقهى بدل اجار ، وأقول لك أن الذي أعطى وقته وراحته لخدمه أهل الضيعه ، والذي فتح بيته ومكان عمله للناس ،، لن يضره ما تقول ،، ولن تكافئ الضيعه المنيح إلا بالأحسن
وبرجع بألك متل ما إنت قلت "نلتقي في الثلاثين من الشهر الخامس" إن شاء الله

[عبد الله]

يا خال لقد أتعبت نفسك
لست صاحب قضية وبادرت بفتح الموضوع لعدم توفر موضوع يخص المخترة ثم إن صفة قساميون مقترنة بهذا الاسم منذ أكثر من سنة
يا خال لست أدعوا الى الله في هذا المنتدى فلم أشارك في موضوع يدل على أني داعي
والظاهر ما ظبطت معك
يا خال الفضيحة في ما يخفي الشخص عن الناس فأين الفضيحة في ما ذكرت ؟
يا خال لم أتبنى على الظنط إنما الشارع الغير ملتزم تبناه قبل الملتزم
يا خال لو كنت اريد بث اشاعة بين الاسلاميين وتعليقهم ببعض كان الأفضل أن أشن حملتي على علي كنت لأوفق أكثر
وبما أنك أكدت الفضيحة باتخاذه المقهى مكتب له فلينتخبه من يرضى بذلك ولنا مع الانتخابات موعد

[وسيم أحمد الفلو]

تأكد اليوم أن للقلمون ثلاث مختارين

[وسيم أحمد الفلو]

بدأت الترشيحات الرسمية للبلدية والمختارية، فهل لدى الإخوة أسماء المرشحين الرسميين؟