دورة مميزة...رح تفيد الكل

[shanzimer6]

السلام عليكم ورحمة الله وبركاته:
كيفكن يا أعضاء؟ سؤالي هالمرة, أو طلب إذا بدكن تسموه, يا ريت تعملولنا دورة خاصة ببرامج الكمبيوتر( منو البرمجة يا أرايب! ). يعني متل ما الكل بيعرف انو في كتير أشياء مهمة وعم تلزملنا بحياتنا المهنية التطبيقية, والكمبيوتر موسوعة ورفيق... بس المشكلة يمكن ضعف أو لا مبالاة أو من نحنا وصغار ما حدا اهتم بهالجانب من التعليم(حتى لو تعلمنا بمدارسنا, بس ليس بالشيء الذي يخدم أهدافنا وتطلعاتنا المستقبلية ومشاريعنا التخرجيّة) أو....فيا ريت تتكرمو علينا تعلمونا شي شغلة مفيدة ( في كتير أشياء عم نتعلما منا عم تفيدنا...إنا لله وإنا إليه راجعون).
بالنسبة للبرامج, ما عندي مشكلة أيش ما كانت, اعملو استفتاء وشوفو يلي أكتر شي مطلوب.
إن شاء الله يتّاخد الموضوع عمحمل من الجد, وليس من الهزل, وتاخدو كلامي بعين الاعتبار....الله يوفقكم لما يحبه ويرضاه, وجعلها في ميزان حسناتكن...
ولكم مني فائق الاحترام والتقدير...
والسلام عليكم

[samer kouta]

ma3aiki 7a22 bi kalemek, wa ana awwel wa7ad mest3edd ysa3ed,
li2ann fih ktir bel montada bya3erfou ye7kou
bass mabya3refou yesta3mlou al computer


wa ana jehez
mawdou3 3anjadd mouhemm

[shanzimer6]

شكراً على الردّ, وعقبال الباقيين

[الزاهر]

أنا مستعد علم مين ما كان كلشي بعرفو
Illustrator يعني Vector Illustration وكل التقنيات اللازمة

Photoshop كلشي الواحد المفروض يعرفو ليعمل Rtouching عالصور وتزبيط الألوان والاضائة بشكل مبدأي ورسم الأشكال وهالأصص

swishmax منشان Flash Animation لكن بشكل Basic لأن هاد البرنامج مش متطور كتير متل Adobe Flash لكن كتير حلو الشغل عليه

Computer basics من كل وادي عصا........كيف بتعمل فورمات .......الشغلات الأساسية........خفايا الوندوز......لكن حضرتي بعرف الـ XP والـ Vista حصرا....لأن ما بحياتي شاغل على شي أبلن!!!!

Forums يعني كيف بيستخدمو المنتديات.....من تنسيق نصوص لإرفاق صور ....كلشي!!!

Audio Editing باستخدام Sound forge و Adobe Audition أو النسخة البسيطة منو اللي اسمها Adobe Sound Booth

Basic Video Editing كونو صرلي زمان ماني شاغل مونتاج......باستخدام Sony Vegas أو البرنامج المبسط اللي اسمو Ulead Video Studio

اللي بدكم ياه ما عدا البرمجة!!!!

لكن افضل إنو تكون على كمبيوتر......لأن إذا هون عالمنتدى فما بعتقد رح اقدر....شوفو الساحة التعليمية......كانت فكرتي بالبداية.......لكن بسبب الانشغال.......حتى نادين......والكل......الساحة حاليا شبه ميتة!!!!

فاللي حابب يتعلم أي شي من اللي سبق وذكرتو.......يتصل فيني ومنشوف كيف مندبرها!!!
بركا منتفق مع كم واحد وواحدة يعلمولنا الشباب والصبايا اللي بيعرفوه.....ساعتها منعملها دورة!!!........منعلم فيها.......ومنتعلم!!!

يالله.....ناطر كم واحد لنشوف شو بيطلع معهم افكار!!!!

[HARD]

انا بس فيني ان اجد الكتب السهلة وبجميع اللغات عن يلي بدكن ياه من البرامج المشهورة لادوبي مثلا
واستطيع وحسب الوقت ان اجاوب على اي شئ غير مفهوم او فكرة او تطبيق .

اما مع للاسف ما معي وقت اعمل درس مع الصور بس فيني امن دروس كما اسلفت كتير سهلة ومفيدة ومهمة .

[shanzimer6]

الله يبارك فيكن جميعاً, ان شاء الله عن قريب... زاهر مدري ليش بحسّك دائماً عم تحكي هندي؟ :d
إذا هدا هوا العلم يلي بدنا نتعلمو, اعملولنا دورة كيف نفهم هالأشياء بعدين بلشو بالأساس...وشكراً على مشارتكم وأخذ الموضوع بعين الاعتبار....
والسلام عليكم